जिल्ह्यातील सर्व कार्यरत बालगृहांना या स्पर्धेसाठी तसेच महोत्सवासाठी निमंत्रित करण्यात आले होते.बालगृहातील बालके तसेच त्यांच्या सोबतच्या कर्मचाऱ्यांसाठी विठाबाई बालकाश्रम,शाहूनगर तर मुली व महिलांकरीता स्वाधारगृह,आनंदनगर येथे निवास व्यवस्था करण्यात आली होती. जिल्हा क्रीडा संकुलासमोरील महिला व बालविकास विभाग, जिल्हा परिषद यांच्या सभागृहात सर्व संबंधितांसाठी भोजन व नाष्टाची व्यवस्था करण्यात आली होती तसेच या ठिकाणी व स्पर्धा ठिकाणी पिण्याच्या पाण्याची सोयही उपलब्ध करुन देण्यात आली होती. संपूर्ण स्पर्धा पारदर्शक आणि निपक्षपातीपणे पार पाडाव्यात यासाठी विविध स्पर्धांसाठी तज्ज्ञ पंचांची नियुक्ति करण्यात आली होती. कोणत्याही बालकाश्रमाबाबत दुजाभाव न करता ही स्पर्धा यशस्वीपणे पार पाडण्यात आली असे श्री.बिरादार यांनी कळविले आहे.
स्पर्धेच्या खर्चाबाबत तसेच विविध देयकांबाबत निधी प्राप्त होताच तो अदा करण्यात येणार असल्याचे त्यांनी कळविले आहे.
