या विमा योजनेच्या लाभार्थी पात्रतेच्या निकषानुसार शेतकरी हा महसूल नोंदणीनुसार खातेदार असला पाहिजे. त्यांच्या वारसदारामध्ये शेतक-याची पत्नी किंवा मृत शेतकरी पत्नीचा पती तसेच त्यांची अविवाहित व विवाहित मुलगा, मुलगी, आई, नातवंडे या वारसदारांना विम्याची रक्कम अनुज्ञेय आहे.
शेतक-याचा अपघाती मृत्यू झाल्यास, दोन डोळे अथवा अन्य दोन अवयव निकामी झाल्यास तसेच एक डोळा व एक अवयव निकामी झाल्यास एक लाख रुपये नुकसान भरपाई व एक डोळा अथवा एक अवयव निकामी झाल्यास पन्नास हजार रुपये नुकसान भरपाई मिळू शकते.
शेतकरी जनता अपघात विमा प्रस्ताव सादर करण्याची जबाबदारी गावातील कृषी सहाय्यकास देण्यात आलेली आहे. सोलापूर जिल्ह्यात सन २०११-१२ या आर्थिक वर्षात सप्टेबर अखेर पर्यंत या योजनेतंर्गत ११५ दावे दाखल झाले असून ५६ मंजुर झाले आहेत तर इन्शुरन्स कंपनीकडे ३९ प्रस्ताव सादर करण्यात आले आहेत. त्यामुळे जास्तीत जास्त शेतक-यांनी यात सहभागी होण्याची गरज आहे.
* रुपाली गोरे
जिल्हा माहिती कार्यालय, सोलापूर
