लोहारा : किरण महादेव मोरे यांचे अल्पशा आजाराने उपचारादरम्यान निधन

लोहारा , दि . ३० : 

     

शहरातील किरण महादेव मोरे (वय 32) यांचे  बुधवार दि.३० जुन रोजी  दुपारी १२ वाजता अल्पशा आजाराने सोलापूर येथे  उपचारादरम्यान निधन झाले आहे. 

त्यांच्या पार्थिवावर सायंकाळी ६ वाजता लोहारा येथील स्मशानभूमीत अंत्यसंस्कार करण्यात आले. त्यांच्या पश्चात पत्नी, दोन मुले, आई, वडील, दोन भाऊ, दोन बहिणी असा परिवार आहे. त्यांच्या निधनाने सर्वत्र हळहळ व्यक्त केली जात आहे.

मुरुम : सेवानिवृत्तीबद्दल वैद्यकीय अधीक्षक डॉ बाबरे यांना निरोप

मुरूम , दि. ३०

मुरूम येथील ग्रामीण रुग्णालयाचे वैद्यकीय अधीक्षक डॉ वसंत बाबरे यांचा सेवाकार्य पूर्ण झाल्याने सेवानिवृत्तीबद्दल त्यांचा रुग्णालय कर्मचारी तसेच शहरातील खासगी डॉक्टर ,राजकीय पदाधिकारी,पत्रकार संघटना तसेच सामाजिक संघटनेच्यावतीने सत्कार करून निरोप देण्यात आला 

ग्रामीण रुग्णालयात दि 30 जून रोजी सेवानिवृत्तीबद्दल वैद्यकीय अधीक्षक डॉ वसंत बाबरे यांचा सपत्नीक सत्कार करून निरोप देण्यात आला यावेळी वैद्यकीय अधिकारी डॉ सत्यजित डुकरे,वैद्यकीय अधिकारी डॉ दाणे, शहरातील डॉ विजयानंद बिराजदार, डॉ नितीन डागा, डॉ शिवकुमार कारडामे, डॉ चिलोबा, डॉ चव्हाण, डॉ महेश स्वामी, माजी नगरसेवक दत्ता इंगळे,ओमशांतीचे  राजुभैय्या , शिवसेनेचे तालुका युवाप्रमुख व नगरसेवक अजित चौधरी,पत्रकार महेश निंबरगे,रवी आंबूसे, सहशिक्षक शिवाजी कवाळे आदीजन उपस्थित  राहून निरोप दिला .

या कार्यक्रमात ग्रामीण रुग्णालया तसेच कोविड केअर सेंटर आणि कंत्राटी आरोग्य कर्मचाऱ्यांनी डॉ बाबरे यांचा सपत्नीक सत्कार केले याप्रसंगी डॉ बाबरे यांनी आरोग्य कर्मचारी तसेच मुरूम वासीयांनी गेल्या १५ वर्षीच्या सेवाकार्यात मोठे सहकार्य केल्याने समाजभावनेतून आरोग्य सेवा करता आले तसेच रुग्णालयाचे  सर्वांगीण  विकास साधता आले अशा  भावना व्यक्त केले. 

प्रा.शिवाजी राठोड यांचा सेवानिवृत्त झाल्याबद्ल सत्कार

               

 

मुरुम,  दि. ३०  : 

प्रदीर्घ सेवेनंतर प्रतिभा निकेतन कनिष्ठ महाविद्यालयातील रसायनशास्त्र विभागातील सेवानिवृत्त प्रा.शिवाजी राठोड बुधवारी (दि.३०) रोजी ३१ वर्ष पूर्ण करुन सेवानिवृत्त झाले. त्यांचा प्रतिभा निकेतन कनिष्ठ महाविद्यालयात प्राचार्य प्रविण गायकवाड यांच्या हस्ते कै.माधवराव पाटील यांची प्रतिमा देवून त्यांचा सत्कार करण्यात आला. 

यावेळी कनिष्ठ महाविद्यालयाचे उपप्राचार्य सुधीर अंबर, सेवानिवृत्त प्रा.राजेश दलाल, प्रा.शोभा पटवारी, प्रा.कल्याणी टोपगे, प्रा.सुधीर नाकाडे, डॉ.रमाकांत पाटील, डॉ.रवि आळंगे, विमा प्रतिनिधी शिवकुमार स्वामी आदींची प्रमुख उपस्थिती होती. 

प्रा.संजय गिरी, प्रा.राजीव शाळू, प्रा.उमाकांत महामुनी, प्रा.शिवाजी राजोळे, प्रा.राजकुमार नाईक, प्रा.नारायण सोलंकर, प्रा.भालेराव, प्रा सुरेश मुर्गे, प्रा.राघवेंद्र धर्माधिकारी, प्रा.सुजित सुर्यवंशी, प्रा.दयानंद राठोड, प्रा.बबलु अंबर, संजय वैरागकर, शिवानंद पाटील, राजू कोळी, दत्ता शेळके आदिंनी पुढाकार  घेतला. सत्काराला उत्तर देताना प्रा.शिवाजी राठोड यांनी आपल्या भावना व्यक्त केल्या. 

यावेळी रसायनशास्त्र विभागातील प्रा.अण्णाराव कांबळे, प्रा.विठ्ठल चलपते यांनी मनोगत व्यक्त केले. सूत्रसंचालन प्रा.करबसप्पा ब्याळे तर आभार प्रा.सतिश रामपूरे यांनी मानले.   

पांगरदरवाडीतील शेतकऱ्यांना पिककर्ज मिळेना,चार महसुली सज्जे असल्याने बँकेला अडचण

तामलवाडी दि . ३० 

 तुळजापूर तालुक्यातील पांगरदरवाडी गावास एक ठरावीक महसुली सज्जा नसल्याने येथील शेतकरी बांधवांना अनंत अडचणींना सामोरे जावे लागत आहे. सध्या खरिप हंगामाचे पिक कर्ज वाटप सुरू असतानाही येथील शेतकऱ्यांना पिक कर्जापासून वंचित रहावे लागत आहे. 

वारंवार बँकाकडे खेटे मारुनही पिक कर्ज मिळत नसल्यामुळे शेतकऱ्यांतुन संताप व्यक्त केला जात आहे. पांगरदरवाडी या गावाचे क्षेत्र सांगवी (काटी), दहिवडी, मसला खुर्द, सावरगाव, माळुंब्रा या पाच महसुली सज्जामध्ये क्षेत्र विभागले आहे. या सज्जाला महाराष्ट्र ग्रामीण बँक, बँक ऑफ महाराष्ट्र, भारतीय स्टेट बँक, बँक ऑफ इंडिया आदि बँका दत्तक आहेत. पांगरदरवाडी या गावचा संपुर्ण आर्थिक व्यवहार हा महाराष्ट्र ग्रामीण बॅक शाखा सांगवी (काटी) या शाखेतुन चालतो. या बहुतांश गावातील सर्वच बचत खाती या बँकेत आहेत. असे असताना बँकेच्या कार्यक्षेत्राबाहेरील सज्जा असल्याचे कारण देत दहिवडी, मसला खुर्द, सावरगाव या महसुली सज्जात जमिन असणाऱ्या शेतकऱ्यांना पिककर्ज मिळणे कठिण झाले आहे. 

पांगरदरवाडी गावातील सर्व शेतकऱ्यांना महाराष्ट्र ग्रामीण बॅकेच्या सांगवी (काटी) या शाखेतुन पिक कर्ज मिळावे अशी मागणी येथील शेतकऱ्यांनी जिल्हा अगृनी बँकेकडे केली आहे.

विजय निंबाळकर, सरपंच पांगरदरवाडी

आमचा गावचा सर्व व्यवहार हा महाराष्ट्र ग्रामीण बँकेत आहे. अनेक शेतकऱ्यांच्या या बँकेत ठेवी आहेत. असे असताना येथील शेतकऱ्यांना पिक कर्ज मिळेनासे झाले आहे. हे दुदैव आहे. आम्ही जिल्हा अगृनी बँकेकडे यासंदर्भात पत्रव्यवहार केला आहे. वरिष्ठ अधिकाऱ्यांनी तात्काळ याकडे लक्ष द्यावे अन्यथा आम्ही लवकरच आंदोलन करणार आहोत.

बालाजी शिंदे, शेतकरी पांगरदरवाडी

अनेक दिवसांपासून आम्ही पिककर्जासाठी बँकेकडे जात आहोत. मात्र, आम्हाला पिककर्ज दिले जात नाही. आमच्या गावाजवळ असलेल्या सांगवी काटी बँकेतुन आम्हाला कर्ज पुरवठा व्हावा. 

 

एकल महिला संघटनेच्या वतीने विविध मागण्यासाठी जिल्हाधिकारी कार्यालयावर ताट ,वाटी आंदोलन

उस्मानाबाद ,दि. ३० : 

एकल महिला संघटनेच्या वतीने विविध मागण्यासाठी बुधवार दि.३० जुन  रोजी जिल्हाधिकारी कार्यालयावर ताट ,वाटी आंदोलन करण्यात आले. आले. महिलानी मोर्चा काढून जिल्हाधिकारी  याना निवेदन   दिले.

एकल महिला संघटना गेल्या 5 वर्षा पासून उस्मानाबाद जिल्ह्यातील 83 गावात महिलांच्या प्रश्नावर काम करते. पुढील मागण्यासाठी बुधवारी मोर्चा  काढण्यात आला .

वाढती महागाई कमी करण्यात यावी,

 घरेलू कामगार महिलांची घरेलू कामगार महिला म्हणून रितसर नोंदणी झाली पाहिजे , एकल महिलांची पेन्शनचा प्रश्न लवकरात लवकर निकाली काढावा, भाजी विकणार्यांना भाजी ओटा तयार करून देण्यात यावा, वरवंटी गावात महामंडळची बस सुरू व्हावी, 

यामोर्चासाठी उस्मानाबाद तालुका अध्यक्ष प्रतिभा मेटे तालुका सचिव कांता शिंदे व लक्ष्मी वाघमारे,महानंदा चव्हाण,अनिता नवले,आश्विनी शेळके,अनुसया सरवदे सुरेखा भोसले व सर्व  महिला प्रतीनिधीनी  पुढाकार घेऊन बुधवार दि.३० जुन  रोजी जिल्हाधिकारी कार्यालयावर मोर्चा काढून जिल्हाधिकारी  याना निवेदन  देण्यात आले..

केमवाडी येथील जि.प. शाळेचे मुख्याध्यापक चंद्रकांत काळे यांचा सेवानिवृत्ती निमित्त सत्कार

काटी दि.३० 

तुळजापूर तालुक्यातील केमवाडी येथील जिल्हा परिषद प्राथमिक शाळेचे  मुख्याध्यापक चंद्रकांत काळे नियत वयोमाना नुसार जून अखेर सेवानिवृत्त झाले. या सेवा निवृत्ती निमित्त येथील शिक्षक वृंदानी त्यांच्या सत्काराचे आयोजन  केले होते. 

तुळजापूर पंचायत समितीचे गट शिक्षणाधिकारी अर्जुन जाधव यांच्या शुभ हस्ते व शाळा व्यवस्थापन समितीचे अध्यक्ष सर्जेराव पाटील, उपसरपंच गौरीशंकर नकाते यांच्या उपस्थितीत चंद्रकांत काळे यांचा सपत्नीक सत्कार केले.  याप्रसंगी कोवीडचे सामाजिक अंतर राखत हा  कार्यक्रम  करण्यात आला. याप्रसंगी काटी केंद्राचे केंद्र प्रमुख संजय सोलनकर प्रमुख पाहुणे म्हणुन उपस्थित होते. 

 

सुरूवातीला गट शिक्षणाधिकारी अर्जुन जाधव यांच्या हस्ते वृक्षारोपण करून सत्कार  करण्यात आला. या वेळी गट शिक्षणाधिकाऱ्यांनी आपल्या मनोगतात सेवानिवृत्त मुख्याध्यापक काळे यांनी सेवा कालावधीत केलेल्या उत्कृष्ट कार्याबद्दल कौतुक करुन उपस्थित शिक्षकांना मार्गदर्शन केले. यावेळी  बापू काळे , कांचन काशिद यांनी मनोगत व्यक्त केले .प्रास्ताविक विठ्ठल निचळ  तर उपस्थितांचे आभार हरिश्चंद्र खेंदाड यांनी मानले.

          

या वेळी हरिश्चंद्र खेंदाड, सुधीर जाधव , मनीषा एखंडे, वंदना आलमद , श्रीकांत राक्षे, कांचन काशिद , प्राजत्का लालबोंद्रे, विष्णू ताटे शाळा व्यवस्थापन समितीच्या सदस्या  अंजना ताटे,  इत्यादी उपस्थित होते.

तुळजापूर नूतन पोलीस निरीक्षक काशीद यांचा सत्कार

तुळजापूर दि ३० : 

तुळजापूर पोलीस स्टेशनचे नुतन पोलीस निरीक्षक अजिनाथ काशीद यांनी तुळजापूर पोलीस स्टेशन कार्यालयात पदभार स्वीकारल्यानंतर शहरातील सामाजिक संस्थेच्या तिने त्यांचा स्वागतपर सत्कार करण्यात आला.

 याप्रसंगी कोरोना आपत्कालीन परिस्थिती बाबत पोलीस प्रशासनाच्या वतीने संसर्ग रोखण्यासाठी करण्यात आलेले प्रयत्न आणि त्याचे परिणाम या संदर्भातील याप्रसंगी अनौपचारिक चर्चा करण्यात आली.  रुग्णसेवा समितीचे सदस्य आनंद कंदले यांनी या अनुषंगाने उपस्थितासोबत चर्चा केली. यावेळी पोलीस उपनिरीक्षक रोटे , उपनिरीक्षक चव्हाण , रत्नदिप भोसले, अनिल पवार उपस्थित होते.

लोहारा: लोकमंगल विरूध्द शेतकऱ्यांच्या थकीत बिलासाठी राष्ट्रवादी करणार आंदोलन

लोहारा दि . ३० : 

कारखान्याला ऊस पाठवून आठ महिने झाले तरी अजून ही लोहारा येथील लोकमंगल साखर कारखान्याने शेतकऱ्यांचे पैसे दिले नाहीत. अगोदरच कोरोनाने मेटाकुटीस आलेला शेतकरी पेरणीसाठी हवालदिल झाला असून हक्काचे पैसे ही मिळत नसल्याने उध्वस्त झाला आहे.

आता याविरूध्द राष्ट्रवादी कॉग्रेस तीव्र आंदोलन करणार असल्याचे निवेदन राष्ट्रवादी कॉग्रेस पक्षाचे जगादिश पाटील यांनी तहसिलदारांना दिले आहे.

घराघरात कोरोनाचे पेशंट निघत असताना शेतकऱ्यांना खासगी सावकारांचे उंबरठे झिजवावे लागले . परंतु पोटाला चिमटा मारून कष्टाने पिकवलेल्या ऊसाचे पैसे मिळालेच नाहीत.आता पेरणीसाठी उदारीने बि - बियाने ,खते किटकनाशके सारख्या इतर बाबीसाठी बळीराजा हवालदिल झाला आहे. 

उस्मानाबाद जिल्हा शेतकरी आत्महत्यांसाठी देशात आघाडीवर आहे.एका माजी सहकारमंत्र्यांच्या कारखान्याने शेतकऱ्यांची एवढी पिळवणूक करावी ही बाब योग्य नाही.शेतकऱ्यांच्या सहनशिलतेचा अंत पाहू नये.

निवेदन देताना जिल्हा कोषाध्यक्ष जगदिश पाटील,राष्ट्रवादी शहर अध्यक्ष आयुब शेख,तौफिक कमाल,ताहेर पठाण,सरफराज इनामदार ,अमित कांबळे आदी उपस्थित होते.

लोहारा : ग्रामसेवकाना मुख्यालय राहण्यासाठी सक्ती करण्याची राष्ट्रवादीची मागणी

लोहारा दि . ३० 

      

तालुक्यातील सर्व ग्रामसेवकाना मुख्यालय राहण्यासाठी सक्ती करावी अशी मागणी राष्ट्रवादी काँग्रेस पार्टीचे शहराध्यक्ष आयुब शेख यांनी  ग्रामविकास मंत्री ना हसन मुश्रीफ व गटविकास अधिकारी यांच्याकडे (दि.२९) निवेदनाद्वारे केली आहे.

      

ग्रामविकास मंत्र्यांना पाठवलेल्या निवेदनात म्हंटले की, लोहारा तालुक्यात कोरोनाचा प्रादुर्भाव मोठ्या प्रमाणात वाढत आहे. रात्रीच्या वेळी कोरोना रुग्णाचा मृत्यु अथवा उपचारासाठी पाठविण्यासाठी खूप मोठी अडचण निर्माण होत आहे. ग्रामपंचायतकडुन कोरोना रुग्णाच्या अंत्यविधीसाठी खर्च केला जात नसल्याच्या अनेक तक्रारी येत आहेत. तालुक्यातील अनेक ठिकाणच्या स्मशान भूमी, कब्रस्थान, यामध्ये जाण्यासाठी रस्ता, व दिवाबत्तीची सोय नसल्याने व सध्या पावसाळ्याचे दिवस असल्याने यामध्ये काटेरी झुडपे, साप, विंचू अन्य प्राणी यांचा वावर मोठ्या प्रमाणात असल्याने नागरिकांच्या जिवितास धोका निर्माण होण्याची शक्यता नाकारता येत नाही.  जर भविष्यात तालुक्यातील एकाही नागरिकांच्या जिवितास धोका निर्माण झाल्यास त्यास सर्वस्वी जबाबदार शासन राहील. अनेक ठिकाणी कोरोना रुग्णाची अंत्यविधी करताना रुग्णाच्या कुटूंबियांना नातेवाईकांना नाहक त्रास सहन करावा लागत आहे ही अत्यंत खेदाची बाब आहे.

शासन धोरणानुसार ग्रामसेवक व ग्रामविकास अधिकारी मुख्यालयी राहणे बंधनकारक असतानाही जवळपास बहुतांश ग्रामसेवक व ग्रामविकास अधिकारी मुख्यालयी राहत नाहीत. ते लातूर, उस्मानाबाद व अन्य ठिकाणाहून येतात व मुख्यालयी राहत असल्याचे खोटे भासवून शासकीय भाडे घेतात व खोटा व बनावट भाडेपठा देऊन शासनाची लूट केल्याचे निदर्शनास येत आहे.

      त्यामुळे याप्रकरणी गाव निहाय चौकशी करुन अहवाल मागवण्यात यावा, स्थळ पंचनामा करण्यात यावा व मुख्यालयी न राहणाऱ्या ग्रामसेवक व ग्रामविकास अधिकारी यांच्यावर योग्य ती प्रशासकीय कार्यवाही करण्यात यावी असे निवेदनात म्हंटले आहे.  या निवेदनावर राष्ट्रवादीचे शहराध्यक्ष आयुब शेख यांची स्वाक्षरी आहे.

तुळजापूर तालुक्यातील किलजचे माजी उपसंरपच बाबुराव येलुरे यांचे निधन

जळकोट,दि. २९ : 

येथून जवळच असलेल्या किलज येथील माजी उपसरपंच बाबुराव रेवण येलुरे( वय-६५)यांचे दि.२८(सोमवार) रोजी उस्मानाबाद येथे एका रुग्णालयात उपचार सुरू असताना सायंकाळी ६:३० च्या सुमारास अल्पशा आजाराने दुःखद निधन झाले.   

 त्यांच्या पश्चात पत्नी,दोन मुली, एक मुलगा,सून,नातवंडे,असा परिवार आहे.ते किलजचे माजी उपसरपंच होते.

आपली बँक आपल्या गावी गुळहळ्ळी ता. तुळजापूर येथे पीक कर्ज शिबिर संपन्न

नळदुर्ग, दि. २९ :

 आपली बँक आपल्या गावी

मौजे गुळहळ्ळी ता. तुळजापूर  येथे स्टेट बँक ऑफ इंडिया शाखा नळदुर्ग यांच्या वतीने पीक कर्ज नवे जुने  करण्याचे शिबिर गुळहळ्ळीचे  सरपंच सौ मिरा सचिन घोडके यांच्या अध्यक्षतेखाली व बँकेचे

व्यवस्थापक  निर्माण पारकर , क्षेत्रीय अधिकारी सुखविंदर सिंग , सौ मेघना तेंडुलकर , निळकंठ राठोड

यांच्या प्रमुख मार्गदर्शनाखाली आयोजित करण्यात आले. यावेळी गुळहळ्ळी गावातील ज्या शेतकऱ्यानी  2018-2019 -  2019-2020 या आर्थिक वर्षी पिक कर्ज घेतले आहे त्यांना त्यांचे 

पिक कर्ज नवे-जुने करणे, पिककर्ज वाढवून देणे, पिक कर्ज शासनाच्या नवीन धोरणा नुसार  शुन्य टक्के  व्याज दरात वर्ग करणे, अटल पेन्शन, प्रधानमंत्री जीवन ज्योती विमा काढणे अशाप्रकारे सर्व जनतेशी व शेतक-याशी निगडीत  काम या शिबिरात करण्यात आले.  यावेळी ग्रामसेवक एम सी निलगार ,उपसरपंच खाजाबी पटेल , ग्रामपंचायतचे सदस्य, गावातील सर्व शेतकरी व गावकरी मोठ्या संख्येने उपस्थित होते.

 गुळहळ्ळी येथे 2019-2020 या आर्थिक वर्षी 1 कोटी 47 लाख रुपये पिक कर्जाच्या रुपात वाटप केले होते .  त्या सर्व शेतकऱ्यांना या शिबिराचा फायदा होणार आहे. सदरील शिबिरात आलेल्या सर्व शेतकऱ्यांना व ग्रामस्थांना सॅनिटायझर व मास्कचे वाटप  करण्यात आले.

 हे शिबीरामुळे गावातील सर्व शेतकऱ्यांनी बँकेच्या सर्व कर्मचाऱ्यांचे आभार मानून समाधान व्यक्त  केले. सदरील शिबीर हे भाजपा युवा मोर्चा  जिल्हा सरचिटणीस सचिन घोडके यांनी आयोजित केले होते. या कार्यक्रमाचे सूत्रसंचालन गुंडू पटेल यांनी तर अरविंद पाटिल यांनी आभार मानले.

अणदुर ता. तुळजापूर शिवा डिजिटल मध्ये मोफत कायदेशीर मार्गदर्शन सल्ला

अणदूर , दि. २९ 

तुळजापूर तालुक्यातील अणदूर येथे शिवा डिजिटल मध्ये मोफत कायदेशीर मार्गदर्शन केंद्र सुरु झाले आहे ई गव्हर्नर सर्व्हिसेस इंडिया लिमिटेड मिनिस्ट्री ऑफ इलेकट्रोनिकक्स ऍड इन्फर्मेशन टेक्नोलोंजि ऑफ इंडिया न्यू दिल्ली मार्फत विभाग भारत सरकार यांच्या मार्फत आता ग्रामिण भागात कायदेविषयक मोफत सल्ला सर्वजण घेऊ शकतात.

 तुळजापूर तालुकामध्ये अणदूर येथील शिवा डिजिटल नागरिक सेवा केंद्र कॉमन सर्व्हिस सेंटर येथे २९ जुन पासून शुभारंभ करण्यात आला आहे व गावक -यांकडून  या सुविधेचा लाभ घेतला जात आहे.  विविध विषयावर योग्य कायदेशीर मार्गदर्शन सल्ला नागरिकांना व्हिडिओ कॉलद्वारे उपलब्ध झाल्याने विविध समस्या गामीण भागातील दूर होणार आहेत. याच ठिकाणी आपले सरकार  सेंटर असल्याने गावातील शेतकऱ्यांना  मोठी सुविधा एकाच ठिकाणी उपलब्ध झाली आहे.

संभाजीे ब्रिगेडचे रस्त्यावरील खड्ड्यात बेशरमाची झाडे लावुन कळंब येथे आंदोलन

 

कळंब दि. २९ : 

मेघा ईजीनीरीगं कंपनी  व महाराष्ट्र राज्य रस्ते विकास महामंडळ यांचा निषेधार्थ खामगाव-पंढरपूर महामार्ग या रस्त्याचे काम अनेक ठिकाणी रखडलेल्या अवस्थेत आहेत, कळंब येथे एका लेन रस्त्याचे काम पुर्ण एक साईड अर्धवट अवस्थेत ठेवली आहे . यामुळे छञपती शिवाजी महाराज चौक कळंब येथे रस्त्यावर  मोठ मोठे खड्डे पडुन त्यामध्ये पावसाचे पाणी साचलेले आहे .त्यामुळे वाहतूकीस अडथळे निर्माण होत आहेत.  व अपघाताचे प्रमाण वाढले आहे.  यांच्या  निषेधार्थ संभाजी ब्रिगेडच्या वतीने  खड्ड्यात   बेशरमाची झाडे लावुन  गांधीेगीरी मार्गाने निदश॔न केले. 

 या वेळी घोषणा देऊन 

मेघा ईजीनीरीगं कंपनी व महाराष्ट्र राज्य रस्ते विकास महामंडळ यांचा जाहीर निषेध केला. 

यावेळी संभाजी ब्रिगेड प्रदेश संघटक अतुल गायकवाड छञपती शिवाजी महाराज मुस्लिम ब्रिगेड कळंब तालुका अध्यक्ष इम्रान मिर्झा, संभाजी ब्रिगेड शहर उपाध्यक्ष प्रशांत गायकवाड,मराठा सेवक अभयसिंहराजे आडसुळ, स्वप्निल बरकसे, गोरख सौदागर,प्रतिक आडसुळ, सागर देवकर आदी उपस्थित होते.

तुळजापूर : हाद्दवाढ झालेल्या भागाला नागरी सुविधा द्या - युवा सेनेची मागणी

तुळजापूर दि . २९ :

तुळजापूर शहरातील शामप्रसाद मुखर्जी गृह सोसायटी , हनूमान नगर या हद्धवाढ  झालेल्या भागातील नागरिकांच्या समस्याबाबत  युवा सेनेच्या वतीने नगराध्यक्ष सचिन रोचकरी यांना निवेदन देण्यात आले.

हदवाढ भागील नागरिकांची मोठया प्रमाणात हेळसांड होत आहे, शामाप्रसाद मुखर्जी सोसायटी, हनुमान नगर परिसरात चोरांचा सुळसुळात, त्याच बरोबर रस्ते , गटारी , पिण्याचे पाणी, नळ योजना , लाईट त्याच बरोबर घाणीचे सामराज्य अशा अनेक समस्यांना तोंड द्यावे लागत आहे . 

मध्यरात्री १ च्या दरम्यान धारधार शस्त्र घेऊन अज्ञात व्यक्ती फिरताना दिसतात यामुळे परिसरातील नागरिकांत भितीचे वातावरण पसरले आहे. 

या हद्दीत अधिनियमात बांधकामे होऊन नागरिकांना नागरी सुविधांपासून वंचित राहावे लागत आहे . तिर्थक्षेत्र तुळजापूर हे दिवसेंदिवस   वाढत असून या भागात शहराचा विस्तार मोठ्या प्रमाणात होत आहे . 

नविन विकासक नियमागुसार संबधित जागा मालकांना एन. ए. लेआउंट मंजुरी पुर्वी संबधित जागेमध्ये नाली ,रस्ते , प्लेग्राउंड , विद्युत पोलची उभारणी करणे बंधन कारक आहे . विकासक या बाबी पुर्ण करतात परंतू याच्या अनुशंगाने अवश्यक असलेले पिण्याच्या पाण्याची व्यवस्था विकसीत जागेतील सांडपाणी मुख्य ड्रेनेज लाईनला जोडणे इ . कामे नगर परिषदच्या अखत्यारीत येतात.  

झपाट्याने वाढत चाललेल्या शहराच्या नियोजन बध्द विकास होणे गरजेचे असून या संदर्भात सत्ताधारी आणि विरोधी नगरसेवक एकत्र येऊन हद्दवाढ भागाचा प्रस्तावीत निधी खेचुन आण्याासाठी प्रयत्न करावेत,  मात्र नगरपरिषद निवडणुकीच्या तोंडावर तरी हद्द वाढ भागातील नागरिकांच्या समस्या सोडविण्यासाठी प्रयत्न करावेत अशी मागणी निवेदनावर युवा सेनेचे शहरप्रमुख प्रदिप इंगळे यांनी शिष्टमंडळाने केली, 

निवेदन देताना गोकुळ शिंदे, गोरख पवार, बापूसाहेब नाईकवाडी,प्रतिक रोचकरी, सागर इंगळे, लखन कदम - परमेश्वर, विकास भोसले, दिनेश रसाळ आदि उपस्थित होते.

बहुजन रयत परिषदेची अण्णाभाऊ साठे जन्मशताब्दी नवनिर्धार संवाद अभियान - माजी मंत्री लक्ष्मणराव ढोबळे

तुळजापूर: दि. २९ : 

साहित्यरत्न अण्णाभाऊ साठे यांच्या जन्मशताब्दी निमित्ताने बहुजन रयत परिषदेच्या वतीने राज्यव्यापी व निर्धार संवाद अभियान 18 जुलै ते 5 सप्टेंबर  या काळात होत असून यामध्ये विविध सामाजिक विषयावर जनजागरण करण्यात येणार असल्याची माहिती राज्याचे माजी मंत्री लक्ष्मणराव ढोबळे यांनी तुळजापूर येथे पत्रकार परिषदेमध्ये दिली.

माजी मंत्री ढोबळे यांच्या पत्रकार परिषदेमध्ये प्रदेशाध्यक्ष रमेश गालफाडे महिला प्रदेशाध्यक्ष सौ. कोमल साळुंखे, बहुजन रयत परिषदेचे नवनिर्वाचित अध्यक्ष अभिजीत ढोबळे, प्रदेश सचिव विश्वास शिरसागर,  अध्यक्ष ईश्वर शिरसागर, बालाजी गायकवाड आदी उपस्थित होते. या पत्रकार परिषदेमध्ये प्रारंभी परिषदेचे अध्यक्ष अभिजीत ढोबळे यांनी जन्मशताब्दी वर्षाच्या निमित्ताने आयोजित केलेल्या कार्यक्रमाची माहिती दिली त्यानंतर महिला प्रदेशाध्यक्ष सौ कोमल ताई साळुंखे यांनी या या यात्रेमध्ये विकासापासून दूर असलेल्या मातंग, मोची, होलार, चांभार, ढोर व धनगर समाजाला संघटित करून त्यांचे न्याय्य हक्क मिळवून देण्यासाठी जाणिवपूर्वक प्रयत्न केले जाणार असल्याचे सांगितले.

पत्रकार परिषदेमध्ये  ढोबळे यांनी ही पाचवी राज्यस्तरीय नव निर्धार संवाद अभियान यात्रा आहे ,  नाशिक विभाग पुणे विभाग नागपूर विभाग अमरावती विभाग औरंगाबाद विभाग बुलढाणा विभाग आणि मुंबई विभाग सलग चालणार आहे . याचा शुभारंभ नंदुरबार येथे होऊन समारोप चिराग नगर येथे केला जाणार आहे, आरक्षणाची अबकड अशी वर्गवारी करण्यासाठी या यात्रेच्या निमित्ताने सरकारकडे पाठपुरावा करणार आहोत असेही त्यांनी सांगितले.

नव निर्धार संवाद अभियानामध्ये प्रत्येक जिल्हा स्थानी जवळच्या तालुक्यांना एकत्र करून जिल्हा आणि तालुका यांच्या नवीन निवडी होणार आहेत त्याच बरोबर इतर तालुक्यात अभियान संपर्क होऊन जिल्ह्याचे प्रश्न एकत्र केले जाणार आहेत या सर्व कार्यक्रमांमध्ये कोरोना परिस्थितीचे गांभीर्य लक्षात घेऊन जास्तीत जास्त ५० प्रतिनिधी उपस्थित राहतील याचे नियोजन केले आहे कोणत्याही परिस्थितीत शासनाच्या निर्देशांचे पालन झालेच पाहिजे अशा सक्त सूचना सर्व कार्यकर्त्यांना दिल्याचेही त्यांनी सांगितले.

मराठा आरक्षण लिंगायत आरक्षण मुस्लिम आरक्षण आणि धनगर आरक्षण या आरक्षणाच्या प्रश्नांची सोडवणूक राज्य सरकारने तातडीने केली पाहिजे अन्यथा सरकारला सरकार चालवणे अवघड होणार आहे राज्यकर्त्यांची भविष्यातील राजकारण देखील संपून जाईल असा गर्भित इशारा माजी मंत्री लक्ष्मणराव ढोबळे यांनी या निमित्ताने दिला छत्रपती संभाजी महाराज यांच्या प्रयत्नांचे कौतुक करताना ओबीसी राजकीय आरक्षण केवळ आणि केवळ राज्य सरकारच्या हलगर्जीपणामुळे गेले आहेत आठ वेळा मुदतवाढ घेतल्यानंतर देखील राज्य सरकारने आवश्यक डाटा न्यायालयासमोर सादर केला नाही असा ठपका लक्ष्मणराव ढोबळे यांनी सरकारवर ठेवला.

ओबीसी राजकीय आरक्षणाचा विषय केंद्र सरकार येत असल्याचे सांगितले जाते मात्र हे खोटे आहे महाराष्ट्र प्रमाणे इतर राज्याचे आरक्षण हटविण्यात आले नाही केवळ महाराष्ट्राचे आरक्षण ठेवण्यात आले आहे ही तर राज्याचे आरक्षण शाबूत असल्याचेही माजी मंत्री ढोबळे यांनी या पत्रकार परिषदेमध्ये सांगितले. 

साहित्यरत्न अण्णाभाऊ साठे यांच्या जन्मशताब्दी निमित्ताने बहुजन रयत परिषद नव निर्धार संवाद अभियान चालवत असताना या दुर्लक्षित समाजाकडे जगण्याचा चांगला दृष्टिकोन देण्यासाठी महत्त्वाच्या सूचना मांडणार आहे अण्णाभाऊ साठे यांची जयंती साजरी करत असताना इतर बाबींना फाटा देऊन समाजातील मुलांना शिक्षणाच्या प्रवाहात येऊन जास्तीत जास्त शिकले पाहिजे याचा प्रचार जाणीवपूर्वक केला जाणार असल्याचेही त्यांनी याप्रसंगी सांगितले.

श्री प्रतिप्रसाद सामाजिक संस्था, लातूरच्या वतीने कंटेकूर येथे झाडाचे रोपण

मुरुम,  दि. २९ :

 कंटेकूर, ता.उमरगा येथे श्री प्रतिप्रसाद बहुद्देशीय सामाजिक संस्था, लातूरच्या वतीने मंगळवारी (ता.२९) रोजी ग्रामपंचायत सदस्या अनिता स्वामी, तंटामुक्त समितीचे अध्यक्ष राम मुडगे, प्रगतशील शेतकरी विनायक शिंदे, अंगणवाडी सेविका ज्योती बादणे, आशा स्वंयसेविका मंगल शेवाळे, लक्ष्मी घोडके, बचत गटाच्या रुक्मीण जमादार, शिक्षक विठ्ठल कुलकर्णी, संध्या कलशेट्टी, बबिता निंबाळकर, संस्थेचे कमलाकर मोटे यांच्या हस्ते झाडांच्या विविध जातीच्या रोपांचे रोपण करण्यात आले. 

या प्रसंगी वृक्षसंवर्धनाचे महत्व खऱ्या अर्थाने कोरोना संकट काळात कळाल्याचे विठ्ठल कुलकर्णी यांनी उपस्थितांना सांगितले.           

 

मुरुम : ज्योतिष हे छद्म-विज्ञान ‘इग्नू’ चा ज्योतिष अभ्यासक्रम तातडीने मागे घ्यावा

मुरूम, दि . २९  : 

इंदिरा गांधी राष्ट्रीय मुक्त विद्यापीठाने (इग्नू) यंदाच्या वर्षापासून सुरु केलेला ज्योतिष विषयावरील अभ्यासक्रम तातडीने रद्द करावा अशी मागणी उस्मानाबाद जिल्हा महाराष्ट्र अंधश्रद्धा निर्मूलन समितीने प्रसिद्धी पत्रकाच्याद्वारे केली आहे. 

या पत्रकात पुढे म्हटले आहे की, ज्योतिष या विषयाला कोणताही शास्त्रीय आधार नाही. ते एक छद्म विज्ञान आहे. ग्रह-गोल-ताऱ्यांचा शास्त्रीय अभ्यास करणाऱ्या विज्ञान शाखेला ‘खगोलशास्त्र’ असे म्हणतात आणि खगोलशास्त्राच्या उपलब्ध अभ्यासानुसार ग्रह-गोल-ताऱ्यांचा मानवी जीवनावर कोणताही प्रभाव पडत नाही. त्यामुळे अशा संपूर्ण अशास्त्रीय गोष्टींचे प्रशिक्षण देण्याचा दावा करणारा ज्योतीष अभ्यासक्रम तातडीने रद्द करणे आवश्यक आहे. या प्रसिद्धी पत्रकात पुढे नमूद केले आहे की, सन २००१ साली अटलबिहारी वाजपेयी सरकारने देखील अशा स्वरूपाचा निर्णय घेतला होता. त्याला मोठ्या प्रमाणात विरोध झाल्यावर तो निर्णय मागे घेण्यात आला होता. डॉ.जयंत नारळीकर यांच्यापासून अनेक ज्येष्ठ खगोल वैज्ञानिकांनी याला विरोध केला होता. ज्येष्ठ वैज्ञानिक जेम्स रॅन्डी यांनी ज्योतिषांनी जगाच्या अंताच्याविषयी केलेल्या ५० दाव्यांचा अभ्यास करून त्यांचा फोलपण सिद्ध केला होता. तसेच भारतीय वंशाचे नोबेल पारितोषिक विजेते व्ही.वेन्कटरामन यांनी देखील ज्योतिषाची तुलना छद्मविज्ञानाशी केली आहे, याची देखील आठवण या निमित्ताने करून देण्यात आली आहे. इग्नूच्या या अभ्यासक्रमात चंद्रग्रहण, सूर्यग्रहण अशा खगोलशास्त्रीय घटनाच्या विषयी अज्ञान आणि भीती पसरवण्याचे काम केले जात आहे. 

ग्रहणाच्या कालखंडात नीट आहार न घेतल्याने गरोदर महिलेचा मृत्यू झाल्याची घटना दोन वर्षांच्या पूर्वी घडली असताना अशा गैरसमजांना बळकटी देणाऱ्या अवैज्ञानिक गोष्टी या लोकांच्या जीवाशी खेळ आहेत, असे देखील या पत्रकात पुढे म्हटले आहे. 

एकाच वेळी ज्योतिषाला विज्ञान म्हणायचे आणि त्यावर आधारित उपाय सुचवायचे आणि शिकवताना मात्र ते कला माध्यमात अभ्यासक्रम म्हणून घालायचे, हा देखील दिशाभूल करणारा प्रकार आहे. समाजातील ज्योतिषविषयक गैरसमज दूर करणे हा शिक्षणाचा मुख्य उद्देश व हेतू असताना, ज्या विद्यापीठाच्या माध्यमातून ज्ञान मोकळे केले गेले. त्या मुक्तविज्ञापीठाने असा अभ्यासक्रम सुरु करणे हे अत्यंत आक्षेपार्ह आहे. मुहूर्ता सारख्या कोणत्याही वैज्ञानिक आधार नसलेल्या गोष्टी आणि आपल्या कर्तृत्वापेक्षा ज्यांचा आपल्या वैयक्तिक कर्तृत्वाशी काहीही सबंध नाही. अशा गोष्टींच्यावर अवलंबून राहणारी मानसिकता यामधून निर्माण होते आणि ते समाजासाठी अत्यंत घातक आहे. 

कोरोनाच्या साथीने विज्ञानवादी मानसिकता जोपासण्याचे महत्व अधोरेखित होत असताना अशा स्वरूपाच्या अशास्त्रीय गोष्टीना उत्तेजन देणे शासनाने टाळायला हवे. महाराष्ट्र शासनाने अशा स्वरूपाच्या अवैज्ञानिक गोष्टींची अंमलबजावणी बाबत निदान महाराष्ट्रापुरती स्थगिती द्यावी, अशी देखील मागणी महाराष्ट्र अंनिसचे राज्य सल्लागार समिती सदस्य अँड.देविदास वडगांवकर, राज्य कार्यकारिणीचे सदस्य प्रा.किरण सगर, जिल्हा प्रतिनिधी प्रा.डॉ.महेश मोटे, बुवाबाजी संघर्ष विभागाचे सदस्य चंद्रकांत उळेकर आदींनी प्रसिद्धीपत्रकाच्याद्वारे केले आहे. 

                       

 महाराष्ट्र अंधश्रद्धा निर्मूलन समितीच्या वतीने विद्यापीठाने हा अभ्यासक्रम तातडीने स्थगित करावा. यासाठी देशभरातील प्रमुख पंचवीस वैज्ञानिक आणि शिक्षणतज्ञांच्या सह्यांचे निवेदन मनुष्यबळ विकास मंत्री प्रकाश जावडेकर यांना देण्यात येणार असल्याचे देखील या निवेदनात नमूद केले आहे.

उस्मानाबाद : ६ पोलिस ठाण्याच्या हाद्दीत धुमाकूळ घालणा-या चौघाच्या मुसक्या आवळल्या, १० लाखाचा मुद्देमाल जप्त

उस्मानाबाद दि. २९ : 

 

 जिल्ह्यातील ६ पोलिस ठाण्याच्या हाद्दीत विविध भागात चोऱ्या करणा-या आरोपीची गुप्त बातमीदारामार्फत माहिती काढून  विविध गुन्ह्यातील आरोपी निष्पन्न कारून  चौघा आरोपीना अटक करून गजाआड केले . 

यावेळी आरोपी कडुन सुमारे दहा लाखाचा मुद्देमाल हस्तगत  केले . ही कारवाई  सोमवार दि.२८ जुन रोजी स्थानिक गुन्हा शाखेच्या पथकाने केली आहे.

  भास्कर शहाजी शिंदे वय- 30 वर्षे  , रामेश्वर ऊर्फ सुंदर बबन शिंदे वय-20 वर्षे  ,नथुराम ऊर्फ तथन बबन शिंदे वय-29 वर्षे तिघे रा.घोगा पारधी पीडी, ईटकुर ता.कळंब जि.उस्मानाबाद  , आबा शहाजी काळे वय-25 वर्षे रा.गयराण पिडी, ईटकुर ता. कळंब जि.उस्मानाबद यास पकडुन त्याच्या ताब्यातुन घेऊन एकुण 9,95,600/- रुपयेचा मुद्देमाल जप्त करुन पुढील एकुण 08 गुन्हे उघडकीस आणले.

कळंब गुरनं. 153/2021 कलम 456, 380 भादवी,  येरमाळा गुरनं. 46/2021 कलम 379 भादवी, येरमाळा गुरनं. 58/2021 कलम 461, 380 भादवी, ढोकी गुरनं. 175/2020 कलम 457, 380 भादवी, वाशी गुरनं. 97/2021 कलम 379 भादवी, उमरगा गुरनं. 32/2020 कलम 389 भादवी, आनंदनगर गुरनं. 110/2020 कलम 379 भादवी, आनंदनगर गुरनं. 126/2021 कलम 379 भादवी, ईत्यादी . 

                       

  पोलिस निरिक्षक  घाडगे यांच्या मार्गदर्शनाखाली ,पोलिस उपनिरीक्षक  माने , भुजबळ  ,हवालदार  प्रदीप ठाकुर , काझी

पोलिस नाईक सय्यद ,  चव्हाण  ,पोलिस कॉन्सटेबल सर्जे  , जाधवर , मरलापल्ले ,आरसेवाड  ,चालक पोलिस नाईक कावरे , माने आदि पोलिस कर्मचारी वरील कारवाईत  सहभागी झाले होते.

मुरुम : अचलेर येथे व बोळेगाव येथे शेती शाळाचे आयोजन

मुरूम , दि. २८ 

अचलेर ता. लोहारा  तसेच बोळेगाव ता. तुळजापूर येथे कृषी संजीवनी सप्ताह आणि नानाजी देशमुख कृषी संजीवनी प्रकल्प अतर्गत शेती शाळाचे आयोजन करण्यात आले. या शेतीशाळेला शेतकरी ग्रामस्थांचा प्रतिसाद लाभला.

यावेळी कृषी संजीवनी मोहीम २०२१ अंतर्गत  बीजप्रक्रियाची माहिती देण्यात आली.तसेच बी.बी. एफ यंत्राने पेरणी केल्याचे फायदे व निंबोळी अर्क, दशपर्णी अर्क, कीटकनाशक फवारणी यासह शेती विषयी सविस्तर मार्गदर्शन  करण्यात आले. शेतीशाळेसाठी प्रशिक्षक संपदा डोंगरे, सुलक्षणा गोडसे  संरपच गुणवंत रुपनूर, सोपान सुरवसे यासह ग्रामस्थ उपस्थित होते

चौसाळा येथे ग्रामसुरक्षा दलाची स्थापना नेकनूर पोलीसांनी घेतला पुढाकार

चौसाळा, दि २८ 

 नेकनूर पोलीस स्टेशन अंतर्गत चौसाळा पोलीस चौकी येथे पोलीस निरीक्षक लक्ष्मण केंद्रे यांच्या मार्गदर्शनाखाली पीएसआय विलास जाधव यांच्या अध्यक्षतेखाली चौसाळा येथे दि. 27 जून रविवार रोजी सायंकाळी पाच वाजता कोरोनाचे सर्व नियम पाळून ग्रामसुरक्षा दलासाठी बैठकीचे आयोजन करण्यात आले होते.

यावेळी ग्रामसुरक्षा दलाची कमिटी स्थापन करण्यात आली. या बैठकीला चौसाळयाचे सरपंचपती मधुकर तोडकर ग्रामपंचायत सदस्य अतुल शिंदे, ईश्वर जोगदंड ,नानासाहेब शिंदे  ,प्रमोद नाईकवाडे, पत्रकार विकास नाईकवाडे, सुभाष जोगदंड शहादेव जोगदंड ,दिनेश शिंदे, अण्णासाहेब नाईकवाडे , पोलीस बाबासाहेब जायभाय ' पोलीस घोलप उपस्थित होते. 

या बैठकीत चौसाळया मध्ये होणाऱ्या चोऱ्याचे प्रमाण रोखण्यासाठी गावामध्ये रात्रीची गस्त पोलिसा समवेत गावातील तरुण रात्रीच्या वेळी सोबत फिरतील यासाठी ग्रामसुरक्षा दलाची स्थापना करण्यात आली असे पोलिस उपनिरीक्षक  विलास जाधव यांनी म्हटले. आठ दिवसापूर्वी चोर्‍या झाल्या होत्या, या चोरीच्या अनुषंगाने  गावामध्ये ग्रामसुरक्षा दल स्थापन करण्यात आले' त्याच दिवशी रात्री  1 वाजता चालू झालेली गस्त पहाटे 4 वाजता समाप्त करण्यात आली. राञ गस्तीमध्ये पोलीस जमादार बाबासाहेब डोंगरे व त्यांचे सहकारी सरपंचपती मधुकर तोडकर ग्रामपंचायत सदस्य अतुल  शिंदे पत्रकार विकास नाईकवाडे ,विकास औताडे, सरफराज शेख यांनी गावामध्ये  रात्रभर गस्त केली . यामुळे चोरीला आळा बसेल चौसाळा येथील नागरिकांनी या उपक्रमाला बद्दल समाधान व्यक्त केले आहे.

वृक्षप्रेमी पोलीस निरीक्षक लक्ष्‍मण केंद्रे यांच्या वाढदिवसानिमित्त ६२ केशर आंब्याचे वृक्षारोपण

 चौसाळा ,  दि. २८ : विकास नाईकवाडे

 बीड तालुक्यातील चौसाळयापासून जवळच असलेले  वाणगाव येथे वृक्षप्रेमी नेकनूर येथील पोलीस निरीक्षक लक्ष्‍मण केंद्रे  यांच्या वाढदिवसानिमित्त  रविवार रोजी सकाळी अकरा वाजता सतिश चांगदेव जोगदंड यांच्या शेतामध्ये 62 केशर आंब्याची झाडे लावण्यात आले.

 

 वानगाव येथील सतीश जोगदंड यांचे मांजरसुंबा येथे माऊली मोबाईल शॉपीचे दुकान आहे. व्यवसाय करत असताना त्यांना नेकनुर पोलीस स्टेशनचे पोलीस निरीक्षक लक्ष्‍मण केंद्रे हे वृक्षप्रेमी आहेत म्हणून   सोशल मीडियाच्या माध्यमातून त्यांना माहिती मिळाली व नेकनूर बाजार तळावर, कळसंबर ,चाकरवाडी रोडच्या दोन्ही बाजुने, बालाघाटावरील डोंगर भागात , चौसाळा पोलीस चौकीवर असे हजारो झाडे वृक्षप्रेमी लक्ष्‍मण केंद्रे यानी लावण्यात आली असल्याचे  त्यांच्या निदर्शनात आले.

 त्यांचे वृक्षप्रेम पाहून  व   प्रभावित होऊन. केंद्रे  यांच्या प्रेरणेतून आपण ही झाडे लवावेत असा विचार त्यांच्या मनामध्ये आला व त्यांनी लक्ष्‍मण केंद्रे यांच्या  वाढदिवसाचे औचित्य साधून वाणगाव येथे सतीश जोगदंड यांनी एक वर्षांमध्ये खायला येतील असे 62 केशर आंब्याचे झाडे  लावण्यात आले.

 यावेळी त्यांच्यासोबत अंकुर ग्रुपचे रामनाथ घोडके , वैभव कोळेकर , उद्धव नाईकवाडे,  पत्रकार सुरेश रोकडे , मनोज गव्हाणे,  अशोक शिंदे , विकास नाईकवाडे, दादासाहेब जोगदंड, वाणी  तसेच गावातील अजय  जोगदंड , अशोक जोगदंड , गणेश  जोगदंड हे झाडे लावण्यासाठी उपस्थित होते. 

यावेळी झाडाचे संगोपन लहान मुलासारखे तीन ते चार वर्षे जपावे , शेणखत व गोमूत्र टाकावे तसेच वन विभागाच्या अधिकाऱ्याकडून झाडावरती कोणताही रोग पडू नये म्हणून माहिती घ्यावी असे केंद्रे  यांनी यावेळी  म्हटले.

 चौसाळा येथील न्यू माऊली मोबाईल शॉपीचे मालक अशोक चांगदेव जोगदंड यांनी वृक्ष प्रेमी टीमचे व सर्वांचे आभार मानले.

नानाजी देशमुख कृषी संजीवनी प्रकल्पा अंतर्गत बेंडकाळ येथे शेतीशाळा संपन्न

उस्मानाबाद , दि २८

 नानाजी देशमुख कृषी संजीवनी प्रकल्पा अंतर्गत लोहारा तालुक्यातील बेंडकाळ येथे दि.28 जुन  रोजी खरीप हंगामाच्या पार्श्वभूमीवर शेतीशाळा घेण्यात आली. 

यावेळी बीज उगवण क्षमता तपासणे, बीज प्रक्रिया करणे, बीबीएफ ने पेरणी याबाबत सविस्तर माहिती देण्यात आली. महाराष्ट्र शासन अंतर्गत कृषी विभागाच्या बीज प्रक्रियेच्या स्पर्धे मध्ये सर्व शेतकऱ्यांनी सहभागी व्हावे,असे आवाहन करण्यात आले.

यावेळी प्रशिक्षक कु.स्नेहल उमा विरेंद्र पाटील, कृषीसहायक शैलेश जटटे, शेतीशाळा प्रशिक्षक स्नेहल पाटील, यांच्यासह शेतकरी उपस्थित होते.

महाराष्ट्र प्रदेश काँग्रेस कमिटीचे कार्याध्यक्ष बसवराज पाटील यांनी केले मुळे व कांबळे परिवाराचे सांत्वन

लोहारा दि . २८ 

 नगरपंचायतीच्या माजी नगराध्यक्षा सौ.ज्योती मुळे यांचे सासरे कै. कोंडाप्पा  मुळे व माजी नगरसेविका कै.जयश्री कांबळे  यांचे अल्पशा आजाराने निधन झाल्याने कांबळे व मुळे परिवाराची  महाराष्ट्र प्रदेश काँग्रेस कमिटी कार्याध्यक्ष बसवराज पाटील  यांनी भेट घेऊन सांत्वन केले.

 

यावेळी उस्मानाबाद जिल्हा काँग्रेस कमिटीचे उपाध्यक्ष दिलीप भालेराव, लोहारा तालुका काँग्रेस कमिटी अध्यक्ष अमोल पाटील, पंचायत समिती सभापती हेमलता रणखांब, उपसभापती व्यंकट कोरे, माजी नगराध्यक्षा ज्योती मुळे, शराध्यक्ष के. डी. पाटील, युवक काँग्रेस शहराध्यक्ष हरी लोखंडे, ज्येष्ठ कार्यकर्ते हरून खानापुरे, प्रवीण कांबळे, धम्मपल कांबळे, विठ्ठल पाटील, ॲड संगमेश्वर मशाळकर, दीपक मुळे,तानाजी माटे, इस्माईल मुल्ला, रौफ बागवान, खालिद पटेल, जावेद मोमीन,वीर फावडे, शिवानंद स्वामी, स्वामी, चिदानंद जटे, ओम पाटील,काशिनाथ स्वामी, परमेश्वर चिकटे,योगेश मिटकरी,गोरख लोखंडे, सुधाकर मुळे, अंकुश नारायण कर, श्रीकांत कांबळे,मोहन पाटील,आदी उपस्थित होते.

राष्ट्रवादी काँग्रेस पक्षाच्या विधानसभा तुळजापूर तालुका उपाध्यक्षपदी शिवाजी सावंत निवड

               

     

काटी दि. २८ 

 तुळजापूर तालुक्यातील  तामलवाडी येथील सामाजिक कार्यकर्ते तथा भ्रष्टाचार निर्मूलन समितीचे जिल्हाध्यक्ष शिवाजी रामकृष्ण सावंत यांची राष्ट्रवादी काँग्रेस पक्षाच्या तुळजापूर विधानसभा तालुका उपाध्यक्षपदी   निवड करण्यात आली आहे. त्याबद्दल  त्यांचे आभिनंदन होत आहे.

 राष्ट्रवादी काँग्रेसचे संस्थापक अध्यक्ष शरद पवार व प्रदेशाध्यक्ष जयंत पाटील तसेच महाराष्ट्राचे उपमुख्यमंत्री अजित पवार यांचे आदेशानुसार व मार्गदर्शनानुसार  पक्षाचे ध्येय धोरण लक्षात घेऊन जनमानसातील आत्मविश्वास व शक्ती वाढवण्यासाठी तसेच राष्ट्रवादी काँग्रेस पक्षावर निष्ठा ठेवून कार्यक्रम राबवण्यासाठी पक्षाचा प्रसार करून संघटनात्मक कार्य करण्यासाठी तुळजापूर येथील शासकीय विश्रामगृहात आयोजित कार्यक्रमात  राष्ट्रवादी काँग्रेस पक्षाचे महाराष्ट्र प्रदेश सरचिटणीस गोकुळ शिंदे यांच्या  हस्ते नियुक्ती पत्र देण्यात आले. या निवडीचे सर्वत्र स्वागत होत आहे.

           

याप्रसंगी महाराष्ट्र प्रदेश सरचिटणीस गोकुळ शिंदे, जिल्हा उपाध्यक्ष सचिन कदम, युवक तालुकाध्यक्ष संदीप गंगणे, धैर्यशील पाटील,शहर अध्यक्ष नितीन रोचकरी, ओबीसी सेल तालुका अध्यक्ष विकी घुगे, महेश चोपदार, अमर चोपदार, मिडिया सेल तालुका अध्यक्ष सर्जेराव गायकवाड, दिलीप मगर, अण्णा कोडकर, निरंजन करंडे, अनिल पारवे, रुबाब पठाण, त्रिगुणशील साळुंके, बबन हेडे, दिनकर पवार, भास्करराव पवार, बबलु सुर्यवंशी, गोरख पवार आदी राष्ट्रवादी काँग्रेस पार्टीचे पदाधिकारी, कार्यकर्ते  मान्यवर उपस्थित होते.

उस्मानाबाद जिल्हा बंजारा समाजाच्यावतीने उपजिल्हाधिकार्‍यांना विविध मागण्याचे निवेदन

 

जळकोट,दि२८ : मेघराज किलजे 

उस्मानाबाद जिल्हा बंजारा समाजाच्यावतीने ओबीसी आरक्षण पूर्ववत करण्यात यावे तसेच नवी मुंबई येथील आंतरराष्ट्रीय विमानतळास  माजी मुख्यमंत्री कै. वसंतराव नाईक यांचे नाव देण्यात यावे .या मागणीचे निवेदन निवासी उपजिल्हाधिकाऱ्यांना देण्यात आले.

ओबीसी समाजाचे २७ टक्के राजकीय आरक्षण केंद्र सरकारने लोकसंख्येची माहिती न दिल्याने सर्वोच्च न्यायालयाने हे आरक्षण रद्द केले आहे. ते आरक्षण पूर्ववत करण्यात यावे तसेच नवी मुंबईच्या निर्मितीसाठी व सिडको स्थापन करण्यासाठी मोलाचे योगदान असलेले हरित क्रांतीचे प्रणेते माजी मुख्यमंत्री कै .वसंतराव नाईक यांचे नाव नवी मुंबई आंतरराष्ट्रीय विमानतळास देण्यात यावे. ही मागणी  जिल्हाधिकारी उस्मानाबाद यांच्यामार्फत राज्याचे मुख्यमंत्री उद्धव ठाकरे यांना देण्यात आले.

यावेळी विमुक्त भटक्या जाती जमातीचे जिल्हाध्यक्ष तथा जिल्हा परिषद सदस्य प्रकाश चव्हाण, शिवसेना ज्येष्ठ नेते गुलाब जाधव, राष्ट्रीय बंजारा परिषदेचे जिल्हाध्यक्ष लक्ष्मण चव्हाण,ओबीसी सेलचे शहराध्यक्ष वैभव जाधव, बाजार समितीचे माजी संचालक हरीष जाधव, डॉ .सुरज चव्हाण,  गोर सेनेचे तालुकाध्यक्ष राजु चव्हाण, जिल्हा उपाध्यक्ष लखन चव्हाण, जिल्हा सचिव कुमार राठोड ,लक्ष्मण राठोड, बालाजी राठोड, भीमराव राठोड ,संतोष चव्हाण ,वसंत पवार ,गोविंद राठोड ,दिनेश राठोड, सचिन राठोड ,शिवाजी चव्हाण ,विनायक राठोड  आदिसह बंजारा कार्यकर्ते उपस्थित होते.

कळंब : राष्ट्रीय चर्मकार महासंघाची संत रविदास मंदिरासाठी जागा उपलब्ध करून देण्याची मागणी

   कळंब , दि .२८

 शहरामध्ये बहुसंख्येने चर्मकार समाज वास्तव्यास आहे. मात्र आजपर्यंत समाजाचे गुरु संत रविदास महाराज यांच्या मंदिरासाठी नगरपरिषदेने जागा उपलब्ध केलेली नाही.

सर्व चर्मकार समाजबांधवांची आग्रहाची मागणी आहे की, चर्मकार समाजाचे आराध्य दैवत श्री संत गुरु रविदास महाराज यांच्या मंदिरासाठी सार्वजनिक ठिकाणी सर्व सोयीयुक्त जागा नगरपरिषदेने उपलब्ध करून द्यावी. या मागणीचे निवेदन राष्ट्रीय चर्मकार महासंघ युवक जिल्हाध्यक्ष विकास कदम यांच्या मार्गदर्शनाखाली कळंब नगरीचे नगराध्यक्ष संजयजी मुंदडा यांना देण्यात आले.

      या निवेदनावर सुहास कदम, वैजनाथ साबळे, रवी कदम,राजेंद्र शेवाळे,भिकचंद शेवाळे,पुष्पक तूपसमुद्रे,श्याम शिंदे ,रमेश शिंदे, गोरख टाचतोडे, शिवाजी शिंदे, लिंबराज ठोंबरे,एस टी बेळगावकर, रंगनाथ कदम, प्रा.जालिंदर लोहकरे,बाबूराव पाखरे, बाबासाहेब कांबळे,श्रीहरी ताटे,मनोज कदम, सुधीर कदम, सोमनाथ वनकळस ,दयानंद शिंदे,धनाजी भालेराव, सचिन साबळे यांच्यासह इतर  कळंब शहरातील चर्मकार समाज बांधवांच्या स्वाक्षऱ्या आहेत..

कळंब : तालुक्यातील डिकसळ येथे आयोजित रक्तदान शिबीरात ४० युवकांनी केले रक्तदान

कळंब दि. २७ :  

क्रांतीयोद्धा सोमनाथभाऊ कांबळे  यांच्या  जयंतीनिमित्त  डिकसळ येथे रक्तदान शिबीराचे आयोजन करण्यात आले होते.

चाळीस युवकांनी रक्तदान करून चाळीसावी जयंती केली साजरी सुरुवातीस सोमनाथभाऊंच्या प्रतिमेचे पुजन करून आणि ध्वजारोहण करण्यात आले. या शिबीरामध्ये चाळीस युवकांनी रक्तदान केले.

रक्तदात्यास  सोमनाथ भाऊंचे छायाचित्र असलेली ट्राफी देण्यात आली. यावेळी लहुजी शक्ती सेनेच्या विदर्भ अध्यक्ष भारती कांबळे, शिबिराचे आयोजक तथा लहुजी शक्ती सेना कोअर कमिटी सदस्य बालाजी भाऊ गायकवाड, जिल्हा उपाध्यक्ष मारुती क्षीरसागर, कळंब तालुकाप्रमुख पांडुरंग कदम, वाशी तालकाध्यक्ष अमोल क्षिरसागर, कळंब तालुका उपाध्यक्ष चौ सुदेश शिंदे, विकास गायकवाड, रनजित पाटोळे, अनिल सिरसट, भारत सिरसट, शिवाजी ऊकीरंडे शुभम लोखंडे, आशिष शिंदे, जयंती कमेटी अध्यक्ष किरन गायकवाड ऊपाध्यक्ष धनंजय मोरे, दिपक पाटोळे, आदी  कार्यकर्ते उपस्थित होते.

उस्मानाबाद जिल्ह्यातील एका महिलेचा विनयभंग

उस्मानाबाद :  जिल्हयातील एका खेडेगावातील एक 28 वर्षीय महिला दिनांक 27.06.2021 रोजी शेतातील विहरीजवळ काम करत असतांना गुपचुपपणे  तेथे आलेल्या  गावातीलच एका तरुणाने तिला पाठीमागुन मिठी मारुन तिचा विनयभंग केला.अशा मजकुराच्या संबंधीत महिलेने दिलेल्या प्रथम खबरे वरुन भादसं कलम 354 अंतर्गत गुन्हा नोंदवला आहे.

 

उस्मानाबाद , तुळजापूर ,कळंब येथे दुचाकी , रोख रक्कम ,स्मार्ट फोनची चोरी

उस्मानाबाद ,दि.२८

पोलीस ठाणे, आनंदनगर : अमर सुर्यवंशी रा.सांजा  हे आपल्या अर्धवट बांधकाम असलेल्या व दारे- खिडक्या नसलेल्या आपल्या घरात  दिनांक 26-27  जुन दरम्यानच्या रात्री कुटुंबासह झोपलेले होते. या वेळी अज्ञाताने त्यांच्या घरात प्रवेश करुन घरातील तीन स्मार्ट फोनसह  10,000 ₹ रोख रक्कम चोरुन नेली. अशा मजकुराच्या अमर सुर्यवंशी यांनी दि. 27 जून रोजी दिलेल्या प्रथम खबरेवरुन भा.दं.सं. कलम- 380 अंतर्गत गुन्हा नोंदवला आहे.

पोलीस ठाणे, तुळजापूर : संतोष बुटटे रा.तुळजापूर यांनी घरासमोर ठेवलेली स्प्लेंडर मोटार सायकल क्रमांक एम एच 25 एस 3039 ही दिनांक 12 जुन रोजी पहाटे अज्ञाताने  चोरुन नेली. अशा मजकुराच्या संतोष  यांनी दि. 27 जून रोजी दिलेल्या प्रथम खबरेवरुन भा.दं.सं. कलम- 379 अंतर्गत गुन्हा नोंदवला आहे.

पोलीस ठाणे, कळंब : माणीक डिकले रा.कल्पना नगर,कळंब यांनी घरासमोर ठेवलेली स्प्लेंडर मोटार सायकल क्रमांक एम एच 25 व्ही  3078 ही दिनांक 27 जुन रोजी पहाटे अज्ञाताने  चोरुन नेली. अशा मजकुराच्या प्रथम खबरेवरुन भा.दं.सं. कलम- 379 अंतर्गत गुन्हा नोंदवला आहे.

                        

उस्मानाबाद , मुरुम येथे मारहाण १७ जणाविरुध्द गुन्हा दाखल

उस्मानाबाद दि.२८

पोलीस ठाणे मुरुम:  नागेश भिमाशंकर भिमाशेटटी  वय 48 रा.येणेगुर हे अंध असुन दिनांक 05.06.2021 रोजी 19.00 वा सु नागोबा मंदिरा समोरील कटटयावर बसले असता गावातीलच 1) शुभम बिराजदार 2) वैभव बिराजदार 3)महादेव हुळमजगे 4)व्यंकट हुळमजगे यांनी संगणमत करुन नागेश भिमाशेटटी यांना शिवीगाळ करुन आंधळया लई माजलास का असे अपमानित  करुन  धक्काबुककी केली.अशा मजकुराच्या नागेश यांनी दिनांक 27.06.2021 रोजी दिलेल्या  प्रथम खबरे वरुन गुन्हा नोंदवला आहे.

पोलीस ठाणे मुरुम:  मेहताब शेख रा.मुरुम हे दिनांक 26.06.2021 रोजी गावातील डागा हॉस्पीटल समोर उभे होते.या वेळी  जुन्या वादातुन गावकरी -जाकीर बागवान ,नदीम ईमनामदार ,अभिषेक मंडले  यांसह अकरा पुरुषांनी ठार मारण्याच्या उददेशाने मेहताब यांना  लोखंडी गजाने व तलवारीने  मारहाण केल्याने  ते जखमी झाले. अशा मजकुराच्या दिनांक 27.06.2021 रोजीच्या प्रथम खबरे वरुन गुन्हा नोंदवला आहे.

पोलीस ठाणे उस्मानाबाद (ग्रामीण):  सरस्वती गरड रा.केकस्तळवाडी ता.उस्मानाबाद या दिनांक 26.06.2021 रोजी 20.30 वा मुलगा व सुन यांसह आपल्या घरात होत्या.यावेळी गावकरी सखाराम, राजा, संपत या शिंदे कुटुंबीयांसह राजाभाउ कावळे यांनी सरस्वती यांच्या घरात घुसुन  तुमच्यामुळे आमच्या घरात भांडणे होतात.  असे धमकाउन सरस्वती यांसह त्यांच्या मुलगा व सुनेला शिवीगाळ करुन लाथाबुक्यांनी व विटेने मारहाण केली.अशा मजकुराच्या सरस्वती यांनी वैदयकिय उपचारादरम्यान दिलेल्या निवेदनावरुन भादसं 452,323 अंतर्गत गुन्हा नोंदवला आहे.

 

उमरगा , कळंब , उस्मानाबाद , तामलवाडी पोलिस ठाण्याच्या हाद्दीत अवैध मद्य विरोधी कारवाई

उस्मानाबाद दि.२८ :

पोलीस ठाणे उमरगा:  अवैध मद्य विक्रीच्या गोपनीय खबरेवरुन उमरगा  पो.ठा. च्या पथकाने दि. 27 जून रोजी

एम एस ई बी ऑफिस जवळ बलसुर ते कलदेव लिबांळा जाणारे रोडलगत  छापा टाकला असता सुधाकर सोमला चव्हाण वय 32 वर्षे, रा.बलसुर तांडा हे पत्रा शेडसमोर  19  लिटर गावठी  दारु अवैधपणे  बाळगलेले आढळले. तर कदेरपाटी येथे सुनिल गणपत राठोड वय 30 वर्षे, रा.पळसगाव तांडा हे 40  लिटर गावठी  दारु अवैधपणे  बाळगलेले आढळले. 

पोलीस ठाणे कळंब:  अवैध मद्य विक्रीच्या गोपनीय खबरेवरुन कळंब पो.ठा. च्या पथकाने दि. 27 जून रोजी जुनी दुध डेअरी येथे छापा टाकला असता आशा रवि काळे वय 25 वर्षे,रा.जुनी दुध डेअरी कळंब या 10  लिटर गावठी  दारु अवैधपणे  बाळगलेले आढळले.    

पोलीस ठाणे उस्मानाबाद (शहर):  अवैध मद्य विक्रीच्या गोपनीय खबरेवरुन उस्मानाबाद-शहर पो.ठा. च्या पथकाने दि. 27 जून रोजी साठे चौक येथे छापा टाकला असता रतन संतु काळे वय 54 वर्षे,रा साठे चौक,दुध डेअरीच्या पाठीमागे उस्मानाबाद हे 15  लिटर गावठी  दारु अवैधपणे  बाळगलेले आढळले.

पोलीस ठाणे तामलवाडी:  अवैध मद्य विक्रीच्या गोपनीय खबरेवरुन तामलवाडी पो.ठा.तामलवाडी च्या पथकाने दि. 27 जून रोजी देवकुरळी गावात छापा टाकला असता संजय गायवाड वय 30 वर्षे,रा.देवकुरळी  हे 10  लिटर गावठी  दारु अवैधपणे  बाळगलेले आढळले. तर खडकी गावात छापा टाकला असता सचिन बजरंग राठोड वय 25 वर्षे,रा.खडकी हे 10  लिटर गावठी  दारु अवैधपणे  बाळगलेले आढळले

             यावरुन पोलीसांनी अवैध मद्य जप्त करुन नमूद व्यक्तींविरुध्द महाराष्ट्र मद्य निषेध कायद्यांतर्गत संबंधीत पो.ठा. येथे गुन्हे नोंदवले आहेत.

लोहारा : बेंडकाळ येथील रोहयोच्या कामात गैरप्रकार , कारवाईसाठी मंगळवारी आत्मदहन करण्याचा इशारा

लोहारा दि . २८ : 

तालुक्यातील बेंडकाळ ग्रामपंचायतच्या माध्यमातून रोहयो व मनरेगा अंतर्गत झालेल्या कामात गैरप्रकार  झाले असल्याचा आरोप करीत याप्रकरणी  अनेक वेळा प्रशासनास निवेदन देऊन संबंधितावर  कार्यवाही करण्याची मागणी येथील सामाजिक  कार्यकर्ता   माहेश गोरे यांनी केली. परंतु अद्याप  कार्यवाही झाली नसल्याने पुन्हा महेश गोरे यांनी बेंडकाळ ग्राम पंचायत कार्यालयाअंतर्गत रोजगार हमी योजना व मनरेगाच्या माध्यमातून  झालेल्या कामात  संबंधितांनी गैरप्रकार केल्याने संबंधितावर गुन्हे दाखल करावे, अन्यथा    दि. 29  जून रोजी लोहारा पंचायत समिती कार्यालयाच्या परिसरात  आत्मदहन करण्याचा ईशारा गोरे  यानी लेखी निवेदनाद्वारे  दिले आहे. 

 

लोहारा तालुक्यातील बेंडकाळ ग्रा पं मधील गैरप्रकाराबाबत  निवेदन देऊन देखील दोषीविरुध्द अद्याप कार्यवाही झाली नाही. तसेच  बेंडकाळ ग्राम पंचायत अंर्तगत मनरेगा व रोहयो अंतर्गत झालेले कामे जेसीबी मशीनच्या साहाय्याने करण्यात आल्याचे  संबधीत विभागास निदर्शनास आणून देखील अद्याप कार्यवाही झाली नाही. तर लघु  पाटबंधारे विभागाच्या माध्यमातून झालेल्या  कामात जेसीबी मशीनच्या साहाय्याने काम करुन त्यातही गैरप्रकार झाल्याचा उल्लेख  करण्यात आला आहे

. यासह विविध योजनेमध्ये झालेल्या भ्रष्टाचाराबाबत तात्काळ चौकशी करून दोषींवर कार्यवाही करण्यात यावे असे लेखी निवेदन देऊन ही कार्यवाही झाली नाही 

प्रशासनाने अद्याप या निवेदनाची दखल घेतली नसून आता 29 जून रोजी  आत्मदहन करणार  का ?  संबंधितावर फौजदारी गुन्हे दाखल करणार याकडे  लक्ष वेधले  आहे.

तुळजापुरात मतदानाप्रमाणे लसीकरण कार्यक्रम राबविल्याने टक्केवारी वाढली

तुळजापूर दि .२८

शहरातील लोहिया मंगल कार्यालयात आयोजित लसीकरण शिबिरात तब्बल  १६२ नागरिकांना लस देण्यात आली. या वेळी नगरसेवक अमर मगर यांच्या वतीने लस घेणाऱ्या नागरिकांना फळांचे रोप भेट देण्यात आले. 

दरम्यान पालिकेच्या लसीकरण मोहिमेत गेल्या आठ दिवसांत शहरातील ४५ वर्षा पुढील तब्बल ९७१ नागरिकांनी लस घेतली.

प्रारंभी लसीकरण मोहिमेचा शुभारंभ नगराध्यक्ष सचिन रोचकरी, माजी उपनगराध्यक्ष दुर्गादास अमृतराव यांचा हस्ते करण्यात आला. यावेळी नगरसेवक अमर मगर, पालिकेचे वसूली प्रमुख वैभव अंधारे, डॉ. इल्यास शेख, कार्यालयीन अधिक्षक वैभव पाठक आदींची उपस्थिती होती.

यावेळी लोहिया, माऊली नगर, दयानंद नगर आदी भागातील १६२ नागरिकांनी लस घेतली. दिवसांत ४५ वर्ष वयाच्या पुढील ९७१ नागरिकांनी लस घेतली. लोहिया मंगल कार्यालयातील लसीकरण मोहिमेत लस घेणाऱ्या नागरिकांना नगरसेवक अमर मगर यांचा वतीने फळाचे रोप भेट म्हणून देण्यात आले. घरोघर नागरिकांना निमंत्रण देऊन लस घेण्यास आवाहन करण्यात आले, त्याला उत्तम प्रतिसाद मिळाला. 

लसीकरण केंद्रावर नागरिकांना चहा आणि बैठक व्यवस्था करण्यात आली होती.

सदरील लसीकरण केंद्रास पालिकेचे मुख्याधिकारी आशिष लोकरे, वैद्यकीय अधीक्षक डॉ. चंचला बोडके, वैद्यकीय अधिकारी डॉ. श्रीधर जाधव, लक्ष्मण उळेकर, चंद्रशेखर जगताप, किरण खपले, राजेश कदम, स्वप्निल कुलकर्णी, शहाजी बडोदकर, आशिष फंड, संजय साळुंके, महेश पांचाळ, अजय हंगरगेकर, आलम शेख, किशोर बोबडे, महेश परदेशी आदींनी सदिच्छा भेट दिली.

गेल्या आठ दिवसांत ९७१ नागरिकांनी लस घेतली

नगरपालिकेच्या वतीने गेल्या ८ दिवसांत शहराच्या विविध भागात ८ लसीकरण शिबीर घेण्यात आले. यामध्ये सर्वाधिक २०३ दिपक चौक शिबिर, लोहीया भाग शिबिर  १५८, जिजामाता नगर शिबिर ११७, विठ्ठल रुक्मिणी मंदिर शिबिर  ११०, तुळजापूर खुर्द शिबिर  १०८, विश्वास नगर शिबिर १०६, न प शाळा क्रमांक शिबिर  २ - ९९, सराया धर्मशाळा शिबिर ७७ अशी संख्या राहिली आहे.

तुळजापूर : उपमुख्य अधिकारी शरद पारवे यांचा सेवानिवृत्तीनिमित्त सत्कार

तुळजापूर दि .  २८ 

उस्मानाबाद जिल्हा मध्यवर्ती सहकारी बँकेचे उपमुख्य अधिकारी व तालुका जेष्ठ तपासणीस शरद पारवे ३४ वर्ष सेवा पूर्ण करून वयाच्या ५८ वर्षी  २५ जून रोजी सेवानिवृत्त झाले. 

त्यानिमित्त त्यांचा सत्कार दादासाहेब चौधरी  देवसिंगा विकास सोसायटी, शिराढोण विकास सोसायटी यांच्या वतीने करण्यात आला.

त्याप्रसंगी बँकेचे अधिकारी लक्ष्मण गुड्डे, नंदकुमार  मगर, कमलाकर पाटील, हेमंत  कंनगरकर, सुनील देवळालकर, प्रदीप हंगरगेकर, शिवशंकर शिंदे, शरद अंबुरे, श्रीमती सुरेखा सोमवंशी,अभिजीत शिरसाठ, प्रभाकर सूर्यवंशी, शिवाजी लोंढे, किरण भोसले आदींची उपस्थित होते.

शरद पारवे यांनी आपल्या ३४ वर्षांच्या कार्यकाळात उस्मानाबाद, येडसी,परंडा, सावरगाव, काटी, मंगरूळ, पिंपळा, काटगाव, आरळी बुद्रुक आणि तुळजापूर येथे विविध पदावर काम केले आहे.

उस्मानाबाद : ग्रामपंचायत सदस्यावर गुन्हा दाखल करण्याच्या मागणीसाठी उपसरपंचासह ग्रामस्थांचे आमरण उपोषण

उस्मानाबाद, दि.२८ :

ग्रामपंचायत सदस्याने  तक्रारी देऊन शासनाची दिशाभूल व फसवणूक केली आहे. तर महिला सरपंचांना मानसिक त्रास देण्याबरोबरच त्यांची मानहानी केली आहे. त्यामुळे त्या सदस्यावर फसवणूकचा गुन्हा दाखल करण्यात यावा, या मागणीसाठी उपसरपंचासह ग्रामस्थांनी जिल्हाधिकारी कार्यालयासमोर दि.२८ जूनपासून आमरण उपोषण सुरू केले आहे.

विशेष म्हणजे ग्रामपंचायत सदस्याच्या तक्रारीच्या अनुषंगाने विस्ताराधिकारी व गट विकास अधिकारी यांनी स्वतंत्र दोन चौकशा केल्या आहेत. मात्र त्या चौकशी अहवालात या तक्रारीत काहीही सत्यता नसल्याने यामध्ये काही निष्पन्न होत नसल्याचे त्यामध्ये नमूद करण्यात आले आहे.

भूम तालुक्यातील चिंचोली येथील ग्रामपंचायतच्या नूतन सरपंच विद्या बालाजी शिर्के यांच्यासह इतर सर्व ग्रामपंचायत सदस्यांनी कोरोनाच्या नियमांचे पालन करीत दि.११ फेब्रुवारी २०२१ रोजीच्या शासन परीपत्रकानुसार ग्रामसभा घेण्यात आली. तर दि.२ मार्च रोजी मासिक बैठक घेतली. या बैठकीसाठी उपस्थित असलेल्या ग्रामपंचायत सदस्यांनी सह्या देखील केलेल्या आहेत. तसेच दि.२६ मार्च रोजी कोरोनाच्या नियमांचे पालन करीत नानाजी देशमुख कृषी संजीवनी प्रकल्प (पोखरा) गावस्तरीय समितीची निवड करण्यासाठी ग्रामसभा घेण्यात आली. या सह्यामध्ये तक्रारदार ग्रामपंचायत सदस्य तात्यासाहेब  वारे यांचा देखील समावेश आहे. मात्र ग्रामपंचायत सदस्य  वारे यांनी याबाबत खोटी तक्रार गटविकास अधिकारी यांच्याकडे दाखल केल्याचा आरोप केले आहे. 

या तक्रारीच्या अनुषंगाने विस्तार अधिकारी यांनी चौकशी केली. परंतू चौकशीत काहीही निष्पन्न झाले नसल्यामुळे त्यांनी गट विकास अधिकारी यांच्यावर गुन्हा दाखल करण्यात यावा यासाठी दि. २१ जूनपासून जिल्हाधिकारी कार्यालयासमोर आमरण उपोषण सुरू केले आहे.

 त्यामुळे या प्रकरणाची चौकशी करण्यासाठी कळंब येथील पंचायत समितीचे गट विकास अधिकारी यांनी चौकशी केली, त्या चौकशीत देखील काहीही निष्पन्न झाले नाही. असे असताना देखील ग्रामपंचायत सदस्य  वारे यांनी खोट्या तक्रारी करून सरपंच व इतर ग्रामपंचायत सदस्य यांची बदनामी करण्यासाठी आमरण  उपोषण सुरू केल्याचे उपोषणकर्ते यानी सांगुन  पुढे म्हटले आहे की,  ग्रामसभेबाबत खोटी तक्रार देऊन शासनाची फसवणूक व दिशाभूल करण्याबरोबरच सरपंचांना मानसिक त्रास देऊन त्यांची नाहक मानहानीचे कटकारस्थान करीत असल्यामुळे ग्रा.प. सदस्य तात्यासाहेब वारे यांच्यावर गुन्हा नोंद होईपर्यंत जिल्हाधिकारी कार्यालयासमोर बेमुदत आमरण उपोषण सुरु केले आहे. 

यासाठी उपसरपंच औदुंबर वारे, शिवलिंग शिर्के व सोमनाथ वारे या ग्रामस्थांचा समावेश आहे.

मुबंई : राज्यपालांच्या हस्ते सूर्यदत्त स्त्री शक्ती राष्ट्रीय पुरस्कार प्रदान

मुंबई, दि.२७ : 

राज्यपाल भगत सिंह कोश्यारी यांच्या हस्ते अभिनेत्री विशाखा सुभेदार, उर्वशी रौतेला व निशिगंधा वाड, धावपटू कविता राऊत, पार्श्वगायिका पलक मुच्‍छल यांसह 11 गुणवंत महिलांना राजभवन येथे स्त्री शक्ती राष्ट्रीय पुरस्कार प्रदान करण्यात आले.

पुणे येथील सूर्यदत्त समूह शिक्षण संस्थेतर्फे राजभवन येथे आयोजित एका कार्यक्रमात सूर्यदत्त  स्त्री शक्ती पुरस्कार देण्यात आले. मातृत्व म्हणजे केवळ आई होऊन बाळाला जन्म देणे नाही, तर मातृत्व म्हणजे सहनशीलता, प्रेम व कारुण्यभाव असे सांगताना स्त्रीशक्ती अद्भुत असल्याचे राज्यपालांनी आपल्या भाषणात सांगितले.

मनुष्य कितीही यशस्वी झाला, संपन्न झाला व यशवंत झाला तरीही सुख-दुःखाच्या प्रसंगी त्याला आईचीच आठवण येते, असे सांगून माता, मातृभाषा व मातृभूमीचे स्मरण ठेवल्यास प्रत्येकाला आपापल्या क्षेत्रात अधिक प्रगती करता येईल, असे राज्यपालांनी सांगितले.

यावेळी सामाजिक कार्यकर्त्या सिस्टर ल्युसी कुरियन, डॉ स्वाती लोढा, आरती देव, ॲड. वैशाली भागवत, तृशाली जाधव तसेच सूर्यदत्ता समूहाच्या उपाध्यक्ष सुषमा चोरडिया यांनादेखील सूर्यदत्त  स्त्री शक्ती राष्ट्रीय पुरस्कार देऊन सन्मानित करण्यात आले.

कार्यक्रमाच्या सुरुवातीला सूर्यदत्त संस्थेचे अध्यक्ष डॉ. संजय चोरडिया यांनी प्रास्ताविक केले. डॉ निशिगंधा वाड, विशाखा सुभेदार व  वैशाली भागवत यांनी सत्काराला उत्तर दिले. पलक मुच्छल यांनी गीत सादर केले तर उर्वशी रौतेला यांनी गढवाली गाणे गायले.

उस्मानाबाद : चोरीस गेलेले ४ मोबाईल व ३ टॅब जप्त करून एका आरोपीस अटक ; पोलिस पथकाची कारवाई

उस्मानाबाद दि . २७ : 

उस्मानाबाद येथे गोपनिय माहितीवरून  स्थानिक गुन्हे विभागाच्या पथकाने गुन्हयातील एका आरोपीस ताब्यात घेवून दोन गुन्हे उघडकीस आणले, 

शनिवार दि. 26 जून रोजी आरोपीकडून  सॅमसंग कंपनीचे तीन टॅब किंमत 21000 2)एक सॅमसंग j7 किंमत 5000 व रेडमी कंपणीचा 9 प्रो मोबाइल किंमत 18000 रु, एक रियल मी कंपनीचा  व एक विवो कंपनीचा मोबाइल किंमत 11000रु असे दोन्ही गुन्हात  ऐकून 3 टॅब व चार मोबाईल जप्त केले एकून किंमत 55 हजार रूपये मुद्देमाल हस्तगत केला.   

134/2021 कलम 380 भा.द.वी प्रमाणे दाखल गुन्ह्यात गोपनीय बातमीदार याच्याकडुन माहिती घेवुन  गुन्ह्यातील आरोपी निष्पन्न करून त्याच्याकडुन गुन्हयातील गेला माल जप्त करून आरोपी नामे वाजीद सलीम पठाण वय 21 वर्ष रा खिरणी मळा उस्मानाबाद यास मुद्देमालासह ताब्यात घेऊन वैधकीय तपासणी करून रिपोर्ट सह पोस्टे आनंदनगर येथे हजर करून  दोन गुन्हे उघडकीस आणले

 रिपोर्ट :- सहाय्यक पोलिस निरीक्षक  एम.डी.  निलंगेकर, स्थागुशा उस्मानाबाद.                    

टिम:- पो नि.श्री.गजानन घाडगे साहेब यांच्या मार्गदर्शनाखाली 

सपोनि निलंगेकर, पोना/1488 लाव्हरे पाटील, पोका/1631 ढगारे, पोकॉ/44 ठाकूर पोका/1786 ढेकणे, चपोना/24 गव्हाणे आदी.

नळदुर्ग , तुळजापूर , वाशी पोलिस ठाण्याच्या हाद्दीत मारहाण , यामध्ये एका वकिलाचा समावेश

प्रतिकात्मक

उस्मानाबाद  , दि .२७ : 

पोलीस ठाणे,नळदुर्ग: नागेश बोगरगे रा.खुदावाडी हे दि.24 जुन रोजी  07.30  वा वडील दिगंबर यांसह घरासमोर उभे होते. या वेळी भाउबंद संजय, अजय या पिता  पुत्रांसह  अजय ची आई हिराबाई या तिघांनी कोरोना रुग्न घरात असल्याच्या वादातुन नागेश व पिता दिगंबर यांना  शिवीगाळ करुन लाथाबुक्क्यांनी, विटेने मारहान करुन जखमी केले. अशा मजकुराच्या नागेश यांनी दि. 26 जून रोजी दिलेल्या प्रथम खबरेवरुन भा.दं.सं. कलम- 326, 324, 504, 34 अंतर्गत गुन्हा नोंदवला आहे.

 

पोलीस ठाणे, तुळजापूर : क्राक्रंबा येथील  निव्रत्ती दासा साबळे व दगडु दासा साबळे  या दोघा भावांच्या कुटुंबात  दि 25 जुन रोजी 13.30 वा शेतीविषयक कामातुन वाद झाला. यात दोन्ही कुटुंबांनी परस्पर विरोधी गटास शिवीगाळ करुन लाथाबुक्क्यांनी, कु-हाडीच्या दांडयाने मारहान करुन खुनाची धमकी दिली अशा मजकुराच्या दोन्ही गटांनी  दि. 26 जून रोजी परस्पर विरोधी दिलेल्या दोन प्रथम खबरेवरुन भा.दं.सं. कलम- 324, 323, 504,506, 143,147, अंतर्गत गुन्हे नोंदवले आहेत.

 

पोलीस ठाणे, वाशी : ॲडव्होकेट अजितकुमार पाटील हे दिनांक 25 जुन रोजी विजोरा ग्रामपंचायत बैठकीस हजर होते. यावेळी  अनावश्यक लोकांनी बैठकीस हजर राहण्यास त्यांनी विरोध केल्याने गावकरी 1) महादेव रामलाल क्षत्रीय 2) गणेश अंगद खोसे 3) अनिल जगन्नाथ खोसे यांनी अजितकुमार  यांना शिवीगाळ करुन, खुनाची धमकी देउन धारदार पात्याने व खुर्चीने मारहान करुन जखमी केले. अशा मजकुराच्या अजितकुमार यांनी दि.26 जुन रोजी दिलेल्या प्रथम खबरेवरुन भा.दं.सं. कलम- 324,323,504,506,34 अंतर्गत गुन्हा नोंदवला आहे.

नळदुर्ग : अज्ञात चोरट्यानी घरात घुसून सोन्याचे दागिने, रोख रक्कम असे दोन लाखाचा मुद्देमाल केला लंपास

उस्मानाबाद , दि .  २७ :

पोलीस ठाणे, नळदुर्ग : शेटे तांडा,धनगरवाडी येथील गणेश निसरगुंडे हे 25-26 जुन दरम्यानच्या रात्री घरात झोपलेले असतांना अज्ञाताने त्यांच्या घरात प्रवेश करुन घरातील 23 ग्रॅम सुवर्ण दागिने व 80,000 ₹ रोख रक्कम चोरुन नेली. अशा मजकुराच्या निसरगुंडे यांनी दि. 26 जून रोजी दिलेल्या प्रथम खबरेवरुन भा.दं.सं. कलम-  457, 380 अंतर्गत गुन्हा नोंदवला आहे.

कळंब : ७ लाख रुपये रक्कम अपहार करुन फसवणुक केल्याप्रकरणी एकाविरुध्द गुन्हा

उस्मानाबाद , दि.२७ :

पोलीस ठाणे, कळंब : कळंब येथील भारत फायनान्स शाखेचे प्रतिनिधी अमोल कदम रा.कौडगांव ता.उस्मानाबाद  यांनी मार्च 2020 ते ऑक्टोबर 2020 या काळात महिला बचत गटांकडुन मासीक हप्ते गोळा केले . तसेच महिला बचत गटांना  कर्ज देण्याच्या बहान्याने कर्ज फी पोटी रकमा घेतल्या. अशा प्रकारे कदम यांनी एकुण 6,91,026 रुपये गोळा करुन भारत फायनान्स मध्ये न भरता अपहार केला.

अशा मजकुराच्या व्यवस्थापक आकाश गाढवे यांनी दिलेल्या प्रथम खबरे वरुन भादसं कलम 409 अंतर्गत गुन्हा नोदंविला आहे.

भ्रष्टाचार विरोधी जन आक्रोश संघटनेच्या उस्मानाबाद जिल्हाध्यक्षपदी प्रभाकर जाधव

               

           

काटी , दि. २७ :  

तुळजापूर तालुक्यातील  तामलवाडी येथील सरस्वती माध्यमिक व उच्च माध्यमिक विद्यालयातील क्रीडाशिक्षक तथा राष्ट्रीय चर्मकार महासंघाचे राज्य कार्यकारणी सदस्य प्रभाकर जाधव यांची भ्रष्टाचार  विरोधी जन आक्रोश महाराष्ट्र राज्य या अराजकीय सामाजिक संघटनेच्या शिक्षक व कर्मचारी सेलच्या जिल्हाध्यक्षपदी निवड झाली. 

या निवडीचे नियुक्ती पत्र संस्थापक अध्यक्ष भाऊसाहेब कांबळे व उपाध्यक्ष बाबासाहेब कांबळे यांच्या हस्ते देण्यात आले . या  निवडीचे सर्वत्र  स्वागत होत आहे.

नळदुर्ग : अज्ञात वाहनाच्या धडकेत दुचाकीस्वाराचा गंभीर जखमी होवुन मृत्यु

उस्मानाबाद ,दि. २७ 

पोलीस ठाणे, नळदुर्ग : दत्तात्रय बनसोडे रा.सोलापुर  हे दि. 04 जून रोजी 10.30 वा. सु. सोलापुर –ईटकळ रस्त्याने मोटार सायकल चालवत जात होते. या वेळी पाठीमागुन आलेल्या अज्ञात वाहनाची  धडक त्यांना लागल्याने  ते गंभीर जखमी होउन मयत झाले. या अपघातानंतर नमूद कारचा अज्ञात चालक जखमीस उपचारकामी न नेता, अपघाताची खबर पोलीसांना न देता अपघात स्थळावरुन वाहनासह पसार झाला. अशा मजकुराच्या बापु धुते रा.खानापुर यांनी दि. 26 जून रोजी दिलेल्या प्रथम खबरेवरुन भा.दं.सं. कलम- 279, 304 (अ) सह मो.वा.का. कलम- 134 (अ) (ब) अंतर्गत गुन्हा नोंदवला आहे.

तुळजापूर : जनावरांची निर्दयपणे वाहतुक करणाऱ्या दोघांवर गुन्हे दाखल

पोलीस ठाणे तामलवाडी :   उस्मानाबाद – सोलापुर महामार्गावर  दि. 26 जून रोजी तामलवाडी पोलीस गस्तीस असतांना माळुंब्रा विदयुत उपकेंद्रासमोर पोलीसांना अशोक लेलॅन्ड दोस्त वाहने क्रमांक एम एच 25 ए जे 6700 व एम एच 12 एन एक्स 9542 दिसली. या वाहनांत अत्यंत दाटीवाटीने,चारा न पुरवता, जनावरांची  निर्दयपणे व विनापरवाना वाहतुक चालक तानाजी खराडे रा.मसला खुर्द व अब्दुल सय्यद रा.उस्मानाबाद हे करत असल्याचे आढळले.

यावरुन पोलीसांनी सरकारतर्फे दिलेल्या प्रथम खबरेवरुन भा.दं.सं. कलम- पशु क्रुरता प्रतिबंधक कायदा व महाराष्ट पोलीस कायदा अंतर्गत दोन गुन्हे नोंदवण्यात आले आहेत.

लोहारा : सार्वजनिक ठिकाणी रहदारीस धोका निर्माण करणाऱ्या पाच व्यक्तींवर गुन्हे

उस्मानाबाद ,दि. २७ :  

पोलीस ठाणे लोहारा: रहदारीस धोका अडथळा निर्माण होईल अशा रितीने रस्त्यात हातगाडे  उभे करणा-या  पाच व्यक्तींवर लोहारा पोलीसांनी दि. 26 जून रोजी  भादसं कलम 283 अंतर्गत कारवाया केल्या. 

यात  शायर बागवान, शफिक हेडडे, मुनीर  सुंभेकर,शैकत बागवान, सोहेल शेख हे लोहारा येथील सास्तुर चौकात आपापले फळ हातगाडे  रहदारीस धोका अडथळा निर्माण होईल अशा रितीने  लावुन व्यवसाय करतांना  आढळले.

सेक्सटॉर्शन पासुन सावध राहण्याचे पोलीस दलातर्फे जनतेस आवाहन

उस्मानाबाद, दि . २७ :

 ब्लॅकमेल करुन खंडणी उकळण्याचा ‘सेक्सटॉर्शन’ हा नवीन प्रकार सामाजिक प्रसार माध्यमांच्या अविवेकी वापरामुळे उदयास आला आहे. या प्रकारात अज्ञात स्त्री- पुरुष हे खंडणी उकळण्याकरीता नवनवीन सावज शोधण्यासाठी ऑनलाईन सामाजिक प्रसार माध्यमांचा उपयोग करतात. फेसबुक, इन्स्टाग्राम, व्हाट्सॲप यांसारख्या मेसेजींग ॲप, डेटींग ॲप यांसारख्या सामाजिक प्रसार माध्यमांत खोटे नाव, पत्ते, छायाचित्रे वापरून आपले बनावट खाते (प्रोफाईल) उघडून आपण उच्च पदस्थ, श्रीमंत, देखणे, सुंदर असल्याचा बनाव करतात. अशा बनावट खात्यांद्वारे फ्रेन्ड रिक्वेस्ट पाठवून, मिस कॉल देउन, व्हीडीओ कॉल करुन किंवा डेटींग ॲपद्वारे प्रेम, विवाह, संभोग असे भुरळ घालणारे प्रस्ताव इतरांना पाठवून त्यांची मैत्री संपादन करतात.

या मैत्रीतूनच पुढे अर्धनग्न, नग्न अवस्थेत एकमेकांना व्हीडीओ कॉल, चॅटींग केले जाते. बनावट खातेधारक असे अर्धनग्न, नग्न व्हीडीओ कॉल- छायाचित्रे, अश्लील संभाषन-संदेशांची देवान जतन (रेकॉर्ड) करुन ठेवतात. कालांतराने त्याच रेकॉर्डीगच्या आधारे ते व्हीडीओ कॉल, छायाचित्रे, चॅटींग अशी खासगी माहिती इंटरनेटवर जगजाहिर करण्याची धमकी समोरील व्यक्तीस देउन ब्लॅकमेल करतात आणि त्याच्याकडून ऑनलाईन खंडणी उकळतात.

दुसऱ्या प्रकारात ऑनलाईन अश्लील साहित्य दाखवणाऱ्या संकेतस्थळांचे (वेबसाइट)सदस्य असणारे ग्राहक आपली नावे, बॅक खाते विषयक माहिती तेथे भरतात. “तुम्ही अश्लील व्हीडीओ पाहत असुन तुमचा सर्व बायोडाटा आमच्याकडे आहे.” अशी ऑनलाईन धमकी ते अज्ञात लोक ग्राहकांना देउन त्यांच्याकडून ऑनलाईन खंडणी उकळतात. आपली बदनामी टाळण्याच्या भीतीने पिडीत व्यक्ती समोरील त्या अज्ञाताच्या धमक्यांस बळी पडून खंडणी देतात किंवा प्रसंगी आत्महत्याही करतात.

“सेक्सटॉर्शन पासून सुरक्षीत रहायचे असेल तर कोणत्याही ज्ञात- अज्ञात व्यक्तीशी अश्लील चॅटींग करु नका. आपली अर्धनग्न, नग्न छायाचित्रे एकमेकांस पाठवू नका. अर्धनग्न, नग्न अवस्थेत व्हीडीओ कॉल करु नका. तसेच आपली खाजगी छायाचित्रे, व्हीडीओ हे मोबाईल फोन, मेमरीकार्ड, ऑनलाईन ड्राईव्ह यांत जतन करतांना अधीकृत ॲपचा वापर करुन मजबूत पासवर्डचा उपयोग करावा. अविश्वसनिय, संशयास्पद असणारे ॲपलिकेशन्स मोबाईल मध्ये घेउ नका. सामाजिक प्रसार माध्यमांचा मर्यादीत व सुरक्षीत वापर करा. सर्वात महत्त्वाचे म्हणजे सेक्सटॉर्शनच्या धमक्यांना बळी न पडता नजीकच्या पोलीस ठाण्यात किंवा www.cybercrime.gov.in या संकेतस्थळावर संपर्क साधा.” असे आवाहन  पोलीस अधीक्षक  राज तिलक रौशन यांनी जनतेस केले आहे.

लोहारा : छत्रपती कामगार संघटनेच्या वतीने राजर्षी शाहू महाराज यांची जयंती साजरी

लोहारा , दि .२७:  

  छत्रपती कामगार संघटनेच्या वतीने लोकराजा ,आरक्षणाचे जनक, छत्रपती राजर्षी शाहू महाराज यांची जयंती साजरी करण्यात आली. व संघटनेचा दुसरा वर्धापन दिन साजरा करण्यात आला. 

यावेळी लोहारा  तहसीलदार संतोष रुईकर यांच्या हस्ते शाहू महाराज यांच्या प्रतिमेचे पूजन करून कार्यक्रमाला सुरुवात करण्यात आले. रुईकर यांनी कामगारांची व संघटनेच्या पदाधिकारी यांची आडचण लक्षात घेऊन कामगारांना ९० दिवसाच्या प्रमाणपत्रा संदर्भात लोहारा गटविकास अधिकारी यांच्याशी चर्चा करून कामगारांचे प्रश्न सोडवण्याचे आश्वासन दिले. संघटनेचे अध्यक्ष तानाजी गायकवाड यांनी शाहु महाराज यांच्या जयंती निमित्त सर्व भुमीहीन शासकीय नोकरी नसलेल्या मराठा व बहुजन लोकांना असे आवाहन केले कि, अशा कुटुंबासाठी शासनाकडून ५० ते ४० लाखा पर्यंत बिन व्याजी दिर्घ मुदतीचे कर्ज मिळावे, किंवा कसुन खाण्यासाठी ५ एकर गायरान जमीन मिळावी अथवा कुटुंबातील एका सदस्यांला शासकीय सेवेत घ्यावे अशा आशयाचे निवेदन शासन दरबारी दिले असल्याचे सांगितले व याचा फायदा सर्व बहुजन समाजाने घ्यावे व संघटनेच्या पदाधिकारी यांच्याशी संपर्क साधण्याचे आवाहन केले. तसेच सामाजिक कार्यकर्ते दत्ताभाऊ गायकवाड यांनी शाहु फुले आंबेडकर यांचे कार्य उपस्थितांना सांगितले. दुपारच्या सत्रात जिजाऊ ब्रिगेडच्या लोहारा तालुका अध्यक्षा रंजनाताई हासुरे यांनी उपस्थितांना मार्गदर्शन केले. 

कार्यक्रमाचे प्रमुख पाहुणे म्हणून तहसीलदार संतोष रुईकर, संस्थेचे अध्यक्ष तानाजी गायकवाड, बालाजी माटे, दत्तात्रय पाटील, महादेव धारूळे, दिपक तावडे, यांची प्रमुख उपस्थिती होती. कार्यक्रमाचे प्रास्ताविक माजी तालुकाध्यक्ष महादेव वाघमारे यांनी तर सुत्रसंचालन संघटना सचिव तिम्मा माने यांनी केले तर आभार जिल्हा सचिव बालाजी चव्हाण यांनी मानले.

लोहारा : पक्ष सदस्यत्वाचा राजीनामा काँग्रेसचे पदाधिकारी देत असल्याने काॕग्रेसला निवडणुक पुर्व मोठा धक्का

लोहारा , दि. २७ : 

मागील काही दिवसापासून लोहारा येथील काँग्रेस नेते, पदाधिकारी काँग्रेसची साथ सोडत असल्याचे दिसत आहे. त्यामुळे ऐन नवडणुकीच्या तोंडावर काँग्रेसला लोहारा येथे  जबर धक्का बसल्याने राजकीय वर्तुळात जोरदार चर्चा रंगली आहे. 

लोहारा येथील जिल्हा सहकार बोर्ड संचालक तथा युवक काँग्रेस माजी तालुकाध्यक्ष अविनाश माळी, माजी पंचायत  समिती सदस्य दिपक रोडगे, माजी पं. स. सदस्य इंद्रजित लोमटे, माजी लोहारा ग्रामपंचायत सदस्य तथा काँग्रेस ओबीसी सेल माजी तालुकाध्यक्ष श्रीशैल्य स्वामी यांच्यासह राजेंद्र क्षीरसागर,अमोल माळी यांनी काँग्रेस पक्ष सदस्यत्वाचा राजीनामा काँग्रेस तालुकाध्यक्ष अमोल पाटील यांच्याकडे सोपविला आहे.

आगामी होऊ घातलेल्या लोहारा नगरपंचायत निवडणुकीच्या तोंडावर काँग्रेस पक्षाला गळती लागल्याने निवडणुकीपुर्वी काँग्रेसला हा दुसरा धक्का बसला आहे. तीन दिवस अगोदर काँग्रेसचे जेष्ठ नेते नागन्ना वकील हे समर्थकासह राष्ट्रवादी काँग्रेस दाखल झाले होते.

 लोहारा शहराच्या विकासासाठी जिल्हा सहकार बोर्ड संचालक अविनाश माळी,मा.पं स सदस्य दिपक रोडगे,मा.पं स सदस्य इंद्रजित लोमटे, माजी लोहारा ग्रामपंचायत सदस्य तथा काँग्रेस ओबीसी सेल माजी तालुकाध्यक्ष श्रीशैल्य स्वामी हे लोहारा शहर विकास आघाडी 

स्थापन करून निवडणूक रिंगणात उतरणार असल्याची चर्चा सुरू आहे.

राष्ट्रवादी ओबीसी सेलच्या तुळजापूर तालुका उपाध्यक्षपदी महेश बिराजदार

वागदरी , दि.२७ : 

राष्ट्रवादी काँग्रेस पक्ष ओबीसी सेलच्या तुळजापूर तालुका उपाध्यक्षपदी वागदरी येथील युवा कार्यकर्ते महेश महादेव बिराजदार यांची निवड करण्यात आली.

  नुकतेच तुळजापूर येथे राष्ट्रवादी काँग्रेसचे जिल्हा अध्यक्ष सुरेश  बिराजदार यांच्या प्रमुख उपस्थितीत आयोजित बैठकीत वागदरी ता.तुळजापूर येथील  महेश बिराजदार यांची राष्ट्रवादी कॉंग्रेस  ओबीसी सेलच्या तुळजापूर तालुका उपाध्यक्षपदी निवड करण्यात आली.

 सदर निवडीचे पत्र जिल्हा अध्यक्ष सुरेश  बिराजदार यांच्या हस्ते त्यांना देण्यात आले.  यावेळी राष्ट्रवादी काँग्रेसचे तालुका अध्यक्ष गोकुळ  शिंदे ,रोहीत पवार युवा मंचचे जिल्हा अध्यक्ष ॲड. अमोल पाटील, ओबीसी सेल तालुका अध्यक्ष विकी घुगे आदी  उपस्थित होते. त्यांच्या या  निवडीबद्दल सर्वत्र त्यांचे आभिनंदन होत आहे.

नळदुर्ग : प्राथमिक आरोग्य केंद्रातील परिचारिका सुमन फुले यांचा गौरव

नळदुर्ग , दि. २७ :  

संसर्गजन्य   कोरोनामध्ये   नळदुर्ग येथिल  प्राथमिक आरोग्य केंद्राच्या परिचारिका श्रीमती सुमन शरणाप्पा फुले यांनी   उत्कृष्ट सेवा   केल्याबद्दल त्याची दखल  घेवुन " कोरोना योद्धा " म्हणून श्रीमती  फुले यांच्या   वाढदिवसाचे औचित्य साधून नळदुर्ग शहर पत्रकार संघाच्या वतीने त्यांचा सत्कार करून गौरव करण्यात आला.

शनिवार दि.२६ जुन रोजी श्रीमती सुमन फुले यांच्या निवासस्थानी    नळदुर्ग  शहर पञकार संघाच्यावतीने फेटा ,शाल, पुष्पहार ,पुष्पगुच्छ देवुन सन्मानित केले. त्याचबरोबर शनिवारी त्यांचा वाढदिवसाच्या असल्याने शुभेच्छाही देण्यात आले. यावेळी पञकार संघाचे अध्यक्ष सुहास येडगे , पञकार   तानाजी जाधव , विलास येडगे , शिवाजी नाईक, तानाजी जाधव,  दादासाहेब बनसोडे, उत्तम बणजगोळे , जेष्ठ नागरिक रघुनाथ नागणे , माजी नगरसेवक सुधीर हजारे, सामाजिक कार्यकर्ते मारुती खारवे, संजय जाधव, , भाजपचे शहराध्यक्ष पद्माकर घोडके ,   पञकार  मिञ अमर भाळे  इत्यादी उपस्थितीत होते.

कृषी संजीवनी प्रकल्पाअंतर्गत लोहारा तालुक्यातील वडगाववाडी येथे शेतीशाळा

जळकोट,दि.२७ :

येथून जवळच असलेल्या मौजे वडगाववाडी (ता.लोहारा) येथे दि.२६ जुन रोजी नानाजी देशमुख कृषी संजीवनी प्रकल्प अतर्गत कृषी संजीवनी मोहीम २०२१अंतर्गत  बीजप्रक्रियाची माहिती देण्यात आली.

तसेच बी.बी. एफ यंत्राने पेरणी केल्याचे फायदे व निंबोळी अर्क, दशपर्णी अर्क, कीटकनाशक फवारणी विषयी सविस्तर मार्गदर्शन  करण्यात आले. शेतीशाळेसाठी  प्रशिक्षक अंकीता पाटील, संरपच अनिता भुजबळ ,कृषी ताई  अनिता स्वामी , संगमेश्वर स्वामी,   अंकुश भुजबळ, गणपती बोडके यांच्यासह  शेतकरी उपस्थित होते.