नळदुर्ग शहरात अनेक विकासाची कामे होत असून यात मुखत्वे पाणी पुरवठा योजनेचे काम व त्यासाठी लागणाऱ्या पाण्याच्या टाक्याचे काम पुर्णत्वाच्या मार्गावर आहे. त्यामुळे नळदुर्ग शहराला आता नियमित पाणीपुरवठा होणार आहे. त्यात अनेक भागात रस्ते, गटारी याचे कामे झाली . अनेक भागात आमदार राणाजगजितसिंह पाटील यांच्या माध्यमातून आरो प्लॅट उभे केले गेले. येणाऱ्या काळातही शहरात अनेक भागात विकासाची कामे केली जाणार आहेत. यासाठी आमदार पाटील यांच्या सहकार्याने निधीची कमतरता भासू देणार नाही. शहरातील नागरिकांनी याचे देही, याचे डोळा हे होत असलेली कामे पाहिली आहेत. त्यामुळे या निवडणुकीत जनता कोणत्याही प्रलोभनाला बळी न पडता भारतीय जनता पार्टीच्या पाठीशी खंबीर पने उभी राहील असे प्रतिपादन भाजपचे नगराध्यक्ष पदाचे उमेदवार बसवराज धरणे यांनी केले.
याप्रसंगी नय्यर जागीरदार शिवाजी व-हाडे, साहेबराव घुगे ,सुनील उकंडे ,दीपक आलुरे ,दत्तात्रेय दासकर आदीसह अनेकांनी मनोगत व्यक्त केले.कार्यक्रमास विलास राठोड, दत्ता राजमाने, भिमाजी घुगे ,श्रमिक पोतदार उमेदवार सुमन ठाकूर, मिनाक्षी काळे,शंकर वाघमारे कार्यकर्ते, नागरिक आदी उपस्थित होते.
