बंजारा समाजातील गुणवंतांचा होणार भव्य गौरव;दहावी-बारावी, NEET, राज्यस्तरीय स्पर्धांतील यशस्वी विद्यार्थी व शासकीय सेवेत निवड झालेल्यांना संधी; १५ ऑगस्टपर्यंत ऑनलाइन नोंदणी
धाराशिव, दि. ८ ऑगस्ट :
बणजारा विरासत संघाच्या वतीने बंजारा समाजातील विविध क्षेत्रांत उल्लेखनीय यश संपादन करणाऱ्या गुणवंतांचा भव्य गौरव सोहळा आयोजित करण्यात येणार आहे. शिक्षण, स्पर्धा परीक्षा, क्रीडा आणि शासकीय सेवेत यश मिळवलेल्या गुणवंतांचा सन्मान करून समाजातील नव्या पिढीला प्रेरणा देण्याचा या उपक्रमामागील उद्देश आहे.
या गौरव सोहळ्यासाठी इयत्ता दहावी व बारावीच्या परीक्षेत ८० टक्के किंवा त्यापेक्षा अधिक गुण मिळवलेले विद्यार्थी, NEET परीक्षेत ४०० किंवा त्यापेक्षा अधिक गुण प्राप्त केलेले विद्यार्थी, राज्यस्तरीय विविध स्पर्धांमध्ये उल्लेखनीय कामगिरी करणारे विद्यार्थी तसेच सन २०२४, २०२५ व २०२६ या कालावधीत शासकीय सेवेत निवड झालेले अधिकारी व कर्मचारी पात्र ठरणार आहेत.
या उपक्रमासाठी १ ऑगस्ट ते १५ ऑगस्ट या कालावधीत ऑनलाइन नोंदणी सुरू असून इच्छुकांनी www.bnajaravirasat.org.in या संकेतस्थळावर जाऊन आपली नोंदणी करावी. अधिक माहितीसाठी ८०५५८८८८५५, ९३२६००२८८५ किंवा ७६७८०७६२०५ या क्रमांकांवर संपर्क साधावा.
मृदसंधारण मंत्री ना. संजय राठोड यांचे समर्थक सचिन राठोड यांनी धाराशिव जिल्ह्यातील बंजारा समाजातील सर्व पात्र विद्यार्थी, अधिकारी व कर्मचाऱ्यांनी या गौरव सोहळ्याचा लाभ घेऊन वेळेत नोंदणी करावी, असे आवाहन केले आहे.
▪️ पात्रता एका नजरेत
दहावी व बारावी परीक्षेत ८०% किंवा त्यापेक्षा अधिक गुण
NEET परीक्षेत ४०० किंवा त्यापेक्षा अधिक गुण
राज्यस्तरीय स्पर्धांमध्ये उल्लेखनीय कामगिरी
सन २०२४, २०२५ व २०२६ मध्ये शासकीय सेवेत निवड झालेले अधिकारी व कर्मचारी
▪️ नोंदणीची माहिती
कालावधी : १ ऑगस्ट ते १५ ऑगस्ट
संकेतस्थळ : www.bnajaravirasat.org.in
संपर्क : ८०५५८८८८५५ / ९३२६००२८८५ / ७६७८०७६२०५
