शिधापत्रिका धारकांसाठी बीपीएल योजनेअंतर्गत गहू प्रतिकिलो ५ रुपये दराने २० किलो, तांदुळ ६ रुपये दराने १५ किलो, अंत्योदय योजनेत गहू २ रुपये दराने २० किलो, तांदुळ ३ रुपये दराने १५ किलो, अन्नपुर्णा योजनेअंतर्गत गहू, तांदुळ प्रतिकार्डास १० किलो उपलब्धतेनुसार मोफत, ए. पी. एल. गहू ७ रुपये २० पैसे या दराने प्रतिकार्डास १० किलो, तांदुळ ९ रुपये ६० पैसे दराने प्रतिकार्डास ५ किलो, साखर, अंत्योदय, बीपीएल व अन्नपुर्णा योजनेअंतर्गत प्रति किलो १३ रुपये ५० पैसे या दराने दरडोई ५०० ग्राम निर्धारीत करण्यात आले आहे. बीपीएलधारकांना या महिन्यात गहू ५ रुपये दराने ७ किलो आणि तांदुळ ६ रुपये दराने ५ किलो अतिरिक्त देण्यात येणार आहे.
याशिवाय सवलतीच्या दराने पामतेल ए. पी. एल., बी.पी.एल , अन्नपुर्णा अंत्योदय योजनेतील शिधापत्रिका धारकांसाठी प्रतिलिटरसाठी ४५ रुपये दर निर्धारीत करण्यात आला आहे. त्याचे वाटप उपलब्धतेनुसार होईल. याशिवाय शिधापत्रिकाधारकांसाठी गहू ५ रुपये दराने ७ किलो आणि तांदुळ ६ रुपये दराने ५ किलो अतिरिक्त उपलब्ध करुन दिला जाणार आहे. दरम्यान जिल्हा प्रशासनाने केरोसीनचे तालुकानिहाय विक्रीचे दर कळविले असून ते प्रतिलिटरसाठी पुढीलप्रमाणे आहेत. उस्मानाबाद १५ रुपये ९ पैसे, तुळजापूर १४ रुपये ९९ पैसे, उमरगा १५ रुपये २१ पैसे, लोहारा १५ रुपये १२ पैसे, कळंब १५ रुपये ३३ पैसे, परंडा १५ रुपये २९ पैसे, भूम १५ रुपये ३० पैसे आणि वाशी १५ रुपये ३१ पैसे.
