भाजप- सेनेच्या डिजिटल हायटेक प्रचाराने शहरवासियांचे वेधले लक्ष ; विकास कामाची माहिती चलचित्र पाहण्यास गर्दी
नळदुर्ग, दि.२५ :
नळदुर्ग नगरपालिकेची निवडणूक होत असली तरी त्याला विधानसभेच्या निवडणुकीसारखे स्वरूप प्राप्त झाले आहे. यासाठी मोठमोठ्या नेत्याच्या प्रचारसभेच्या रणधुमाळीने संपूर्ण शहर दणाणून गेले आहे. भाजप -सेना नगराध्यक्षपदाचे उमेदवार बसवराज (अप्पा) धरणे यांनी आपल्या २० नगरसेवक उमेदवारांच्या प्रचारार्थ डिजिटल हायटेक प्रचार यंत्रना राबविताना दिसत आहे. या यंत्रणेने मतदाराचे लक्ष वेधून घेतले आहे. यात आतापर्यंत आमदार राणाजगजितसिंह पाटील यांनी शहराला दिलेला विकास निधी व त्या निधीतून झालेली विकासकामे व प्रगतीपथावर असलेली विकास कामे, तसेच पुढील विकासाचे नवीन व्हिजन यांची विस्तृत माहिती दिल्याने. जनतेचा कल सध्या डिजिटल हायटेक प्रचार यंत्रणेकडे असल्याचे दिसून येत आहे.
बसवराज धरणे हे युवा नेतृत्व आहे. मुळात धरणे कुटुंबियांची नाळ ही फार वर्षांपासून सामाजिक कार्याशी संलग्नित अशीच आहे. १९७२ साली पडलेल्या दुष्काळात त्यांचे आजोबा स्व. बसवनप्पा सांबप्पा धरणे यांनी आपल्या शेतातली धान्य गोरं गरीबांना देवुन मदत केल्याच्या आठवणींना उजाळा दिले जात आहे . अन तिथूनच त्यांच्या सामाजिक कार्यास सुरुवात झाली आणि ती आजही चालूच आहे. सामाजिक, शैक्षणिक ,धार्मिक कार्यात त्यांचे मोलाचे योगदान असल्याचे सर्वश्रुत आहे.
