उस्मानाबाद -: उत्तराखड येथे अतिवृष्टीमुळे (ढगफुटी) जनजीवन व सार्वजनिक संपत्तीचे अतोनात नुकसान झाल्याने जनजीवन पुर्ववत होण्यासाठी तेथील पिडीत लोकांना स्वेच्छा मदत देण्यासाठी उत्तराखंड सरकारने आवाहन केले आहे. मदत करु इच्छिणाऱ्यांनी मुख्यमंत्री राहत कोष उत्तराखंड या नावाने धनाकर्ष (डीडी) काढून तो मुख्यमंत्री कार्यालय, उत्तराखंड सचिवालय परिसर, 4 सुभाष रोड, देहरादून -248001 या पत्त्यावर किंवा ऑनलाईन भरण्यासाठी मुख्यमंत्री राहत कोष खाता संख्या 30395954328 एसबीआय या शाखेत जमा करण्याबाबत कळविण्यात आलेले आहे.
