उस्मानाबाद :- जिल्हयात मे महिन्यातील सार्वजनिक वितरण व्यवस्थेअंतर्गत वितरीत होणा-या अन्नधान्याचे परिमाण खालीलप्रमाणे निर्धारीत केले असल्याचे जिल्हाधिकारी डॉ. के.एम.नागरगोजे यांनी कळविले आहे.जिल्ह्यासाठी एपीएल नियमित योजनेसाठी गहु 1 हजार 702 मेट्रीक टन, बीपीएल योजनेसाठी 2 हजार 444 मेट्रीक टन आणि अंत्योदय योजनेसाठी 1 हजार 104 मेट्रीक टन प्राप्त झाला असून बीपीएल योजनेसाठी तांदूळ 1 हजार 100 मेट्रीक टन तर अंत्योदय योजनेसाठी 430 मेट्रीक टन इतका प्राप्त झाला आहे. शिधापत्रिका धारकांसाठी बीपीएल योजनेअंतर्गत गहू प्रतिकिलो 5 रुपये दराने 25 किलो, तांदुळ 6 रुपये दराने 10 किलो, अंत्योदय योजनेत गहू 2 रुपये दराने 25 किलो, तांदुळ 3 रुपये दराने 10 किलो, अन्नपुर्णा योजनेअंतर्गत गहू/ तांदुळ प्रतिकार्डास 10 किलो मोफत, ए. पी. एल. गहू 7 रुपये 20 पैसे या दराने प्रतिकार्डास 8 किलो उपलब्धतेनुसार, अंत्योदय, बीपीएल व अन्नपुर्णा योजनेअंतर्गत साखर प्रति किलो 13 रुपये 50 पैसे या दराने दरडोई 500 ग्रॅम निर्धारीत करण्यात आले आहे.
याशिवाय सवलतीच्या दराने पामतेल (उपलब्धतेनुसार) ए. पी. एल., बी.पी.एल, अन्नपुर्णा, अंत्योदय योजनेतील शिधापत्रिका धारकांसाठी प्रतिलिटरसाठी 50 रुपये दर निर्धारीत करण्यात आला आहे. त्याचे वाटप उपलब्धतेनुसार होईल.
दरम्यान जिल्हा प्रशासनाने केरोसीनचे तालुकानिहाय विक्रीचे दर कळविले असून ते प्रतिलिटरसाठी पुढीलप्रमाणे आहेत.
उस्मानाबाद 15 रुपये 22 पैसे, तुळजापूर 15 रुपये 11, उमरगा 15 रुपये 33 पैसे, लोहारा 15 रुपये 25पैसे, कळंब 15 रुपये 45 पैसे, परंडा 15 रुपये 41 पैसे, भूम 15 रुपये 42पैसे आणि वाशी 15 रुपये 43 पैसे.
