एज्युकेशन वेल्फेअर असोसिएशनच्या वतीने सामुदायिक विवाह सोहळा संपन्न

नळदुर्ग , दि . ३१

 रविवार दि . ३० जानेवारी रोजी पार पडलेल्या सामुदायिक विवाह सोहळ्यात ९ जोडप्यांचे विवाह येथील  बी.के फंक्शन हॉल येथे कोरोनाचे नियमाचे पालन करीत वधु वरांच्या जवळच्या मोजक्याच नातेवाईकांच्या उपस्थितीमध्ये साधेपणाने पार पडला. 

नळदुर्ग येथील   एज्युकेशन वेल्फेअर असोसिएशनच्या वतीने दरवर्षी प्रमाणे यावर्षी हि इज्तेमाई शादीयाॅ (सामुदायिक विवाह सोहळा)चे आयोजन करण्यात आले होते. नळदुर्ग एज्युकेशन असोसिएशनच्या वतीने गेल्या ७  वर्षा पासून नळदुर्ग येथे मुस्लिम समाजासाठी (इज्तेमाई शादीयाॅ) सोहळ्याचे आयोजन करीत आहे.

  नळदुर्ग शहर व परिसरातील गोरगरीब गरजुवंत कुटुंबीयांना मोठ्या प्रमाणात आधार मिळत आहे. गेल्या ७ वर्षात ८० पेक्षा जास्त जोडप्यांचे विवाह लावण्यात आले आहेत. ३० जानेवारी रोजी झालेल्या विवाह सोहळ्यात ९ जोडपे विवाहबद्ध झाले. विवाहबध्द झालेल्या नव वधुवरांना नळदुर्ग एज्युकेशन वेल्फेअर असोसिएशनच्या वतीने प्रत्येकी २५ हजार रुपयांचे संसारोपयोगी वस्तु भेट म्हणून देण्यात आले. हा विवाह सोहळा यशस्वी पार पाडण्याकरिता नळदुर्ग एज्युकेशन वेल्फेअर असोसिएशनचे अध्यक्ष पत्रकार लतीफ शेख यांच्यासह रुकनोद्दीन शेख, युनुस शेख, अफरोज पंचभाई, बरकत जाहगिरदार, ॲड.मतीन बाडेवाले ,आमेर शेख, खालेद इनामदार, सादेक काझी, वसीम कुरेशी,आबेद इनामदार, अलीम शेख, अशपाक कुरेशी, वाजीद शेख, रफिक फुलारी,सैफन शेख, रहेमान कुरेशी, शौकत कुरेशी, अबुबकर कुरेशी, खमर कुरेशी, मुर्तुजा शेख,फकरोद्दीन मुजावर, दस्तगीर जाहगिरदार, खमरोद्दीन शेख, शमा काझी,सलाम कुरेशी,हुजुर शेख, मुर्तुजा मोजन ,जमीर मोजन, आवेज शेख, आबेद इनामदार, सज्जाद इनामदार, मुद्दसर शेख, ,सलमान कुरेशी, जावेद कुरेशी, मुजम्मिल शेख, अब्दुल कदीर शेख,यमान पंचभाई,मुबशीर शेख, अवेज पटेल,दानिश शेख, यांच्यासह शहरातील विविध सामाजिक संघटनांचे पदाधिकारी व कार्यकर्त्यांनी परिश्रम घेतले. 

या कार्यक्रमासाठी उस्मानाबाद  येथील हजरत ख्वाजा गाझी शमशोद्दीन रहे. वेल्फेअर सोसायटीचे प्रमुख अलहाज सय्यद नादेरउल्ला हुसेनी   त्यांचे सहकारी  व  हारुण इनामदार यांचे मार्गदर्शन व सहकार्य लाभले.

यावेळी हाफेज व खारी सय्यद मैनोद्दीन जाहगिरदार व आलेम मोहम्मद रजा यांचे धार्मिक प्रवचन झाले.यावेळी हाफेज सय्यद नियामतुल्ला इनामदार, हाफेज फारुख शेख,हाफेज मुसा जमादार, हाफेज शब्बीर शेख, हाफेज शफिक रजा, हाफेज शोहेब रजा,शहर काजी अहेमद अली काजी यांच्यासह  वधु वरांच्या जवळच्या मोजक्याच नातेवाईकांच्या उपस्थितीत   सामुदायिक विवाह सोहळा पार पडला.

चिवरी येथील जगन्नाथ सुर्यवंशी यांचे निधन

चिवरी , दि ३१

तुळजापूर तालुक्यातील चिवरी येथील  जगन्नाथ काशिनाथ सूर्यवंशी ( वय ६०) यांचे दि.३१ रोजी सोलापूर येथे सकाळी अपघाती निधन झाले आहे, ते येथील  ग्रामपंचायतीचे निवृत्त  शिपाई तथा नाट्य कलाकार होत, त्यांच्या पश्‍चात पत्नी, दोन मुले,एक मुलगी सुना नातवंडे असा परिवार आहे, त्यांच्या पार्थिवावर सायंकाळी शोकाकुल वातावरणात अंत्यसंस्कार करण्यात आले त्यांच्या अकाली निधनाने परिसरात हळहळ व्यक्त होत आहे.

मुलीच्या वाढदिवसानिमित्तकुंभार यांनी केले वृक्षारोपण

 जळकोट, दि.३१ : मेघराज किलजे 

   जिल्हा परिषद प्राथमिक शाळा संभाजीनगर, जळकोट ता . तुळजापूर येथे शाळा व्यवस्थापन समितीचे सक्रीय सदस्य  तुकाराम निंबण्णा कुंभार यांनी आपल्या कु. प्रणिता  या कन्येचा वाढदिवस दोन  पाम वॄक्षाच्या रोपांची लागवड करून व संवर्धनासाठी लोखंडी जाळ्या बसवून व   कोरोना नियमांचे पालन करून नवोदय परीक्षेच्या पूर्व तयारीसाठी जादा तासास उपस्थित विद्यार्थ्यांना खाऊ वाटप करून साजरा करण्यात आला. 

यावेळी शाळेच्यावतीने मुख्याध्यापक  डी.एस  रेणूके  यांनी कु. प्रणितास वाढदिवसाच्या शुभेच्छा देऊन पालकांचे आभार मानले. यावेळी शाळेतील शिक्षक   दयानंद सोनवणे , मुरमुरे जी.के., डी.एस वनवे , नाना क्षिरसागर , श्रीमती एम.एस. रेणूके , श्रीमती महानंदा महामुनी ,श्रीमती एस.एस. भोसले आदी  उपस्थित होत्या. तुकाराम निबंण्णा कुंभार यांनी राबविलेल्या उपक्रमाचे  कौतुक व आभिनंदन शाळा व्यवस्थापन समिती अध्यक्ष  शकील  मुलानी यांच्यासह पालक वर्गातून होत आहे.

रिपाइंचे प्रदेश महासचिव राजाभाऊ सरवदे यांचा उस्मानाबाद येथे सत्कार

वागदरी ,दि . ३१ : एस.के.गायकवाड

रिपब्लिकन पार्टी ऑफ इंडिया (आठवले) चे महाराष्ट्र राज्य सरचिटणीस  राजाभाऊ सरवदे यांचा उस्मानाबाद येथे स्वागतपर सत्कार करण्यात आला.

  

रिपाइं (आठवले)चे महाराष्ट्र प्रदेश महासचिव राजाभाऊ सरवदे हे उस्मानाबादला आले असता येथील शासकीय विश्रामग्रहात रिपाइंचे उस्मानाबाद जिल्हा अध्यक्ष  राजाभाऊ ओहाळ यांच्या हस्ते त्यांचा  सत्कार करण्यात आला.

   

 यावेळी रिपाइंचे जिल्हा संघटक सोमनाथ गायकवाड,उस्मानाबाद तालुका अध्यक्ष भालचंद्र कठारे,शहर अध्यक्ष उदयराज बनसोडे,युवक नेते मुन्ना ओहाळ ,समीर नदाफ,शहर संघटक सचिव मुकेश मोठे,स्वराज जानराव,महादेव भोसले, मिलिंद सोनवणे, कपिल ओहाळ,यांच्या सह पदाधिकारी उपस्थित होते.

इंधनाच्या दरवाढीमुळे ट्रॅक्टर शेती महागली , शेतकर्‍यांना बसतोय डिझेल दरवाढीचा फटका

                 

                     

 चिवरी , दि . ३१ : राजगुरू साखरे : 

शेतीचे कामे बैलाच्या सहाय्याने करण्याऐवजी बहुतांश शेतकरी ट्रॅक्टरचा वापर करीत आहेत .एकरभर क्षेत्रासाठी गेल्यावर्षी बाराशे रुपये असलेला ट्रॅक्टरच्या नांगरणीचा भाव यावर्षी डिझेल दरवाढीमुळे पंधराशे ते सोळशे रुपयापर्यंत पोहचला आहे.

गेल्या काही दिवसापासून डिझेल पेट्रोलचे दर सातत्याने वाढत असून डिझेल नव्वद रूपयाच्या आसपास तर पेट्रोल शंभर रुपये लीटर झाल्याने भाव वाढ झाली आहे.ऐकिकडे बैलची संख्या अतिशय कमी झाल्याने सर्व शेतकरी वर्गांचा ट्रॅक्टरने शेती करण्यावर भर आहे मात्र आता डिझेलचे भाव वाढल्याने शेतकर्‍यांना शेती करण्यासाठी मोठी आर्थिक कसरत करावी लागणार आहे.दररोज पेट्रोल  व डिझेलचे भाव वाढत असल्याने सर्वसामान्याचे जगणे मुश्किल झाले आहे.शहरी भागात जसे नागरिकणा इंधन दरवाढीने मेटाकुटीला आणले आहे.तसे शेतक-यांचीही चिंता वाढवली आहे. डिझेलचे दर वाढल्याने ट्रॅक्टर मशागतही वाढली आहे. साधारणपणे २०० ते १ हजार रुपयापर्यंत वाढ झाल्याने एकरी मशागतीच्या खर्चाने हैराण झालेल्या डिझेल दरवाढीमुळे शेतकर्‍यांना आर्थिक फटका बसत आहे .शेतीमध्ये जास्तीस जास्त ट्रॅक्टर ,रोटव्हेटर,यांचा वापर वाढला आहे.डिझेलची किंमत आता पेट्रोलच्या जवळपास येऊन ठेपली आहे.दोन्हीमद्धे थोडेच अंतर राहिले आहे.ऐकुणच पेट्रोलच्या पाठोपाठ डिझेलच्या किंमती वाढल्याने यांचे गंभीर परिणाम सर्वसामान्याना सोसावे लागत आहे .अगोदरच कोरोना  संकटामुळे त्रस्त असलेल्या जनतेला आता पेट्रोल डिझेलच्या महागाईला तोंड द्यावे लागत आहे.                                                                                                                            

प्रशांत बोडके , शेतकरी .

 गेल्यावर्षीच्या तुलनेत डिझेलचे दर मोठ्या प्रमाणावर वाढले आहे.एकीकडे बैलंची संख्या कमी झाली आहे.शेतीचे सर्व कामे ट्रॅक्टरवर करावी लागत त्यामुळे गेल्यावर्षी पेक्षा यंदा चारशे ते पाचशे रुपयांनी वाढ झाली त्यामुळे सध्या शेतकरी वर्गाला आर्थिक फटका बसत आहे.                                                                              

रक्तदानाची चळवळ उभारणे ही काळाची गरज - रमाकांत जोशी

उमरगा , दि . ३१

         

 राज्यात घडणारे दररोजचे अपघात गंभीर आजार अशांना रक्ता अभावी प्राण गमवावे लागते तेंव्हा रक्ताचा तुटवडा ही राज्यासमोरील गंभीर समस्या असून या समस्येवर मात करण्यासाठी  रक्तदानाची चळवळ उभारणे ही काळाची गरज असल्याचे स्पर्श रुग्णालयाचे प्रकल्प अधिकारी रमाकांत जोशी यांनी व्यक्त केले.

लोहारा तालुक्यातील सास्तूर येथील स्पर्श रुग्णालयामधे कर्मयोगी शेखर उर्फ भाऊसाहेब आंबेकर यांनी आपल्या ६५ व्या वाढदिवसानिमित्त १०० वा रक्तदान सोहळा साजरा केला. यावेळी  आंबेकर स्वागत समिती व सास्तूर नगरीच्या वतीने  अंबेकर यांचा नागरी सत्कार करण्यात आला. यावेळी  रमाकांत जोशी यांनी प्रमुख पाहुणे म्हणून बोलताना आपले विचार व्यक्त केले.

कार्यक्रमाच्या अध्यक्षस्थानी सामाजिक कार्यकर्ते ॲड रावसाहेब पाटील तर प्रमुख पाहुणे म्हणून राष्ट्रवादी तालुका अध्यक्ष सुनिल साळूंके,  लोहारा नगरपंचायत सदस्य जालींदर कोकणे ,  संजय गोडसे, देविदास गोपणे , सांगोला पोलिस निरीक्षक सुनिल काकडे व प्रसिद्ध लेखक  प्रा फ.म शहाजीदे हे उपस्थित होते.

यावेळी  शहाजींदे यांनी अंबेकर यांनी १०० वेळा रक्तदान करून सास्तूरचे नाव राज्यात प्रसिद्ध केले आहे. त्यांचा आदर्श इतरांनी घ्यावा  सुनिल सांळुके यांनी राजकीय व सामाजिक क्षेत्रात काम करतांना जरूर आम्ही अंबेकरांचा आदर्श घेवुन काम करू यावेळी जालींदर कोकणे देविदास गोपणे यांनी अंबेकरांच्या कार्याचा गौरव करून त्यांना सुभेच्छा दिल्या.

यावेळी  अंबेकर यांनी शासनाने शासकीय कर्मचा-याना दर 3 महिन्यास  रक्तदान करण्याचा आदेश काढावा जेणेकरून रक्त तुटवड्याची समस्या कायमची संपेल.

यावेळी १८ युवकांनी रक्तदान करून अंबेकरांना सुभेच्छा दिल्या .कार्यक्रमाचे प्रास्ताविक सुमित कोथिंबीरे यांनी तर आभार  बालाजी नादरगे यांनी केले.

हा कार्यक्रम यशस्वी करण्यासाठी सास्तूरचे सरपंच व समितीचे स्वागताध्यक्ष्  यशवंत कासार सदस्य सुनिल शिंदे , अशिष वाघमारे , धीरज बेळबकर, नाट्य अभिनेते वाय एस शिंदे , वाघंबर सरवदे ,चंद्रकांत जगदे ,श्रीमंत सुर्यवशी शिवसेना शाखा प्रमूख मुरली पवार ,श्रीकृष्ण रक्तपेढीचे व स्पर्श रुग्णालयातील  सर्व कर्मचा-यांनी परिश्रम घेतले.

काटी येथे जि.प. इंदिरानगर प्रशालेत महात्मा गांधी जयंती साजरी

काटी , दि . ३० 

तुळजापूर तालुक्यातील काटी येथील इंदिरानगर मधील जिल्हा परिषद प्राथमिक शाळेत रविवार दि. (30) रोजी शाळेतील विद्यार्थ्यीनी कु. सलोनी बंडगर हिच्या हस्ते  राष्ट्रपिता महात्मा गांधी यांच्या प्रतिमेचे पुजन करून पुण्यतिथी साजरी करण्यात आली. 

शाळेचे सहशिक्षक ज्योतिर्लिंग क्षीरसागर यांनी महात्मा गांधी यांच्या सामाजिक, शैक्षणिक, राजकीय कार्याची माहिती सांगितली. विध्यार्थ्यांनी महात्मा गांधीजी यांच्याविषयीं मनोगत व्यक्त केले. यावेळी शाळेच्या मुख्याध्यपिका श्रीमती अश्विनी काळदाते ,सहशिक्षक ज्योतिर्लिंग क्षिरसागर यांच्यासह विद्यार्थी उपस्थित होते.

नळदुर्ग : मुख्याध्यापक दत्तात्रेय आलुरे यांच्या सेवानिवृत्ती निमित्त सोमवार दि . ३१ जानेवारी रोजी सत्कार

नळदुर्ग , दि . ३० 

शहरातील  जिल्हा परिषद केंद्रीय प्राथमिक शाळेचे केंद्रीय मुख्याध्यापक दत्तात्रेय शिवशंकर आलुरे यांच्या  सेवानिवृत्ती निमित्त  सोमवार  दि . ३१ जानेवारी रोजी नळदुर्ग येथे  सत्कार  आयोजित करण्यात आले आहे. 

अणदुर ता.तुळजापूर येथिल राहणारे आलुरे हे दि .७ फेब्रुवारी १९८६ रोजी  जकेकुर ता. उमरगा येथील केंद्रीय प्राथमिक शाळेत  सहशिक्षक म्हणुन  रुजु झाले. सुमारे 36 वर्षाच्या प्रदीर्घ सेवे नंतर ते दि. 31 जानेवारी 2022 रोजी नळदुर्ग जि. प .के .प्रा.शाळेतुन  सेवानिवृत्त होत आहेत, त्यानिमित्ताने त्यांचा सत्कार समारंभ आयोजित करण्यात आला आहे. सन 2009 पासून ते सेवा निवृत्ती पर्यंत मुख्याध्यापक म्हणून चांगले कार्य त्यांनी बजावले आहे. तर त्यांनी 2016 ते 2018 पर्यंत अणदूर ता. तुळजापूर येथील केंद्राचा अतिरिक्त कार्यभार ही चांगल्या प्रकारे सांभाळला आसल्याने शिक्षकांमध्ये त्यांच्या चांगल्या कार्याची छटा उमटली आहे तर सन 2019 ते 2022 पर्यंत नळदुर्ग केंद्राचा अतिरिक्त केंद्रप्रमुखाचा कार्यभार ही त्यांनी उत्तम रित्या सांभाळल्या बद्दल केंद्रातील शिक्षकांनी त्यांचा भव्य असता निरोप समारंभ व सेवा निवृत्तीबद्दल सत्कार समारंभ आयोजित केला आहे. 36 वर्षाच्या प्रदीर्घ सेवेत त्यांनी हजारो विद्यार्थी घडवण्याबरोबर सर्व आपल्या शिक्षक बांधवांसोबत चांगल संबंध जोडून शिक्षकांमध्ये मित्रत्वाला जागणारा मुख्याध्यापक अशी ख्याती त्यांनी मिळविली आहे. दरम्यान दि. 31 जानेवारी रोजी होणाऱ्या सत्कार समारंभात दत्तात्रेय आलुरे गुरुजीचा यांचा भव्य असा सत्कार करण्यात येणार आहे शिवाय या सत्कार समारंभासाठी नळदुर्ग केंद्राबरोबर तालुक्यातील शिक्षक उपस्थीत राहणार आहेत. त्यांनी जकेकूर, काटगाव, अणदुर, देवसिंगा तुळ, नळदुर्ग येथे मुलांची प्रशाला आणि केंद्रीय प्राथमिक शाळा येथे आपली सेवा बजावली आहे. दरम्यान दत्तात्रेय आलुरे गुरुजी यांच्या सेवा निवृत्ती बद्दल आयोजित करण्यात आलेल्या सत्कार समारंभास तालुक्यातील शिक्षक व केंद्रातील शिक्षक आणि शिक्षक प्रेमी नागरीकांनी उपस्थीत रहावे असे आवाहन सत्कार समीतीच्या वतीने करण्यात आले आहे.

श्रीमती अन्नपूर्णा सनगले यांचे निधन

तुळजापूर दि ३० :

  तुळजापूर नगरपरिषदेचे अभियंता अशोक सनगले यांच्या मातोश्री अन्नपूर्णा वैजनाथ सनगले (वय ९४) यांचे  शनिवार (दि. २९) रात्री उशिरा वृध्दापकाळाने लातूर येथे राहत्या घरी निधन झाले.  त्यांचा पश्चात ०२ मुले,  ०३ मुली, सुना, नातवंडे, परतुंडे असा मोठा परीवार आहे. 

त्यांचा पार्थिवावर रविवार (दि.३०) दुपारी बेलपत्री स्मशान भूमी लातूर येथे शोकाकुल वातावरणात अंत्यसंस्कार करण्यात आले. तुळजापूर नगरपालिकेचे नगर अभियंता अशोक सनगले यांच्या त्या मातोश्री  होत. 

लोक कलावंताच्या कार्यक्रमावर यंदाही कोरोनाचे सावट, गावो गावच्या याञा-जञा, धार्मिक कार्यक्रम बंदीमुळे कलावंत आथिर्क विवंचनेत

             

                 

 चिवरी , दि . ३० राजगुरू साखरे

कोरोनामुळे गावोगावच्या यात्रा -जत्रा , उत्सव यावर गत दोन वर्षांपासून निर्बंध घालण्यात आले आहे. यंदा कोरोनचे सावट दूर होत असल्याचे चित्र दिसत असताना, पदरात दोन पैसे पडतील अशी आशा लोककलावंत मनाशी बाळगून होते. मात्र कोरोनाच्या तिसऱ्या लाटेने पुन्हा शिरकाव केल्याने पुन्हा गर्दीवर नियंत्रण आणण्यासाठी निर्बंधात  वाढ झाली आहे.

 त्यामुळे कलावंताच्या  आशेची निराशा झाली आहे. जानेवारी महिन्यात मकर संक्रांतीपासून गावची यात्रा  तसेच लग्नसराईचा हंगाम सुरू होत असतो. यामुळे या काळात यात्रेनिमित्त होणारे ऑर्केस्ट्रा, तमाशाचे फड, तसेच देव देवतांचे जागरण गोंधळाचे कार्यक्रम बंद झाले आहेत. त्यामुळे या कार्यक्रमातून आपली कला सादर करणाऱ्या लोककलावंतांच्या कलेवर मात्र संक्रात आली आहे हे. कलावंत  सध्या आर्थिक विवंचनेत सापडले असून  रोजगाराअभावी त्यांच्यावर उपासमारीची वेळ आली आहे. महाराष्ट्र हे लोककलांचे आगर आहे, आजही ग्रामीण भागात यात्रेमध्ये तमाशा फड तसेच आर्केस्ट्रा या कार्यक्रमाला मोठी मागणी आहे. गेल्या दोन वर्षापासून कोरूना च्या प्रादुर्भावामुळे हे कार्यक्रम होत नाहीत. 

त्यामुळे या कार्यक्रमावर अवलंबून असणारे ढोलकी वादक, हार्मोनियम वादक, नर्तिका, नाच्या,  सोंगाड्या, सरदार , अशा एक ना अनेक कलावंतावर बेरोजगारीची कुर्‍हाड कोसळली आहे. त्याच बरोबर देव देवतांचे गोंधळ, भारुड ,जागरण,किर्तन, आराधी गीते, पोतराज गीते आदी सर्वच लोक कला आज थांबल्या आहेत. आपल्या पोटाची भूक भागवण्यासाठी कला सादर करणारा लोककलावंत मात्र आज आर्थिक विवंचनेत अडकला असल्याचे दिसत आहे, आपल्या कलेच्या सादरीकरणातून मिळालेल्या बिदागीरीवरच त्‍यांचा उदरनिर्वाह चालत असतो, मात्र कोरोनाने सर्व काही हिरावून घेत त्यांचा रोजगारच नाहीसा केला आहे, एकंदरीत यंदाही कोरोनाचा तिसऱ्या लाटेचा सामना कलावंतांना करावा लागत आहे, यामुळे पिढ्यानपिढ्या आपल्या कलेचा वारसा जपणाऱ्या कलावंतांना आज मात्र आर्थिक विवंचनेने छायेत जीवन जगावे लागत आहे.

महाराष्ट्र स्टेट ऑलंपिक असोसिएशनचे सचिव नामदेव शिरगावकर यांचा तुळजापूरात सत्कार

 

तुळजापूर , दि . ३०

   

महाराष्ट्र स्टेट ऑलंपिक असोसिएशनचे सचिव नामदेव शिरगावकर यांचा सत्कार करण्यात आला. तत्पूर्वी नामदेव शिरगावकर यांनी कुलस्वामिनी तुळजाभवानी मातेचे दर्शन घेतले. 

   

देवी दर्शना नंतर शहरातील शासकीय विश्रामगृह येथे साॅफ्ट टेनिस असोसिएशनच्या वतीने   प्रशिक्षक संजय नागरे यांनी नामदेव शिरगावकर यांचा सत्कार केला. यावेळी केमीष्ट असोसिएशनचे किरण हंगरगेकर, हेमंत कांबळे यांच्यासह प्रियंका हंगरगेकर,  यशराज हुंडेकरी, प्रज्वल ढवळे आदी खेळाडूंची उपस्थिती होती. 

 

 यावेळी साॅफ्ट टेनिस असोसिएशन चे अध्यक्ष जिल्हा अध्यक्ष संदीप गंगणे यांनी ही असोसिएशनच्या वतीने नामदेव शिरगावकर यांचा सत्कार केला.

चौसाळा येथील पोस्टमन रामकिसन नाईक यांना सेवाभावी पुरस्कार प्रदान

चौसाळा , दि . ३० : 

 चौसाळा येथील पोस्ट ऑफिस मधील गेली ४२ वर्षे सेवा देणारे पोस्टमन रामकिसन नाईक यांना चौसाळा येथील सामाजिक उपक्रम राबविणारे पत्रकार विकास नाईकवाडे यांच्या वाढदिवसानिमित्त सेवाभावी पुरस्कार २०२२ हा पुरस्कार  चौसाळा ग्रामपंचायत कार्यालयामध्ये सरपंचपती मधुकर तोडकर ,वैद्यकीय अधिकारी डॉ. वैभव मोठे , ग्रामसेवक बाबासाहेब चव्हाण आदीच्या  हस्ते देण्यात आला .

यावेळी 42 वर्षे सेवा देणारे पोस्टमन पोस्टामध्ये  आलेले महत्वाचे कागदपत्र स्वतः घरी जाऊन प्रत्यक्ष त्या व्यक्तीच्या हातातच देतात व गाडी , सायकल असे काहीही चालवता येत नसल्याने पाई चलत 42 वर्ष सेवा देत आहेत. या सेवेमुळे सामाजिक उपक्रम राबविणारे पत्रकार विकास नाईकवाडे यांच्यातर्फे रामकिसन नाईक यांना ड्रेस   , एक ट्रॉफी, शाल, नारळ, फेटा देऊन त्यांचा  सन्मान केला.

 

यावेळी  व्यापारी आनंद लोढा, अशोक जोगदंड, उद्धव नाईकवाडे ,उमेश जोगदंड, गणेश कुलकर्णी ,बापू पवार , पत्रकार अमोल तांदळे,  ग्रामपंचायत  कर्मचारी प्रभू पिसाळ, ईसाक शेख ,मनोज वाघमारे, राम मस्के,  उपस्थित होते. यावेळी  पत्रकार विकास नाईकवाडे यांनी आभार मानले.

खामसवाडी येथे विविध ठिकाणी प्रजासत्ताक दिन उत्साहात साजरा

खामसवाडी दि.२९ : 

कळंब तालुक्यातील खामसवाडी येथे विविध ठिकाणी प्रजासत्ताक दिन उत्साहात साजरा करण्यात आला. 

या वेळी ग्रामपंचायत कार्यालय, विविध कार्यकारी सेवा सहकारी सोसायटी, प्रियदर्शनी सार्वजनिक वाचनालय, जिल्हा परिषद प्रशाला, जगदंबा कन्या प्रशाला,वस्ती शाळा आदी ठिकाणी साजरा करण्यात आला.यावेळी गावचे उपसरपंच प्रभाकर शेळके यांच्या हस्ते ग्रामपंचायत कार्यालयाचे ध्वजारोहन करण्यात आले. तर विविध कार्यकारी सेवा सहकारी सोसायटी येथे चेअरमन संजय पाटील यांच्या हस्ते तर प्रियदर्शनी सार्वजनिक वाचनालय येथे संस्थापक अध्यक्ष डी.एन. यादव यांच्या हस्ते ध्वजारोहन करण्यात आले. यावेळी कर्मचारी, पदाधिकारी,व ग्रामस्थ मोठ्या संख्येने उपस्थित होते.

लोहारा : मसणजोगी वस्तीतत गरीब, गरजूचे थंडीपासून रक्षण व्हावे याकरिता ब्लँकेट व फळे वाटप

लोहारा ,  दि.२९ : 

लोहारा शहरातील मसणजोगी वस्तीत राहत असलेल्या गरीब,गरजूचे थंडीपासून रक्षण व्हावे यासाठी डॉ हेमंत श्रीगिरे यांच्या वाढदिवसानिमित्त २७ ब्लँकेट व फळे वाटप करण्यात आले.

    

सध्या थंडीचे दिवस असून, सर्वसामान्य व्यक्ती आपली थंडी उबदार कपडे घालून कमी करू शकतो. मात्र, जे वंचित आहेत, गोरगरीब आहेत त्यांना पोटाची खळगी भरतानाच अडचण येते, तर त्यांनी गरम कपडे कधी खरेदी करायचे? अशा वंचितांना आधार देण्यासाठी, त्यांची थंडी काही अंशी कमी करण्याचा प्रयत्न करत आहोत. सामाजिक बांधिलकी जपत सर्वांनी होईल तितकी मदतीचा हात पुढे करून समाजात निर्माण झालेली दरी काही अंशी कमी होण्यास मदत होऊ शकेल.असे मत डॉ. हेमंत श्रीगिरे यांनी व्यक्त केले.

   

लोहारा येथील डॉ.हेमंत श्रीगिरे यांनी वाढदिवसानिमित्त कुटुंबाना ब्लँकेट व फळे वाटप केले.यावेळी राष्ट्रवादी काँग्रेस जेष्ठ नेते नागण्णा वकील, पोलिस निरीक्षक सुनीलकुमार काकडे, युवासेना तालुकाप्रमुख अमोल बिराजदार,कृषी उत्पन्न बाजार समिती माजी सभापती दयानंद गिरी,राष्ट्रवादी काँग्रेस सामाजिक न्याय विभाग प्रदेश सरचिटणीस तथा नगरसेवक जालिंदर कोकणे,काँग्रेस युवक शहराध्यक्ष हरी लोखंडे,भाजपा जिल्हा कार्यकरणी सदस्य कमलाकर सिरसाट,राष्ट्रवादी  काँग्रेस जिल्हा कार्यकारणी सदस्य बाबा शेख,मेडिकल असोसिएशन तालुकाध्यक्ष प्रमोद बंगले,मा.पंस सदस्य सुधीर घोडके,स्टेट बँक इंडिया लोहारा शाखा प्रबंधक प्रसाद कांबळे, विश्वजीत नरवडे, राजु स्वामी,उत्तम पाटील,बसय्या स्वामी ,किशोर जावळे,खंडू सरवदे,अनिल येलुरे, स्वप्नील पटवारी आदी उपस्थित होते. कार्यक्रमाचे प्रास्तविक दयानंद गिरी यांनी  तर आभार बसय्या स्वामी  यांनी मानले.

तुळजापूर तालुक्यातील नंदगाव येथे अज्ञात चोरट्यांचा धुमाकूळ ; मंदिर, मठ व घरे फोडून ४५ हजाराचा ऐवज लंपास

जळकोट, दि.२९ : मेघराज किलजे

येथून जवळच असलेल्या नंदगाव ता. तुळजापूर येथे मध्यरात्रीच्या सुमारास गावात अज्ञात चोरट्यानी धुमाकूळ घालत मंदिर व मठात देवीच्या अंगावरील दागिने चोरून , गावातील विविध भागातील चार घरे फोडून जवळपास ४५ हजाराचा ऐवज  लंपास केल्याची घटना शनिवार दि.२९ जानेवारी रोजी पहाटे दोन ते अडीच वाजण्याच्या सुमारास घडली.  

याबाबत घटनास्थाळावरुन मिळालेली  माहिती अशी की, नंदगाव (ता.तुळजापूर) येथील ग्रामस्थ शनिवारी मध्यरात्रीच्या सुमारास झोपेत असताना गावच्या ग्रामपंचायत समोर असलेल्या बसवेश्वर मंदिराचा दरवाजा कटरच्या साह्याने उचकटून मंदिरात असलेल्या देवीच्या गळ्यातील मंगळसूत्र व नथ त्याचबरोबर दानपेटीतील २५ हजार रुपयावर डल्ला मारल्यानंतर बसवेश्वर मंदिराच्या बाजूस असलेल्या विरक्त मठात प्रवेश करून दोन चादरी घेऊन स्वामीनाथ स्वामी यांच्या घरात प्रवेश करून घरातील ८ हजार रुपये किमतीचे भांडे घेऊन बाहेर पडले. त्यानंतर अविनाश कुलकर्णी यांच्या घरातील पेट्या खाली -वर करून पेटीतील सामान लंपास केले. या पेट्यामध्ये महत्त्वाची कागदपत्रे होती. गावातील तलावाच्या काठावर असलेल्या रत्‍नाबाई विटकर यांच्या घरात प्रवेश करून चोरट्यांनी रोख दोन हजार रुपये व पितळी सामान लंपास केले.शांताबाई बनपट्टी यांचे घर फोडून चोरट्यांनी  नुकसान केले. दोन ते अडीच वाजण्याच्या सुमारास अर्ध्या तासामध्ये जवळपास पाच ते सहा अज्ञात चोरटे एकत्र येऊन हा धुमाकूळ घातला. व जवळपास ४५ हजाराचा ऐवज लुटल्याचे उघडकीस आले आहे.

ग्रामसुरक्षा दलाच्या एकाचवेळी अनेकांचे भ्रमणध्वनी खनखनल्याने संपूर्ण गाव जागे झाले. परंतु तोपर्यंत चोरटे चोरी करून पसार झाले होते. नंदगाव गावातील सामाजिक कार्यकर्ते वैभव पाटील यांनी अंबुलन्सद्वारे लोकांना सतर्क राहण्याचे  आवाहन केले. 

या घटनेचा पंचनामा नळदुर्ग पोलीस स्टेशनचे शिंदे, पवार व कोळी यांनी केले. एकाच रात्री गावातील मठ ,मंदिर व घरे फोडल्याने नंदगाव व परिसरात भीतीचे वातावरण पसरले आहे.

शिवा संघटनेच्या जिल्हाध्यक्षपदी राजेंद्र कारभारी यांची निवड

मुरूम, ता. उमरगा, दि. २९ 

 अखिल भारतीय वीरशैव युवक संघटना २६ वा वर्धापन दिनानिमित्त शुक्रवार (ता. २८) रोजी शिवा संघटना संस्थापक अध्यक्ष प्रा. मनोहर धोंडे, शिवसेना उपजिल्हा प्रमुख बसवराज वरनाळे, सातलींग स्वामी व शिवा संघटना पदाधिकाऱ्यांच्या उपस्थितीत निवड करून निवडीचे पत्र देण्यात आले. यावेळी शिवा संघटनेकडून निवड झालेल्या पदाधिकाऱ्यांचा सत्कार करण्यात आला. उस्मानाबाद जिल्हाध्यक्ष म्हणून राजेंद्र कारभारी यांची निवड झाली.

 उमरगा तालुका कार्यकारिणी  अध्यक्ष अमर दत्तात्रय वाले, तालुका संघटक अमर येलगुंदे (स्वामी), लोहारा तालुका अध्यक्ष सतेश्वर चंद्रकांत ढोबळे यांची शिवा संघटना कार्यकारिणीवर नियुक्ती करण्यात आली आहे. त्यांच्या या निवडीबद्ल सर्वत्र अभिनंदन करण्यात येत आहे.

सुदामती गुंड यांचे उपचारा दरम्यान निधन

काटी , दि . २९ :

 

तुळजापूर तालुक्यातील काटी येथील सुदामती भैरीनाथ गुंड वय ७२  यांचे शुक्रवार दि. २८ रोजी सायंकाळी सहा वाजता सोलापूर येथील खासगी दवाखान्यात उपचारा दरम्यान  निधन झाले.

 त्यांना प्रकृती अस्वास्थ्यामुळे शुक्रवारी दुपारी उपचारासाठी सोलापूर येथील खासगी दवाखान्यात दाखल करण्यात आले होते. परंतु उपचारा दरम्यान सायंकाळी सहा वाजण्याच्या सुमारास हृदय विकाराचा  झटका आल्याने त्यातच त्यांची प्राणज्योत मालवली. त्यांच्या पार्थिवावर शनिवारी सकाळी दहा वाजता येथील हिंदू स्मशानभूमीत शोकाकुल वातावरणात अंत्यसंस्कार करण्यात आले. त्या माजी ग्रामपंचायत सदस्य अनिल गुंड यांच्या मातोश्री होत. त्यांच्या पश्चात तीन मुले, एक मुलगी,जावाई, सुना, नातवंडे असा परिवार आहे.

भारताच्या अमृतमहोत्सवानिमित्त ने राज्यस्तरीय निबंध स्पर्धेचे आयोजन

लातूर दि .  २९ : 

संस्कार भारती  उस्मानाबाद  जिल्ह्याच्या वतीने देशाच्या अमृतमहोत्सवी वर्षा निमित्त  राज्यस्तरीय निबंध स्पर्धेचे आयोजन करण्यात आले आहे.  या स्पर्धेमध्ये अधिकाधिक विद्यार्थी आणि नागरिकांनी सहभागी व्हावे असे आवाहन संयोजक डॉ. सतीश महामुनी यांनी केले आहे.

भारतीय स्वातंत्र्याच्या अमृतमहोत्सवानिमित्त  आयोजित करण्यात आलेल्या या राज्यस्तरीय निबंध स्पर्धेमध्ये मराठी भाषेमधून तीन हजार शब्दांचा निबंध स्पर्धकांनी सादर करावा. सदर निबंध कागदावर लिहून अथवा कॉम्प्युटर वर टाईप करून पाठवावा याशिवाय स्पर्धकांनी युनिकोड मधून सदर निबंध ईमेल केला तरी स्पर्धेमध्ये सहभागी होता येईल. यासाठी १०० रुपये प्रवेश शुल्क आहे.  सदर निबंध २८ फेब्रुवारी पर्यंत पाठविण्याचे आवाहन करण्यात येत आहे. ही स्पर्धा खुल्या गटातील असून सर्व वयोगटातील स्पर्धक यामध्ये सहभागी होऊ शकतात मराठी भाषेतील आपले निबंध असावेत शब्दमर्यादा ३ तीन हजार आहे. महाराष्ट्रातील विद्यार्थी, शिक्षक, प्राध्यापक, विचारवंत, यांच्यासह नागरिकांनी  आपले निबंध पाठवावेत असे आवाहन या निमित्ताने करण्यात येत आहे. 

निबंध लेखनाचा विषय १. भारतीय स्वातंत्र्याची 75 वर्ष : प्रगती आणि वास्तव २. भारताच्या विकासाची 75 वर्ष : तुलनात्मक मूल्यमापन या दोन विषयावर स्पर्धकांनी आपले निबंध पाठवावेत असे आवाहन संयोजक डॉ. सतीश महामुनी, जिल्हाध्यक्ष शामसुंदर भन्साळी, कार्याध्यक्ष शेषनाथ वाघ, महामंत्री प्रभाकर चोराखळीकर, उपाध्यक्ष पद्माकर मोकाशे, उपाध्यक्ष बालाजी मक्तेदार, उपाध्यक्ष शरद वडगावकर यांनी केले आहे. 

स्पर्धेतील विजेत्यांना प्रथम पारितोषिक तीन हजार रुपये आणि सन्मान चिन्ह, द्वितीय पारितोषिक दोन हजार रुपये आणि सन्मानचिन्ह, तृतीय पारितोषिक एक हजार रुपये आणि सन्मानचिन्ह व उत्तेजनार्थ पाच पारितोषिके दिली जातील. आपले निबंध संयोजक डॉ. सतिश महामुनी विश्वास नगर तुळजापूर जिल्हा उस्मानाबाद या पत्त्यावर  अथवा satish.mahamuni100@gmail.com यावर युनिकोड मधून पाठवावेत.

नळदुर्ग (वसंतनगर ) येथिल महावितरण कर्मचारी धनराज राठोड यांचे अल्पशा आजाराने निधन

नळदुर्ग ,दि. २९ :

येथिल वसंतनगर (नळदुर्ग ) रहिवाशी असलेले  महावितरण कर्मचारी धनराज खेमा राठोड यांचे वयाच्या  ५२ व्या वर्षी अल्पशा अजाराने शनिवार दि . २९ जानेवारी पहाटे ३ वाजता निधन झाले. ते नळदुर्ग नगरपालिकेच्या 

बालकल्याण सभापती सौ. छमाबाई राठोड यांचे पती होत.

 धनराज राठोड हे  बीड येथिल महावितरण कार्यालयात लाईनमेन म्हणुन कार्यरत होते. 

 त्यांच्या पश्चात पत्नी नगरसेविका छमाबाई धनराज राठोड ,  चार मुले  तीन सुने ,नातवंडे असा परिवार आहे. त्यांच्या पार्थिवावर वसंतनगर येथिल स्मशानभुमीत सकाळी ११ वाजता अंत्यसंस्कार करण्यात येणार आहे.

पत्रकार किशोर धुमाळ यांचा नळदुर्ग येथे सत्कार

वागदरी, दि . २८ : 

दिनकर पाटील मित्रमंडळ येडोळा ता.तुळजापूर यांच्या वतीने पत्रकार किशोर धुमाळ यांचा सत्कार करण्यात आला.

  तुळजापूर तालुक्यातील मौजे वागदरी येथील पत्रकार किशोर धुमाळ यांची नुकतेच भाजपा प्रसिद्धी विभाग तुळजापूर तालुका अध्यक्षपदी निवड करण्यात आली. त्यांच्या या सार्थ निवडीबद्दल येडोळा येथील युवा कार्यकर्ते आभिषेक  ऊर्फ बंटी पाटील यांच्या पुढाकाराने दिनकर पाटील मित्रमंडळाच्या वतीने नळदुर्ग येथे त्यांचा  सत्कार करण्यात आला. 

यावेळी दिनकर पाटील, रिपाइं (आठवले) चे जिल्हा सचिव एस.के.गायकवाड, रिपाइं तालुका संघटक सुरेश लोंढे, जयभीम वाघमारे, वाल्मिक वाघमारे, मोहन मिटकर, आभिषेक  ऊर्फ बंटी पाटील आदीसह कार्यकर्ते उपस्थित होते.

देवसिंगा नळ येथे प्रजासत्ताक दिन हटके साजरा ; स्वातंत्र्य सैनिकांचा सत्कार व ६० देशप्रेमी बहाद्दर दात्यांनी केले रक्तदान

काटी , दि . २८ 

 प्रजासत्ताक दिनाचे औचित्य साधून दि . २६ जानेवारी रोजी तुळजापूर तालुक्यातील देवसिंगा (नळ )  ग्रामस्थांनी यापूर्वी कुठल्याही गावाने आयोजित न केलेला कार्यक्रम आयोजित करून उस्मानाबाद जिल्ह्यात नवीन पायंडा पाडला आहे. प्रजासत्ताक दिनानिमित्त देवसिंगा नळ येथील स्वातंत्र्य सैनिक माजी सरपंच आप्पासाहेब पाटील व परीसरातील 25 पेक्षा अधिक  स्वातंत्र्य सैनिक व 75 पेक्षा अधिक नव्वदीपार  ज्येष्ठ नागरिक यांचा सन्मान सोहळा भव्यदिव्य कार्यक्रम आयोजित करून माजी मंत्री तथा कॉंग्रेसचे ज्येष्ठ नेते मधुकरराव चव्हाण यांच्या हस्ते शाल, श्रीफळ, पुष्पगुच्छ, पुष्पहार, प्रशस्तीपत्र व घड्याळ देऊन सत्कार करुन सन्मानित करण्यात आले. 

यावेळी बोलताना माजी मंत्री मधुकरराव चव्हाण म्हणाले की, गेल्या तीन  ते चार दशकापासून मी तालुक्यात, जिल्ह्यात व महाराष्ट्रातील कुठल्याही गावात अशा प्रकारचा कार्यक्रम पाहिला नसल्याचे सांगून  यापुढील पिढीला स्वातंत्र्य सैनिकांचा सहवास लाभणार नसून हा कार्यक्रम आयोजित केल्याबद्दल व मला बोलवून माझ्या हस्ते सन्मान केल्याबद्दल आयोजकांचे आभार मानून हि संकल्पना ग्रामीण भागातील एवढ्या लहानशा खेड्यात राबविल्याबद्दल आयोजकांचे कौतुक केले.

  

 यावेळी अनेक उपस्थित मान्यवरांनी मनोगत व्यक्त करून या  सिमावर्ती लहानशा देवसिंगा (नळ ) गावचे विशेष कौतुक करून असेच समाजोपयोगी उपक्रम राबविण्यात यावेत व यांचा आदर्श परिसरातील इतर गावांनी घ्यावा असे आवाहन केले.

     

या कार्यक्रम सोहळ्यात 60 पेक्षा अधिक देशप्रेमी बहाद्दर रक्तदात्यांनी रक्तदान केले. रक्तसंकलनासाठी मेडिकेयर ब्लड बँक सोलापूर यांच्या संपूर्ण स्टाफने परिश्रम घेतले.

    

या कार्यक्रमाच्या अध्यक्षस्थानी माजी सभापती दीपक आलूरे तर  प्रमुख पाहुणे म्हणून जिल्हा परिषद सदस्य महेंद्र धुरगुडे, वसंत वडगावे, कल्याणराव पाटील,भारतीय जनता पक्षाचे जिल्हा अध्यक्ष नितीन काळे, सरपंच भगवंत पाटील, युवराज पाटील, भीमाशंकर जमादार,  अणदुरचे सरपंच रामचंद्र आलूरे, मुस्तीचे सरपंच नागराज पाटील,सराटीचे  पिंटू मुळे, इटकळ ग्रामीण पत्रकार संघाचे अध्यक्ष दिनेश सलगरे, पत्रकार चांदसाहेब शेख, शिवसेना युवा नेते विरेश डोंगरे, उपस्थित होते. 

या कार्यक्रमाचे प्रास्ताविक ग्रामसेवक इब्राहिम शेख यांनी तर सूत्रसंचालन अशोक कस्तुरे यांनी केले. कार्यक्रम यशस्वी करण्यासाठी सरपंच भगवंत पाटील, युवराज पाटील,मल्लिनाथ बिराजदार, धनराज पाटील, माजी उपसरपंच हज्जू शेख,आशपक शेख, उस्मान शेख, मल्लिकार्जुन बिराजदार, शिराज शेख, तुळशीराम घोडके,लोभा राठोड, अझर शेख, महेबूब शेख यांच्यासह  देवसिंगा नळ ग्रामस्थ व भीमाशंकर पाटील प्रतिष्ठानच्या युवकांनी परिश्रम घेतले.

कसगी येथे वाचन संस्कृती जागरण पंधरवड्यातील आठव्या दिवशी पुस्तक पालखी, ग्रंथदिंडी व तज्ञांचे मार्गदर्शन उत्साहात संपन्न

लोहारा:  उमरगा तालुक्यातील

कसगी येथे प्रा. शामराव रघुनाथ चव्हाण स्मृती वाचनालयाच्या वतीने दि. १५ ते ३१ जानेवारी दरम्यान  वाचन संस्कृती जागरण पंधरवडा* साजरा केला जात आहे. त्याअंतर्गत  दि. २८  रोजी कसगी येथे गावभर पुस्तक पालखी व ग्रंथदिंडी वाजत-गाजत, टाळ-मृदंगाच्या गजरात फिरवण्यात आली.               

पुस्तक पालखी व ग्रंथदिंडीची सुरुवात महात्मा बसवेश्वर यांना अभिवादन करुन करण्यात आली. पुस्तक पालखी व ग्रंथदिंडीच्या माध्यमातून वाचन संस्कृती रुजवण्यासाठी जागृती निर्माण करण्यात आली. याप्रसंगी उपस्थित भजनी मंडळाने गावभर संत विचारांचा जागर केला. पुस्तक पालखी व ग्रंथदिंडीसोबत वाचनालयाचे संस्थापक व संकल्पक ॲड. शीतल चव्हाण, उमेद कृषी व्यवस्थापक किशोर  औरादे, करीम  शेख, सोमनाथ चणपटणे, मनोज मांडवे, विनय बदोले, चंचलपुरी महाराज, तुकाराम गुरव, श्रीधर गुरव, मल्लिनाथ बोरुटे, विश्वनाथ जगदाळे, गोपाळ कुलकर्णी आदी मान्यवर होते. यावेळी पुस्तक पालखीत गावातून एकूण १६५ पुस्तके भेट मिळाली.

पुस्तक पालखी व ग्रंथदिंडीला विश्राम दिल्यानंतर मार्गदर्शनाच्या कार्यक्रमाला श्री. सिद्धेश्वर मंदिरात सिद्धेश्वराला नमन करुन सुरुवात करण्यात आली. किशोरभाऊ औरादे व ॲड. शीतल चव्हाण यांनी उपस्थितांना 'वाचनाचे महत्व' या विषयावर मार्गदर्शन केले व वाचनालयाच्या माध्यमातून राबवलेल्या व भविष्यात राबवावयाच्या उपक्रमांची तपशीलवार माहिती दिली. कार्यक्रमाचे सुत्रसंचालन तुकाराम गुरव यांनी केले तर आभार सोमनाथ चणपटणे यांनी मानले. पुस्तक पालखी व ग्रंथदिंडीमूळे गावात चैतन्याचे वातावरण पसरून वाचन संस्कृतीकडे गावकऱ्यांचे लक्ष वेधण्यास मदत झाल्याची प्रतिक्रिया गावकऱ्यांमधून येत आहे. 

पंधरवड्यातील पुढील कार्यक्रम सालेगाव, आनंदनगर आणि कानेगाव याठिकाणी होणार आहेत.

शौचालयाचा प्रोत्साहनपर तिसरा हप्ता लाभार्थ्याना मिळणार ; मनसेच्या पाठपुराव्याला अखेर यश

नळदुर्ग , दि . २८ 

महाराष्ट्र नवनिर्माण सेनेच्या वतीने गेल्या दीड वर्षापासून स्वच्छ महाराष्ट्र अभियान अतंर्गत पहिला व दूसरा हप्ता मिळालेल्या लाभार्थ्याना नळदुर्ग  नगरपालिकेकडून प्रोत्साहनपर ३ हजार रुपये इतका तिसरा हप्ता वितरित करावा यासाठी नगरपालिकेकडे वारंवार निवेदने देऊन मागणी केली होती. 

यासाठी लेखी हमी मिळाल्याने मनसेने आंदोलन मागे घेतले होते. शिवाय मनसेच्या पदाधिका-यांनी यासाठी संबधित अधिका-यांशी सातत चर्चा करून या लाभार्थिना  तिसरा हप्ता द्यावा म्हणून पाठपुरावा करत होते,.अखेर त्याला यश आले असून शौचालय योजनेतील जवळपास १२००  लाभार्थी असलेल्या कुटुंबाना तीन हजार रुपयेचा हाप्ता मिळणार आहे. नगरपालिकेने तिसरा हपत्याचा  लाभ मिळविण्यासाठी, आधार कार्ड झेरॉक्स, बँक पासबुक झेरॉक्स, शौचालय बांधकाम पूर्ण झालेला फोटो आणि अर्ज लाभार्थिनी नगरपालिकेत द्यावेत अशी जाहिर सूचनाच काढल्याचे मनसेचे प्रमोद कुलकर्णी यांनी सांगितले . 

 महाराष्ट्र नवनिर्माण सेनेच्या पदाधिका-यांचे शहरात सर्वत्र कौतुक होत आहे. हा प्रोत्साहनपर तिसरा हप्ता मिळवून देण्यासाठी नगरपालिकेकड़े जिल्हा सचिव ज्योतिबा येडगे, शहराध्यक्ष अलिम शेख,शहर सरचिटणीस प्रमोद कुलकर्णी यांनी  पाठपुरावा केला.

तुळजापूर : महावितरणच्या मनमानी कारभाराबाबत संतप्त वीज ग्राहाकाची सामुहीकरित्या ग्राहक मंचात मागणार दाद

तुळजापूर , दि . २८

महावितरणच्या मनमानी व भोंगळ कारभाराबद्दल तुळजापूर शहरातील  व्यापारी व नागरिकानी संताप व्यक्त करत याप्रकरणी महावितरणच्या  वरिष्ठ  आधिका-यानी लक्ष घालुन न्याय दयावे अन्यथा सामुहीकरित्या महावितरणच्या कारभाराबद्दल ग्राहकमंचात दाद मागावी लागेल असा इशारा तुळजापूर येथिल महावितरण विभागीय कार्यालयाचे कार्यकारी अभियंता  यांना तुळजापूर शहरातील नागरिक व व्यापाऱ्यानी व  निवेदनाद्वारे  दिला आहे.

तुळजापूर शहरातील घरगुती व वाणिज्य वीज ग्राहकांना   मीटर रिडींग न घेता अवास्तव वीज बील देणे, व सक्तीची वीजबील वसुली करीत असल्याचे निवेदनात नमुद करुन गेल्या अनेक महिन्या पासून ग्राहकांचे वीज मीटर रिडींग घेतली नाही.  दर महिन्याला अवास्तव वीज बील   देण्यात येत आहे.  मार्च एंडच्या नावाखाली सक्तीची वसुली केली जात आहे. महावितरणच्या भोंगळ कारभाराबाबत नागरिकांच्या असंख्य तक्रारी आहेत.

याचा जाबा विचारला असता नागरिकांना  उडवा उडवीची उत्तरे दिली जातात. संबधित वरिष्ठ अधिका-यानी दखल न घेतल्यास ग्राहक मंचामध्ये तक्रार धाव घेण्याचा  इशारा देण्यात आला आहे. यांची प्रत माहितीस्तव   जिल्हाधिकारी  व महावितरण विभागीय अभियंता यांना पाठविण्यात आले आहे.

या निवेदनावर  मधुकर शेळके , अनंत बुरांडे  ,श्रीकांत हिरळकर , नागेश गवते , अहमद पापा आता ,गणेश धोत्रे , संदीप  तिकोणे ,  अविनाश नाईक, शिवलिंग साबळे  ,चेतन पाटील ,अमरदीप तिकोणे , अमोल सरवदे ,दतात्रय पाटील , सुनिल हंडेकर , सार्थक मलबा , आकाश भालेकर , , नरसिंह ढेकणे ,अनिल डोकडे ,लक्ष्मीकांत सरवदे , गणेश तिकोणे , गौतम जमदाडे  ,सागर तिकोणे  , उमेश जाधव , महावीर मैंदर्गे  आदी व्यापारी व नागरिकांच्या  स्वाक्ष-या आहेत.

जिल्हयातील शाळांमधील वर्ग टप्या टप्याने सुरू करणार , नववी व अकरावीचे वर्ग ३१ जानेवारीपासून

उस्मानाबाद , दि.२८ :

जिल्हयातील शाळांमधील वर्ग टप्या टप्याने सुरू करण्यात येणार  असुन सध्या गेल्या 24 जानेवारीपासून जिल्हयातील दहावी आणि बारावीचे वर्ग सुरू करण्यात आले आहेत.तर येत्या 31 जानेवारी 2022 पासून नववी आणि अकरावीचे वर्ग सुरू करण्यास परवानगी देण्यात आली आहे. याबाबतचे आदेश जिल्हाधिकारी कौस्तुभ दिवेगावकर आणि जि.प.चे. मुख्यकार्याकारी अधिकारी राहूल गुप्ता यांनी जारी केले आहेत.

राज्यात कोरोनाचा प्रादुर्भाव वाढल्याने राज्या शासनाने 8 जानेवारी 2022 च्या निर्देशानुसार राज्यातील शाळा 15 फेब्रुवारी 2022 पर्यंत बंद ठेवण्याचा निर्णय घेतला होता.दरम्यान, राज्याच्या काही भागात जिथे कोरोनाचा प्रादुर्भाव कमी आहे अशा भागातील शाळा सुरू करण्याची सततची मागणी लक्षात घेऊन 20 जानेवारी 2022 रोजी राज्याच्या शालेय शिक्षण विभागाने पहिली ते बारावी पर्यंतचे वर्ग सुरू करण्याबाबत महापालिका क्षेत्रात आयुक्तांना तर इतर भागात जिल्हा आपत्ती व्यवस्थापन प्राधिकारी आणि जि.प.चे मुख्यकार्यकारी अधिकारी यांना अधिकार दिले आहेत.यांचाच आधार घेऊन जिल्हयातील स्थानिक कोरोना परिस्थितीचा विचार करून जिल्हयातील सर्व शाळा सुरु करण्यास मान्यता न देता 24 जानेवारी 2022 पासून जिल्हयातील शालेय शिक्षण विभागाशी संबंधित वर्ग टप्या टप्याने सुरू करण्याचा निर्णय घेण्यात आला आहे. त्यानुसार दहावी आणि बारावीचे वर्ग 24 जानेवारी 2022 पासून सुरू करण्यात आले आहेत.त्यामुळे जिल्हयातील सर्व माध्यमाच्या सर्व व्यवस्थापनाच्या पहिली ते बारावी पर्यंतच्या शाळांतील दहावी आणि बारावीचे वर्ग कोरोनाच्या प्रतिबंधात्मक उपायोजनाचे पालन करण्याच्या अटीवर पुर्ववत सुरू राहणार आहेत.

              

जिल्हयातील सर्व माध्यमाच्या सर्व व्यवस्थापनाच्या पहिली ते बारावी पर्यंतच्या शाळांमधील नववी  आणि अकरावीचे वर्ग येत्या जानेवारी 2022 पासून कोरोना प्रतिबंधात्मक उपाययोजनाचे पालन करण्याच्या अटीवर पुर्ण वेळ नियमित सुरू करण्यास परवानगी देण्यात येत आहे, तर उर्वरित पहिली ते आठवी पर्यंतचे वर्ग 5 फेब्रुवारी 2022 पर्यंत बंद राहणार आहेत.परंतु या बंद कालावधीत मुले शिक्षणापासून वंचित राहू नये म्हणून सर्व मुख्याध्यापक आणि शिक्षकांनी पूर्ण वेळ शाळेत उपस्थित राहून विद्यार्थ्यांना ऑन लाईन अध्यापन करावे.जिल्हयातील कोरोना साथीच्या प्रादुर्भावाच्या स्थितीचा विचार करून पहिली ते आठवीचे वर्ग टप्या टप्याने सुरू करण्याचे निर्देश देण्यात येतील असेही या आदेशात म्हटले आहे.

बेट जवळगा येथे वाचन संस्कृती जागरण पंधरवड्यातील सातव्या दिवशी ग्रंथदिंडी व तज्ञांचे मार्गदर्शन उत्साहात संपन्न

लोहारा , दि .  २८                           

  प्रा. शामराव रघुनाथ चव्हाण स्मृती वाचनालयाच्या वतीने दि. १५ ते ३१ जानेवारी दरम्यान "वाचन संस्कृती जागरण पंधरवडा" साजरा केला जात आहे. त्याअंतर्गत दि. २७ बेट जवळगा (ता. उमरगा) येथे गावभर ग्रंथदिंडी वाजत-गाजत काढण्यात आली. 

या ग्रंथदिडीचे उद्घाटन सरपंच लक्ष्मी झाकडे यांच्या हस्ते करण्यात आले. ग्रंथदिंडीच्या माध्यमातून वाचन संस्कृती रुजवण्यासाठी जागृती निर्माण करण्यात आली. ग्रंथदिंडीसोबत उमेद कृषी व्यवस्थापक किशोरभाऊ औरादे, उपसरपंच सचिन वाडीकर, पोलिस पाटील युवराज गायकवाड, शालेय समिती अध्यक्ष संभाजी बिराजदार, ग्राम पंचायत सदस्य किरण शिंदे, माजी उपसरपंच बालाजी गायकवाड, शिक्षणप्रेनी प्रताप शिंदे, धानय्या स्वामी, अलका गुरव, प्रतिभा शिंदे, वंदना पाटील आदी मान्यवर होते. 

ग्रंथदिंडीला विश्राम दिल्यानंतर  मार्गदर्शनाच्या कार्यक्रमाला महात्मा बसवेश्वर व विश्वरत्न डॉ. बाबासाहेब आंबेडकर यांच्या प्रतिमेस अभिवादन करुन सुरुवात करण्यात आली. किशोरभाऊ औरादे यांनी उपस्थितांना 'वाचनाचे महत्व' या विषयावर मार्गदर्शन केले व वाचनालयाच्या माध्यमातून राबवलेल्या व भविष्यात राबवावयाच्या उपक्रमांची तपशीलवार माहिती दिली. कार्यक्रमाचे सुत्रसंचालन एस. बी. कवाळे यांनी केले. तर आभार डि. बी. जाधव यांनी मानले. ग्रंथदिंडीमूळे गावात चैतन्याचे वातावरण पसरून वाचन संस्कृतीकडे गावकऱ्यांचे लक्ष वेधण्यास मदत झाल्याची प्रतिक्रिया गावकऱ्यांमधून येत आहे. पंधरवड्यातील पुढील कार्यक्रम कसगी, सालेगाव, आनंदनगर आणि कानेगाव याठिकाणी होणार आहेत.

माजी सैनिक कल्याणकारी संस्थेच्या वतीने प्रजासत्ताक दिन साजरा

काटी , दि . २८

 काटी ता. तुळजापूर  येथील माजी सैनिक कल्याणकारी संस्थेच्या वतीने बसस्थानक शेजारील माजी सैनिक कल्याणकारी संस्थेच्या कार्यालयासमोर आकर्षक रांगोळी काढून राष्ट्रपिता महात्मा गांधी, भारतीय घटनेचे शिल्पकार डॉ. बाबासाहेब आंबेडकर, “तुम मुझे खून दो, मै तुम्हे आझादी दुंगा!” असे घोषवाक्ये देणारे स्वातंत्र्य काळातील थोर क्रांतिकारक सुभाष चंद्र बोस आणि महान क्रांतिकारक  सरदार भगतसिंग यांच्या प्रतिमेचे पुजन मान्यवरांच्या हास्ते करुन प्रजासत्ताक दिन उत्सर्फुतपणे  साजरा करण्यात आला.

यावेळी पोलीस उपनिरीक्षक राकेश बनसोडे, माजी सैनिक श्रीकांत गाटे, सेवानिवृत्त मेजर सुभेदार जगदेवराव खपाले, चेअरमन विक्रमसिंह देशमुख, सरपंच आदेश कोळी, व्हाइस चेअरमन भागवतराव गुंड आदी मान्यवरांच्या प्रमुख उपस्थितीत   देशाच्या रक्षणासाठी लढणाऱ्या थोर महापुरुषाबद्दल  आदर, सन्मान, प्रेम व्यक्त करत "भारत माता की जय" च्या जयघोषात प्रजासत्ताक दिन मोठ्या उत्साहात साजरा करण्यात आला.

     

  

 यावेळी बोलताना पोलीस उपनिरीक्षक राकेश बनसोडे म्हणाले की, देशाच्या रक्षणासाठी सिमेवर भारतीय सैनिक ऊन, वारा, थंडी ,पाऊस याची तमा न बाळगता अहोरात्र डोळ्यात अंजन घालून सेवा बजावत असतात. देशाच्या रक्षणासाठी अनेकांनी आपल्या प्राणाची आहुती  दिली आहे. भारतीय सैनिकांमुळे देशातील प्रत्येक नागरिक बिनधास्तपणे जीवन जगत असल्याचे सांगून देशसेवेतून निवृत्त झाल्यानंतरही येथील माजी सैनिक वेगवेगळ्या माध्यमातून देशसेवेला हातभार लावतात, गावातील माजी सैनिक एकत्रितपणे ग्रामपंचायत कार्यालय, सोसायटी, पोलीस स्टेशन, शाळेतील ध्वजारोहण कार्यक्रमासाठी उपस्थित राहतात, माजी सैनिक कल्याणकारी संस्थेच्या कार्यालयास केलेल्या रंगरंगोटीबाबत व त्यांच्या कार्याबाबद्दल पोलीस उपनिरीक्षक राकेश बनसोडे यांनी  कौतुक करुन भविष्यात या संस्थेच्या माध्यमातून वाढत्या स्पर्धेच्या युगात योग्य मार्गदर्शन व नियोजन नसल्याने ग्रामीण भागातील विद्यार्थी कमी पडत आहेत. त्यामुळे अशा विद्यार्थ्यांसाठी स्पर्धा परिक्षा मार्गदर्शन अभ्यासकेंद्र, पोलीस ॲकॅडमी केंद्र सुरु करण्यासाठी प्रयत्न करावेत असे आवाहन करुन त्याकामात काही मदतीची गरज भासल्यास निश्चितपणे मदत करण्याचे आश्वासन दिले.

          

यावेळी सोसायटीचे चेअरमन विक्रमसिंह देशमुख, सरपंच आदेश कोळी, प.स. सदस्य रामहरी थोरबोले, व्हाइस चेअरमन भागवतराव गुंड, माजी सैनिक श्रीकांत गाटे, माजी सुभेदार मेजर जगदेवराव खपाले, प्रदीप साळुंके, माजी सैनिक इजदानी बेग, विलास गाटे, संतोष थिटे, जयसिंग आगलावे, विठ्ठल क्षिरसागर, अतुल सराफ, संजय महापुरे,अशोक जाधव, रामेश्वर लाडुळकर, रावसाहेब गुंड, बाळासाहेब लोंढे, सचिन साळुंके,दादा गाटे, महेश गाटे, वैभव गुंड, काका लेंगरे, गोपाळ चिवरे, मनोज गाटे, माऊली लोहार, विकास खरात, प्रथमेश गुंड, शुभम काटे आदी मान्यवर उपस्थित होते.

राज्यातील १३९ नगरपंचायतींच्या अध्यक्षपदांचे आरक्षण जाहीर अनुसूचित जातीसाठी १७, अनुसूचित जमातीसाठी १३ तर खुल्या प्रवर्गासाठी १०९ पदे राखीव

राज्यातील १३९ नगरपंचायतींच्या अध्यक्षपदांचे आरक्षण जाहीर

अनुसूचित जातीसाठी १७, अनुसूचित जमातीसाठी १३ तर खुल्या प्रवर्गासाठी १०९ पदे राखीव

मुंबई, दि. २७ : 

राज्यातील १३९ नगरपंचायतींच्या नगराध्यक्ष पदांचे आरक्षण निश्चित करण्यासाठी  नगरविकास विभागाचे प्रधान सचिव महेश पाठक यांच्या हस्ते मंत्रालयात आज आरक्षण सोडत काढण्यात आली. या सोडतीमध्ये १३९ नगरपंचायतीपैकी अनुसूचित जातीसाठी १७, अनुसूचित जमातीसाठी १३ तर खुल्या प्रवर्गासाठी १०९ नगराध्यक्ष पदांचे आरक्षण निश्चित करण्यात आले.

नगरपंचायतीच्या अध्यक्ष पदाच्या आरक्षण सोडतप्रसंगी उपसचिव श्रीमती प्रियांका कुलकर्णी-छापवाले, अवर सचिव सचिन सहस्त्रबुद्धे हे प्रत्यक्ष तर  अमरावती, नागपूर, कोकण, औरंगाबाद, पुणे, नाशिक या विभागीय आयुक्त कार्यालयांमधून जिल्हा प्रशासन अधिकारी आणि संबंधित नगरपंचायतींच्या कार्यक्षेत्रातील लोकप्रतिनिधी दूरदृश्यप्रणालीद्वारे उपस्थित होते.

ज्या १३९ नगरपंचायतींच्या नगराध्यक्ष पदाचे आरक्षण आज सोडतीद्वारे निश्चित करण्यात आले त्या नगरपंचायतीचे आरक्षण प्रवर्गनिहाय खालीलप्रमाणे

अनुसूचित जातीसाठी अध्यक्षपदाच्या १७ जागा असून त्यातील ९ जागा या अनुसूचित जाती (महिला) तर ८ जागा या अनुसूचित जाती (सर्वसाधारण) साठी आरक्षित करण्यात आल्या आहेत.

अनुसूचित जाती (महिला) राखीव

 लाखणी, कुही, नातेपुते, खंडाळा (जि. सातारा), जळकोट (लातूर), माळेगाव बुद्रुक, पाटण, देहू, वैराग (सोलापूर)

अनुसूचित जाती (सर्वसाधारण) राखीव

 म्हाळुंग श्रीपूर, भिसी, केज, देवणी, वाशी, औंढा नागनाथ, संग्रामपूर, लोणंद

 अनुसूचित जमाती प्रवर्गात अध्यक्षपदासाठी एकूण १३ जागा राखीव असून त्यातील ७ अनुसूचित जमाती (महिला) प्रवर्गासाठी तर ६ जागा अनुसूचित जमाती (सर्वसाधारण) प्रवर्गासाठी सोडतीद्वारे आरक्षित करण्यात आल्या आहेत.

अनुसूचित जमाती (महिला) राखीव

 धानोरा, अहेरी, मोहाडी, बाभुळगाव, साक्री, सोयगाव, शहापूर

अनुसूचित जमाती (सर्वसाधारण)

 दिंडोरी, देवरी, गोंडपिंपरी, राळेगाव, भिवापूर,सडक अर्जुनी

*खुल्या प्रवर्गासाठी एकूण १०९ अध्यक्ष पदे असून त्यातील ५५  अध्यक्षपदे हे महिलांसाठी राखीव निश्चित करण्यात आले आहेत.

■ खुला प्रवर्ग (महिला) राखीव

 कळंब, समुद्रपूर, अर्जुनी मोरगाव, अनगर, पारशिवनी, मंठा, शेंदुर्णी, हिंगणा, वाभवे वैभववाडी, खालापूर, बदनापूर, चामोर्शी, भातकुली, महादुला, वाडा, वडूज, रेणापूर, दापोली, शिंदखेडा, एटापल्ली, देवगड-जामसंडे, जामणी, कारंजा, महागाव, नायगाव, शिरुर अनंतपाळ, पालम, सिरोंचा, पोलादपूर, कोरपना, देवरुख, देवळा, सेनगाव, लांजा, सावली. फुलंब्री, कोरची, तिर्थपुरी, तळा, पोंभुर्णा, जाफ्राबाद, पाटोदा, जिवती, शिर्डी, कुडाळ, निफाड, धारणी, कर्जत, कुरखेडा, वडगाव मावळ, कोरेगाव, सेलू, आष्टी, सालेकसा, शिरुर-कासार,

■ *खुला प्रवर्ग (सर्वसाधारण)-* गुहागर, अकोले, मुक्ताईनगर, घनसावंगी, मानोरा, मंडणगड, माहूर, आष्टी (वर्धा), कवठे महांकाळ, लोहारा (बु), खानापूर, बार्शी-टाकळी, नांदगाव खंडेश्वर, मुरबाड, ढाणकी, कळवण, हातकणंगले, मुलचेरा, आजरा, दहिवडी, कणकवली, पेठ, पाली, बोदवड, तिवसा, मोताळा, मारेगाव, गोरेगाव, मंचर, मेढा, हिमायतनगर, मौदा, लाखांदूर, भामरागड, सिंदेवाही, मालेगाव-जहांगीर, वडवणी, सुरगाणा, अर्धापूर, चाकूर, धडगाव-वडफळ्या, पारनेर, नेवासा, तलासरी, मोखाडा, विक्रमगड, माणगाव, म्हसळा, कसई-दोडामार्ग, कडेगाव, शिराळा, माळशिरस, माढा, चंदगड.

सन २०२० च्या महाराष्ट्र अधिनियम क्र. १२ नुसार महाराष्ट्र नगरपरिषदा, नगरपंचायती आणि औद्योगिक नगरी अधिनियम १९६५ मध्ये सुधारणा करण्यात आली आहे. त्यानुसार नगरपंचायतींचे नगराध्यक्ष हे प्रचलित पद्धतीने नगरसेवकांमधूनच निवडले जात असून त्यांचा पदावधी अडीच वर्षे इतका करण्यात आला आहे. नगराध्यक्षपदाचे आरक्षण निश्चित करताना राज्यातील नगरपंचायतींमध्ये अनुसूचित जाती किंवा अनुसूचित जमातीच्या लोकसंख्येचे राज्यातील नगरपंचायतींमधील एकूण लोकसंख्येशी जे प्रमाण असेल त्या प्रमाणानुसार अध्यक्षांची पदे राखीव ठेवण्यात आली आहेत. प्रत्येक प्रवर्गात निम्म्यापेक्षा कमी नाहीत इतकी पदे महिलांसाठी आरक्षित ठेवण्यात आली आहेत. एखादी नगरपंचायत अनुसूचित जाती किंवा अनुसूचित जमाती प्रवर्गासाठी येत असल्यास तेथे ज्या प्रवर्गाच्या लोकसंख्येची टक्केवारी अधिक आहे, अशा प्रवर्गासाठी ती राखीव ठेवण्यात आली आहे.

अन गुरुजीने चक्क उस्मानाबाद ते नळदुर्ग सहा तासात धावत येवुन नळदुर्ग गाठले

नळदुर्ग दि. २७ : 

एका शिक्षकाने उस्मानाबाद ते नळदुर्ग असे 53 किलो मिटर रनिंग करुन आपला वाढदिवस वेगळ्या पद्धतीने साजरा करुन विद्यार्थी व युवकापुढे आदर्श निर्माण केल्याने या शिक्षकाचे सर्वत्र कौतुक करुन अभिनंदन केले जात आहे. 

तुळजापूर तालुक्यातील येडोळा येथील (लमाण तांडा) जिल्हा परिषद प्राथमिक शाळेत सहशिक्षक म्हणुन कार्यरत असलेल्या साहेब शिवाजी पवार हे उस्मानाबाद तालुक्यातील जहागिरदारवाडीचे रहिवाशी आहेत. त्यांचा 38 वा जन्मदिवस व प्रजासत्ताक दिनाचे औचित्य साधुन उस्मानाबाद ते नळदुर्ग असे 53 किलोमिटर सलग सहा तासात रनिंग करत नळदुर्गला पोहचले. त्यांनी व्यायामाचे महत्व पटवून देण्यासाठी दि. 27 जानेवारी रोजी उस्मानाबाद शहरातील शिवाजी चौकातुन पहाटे चार वाजता नळदुर्गच्या दिशेने धावण्यास सुरूवात केली. यावेळी त्यांचे मित्र दत्तात्रय कळबंडे, दिपक कांबळे हे सुरक्षेच्या दृष्टीने साहेब पवार यांच्या मागे दुचाकीवरुन त्याना सहकार्य केले.

 

नळदुर्ग येथील जिल्हा परिषद केंद्रिय प्राथमिक शाळेच्या वतीने साहेब पवार या शिक्षकाचे मुख्याध्यापक दत्तात्रय आलुरे, तुळजापूर लाईव्हचे संपादक शिवाजी नाईक यांच्या हस्ते शाल व पुष्पहार घालुन त्याना सन्मानित  करण्यात आले. याप्रसंगी तुळजापूर लाईव्हची दिनदर्शिका भेट देण्यात आली. 

यावेळी पवार हे बोलताना म्हणाले की उस्मानाबाद जिल्ह्यातील विद्यार्थ्यांना व तरुण पिढीस व्यायामाचे महत्व व यातुन संदेश देण्याच्या हेतुने रनिंग केल्याचे सांगितले.   

  

या कार्यक्रमास सहशिक्षक बिलाल सौदागर, सहशिक्षीका ललिता आलुरे, सुरेखा मोरे, वंदना चौधरी, सुंदर भालकाटे, सैय्यद मोहोयोद्दीन, खलील इनामदार, निजामोद्दीन इनामदार, सेविका सुनिता यादगीरे, जि.प. मुलांचे हायस्कुलमधील शिक्षीका कुलकर्णी अंजली, पाटील वर्षा, शेख आसिफून्नीसा, हन्नुरे जिनत, मैंदर्गी निलोफर, सय्यद तस्नीम, लोहार आशोक, शाळा व्यवस्थापन समितीचे उपाध्यक्ष राम सातपुते आदीजन उपस्थित होते. कार्यक्रमाचे सुत्र संचालन व आभार बिलाल सौदागर यांनी मानले.

जयहिंद प्रतिष्ठानच्या वतीने सलग पाचव्या वर्षी आयोजित रक्तदान शिबीरात ९८ दात्यानी केले रक्तदान

नळदुर्ग ,दि . २७ : 

प्रजासत्ताक दिनाचे औचात्य साधुन नळदुर्ग शहरामध्ये राष्ट्रमाता जिजाऊ व युगपुरुष  स्वामी विवेकानंद यांच्या जयंतीनिमित्त जयहिंद प्रतिष्ठान नळदुर्ग यांच्या वतीने सलग पाचव्या वर्षी  बुधवार दि.  २६  रोजी मल्लिकार्जून मंदिर सभागृहात आयोजित रक्तदान शिबीरात ९८ जणांनी रक्तदान केले. रक्तदात्यास जयहिंद प्रतिष्ठानकडून पाण्याचे जार भेट देण्यात आले.

रक्तदान शिबीराच्या सुरूवातीस राष्ट्रमाता जिजाऊ व युगपुरूष स्वामी विवेकानंद यांच्या प्रतिमेचे मान्यवरांच्या हस्ते पुजन करून आभिवादन करण्यात आले. कार्यक्रमाचे प्रमुख पाहुणे तहसीलदार सौदागर तांदळे,  सहाय्यक पोलिस निरिक्षक  सिद्धेश्वर गोरे, अध्यक्षस्थानी शिवाजीरव मोरे, यांच्यासह माजी उपनगराध्यक्ष शफी शेख, रमेश पिस्के, समीर मोरे, श्रमिक पोतदार, विजय ठाकूर, बलदेव ठाकूर, ज्ञानेश्वर घोडके, प्रतिष्ठानचे संस्थापक अध्यक्ष संजय बताले आदी उपस्थित होते.  

सोलापूर येथिल अश्विनी रूग्णालयाच्या रक्तपेढीने रक्तसंकलन केले. कार्यक्रम यशस्वी करण्यासाठी संतोष वाले, राजेंद्र तोग्गे, मल्लिनाथ लामजणे, चंद्रकांत गायकवाड, राजेंद्र काळे, मनोज राजमाने, युवराज साखरे, अँड. आनंद बताले, विजय डूकरे, असद इनामदार, संगमेश्वर व्हनाळे, संजय स्वामी, शुभम हजारे, दगडू डूकरे यांनी परिश्रम घेतले.

श्री तुळजाभवानी साखर कारखाना सुरु केल्याबद्दल सुनील चव्हाण यांचा मनसेच्या वतीने सत्कार

नळदुर्ग , दि . २७ : 

शेतकरी व कामगार यांच्या हितासाठी श्री 

तुळजाभवानी साखर कारखाना सुरु केल्याबद्दल चेअरमन  सुनिल चव्हाण यांचा महाराष्ट्र  नवनिर्माण  सेनेच्या वतीने सत्कार करुन शुभेच्छा देण्यात आले.

नळदुर्ग येथील तुळजाभवानी शेतकरी सहकारी साखर कारखाना बऱ्याच वर्षापासून बंद अवस्थेत असल्यामुळे तालुक्यातील ऊस उत्पादक शेतक-यांना प्रचंड त्रास होत होता . कारखाना बंद असल्याने अनेक कामगारांच्या हाताला काम नव्हते, म्हणूनच श्री. तुळजाभवानी शेतकरी सहकरी साखर कारखान्याचे चेअरमन  सुनील चव्हाण यांनी प्रचंड मेहनत घेऊन स्वतः लक्ष घालून कारखाना भाड़ेतत्वावर चालवायला घेतला .आता कारखाना सुरु झाल्याने ऊस उत्पादक शेतकरी,कामगार यांच्यात  आनंदाचे व उत्साहाचे वातावरण तयार झाले आहे . कारखाना सुरु झाल्यामुळे जिल्हयातील शेतक-यांची दुभत्याची गाय समजली जाणार्‍या, जिल्हा मध्यवर्ती सहकारी बँकेलाही चांगले दिवस येणार आहेत . कारखाना सुरु करण्यासाठी प्रचंड मेहनत घेऊन, तालुक्यातील ऊस उत्पादक शेतकरी व कामगारांना न्याय दिल्याबदल, चेअरमन  सुनील चव्हाण यांचा महाराष्ट्र नवनिर्माण सेनेच्या वतीने जिल्हाध्यक्ष प्रशांत नवगिरे,जिल्हा सचिव ज्योतिबा, नळदुर्ग शहराध्यक्ष अलिम शेख,शहर सचिव प्रमोद कुलकर्णी, मनविसे शहर सचिव आवेज इनामदार,संतोष राठोड़, तेजस भोगे यांनी हार,फेटा,शाल व श्री  तुळजाभवानी मातेची प्रतिमा देऊन सत्कार करुन पुढील वाटचालीस शुभेच्छा  दिल्या .

श्री तुळजाभवानी शेतकरी सहकारी साखर कारखाना संचलित गोकुळ शुगरच्या पहिल्या गळीत हंगामाचा उत्साहात शुभारंभ

नळदुर्ग , दि. २७ :

ऊस उत्पादक शेतकरी, कामगार ऊसतोड मजुर यांच्या हक्काचा श्री तुळजाभवानी साखर कारखाना आहे. शेतकऱ्यांनी योग्य भाव मिळण्यासाठी परिपक्व ऊस घालावे. त्यामुळे रिकव्हरी चांगली येईल, चांगला भाव मिळेल. असे सांगुन  ऊस घातलेल्या शेतकऱ्यांना ठरल्याप्रमाणे वेळेवर पैसे द्यावे. त्याचबरोबर कारखान्याचे भाडे बँकेस वेळेवर भरावे. जेणेकरुन बँकेची नोटीस निघणार नाही. त्याकरिता कारखाना सुस्थितीत चालण्यासाठी व शेतकरी,  कामगार यांच्या हितासाठी सर्वांनी सहकार्य करण्याचे आवाहन राज्याचे माजी मंत्री मधुकरराव चव्हाण यांनी दि. 26 जानेवारी रोजी नळदुर्ग येथिल श्री तुळजाभवानी शेतकरी सहकारी साखर कारखाना संचलित गोकुळ शुगरच्या पहिल्या गळीत हंगाम शुभारंभ प्रसंगी गव्हाणीत ऊसाची मोळी टाकण्याच्या कार्यक्रमात केले.

     

          

 बुधवार दि. २६ जानेवारी रोजी प्रजासत्ताक दिनाचे औचित्य साधुन तुळजाभवानी साखर कारखाना संचलित गोकुळ शुगर इंडस्ट्रीजच्या पहिल्या गळीत हंगामाचा थाटात शुभारंभ करण्यात आला. कार्यक्रमाच्या प्रारंभी काट्याचे पुजन श्री शिवाचार्य महाराज, महंत श्री तुकोजी बुवा महाराज, महंत श्री मावजीनाथ बुवा महाराज, महंत श्री ईच्छागिरी बुवा महाराज, महंत व्यंकटारण्य बवा महाराज, माजी मंत्री मधुकरराव चव्हाण यांच्या हस्ते पुजन करुन गव्हाणीत मोळी टाकण्यात आली.

यावेळी बोलताना माजी मंत्री मधुकरराव  चव्हाण पुढे म्हणाले की, या भागातील शेतकऱ्यांची व कामगारांची समस्या सोडविण्यासाठी गेल्या वर्षभरापुर्वी  पासून प्रयत्न सुरु होते. त्यास सर्वांचे सहकार्य लाभले. श्री तुळजाभवानी साखर कारखाना कर्जमुक्त व्हावा यासाठी गोकुळ शुगरने जास्त भाडे देवुन १५ वर्षाच्या  भाडेतत्वावर चालविण्यासाठी घेतला आहे. शेतकरी , मजुर कामगार याना योग्य मोबदला मिळाला  पाहिजे. पुर्वी ज्या चुका झाले ते यापुढे होणार नाही. याची खबरदारी घेण्याची गरज आहे. त्याचबरोबर  विरोधक असला तर त्याचा ऊस वाळू देणार नाही.त्याचेही गाळप केले जाणार आहे. असेही त्यानी सांगितले .

याप्रसंगी महंत महाराज यांनी कारखाना आता अडचणीतुन बाहेर पडला असुन हा कारखाना बंद होणार नाही. चेअरमन सुनिल चव्हाण  व दत्ता  शिंदे ही जोडी श्री  तुळजाभवानी कारखान्यास गतवैभव मिळवुन देणार  असुन शेतकरी , कामगार यांच्या अडी अडचणी सुटतील  असा आर्शीवाद दिला.

या कार्यक्रमास तुळजाभवानी कारखान्याचे चेअरमन सुनिल चव्हाण, गोकुळ शुगरचे चेअरमन दत्ता शिंदे, जि.प. सदस्य बाबुराव चव्हाण, राष्ट्रवादीचे प्रदेश उपाध्यक्ष गोकुळ शिदे, जि.प. सदस्य प्रकाश चव्हाण, सरपंच रामचंद्र आलुरे, बालाघाट शिक्षण संस्थेचे उपाध्यक्ष उल्हास बोरगावकर, कारखान्याचे संस्थापक संचालक अशोक मगर, अख्तर काझी,  कपिल शिंदे , माजी जि.प. सदस्य मुकूंद डोंगरे, पंडित जोकार , काँग्रेस महिला तालुका अध्यक्षा सुभद्रा मुळे, नळदुर्ग शहर महिला अध्यक्षा कल्पना गायकवाड, माजी सरपंच सरिता मोकाशे , माजी नगरसेवक बसवराज धरणे, विनायक अंहकारी , शहबाज काझी , इमाम शेख , सोसायटीचे चेअरमन सुरेश हजारे , सामाजिक कार्यकर्ते सुनिल बनसोडे , बालाजी मोकाशे,    सरपंच अशोक पाटील ,  मनसेचे जिल्हाध्यक्ष  प्रशांत नवगिरे , सिद्राम मुळे , कृष्णात मोरे , रणवीर चव्हाण , आभिजित चव्हाण , अझर जहागिरदार , महंत वसंत रामदासी , अमर नरवडे , संगाप्पा हागलगुंडे,  कार्यक्रमाचे प्रास्ताविक जि.प. सदस्य बाबुराव चव्हाण यानी केले. सुत्रसंचालन माजी नगरसेवक विनायक अंहकारी  तर आभार कार्यकारी संचालक विकास भोसले यानी मानले.  

दत्ता  शिंदे ,  चेअरमन  गोकुळ शुगर 

गोकुळ  शुगरच्या वाटाचालीत तुळजापूर तालुक्यातील ऊस उत्पादक शेतकऱ्यांचा योगदान आहे. त्यामुळे  चांगली रिकव्हरी मिळाल्याने चांगले भाव यापुर्वी दिले आहे. या कारखाना कार्यक्षेञातील शेतक-याना ऊसाचे बील व कामगाराना  वेतन  वेळेवर दिले जाईल. त्याचबरोबर माजी मंञी मधुकरराव चव्हाण यांच्या मार्गदर्शनाखाली    सुनिल  चव्हाण व इतर जेष्ठाच्या सहकार्याने तुळजाभवानी साखर कारखाना संचलित गोकुळ शुगर या कारखान्यास आधुनिकतेची झालर देवुन निश्चितच या कारखान्यास गतवैभव मिळवुन देण्यास प्रयत्नशिल आहे, असे सांगितले. 

प्रजासत्ताक दिना निमित्त इयत्ता दहावीतील गुणवंत विद्यार्थ्यांचा गौरव

 

काळेगाव ,दि. २७ : 

दि . २६ जानेवारी प्रजासत्ताक दिनाच्या निमित्ताने इयत्ता १०  वी मध्ये प्रथम,  द्वितीय , तृतीय क्रमांक पटकाविणा-या विद्यार्थ्यांसह   विशेष गुण मिळवून उत्तीर्ण झालेल्या विद्यार्थ्यांचा बळीराजा रक्षक बहुउद्देशीय सामाजिक संस्था  येवती अध्यक्ष  ॲड आशिष दिनकरराव पाटील, सचिव. दिनकर विश्वासराव पाटील यांनी गुणवंत विद्यार्थ्यांचा सत्कार केला.

 तुळजापूर तालुक्यातील येवती  माध्यमीक विद्यालय शाळेवर प्रथम, द्वितीय , तृतीय क्रमांक मिळविणा-या विद्यार्थ्यांचा  ५०१ रुपये ,  प्रमाणपत्र ,  सन्मान चिन्ह देवुन गैवरविण्यात आले.   तसेच इतर गुणवंत विद्यार्थ्यांना  उत्तेजनार्थ  प्रशस्तीपञ देण्यात आले.

 गेलल्या चार वर्षेपासुन संस्थेच्या वतीने ऑड.आशिष पाटील व दिनकर पाटील यांनी हा गुणवंतांचा सत्कार करुन प्रोत्साहन देत आहेत.   कोरोनाच्या पार्श्वभूमीवर सोशल डिस्टनस ठेवून कार्यक्रम पार पडले.  गावकरी सरपंच उपसरपंच चेअरमन यांनी कामांचे कैतुक करुन यापुढे असेच विद्यार्थ्यांना  प्रोत्साहन देण्यासाठी प्रयत्न  असे उपक्रम  राबविण्याची आपेक्षा व्यक्त केली.

  ऑड.आशिष पाटील यांनी आपले मनोगत व्यक्त केले.  दिनकर पाटील यांनी आमचे शाळेतुन शिकलेले विद्यार्थी उच्चपदस्थ अधिकारी व्हावेत व शाळेचे, गावचे नाव राज्यात चमकवावे व मुलांमधे बक्षीस मिळविण्याची ओढ निर्माण हावुन चांगलें मार्क मिळवून स्पर्धेच्या युगात  टीकले पाहिजे असे सांगितले.  

यावेळी माध्यमिक विद्यालय येवतीचे मुख्याद्यापक  कुलकर्णी  व शाळेतील संपूर्ण टिचिंग व नॉन टिचिंग स्टाफ ,  सरपंचपती अमोल गवळी, उपासरपंच प्रीतम गायकवाड , 

पोलीस पाटील दिनकर विश्वासराव पाटील

अनिल शिंदे ,मन्मथ मुडके , बाजीराव पाटील , जयवंत पाटील , मारुती शिंदे , मारुती तांबे व शाळेचे माजी विद्यार्थी व गावातील इतर नागरिक उपस्तित होते.

विविध कार्यकारी सेवा सोसायटीच्या नुतन संचालकांचा माजी उपसभापाती दत्ता शिंदे यांच्या वतीने सत्कार

.

 काटी , दि . २६ : 

तुळजापुर तालुक्यातील सुरतगाव येथील विविध कार्यकारी सेवा सहकारी सोसायटीच्या नवनिर्वाचित बिनविरोध झालेल्या निवडणुकीत चेअरमन, व्हाइस चेअरमन यांच्यासह  संचालकांचा सुरतगाव येथील ग्रामपंचायत कार्यालयात  तुळजापुर  पंचायत समितीचे माजी उसभापती  दत्ता शिंदे यांच्या वतीने बुधवार दि. 26 जानेवारी प्रजासत्ताक दिनाचे औचित्य साधून  शाल, श्रीफळ, देऊन  सत्कार करुन करण्यात आला.

  या सत्कार सोहळ्यात नवनिर्वाचित चेअरमन भागवतराव गुंड, व्हाईस चेअरमन नानासाहेब गुंड, तसेच  बिनविरोध संचालक धर्मराज गुंड, शिवाजी गुंड, अभिमान्यू काळे, मोहन नकाते, पांडूरंग गुंड, मरगू देवकर,संदिपान गुंड,नवनाथ सुरते,  लक्ष्मीबाई गुंड, मंगलबाई गुंड,  रविंद्र कुंभार, यांचा समावेश होता. 

  

यावेळी सोसायटीचे सर्व नुतन संचालकांसह गावातील प्रतिष्ठित व्यक्ती आण्णासाहेब गुंड, प्रमोद गुंड, विठठल गुंड, सुरेश गुंड,राम गुंड, विजय देवकर,बापूसाहेब गुंड, गणेश गुंड, पंडीत काळे,चंद्रकांत माळी, सचिन गुंड,हरीदास गुंड, विलास पाटील ,, सौदागर गुंड, राजकुमार गुंड यासह गावातील नागरीक उपस्थित होते.

उपजिल्हा रुग्णालय नळदुर्ग येथील आरोग्य कर्मचाऱ्यांचा रिपाइंच्या वतीने सत्कार

वागदरी , दि . २६ 

नळदुर्ग  येथील नव्याने सुरु होणाऱ्या शासकीय उपजिल्हा रुग्णालयात कोरोनाच्या तिसऱ्या लटेच्या पार्श्वभूमीवर सुरू करण्यात आलेल्या डेडिकेटेड कोविड हेल्थ सेंटर  येथील डॉक्टरसह आरोग्य कर्मचाऱ्यांचा रिपब्लिकन पार्टी आँफ इंडिया (आठवले) नळदुर्ग शाखेच्या वतीने प्रजासत्ताक दिनाच्या पुर्वसंध्येला सत्कार करण्यात आला.

  

राष्ट्रीय महामार्ग क्रमांक ६५ (पूर्वीचा ९) वर वसलेले ऐतिहासिक नळदुर्ग हे जवळपास ६५ गावांच्या केंद्रस्थानी असून मुंबई, पुणे, सोलापूर, नळदुर्ग ते हैदराबाद जाणारा राष्ट्रीय महामार्ग नळदुर्ग शहरातून जातो.

या महामार्गावर आपघाताचे प्रमाण अधिक आहे. त्यामुळे नळदुर्ग येथे सर्व सुविधा असलेले एखादे रुग्णालयल असावे अशी जनतेची मागणी होती. या मागणीचा विचार करून    अणदूर, नळदुर्ग, तुळजापूर रोडला जोडणाऱ्या गोलाई चौका नजीक नळदुर्ग तुळजापूर रोडवर शासकीय उपजिल्हा रुग्णालय सुरु करण्यासाठी इमारतीचे बांधकाम पूर्ण करण्यात आले आहे. लवकरच याठिकाणी आरोग्य सेवा सुरू करण्यात येणार आहे. 

 याठिकाणी शासनाच्या वतीने कोरोनाच्या तिसऱ्या लाटेचा विचार करून डेडिकेटड कोविड हेल्थ सेंटर सुरु करण्यात आले आहे. या सेंटरमध्ये रुग्ण सेवेसाठी नियुक्त करण्यात आलेले वैद्यकीय अधिकारी, डॉ एम.ए. ईजापवार, परिसेविका निर्मला तोडकर, आधिपरिचारीका मेघा काळे, एस.डी.सुतके,लँब टेक्नेशियन यु.सी.डिग्गे ,वार्डबाँय शिवाजी गायकवाड, आदी आरोग्य कर्मचाऱ्यांचा  रिपाइंच्या वतीने सत्कार करण्यात आला. 

   

याप्रसंगी बोलताना रिपाइंचे जिल्हा सचिव एस.के.गायकवाड म्हणाले की नळदुर्ग येथे लवकरात लवकर उपजिल्हा रुग्णालयात आरोग्य सेवा सुरू करण्यात यावी अन्यथा यासंदर्भात रिपाइंच्या वतीने आंदोलन करण्यात येईल.

    यावेळी रिपाइंचे मराठवाडा विभाग कार्यकारणी सदस्य दुर्वास बनसोडे, जिल्हा उपाध्यक्ष बाबासाहेब बनसोडे, जिल्हा सचिव एस.के.गायकवाड, तालुका संघटक सुरेश लोंढे, भाजपा प्रसिद्धी विभाग तालुका अध्यक्ष तथा पत्रकार किशोर धुमाळ,रिपाइं नळदुर्ग शहर कार्याध्यक्ष महादेव कांबळे,जेष्ठ कार्यकर्ते बाबुराव बनसोडे, विठ्ठल बनसोडे,युवा कार्यकर्ते अनिल लोंढे सह कार्यकर्ते उपस्थित होते.

वागदरी येथे प्रजासत्ताक दिनाच्या निमित्ताने विविध ठिकाणी कार्यक्रम

वागदरी  , दि . २६ : एस.के.गायकवाड

भारतीय प्रजासत्ताक दिनाच्या  वर्धापन दिना निमित्त मौजे वागदरी ता.तुळजापूर येथे विविध ठिकाणी कार्यक्रम संपन्न झाले.

  जि.प.प्राथमिक शाळा वागदरी ता.तुळजापूर येते दि.२६ जानेवारी रोजी प्रजासत्ताक दिनाच्या निमित्ताने राष्ट्रीय ध्वजारोहणाच्य कार्यक्रमाचे आयोजन करण्यात आले होते. प्रारंभी सरपंच ज्ञानेश्वर बिराजदार, शालेय व्यवस्थापण समितीचे अध्यक्ष रामसिंग परीहार, उपाध्यक्ष विजयाबाई वाघमारे, उपसरपंच मुक्ताबाई वाघमारे यांच्या हस्ते महात्मा गांधी, डॉ बाबासाहेब आंबेडकर यांच्या प्रतिमेचे पूजन करून मुख्याध्यापिका महदेवी जत्ते यांच्या हस्ते ध्वजारोहण करण्यात आले. तर येथील ग्रामपंचायत कार्यालयाच्या प्रांगणात उपसरपंच मुक्ताबाई वाघमारे, ग्रा. प.सदस्य दत्ता सुरवसे, महादेव बिराजदार, रिपाइंचे जिल्हा सचिव तथा पत्रकार एस.के.गायकवाड, तंटामुक्त अध्यक्ष राजेंद्र पाटील, उपाध्यक्ष फत्तेसिंग ठाकूर,आदींच्या हस्ते पुजन करून सरपंच ज्ञानेश्वर बिराजदार यांच्या हस्ते ध्वजारोहण करून सामुदायिकरित्या संविधानाच्या प्रास्ताविकेचे वाचन करण्यात आले.

  तसेच येथील भिम नगरमध्येही प्रजासत्ताक दिनाच्या निमित्ताने कार्यक्रमाचे आयोजन करण्यात आले होते. याकार्यक्रमाचे प्रास्ताविक व सुत्रसंचलन एस.के.गायकवाड यांनी केले. प्रारंभी मुख्याध्यापिका महादेवी जत्ते,सरपंच ज्ञानेश्वर बिरजदार, उपसरपंच मुक्ताबाई वाघमारे,तंटामुक्त अध्यक्ष राजेंद्र पाटील, उपाध्यक्ष फत्तेसिंग ठाकूर,उपसरपंच मुक्ताबाई वाघमारे, यांच्या हस्ते संविधानाचे शिल्पकार डॉ.बाबासाहेब आंबेडकर यांच्या प्रतिमेचे पूजन करून त्यांना आभिवादन करण्यात आले. यावेळी ग्रा. प.सदस्या विद्या बिरादार, बकुलाबाई भोसले,कमलबाई धुमाळ, महादेव बिराजदार सह ग्रामस्थ,युवा कार्यकर्ते,महिला  उपस्थित होते.

तुळजापूर तालुक्यातील चिवरीच्या.शाळेत प्रजासत्ताक दिन उत्साहात साजरा

चिवरी , दि . २६ : राजगुरू साखरे

तुळजापूर तालुक्यातील चिवरी येथील जिल्हा परिषद प्राथमिक शाळेत ७३ वा प्रजासत्ताक दिन उत्साहात साजरा करण्यात आला . यावेळी शालेय व्यवस्थापन समितीचे अध्यक्ष शत्रुघ्न बिराजदार यांच्या हस्ते ध्वजारोहण करण्यात आले, 

याप्रसंगी मुख्याध्यापक राजकुमार म्हैञे, सहशिक्षक राहुल मसलेकर, अण्णासाहेब भोग,मोहन राजगुरू, सचिन शिंदे, जिल्हा मध्यवर्ती बँकेचे माजी शाखाधिकारी मोतीराम चिमणे, अंगणवाडी सेविका उषाबाई नगदे,लक्ष्मी मेंढापुरे, कल्पना शिंदे     रेशमा चिमणे आदी उपस्थित होते.

श्री बाळेश्वर विद्यालयात राबवली मतदान प्रक्रिया

तुळजापूर , दि . २५ : 

 बारुळ ता . तुळजापूर येथिल श्री बाळेश्वर  विद्यालयात राष्ट्रीय मतदार दिनाच्या निमित्ताने विविध उपक्रम राबविण्यात आले.

त्यामध्ये मतदान प्रक्रिया, निबंध स्पर्धा, रांगोळी रेखाटन व पोस्टर स्पर्धा घेण्यात आली. मतदान प्रात्यक्षिक प्रक्रियेत मतदान अधिकारी म्हणून  सार्थक यावलकर, शंभू यावलकर, वैष्णवी सगर व सानिका रणदिवे यांनी कामकाज पाहिले. इतर विद्यार्थी, पत्रकार सोमनाथ शेटे, B. L. O. बबन लाखाडे (सह शिक्षक) , विद्यालयाचे मुख्याध्यापक मंगेश अणदुरकर ज्येष्ठ शिक्षक हजारे सर,नाईक सर,बलसुरकर सर व  शिक्षकेत्तर कर्मचाऱ्यांनी सहभाग नोंदविला. रांगोळी व निबंध स्पर्धेत प्राची वट्टे, मयुरी यावलकर, गौरी व्होर्टे, वैभवी कडबाने, शिवाणी जमादार, रिया नारायणकर व संजीवनी गोरे यांनी सहभाग नोंदविला. 

तसेच पोस्टर स्पर्धेत मयुरी यावलकर, सार्थक यावलकर, शिवानी जमादार व गौरी व्होर्टे  यांनी सहभाग नोंदविला. शेवटी मतदान प्रतिज्ञा घेऊन कार्यक्रमाचा समारोप झाला.

तुळजाभवानी महाविद्यालयात राष्ट्रीय मतदार दिन संपन्न

तुळजापूर ,दि .२५ 

येथील श्री स्वामी विवेकानंद शिक्षण संस्था कोल्हापूर संचलित तुळजाभवानी महाविद्यालय तुळजापूर येथे राष्ट्रीय सेवा योजना विभाग व राज्यशास्त्र विभाग यांच्या संयुक्त विद्यमाने राष्ट्रीय मतदार दिनानिमित्त मतदारांना प्रोत्साहन देण्यासाठी सामुहिक प्रतिज्ञा वाचन करण्यात आले. दि . २५ जानेवारी १९५० रोजी निवडणूक आयोगाची स्थापना करण्यात आली होती, याच अनुषंगाने या दिनाचे  विशेष महत्त्व आहे. पात्र मतदारांच्या मतदानामध्ये वाढ होणे,मतदानाच्या दिवशी मतदान प्रक्रिया लोकांनी गांभीर्याने घेणे अशा प्रकारच्या ऊद्देशांना अनुसरून शासनाने केलेल्या मार्गदर्शक सूचनेनुसार हा उपक्रम महाविद्यालयात राबविण्यात आला, 

याप्रसंगी सदर कार्यक्रमाच्या अध्यक्षस्थानी महाविद्यालयाचे प्राचार्य डॉ एस एम मणेर  हे होते.तर प्रतिज्ञेचे वाचन प्रा.डॉ.बी.डब्ल्यू गुंड यांनी केले.सदर कार्यक्रमाचे सूत्रसंचालन राष्ट्रीय सेवा योजना विभाग प्रमुख प्रा व्ही एच चव्हाण यांनी केले. तर कार्यक्रमाच्या यशस्वीतेसाठी राष्ट्रीय सेवा योजना विभाग प्रमुख प्रा.ए.बी.वसेकर , कनिष्ठ राष्ट्रीय सेवा योजना विभाग प्रमुख प्रा.वागदकर एस.पी यांचे सहकार्य लाभले, कार्यक्रमाचे आभार प्रा.जे.बी.क्षीरसागर यांनी मानले.सदर कार्यक्रम कोरोनाच्या  सर्व नियमांचे काटेकोर पालन करुन संपन्न करण्यात आला.कार्यक्रमाप्रसंगी महाविद्यालयातील सर्व शिक्षक व शिक्षकेतर कर्मचारी उपस्थित होते.

राष्ट्रीय मतदार दिनानिमित्त मतदार जनजागृती रथ फेरी

गुंजोटी, दि .२५:

उमरगा तालुक्यातील  गुंजोटी येथील श्रीकृष्ण महाविद्यालयातील राष्ट्रीय सेवा योजना विभागाच्या वतीने ‘मतदार राजा जागा हो, प्रगतीचा धागा हो’, ‘लोकशाही बळकटीकरणासाठी सर्वाचा सहभाग’, ‘एकच लक्ष मताचा हक्क’ अशा विविध फलकासह मंगळवारी  राष्ट्रीय मतदार दिनानिमित्त गावातून मतदार जनजागृती रथाची फेरी काढण्यात आली.  

प्रारंभी गावच्या सरपंच सरस्वती कारे, महाविद्यालयाचे प्राचार्य डॉ. दिलीप कुलकर्णी, ग्रामपंचयात सदस्य योगेश शिंदे यांच्या हस्ते रथफेरीला झेंडा दाखवून सुरुवात झाली. प्रा. राजाराम निगडे यांनी मतदानाविषयी प्रतिज्ञा देऊन मतदानाविषयी जास्तीत जागृती करण्याविषयी आवाहन केले. आपल्याला मिळालेले मतदान ओळखपत्र म्हणजे या देशाचे आपण नागरिक असल्याचा तो सन्मान आहे. लोकशाहीच्या प्रगल्भतेसाठी मतदान आवश्यक असून, लोकशाही अधिकाधिक विकसित व्हावी, यासाठी मतदानाचा मूलभूत हक्क नागरिकांना बजावायलाच हवा, असे प्रतिपादन डॉ. कुलकर्णी यांनी व्यक्त केले. 

रासेयोचे कार्यक्रमाधिकारी रामदास कोळी, डॉ. मिलिंद सूर्यवंशी, डॉ.सुनील पतंगे, डॉ. महादेव खोत, डॉ. गुलाब राठोड, प्रा.दस्तगीर पठाण, डॉ. अनिल काळदाते, डॉ. रमेश मादळे, डॉ. दिगंबर चव्हाण, डॉ. भाऊसाहेब ऊगले, प्रा. इब्राहिम इनामदार, अधीक्षक विनोद पतंगे, प्रा. सूर्यकांत कोड़े, प्रा. कलीम शानेदिवान, प्रा. डॉ. कल्याण कदम, सतीश कारे, सिद्राम देशमुख आदी उपस्थित होते.

माधवराव पाटील महाविद्यालयात मतदान नोंदणी व जनजागृती अभियान

           

   

मुरूम, ता. उमरगा,  दि. २५ :  

 माधवराव पाटील महाविद्यालयाच्या राज्यशास्त्र पदवी-पदव्युत्तर विभाग व राष्ट्रीय सेवा योजना विभागाच्या संयुक्त विद्यमाने आयोजित मतदान नोंदणी व जनजागृती अभियान अंतर्गत  राष्ट्रीय मतदान दिन मंगळवारी  दि. २५  रोजी साजरा करण्यात आला. 

यावेळी प्राचार्य डॉ. अशोक सपाटे यांच्या हस्ते मतदान नोंदणी व जनजागृती अभियानाच्या पत्रकाचे प्रकाशन करण्यात आले. लोकशाही आणि निवडणुका या विषयावर प्रा. डॉ. महेश मोटे यांनी मार्गदर्शन केले. यावेळी प्रा. दिनकर बिराजदार, प्रा. प्रकाश कुलकर्णी, राष्ट्रीय सेवा योजनेचे कार्यक्रमाधिकारी डॉ. आप्पासाहेब सुर्यवंशी, डॉ. राम बजगिरे, प्रा. राजकुमार रोहीकर, डॉ. नागोराव बोईनवाड, डॉ. रविंद्र गायकवाड, डॉ. अविनाश मुळे, डॉ. रमेश आडे, डॅा. भिलसिंग जाधव, प्रा. सुजित मटकरी, डॉ. किरण राजपूत, डॉ. पुरुषोत्तम बारवकर, डॉ. विलास खडके, प्रा. लखन पवार आदींची उपस्थिती होती. याप्रसंगी सामुदायिक मतदान प्रतिज्ञेचे वाचन डॉ. सुभाष हुलपल्ले यांनी केले. विजयालक्ष्मी भालेराव, सुरेखा पाटील, दत्तु गडवे, राजू ढगे, सुभाष पालापूरे, महादेव पाटील, पूजा शिंदे, शुभांगी कुलकर्णी, अंबिका पाताळे, निकिता पाताळे आदींनी सहभाग घेवून पुढाकार घेतला. कार्यक्रमाचे प्रास्ताविक राष्ट्रीय सेवा योजनेचे कार्यक्रमाधिकारी प्रा. डॉ. रवी आळंगे यांनी केले. सूत्रसंचालन डॉ. सुधीर पंचगल्ले तर आभार डॉ. किरण राजपूत यांनी मानले.