श्री तुळजाभवानी मंदिराची भव्यता वाढविण्याच्या दृष्टीने विकास आराखड्यावर सकारात्मक चर्चा - जिल्हाधिकारी डॉ.सचिन ओम्बासे

                              

उस्मानाबाद,दि.31

तुळजापूर येथील श्री तुळजाभवानी मंदिर संस्थान यांच्यामार्फत भाविकांसाठी सेवा सुविधांचे उपाययोजना करण्याबाबत तसेच तुळजापूरला जागतिक दर्जाचे धार्मिक स्थळ अशी ओळख मिळवून देण्यासाठी अभ्यास समिती तिरुपती बालाजी, शिर्डी, शेगांव आदी देवस्थानांचा अभ्यास दौरा करणार, असे जिल्हाधिकारी डॉ.सचिन ओम्बासे यांनी यावेळी सांगितले. 

श्री तुळजाभवानी अभियांत्रिकी महाविद्यालय येथे आयोजित तुळजाभवानी मंदिर विकास आराखडा चर्चा प्रसंगी ते बोलत होते. यावेळी तुळजापूरचे आमदार राणा जगजितसिंह पाटील, जिल्हा पोलिस अधीक्षक अतुल कुलकर्णी, स्ट्रक्टवेल कन्सलटंन्सी या संस्थेचे एम.डी. श्री.रायकर, उपविभागीय अधिकारी योगेश खरमाटे, तुळजापूर मंदिर संस्थानच्या तहसीलदार योगिता कोल्हे, तुळजापूरचे तहसीलदार सौदागर तांदळे तसेच इतर विभागातील प्रमुख अधिकारी उपस्थित होते.

              

श्री तुळजाभवानी मंदिर संस्थानच्या विश्वस्त समितीने पुरातत्त्व विभाग महाराष्ट्र शासन यांच्या मार्गदर्शनानुसार एकत्रित विकास आराखडा तयार करण्याबाबत मंजूरी दिलेली आहे. त्याकरिताची  ई-निविदा दि. 21 सप्टेंबर 2022 रोजी प्रसिध्द करण्यात आली आहे. एकत्रित विकास आराखडा तयार करताना श्री तुळजाभवानी मंदिर संस्थानशी संलग्नीत सर्व संबंधितांशी विचार विनिमय करुन श्री तुळजाभवानी मंदिर संस्थानचा विकास आणि भाविकांची सोईसुविधा याबाबत विश्वस्त समितीने संलग्न शासकीय विभाग आणि पदाधिकारी यांच्या समवेत चर्चासत्र  येथील श्री तुळजाभवानी अभियांत्रिकी महाविद्यालय येथे  जिल्हाधिकारी तथा अध्यक्ष  श्री तुळजाभवानी मंदिर संस्थान डॉ.सचिन ओम्बासे यांच्या अध्यक्षतेखाली आयोजित करण्यात आली होती.

                  

या चर्चासत्रामध्ये भाविकांसाठी दर्शन मंडप सुविधा, अत्याधुनिक संग्रहालय, भाविकांच्या दर्शन रांगा, भाविकांना प्रसाद वाटप व्यवस्था, मंदिर व मंदिर परिसर तसेच दर्शन मंडप सुरक्षा व्यवस्था, भाविकांच्या पवित्र स्नान ठिकाणाचे व्यवस्थापन, भाविकांच्या आरोग्य विषयक सुविधा, मंदिर व मंदिर परिसरातील आग विषयक सुरक्षा, मंदिरातील प्रशासकीय कामकाज, भाविकांच्या सुरक्षिततेच्या दृष्टीने जोखीम ओळखणे, भाविकांच्या भौतिक साईसुविधा, भाविकांचे गर्दी व्यवस्थापन, मंदिर व मंदिर परिसरातील विद्युत व्यवस्था, अभ्यागत व्यवस्थापन सुविधा, मंदिर व मंदिर परिसरातील पिण्याच्या पाण्याची व सांडपाण्याची व्यवस्था, सुरक्षा तरतूद व व्यवस्थापन, मंदिर व मंदिर परिसरातील वायुवीजन (हवा खेळती राहील अशी व्यवस्था), सार्वजनिक संपर्क प्रणाली, मंदिर व मंदिर परिसरातील अग्निशमन यंत्रणा, मंदिर व मंदिर परिसरातील CCTV अत्याधुनिक कंट्रोल रुम, मंदिर व मंदिर परिसरातील कचरा व्यवस्थापन (घन कचरा), मंदिरात प्रवेश करतेवेळी DFMD व HFMD सुविधा, भाविकांसाठी बसण्याची व्यवस्था आणि विश्रांती थांबे, मंदिर व मंदिर परिसरातील स्वच्छता व्यवस्थापन, पादत्राण कक्ष व सामान कक्ष व्यवस्थापन, अभिषेक व सिंहासन पूजा व्यवस्थापन, व्यावसायिक (व्यापारी) आस्थापना, महत्वाचे व अतिमहत्वाचे व्यक्तींचे दर्शन व्यवस्थापन, भाविकांसाठी अन्नछत्र, मंदिरातील प्रथमोपचार आणि बचाव उपकरणे व साठवण व्यवस्था, दर्शन मंडप व मंदिर परिसरातील मार्गदर्शक चिन्ह व्यवस्थापन, भाविकांचे रांग व्यवस्थापन (तटबंदीचे आत, बाहेर व शहर परिसर), भाविकांसाठी सार्वत्रिक प्रवेश व्यवस्था, आपत्ती व्यवस्थापन, भाविकांचे रिसेप्शन आणि तिकीट (बायोमॅट्रीक पास यंत्रणा) काउंटर, मंदिरातील महत्त्वाचे ठिकाणाचे निरीक्षण वेळापत्रक, दिव्यांग, वृध्द, लहान मुले व माता यांची दर्शन व्यवस्था, भाविकांच्या सुविधेकरिता अत्याधुनिक पार्कींग व्यवस्था, हिरकणी कक्ष, स्वच्छतागृह, बाहेर पडण्याचा मार्ग, कुलाचार व्यवस्थापन, दर्शन मंडपामध्ये आराम कक्ष आणि अल्पोपहार कक्ष व्यवस्था आदी विकास आराखड्यावर चर्चा करण्यात आली.

            

काटी शाळेत राष्ट्रीय एकता सप्ताह निमित्त कार्यक्रम संपन्न

काटी , दि. ३१

तुळजापूर तालुक्यातील काटी जि.प.केंद्रीय कन्या प्राथमिक शाळेत राष्ट्रीय एकता सप्ताह निमित्त एकात्मतेवर कार्यक्रम घेण्यात आला. 

या कार्यक्रमाचे प्रास्ताविक केंद्राचे  मुख्याध्यापक अमीन शेख यांनी केले. तर केंद्राचे केंद्रप्रमुख सोलनकर यांनी लोहपुरुष सरदार वल्लभभाई पटेल यांच्या विषयी माहिती सांगितली.

यावेळी शाळा व्यवास्थापन समितीचे अध्यक्ष नजीब काझी,उपाध्यक्ष श्रीमती पल्लवी जामगांवकर, केंद्रीय मुख्याध्यापक अमीन शेख,केंद्रप्रमुख सोलनकर , श्री क्षेत्र इंद्रजीत जंगले, बापू काळे,श्रीकांत पांगे, हर्षवर्धन माळी,सोमा जामगांवकर, अंगणवाडीच्या सिंधुताई ढगे व विद्यार्थी उपस्थित होते.

कु. ऋचा कृष्णकांत दरेकर हिचे भारतीय लष्करात "लेफ्टनंट ऑफिसर' म्हणून नियुक्ती

रायगड,दि. ३०

रायगडची कन्या कु. ऋचा कृष्णकांत दरेकर हिचे भारतीय लष्करात  "लेफ्टनंट ऑफिसर' म्हणून नियुक्ती झाली आहे. 

मुळची पळस दरी येथील रहिवाशी असलेली ऋचा हीचे आठवी पर्यंतचे शिक्षण खोपोली येथे शिशु मंदिरात झाले तर आठवी ते बारावी शिक्षण तिने पनवेल येथील बार्न्स हायस्कूल मध्ये घेतले होते. ऋचा हीने जिल्हा व राज्य स्तरावर  तलवार बाजी खेळामध्ये सुवर्ण पदके मिळवली असून ती राष्ट्रीय स्तरावरील खेळाडू आहे. तिने  रसायनी येथील पिल्लई कॉलेज मधून इलेक्ट्रॉनिक्स अँड टेलिकम्युनिकेशन इंजिनियरिंग मधून पदवी प्राप्त केली आहे.  

केंद्रीय लोकसेवा घेतली  घेतली जाणाऱ्या सीडीएस परीक्षा उत्तीर्ण झाल्यानंतर पुढे ती एसएसबी मुलाखती मध्ये उत्तीर्ण झाली होती. त्यामुळे तिला चेन्नई येथे ऑफिसर ट्रेनिंग अकॅडमी म्हणजे (ओटा) येथे  प्रशिक्षणासाठी पाठवण्यात आले होते. नुकतेच तिने प्रशिक्षण यशस्वीपणे पूर्ण केले असून चेन्नई येथे झालेल्या पासिंग आऊट परेड झाली आहे. कु. ऋचा ही भारतीय लष्करात लेफ्टनंट ऑफिसर म्हणून नियुक्त झाली आहे. तिचे सर्वत्र कौतुक व अभिनंदन केले जात आहे.

हंगरगा ( तूळ ) येथील म्हैस पळवण्याचा कार्यक्रम जल्लोषात साजरा

तुळजापूर, दि. ३०  

 तुळजापूर तालुक्यातील   हंगरगा ( तूळ ) येथे दिवाळी पाडव्यानिमीत्त म्हशी पळविण्याचा कार्यक्रम  मोठ्या उत्साहात संपन्न झाला. पंचक्रोशीतील शेतकरी आणि ग्रामस्थ मोठ्या संख्येने या कार्यक्रमास उपस्थित होते.

 

हंगरगा ( तूळ ) तुळजापूर, मंगरूळ, कुंभारी, काक्रंबा इत्यादी गावातील पशुपालकानी सहभाग नोदवला. या कार्यक्रमाचे मुख्य आयोजक श्री रत्नाकर गोविंद जगताप,  कार्यक्रमाचे उ्घाटक पं . स . उपसभापती श्री शिवाजी गोरे . सरपंच . मधुकर मुरारी भंडारी, उपसरपंच प्रकाश वामन नन्नवरे, माजी सरपंच लिंबराज नन्नवरे, माजी उपसरपंच दशरथ चौगुले, तसेच पशुपालक मेघराज हावळे , ओंकार नन्नवरे , आकाश गायकवाड ,कडप्पा गायकवाड ,नाना गंगणे , राहुल भोसले , विनोद जगताप , मनोज गायकवाड, बाशु सय्यद , अमर गायकवाड , अमीर पठाण , चेतन चव्हाण , स्वप्नील जटाळ , बबलु शेख , दत्ता जगताप, तानाजी भिषे, नागनाथ धनके, व गावातील प्रतिष्ठित नागरिक अमोल नन्नवरे, बालाजी हावळे, रोहीत चव्हाण , सौरभ चव्हाण , फारूक शेख , दीपक गोसावी, गणेश नन्नवरे, आप्पा जगताप, राहुल नन्नवरे,आकाश नन्नवरे, शरद गायकवाड,आप्पा मस्के,रघुनाथ सिरसट, सूरज चौगुले , बिभीषण लोंढे,आनंद गाटे ,महेश लोंढे ,अनिल भोसले, सचिन नन्नवरे बापु नन्नवरे व सर्व ग्रामस्थ उपस्थित होते. सुमारे पाच तास हा कार्यक्रम सुरू होता .कोणताही अनुचित प्रकार न होता अत्यंत शांततेत हा कार्यक्रम  ग्रामस्थांच्या उपस्थितीत संपन्न झाला.

भुसणी महालक्ष्मी मंदिराच्या यात्रा महोत्सवाचे आयोजन

उमरगा ,दि . ३०

तालुक्यातील भुसणी येथील महालक्ष्मी मंदिराच्या यात्रा महोत्सवाचे मंगळवारी (ता.एक) नोव्हेंबर रोजी आयोजन करण्यात आले आहे. 

भूसणी, औराद व कदेर सिमेवर असणाऱ्या या महालक्ष्मी मंदिराच्या यात्रेचे सातवे वर्ष असुन यासाठी तालुक्यातील भाविक मोठया संख्येने सहभागी होतात.

या कार्यक्रमासाठी खादी ग्रामोद्योग महामंडळ, मुंबईचे सहसंचालक विद्यासागर हिरमुखे व उद्योजक संजय हिरमुखे यांच्या पुढाकारातुन हि यात्रा संपन्न होते.  वेदमूती अशोक श्रीधर मुळजकर यांच्या पौरोहित्यात वरील सोहळा संपन्न होणार आहे.

सोमवारी (ता.३१) रोजी सातव्या वर्षपूती निमित्त  भुसणी, कदेर व औराद येथील अराधी मंडळ व तसेच शिव व हरी भजनी मंडळच्या वतीने जागरसेवेचे आयोजन करण्यात आले आहे.

 मंगळवारी (ता.एक) रोजी  सकाळी ६.३० वाजता महालक्ष्मी मातेच्या अभिषेकासाठी जलकुंभ यात्रा सकाळी ७ वा. गणपती पुजन आणि पण्यहवाचन ७.३० वा. अग्नी स्थापना ८ वा. देवता स्थापना , ९ वाजता मुख्य देवता हवन व १० वाजता यज्ञाची सांगता व पूर्णाहुती १०.३० वाजता महालक्ष्मीची महाआरती ११.०० वाजता महाप्रसाद व रात्री ८.०० जागरसेवेचे आयोजन करण्यात आले आहे. मंगळवारी सावित्रीबाई बंजाराट भजन मंडळ गुलबर्गी व प्रल्हाद महाराज बंजारा भजन होणार आहे.

ही यात्रा भुसणी, औराद, कदेर, कदेर तांडा, औराद तांडासह तालुक्यातील भावीकांच्या वरील समस्त गावकऱ्यांच्या प्रमुख उपस्थितीत संपन्न होणार आहे. तरी परिसरातील सर्व भाविक भक्तांनी सदरील कार्यक्रमास उपस्थित राहण्याचे आवाहन भुसणी, औराद, कदेर ग्रामस्थांच्या वतीने करण्यात आले आहे.

वात्सल्यचे संस्थेचे कार्य प्रेरणादायी - न्यायाधीश नेपते

मंगरूळ दि.२९

सामाजिक क्षेत्रातील वेगवेगळ्या प्रश्नावर वात्सल्य सामाजिक संस्था करत असलेले काम हे कौतुकास्पद आहे असे मत दिवाणी न्यायाधीश श्री.मनोज नेपते यांनी व्यक्त केले.

तुळजापूर तालुक्यातील मंगरूळ येथील वात्सल्य सामाजिक संस्थेला त्यांनी सदिच्छा भेट दिली,यावेळी त्यांनी वात्सल्यच्या माध्यमातून सुरु असलेल्या विषयांची माहिती घेतली.डॉ.बापूजी साळुंखे विधी महाविद्यालयाने वात्सल्यसाठी मदत पाठवली होती.याप्रसंगी या मदतीचे प्रातिनिधिक स्वरूपात काळेगाव येथील बेबाबाई घोडके या एकल भगिनीस भाऊबीजेची साडी-फराळ दिली गेली.

वात्सल्यने अनाथ व एकल भगिनींच्या 23 मुलांचे शैक्षणिक पालकत्व स्वीकारले आहे.लक्ष्मी मुळे या नववीत शिकणाऱ्या विद्यार्थिनीस श्री.नेपते यांच्या हस्ते शैक्षणिक साहित्य वाटप केले.

याप्रसंगी विधी महाविद्यालयाचे प्रा.नितीन कुंभार,काळेगावचे सरपंच श्री.आनंदराव पाटील,वात्सल्यचे कार्यकर्ते श्री.अरविंद मुळे,श्री.नितीन सरवदे. श्री.दयानंद मुळे,श्री.अरविंद बनसोडे यांची उपस्थिती होती.

काळेगाव : येथील जेष्ठ नागरिक नामदेव साखरे यांचे वृध्दाप काळाने निधन

काळेगाव, दि.२८:

 तुळजापूर तालुक्यातील  काळेगावचे  जेष्ठ नागरिक नामदेव गंगाराम साखरे यांचे दि. २८ रोजी राञी ९ वाजता वृद्धाप काळाने  निधन झाले. त्यानी वयाच्या ९२ व्या वर्षी घेतला आखेरचा श्वास. 

त्यांच्या पश्चात दोन मुलं, एक मुलगी जावा, सुना, नातवंड, असा परिवार आहे. त्याच्या पार्थिवावर दि.२९ रोजी सकाळी १० वाजता अंतिम संस्कार करण्यात येणार आहे. ते पञकार प्रकाश साखरे यांचे आजोबा होत.

29 ऑक्टोबर ते 13 नोव्हेंबर पर्यंत जिल्हयात जमावबंदी व शस्त्रबंदी आदेश जारी

प्रतिकात्मक

29 ऑक्टोबर ते 13 नोव्हेंबर पर्यंत जिल्हयात जमावबंदी व शस्त्रबंदी आदेश जारी 

 

 

उस्मानाबाद,दि.२८ :

उस्मानाबाद जिल्ह्यात  दि.29 ऑक्टोबर ते 13 नोव्हेंबर या कालावधीत जिल्हयात जमावबंदी व शस्त्रबंदी आदेश  अपर जिल्हादंडाधिकारी शिवकुमार स्वामी यांनी मनाई आदेश जारी केले आहे.

 

 उस्मानाबाद जिल्हयात खालील प्रमाणे सण/उत्सव व कार्यक्रम व विविध पक्ष संघटना यांचे वतीने त्यांचे मागणी संदर्भात धरणे, मोर्चे,बंद, संप,रस्तारोको इत्यादी आंदोलनात्मक कार्यक्रम आयोजित आहेत. मराठा आरक्षण,ओबीसी राजकीय आरक्षण मिळावे या मागणीसाठी विविध पक्ष/संघटना यांचे कडुन आंदोलनात्मक कार्यक्रम होण्याची शक्यता नाकारता येत नाही. तसेच पिकविमा व नुकसान भरपाईची देय रक्कम मिळणे आणि इतर मागण्या अनुषंगाने शेतकरी तसेच विविध पक्ष/संघटना यांचे कडुन धरणे,मोर्चे,उपोषण,आत्मदहन,बंद, निदर्शने,तालाठोको व रास्तारोको इत्यादी प्रकारचे आंदोलनात्मक कार्यक्रम होण्याची शक्यता नाकारता येत नाही. 

उस्मानाबाद जिल्हयात ग्रामीण/शहरी भागात विविध ठिकाणी यात्रा/जत्रा/ऊरूस लहान मोठया स्वरुपात साजरे करण्यात येतात. कार्तिकीवारी पंढरपूर निमित्त विविध संतांच्या पालख्या,पायी दिंडया उस्मानाबाद जिल्हयातुन श्रीक्षेत्र पंढरपूर कडे मार्गस्थ होतात. व्यक्ती,व्यक्ती समुह तसेच विविध पक्ष/संघटना यांचे वतीने त्यांच्या विविध मागण्यासाठी अचानकपणे आंदोलनात्मक कार्यक्रम होण्याची शक्यता नाकारता येत नाही. तरी वरील प्रमाणे संपन्न होणारे धार्मिक सण/उत्सव व आंदोलनात्मक कार्यक्रम उस्मानाबाद जिल्हयात शांततेत पार पाडण्याकरिता तसेच कायदा व सुव्यवस्था अबाधित राखण्यासाठी

दिनांक 29 ऑक्टोबर 2022 रोजीचे 00.01 पासुन ते दिनांक 13 नोव्हेंबर 2022 रोजी 24.00 वाजे पावेतो (दोन्ही दिवस धरुन) महाराष्ट्र पोलीस अधिनियम 1951 चे कलम 31 (1) (3) प्रमाणे जमावबंदी व शस्त्रबंदी आदेश संपुर्ण उस्मानाबाद जिल्हयात जारी  करण्याची मागणी जिल्हा पोलीस अधीक्षक यांनी केली आहे.                                                              

 तेंव्हा जिल्हा पोलीस अधिक्षक  अहवालावरुन जिल्हयाच्या कायदा व सुव्यवस्था अबाधीत राखण्यासाठी महाराष्ट्र पोलीस अधिनियम 1951 चे कलम 37 (1) (3) प्रमाणे जिल्हयात प्रतिबंधात्मक आदेश लागु  करण्यात येत आहेत.

          

शासकीय कर्तव्य पार पाडणा-या कर्मचा-या व्यतिरिक्त अन्य कोणत्याही व्यक्तीस कायदा व सुव्यवस्थेचे दृष्टीकोनातुन उस्मानाबाद जिल्हयात दिनांक 29 ऑक्टोबर 2022 रोजीचे 00.01 पासुन ते दिनांक 13 नोव्हेंबर 2022 रोजी 24.00 वाजे पावेतो (दोन्ही दिवस धरुन) महाराष्ट्र पोलीस अधिनियम 1951 चे कलम 37 (1) (3)

 प्रमाणे जमाव व शस्त्रबंदी प्रमाणे पुढील बाबी करण्यास अपर जिल्हादंडाधिकारी शिवकुमार स्वामी यांनी मनाई आदेश जारी केले आहे.

1.शस्त्र,सोटे,काठी,तलवार,बंदूक जवळ बाळगणार नाहीत.

2.लाठया,काठया,शारिरीक इजा होण्यास कारणीभूत ठरतील,सहज हाताळता येतील,अशा वस्तु बाळगणार नाहीत.

3.कोणतेही दाहक पदार्थ,किंवा स्फोटके जवळ बाळगणार नाहीत.

4.दगड किंवा इतर क्षेत्रपणास्त्रे किंवा फोडवयाची किंवा फेकावयाची उपकरणे किंवा साधे गोळे करुन ठेवणार नाहीत किंवा बाळगणार नाहीत किंवा तयार करणार नाहीत.

5.आवेशी भाषणे,अंगविक्षेपण,विडंबनात्मक नकला करणार नाही सभ्यता,नितिमत्ता यास बाधा येईल किंवा ज्यामुळे राज्याची सुरक्षितता धोक्यात येईल किंवा अराजकता माजेल अशी चित्रे,निशाणी,घोषणा फलक किंवा इतर कोणत्याही वस्तु जवळ बाळगणार नाहीत.

6.जाहिरपणे घोषणा करणे,गाणी म्हणने,वाद्य वाजविणे किंवा कोणतीही कृती जे देशाच्या संविधानातील मुल्यांच्या विरुध्द असेल किंवा देशाचा मान व सार्वभौमत्व यांना इजा पोहचवणारी असेल किंवा सार्वजनिक सुरक्षा आणि सामाजिक सलोखा यांना हानी पोहचवणारी असेल आणि जाहिरपणे प्रक्षोभक भाषण व असभ्य वर्तन करणार नाहीत.

7.व्यक्तींच्या किंवा शवांच्या किंवा प्रेते किंवा आकृती किंवा त्याच्या प्रतिमा यांचे प्रदर्शन करणार नाहीत.

8.पाच किंवा त्यापेक्षा अधिक व्यक्तींचा समावेश असलेल्या कोणत्याही जमावास परवानगी शिवाय एकत्र येता येणार नाही किंवा मिरवणुक/मोर्चा काढता येणार नाही. याची नोंद घ्यावी

        

भाऊसाहेब कारखान्याचे ७ लाख मे .टन गाळपाचे उद्दीष्ट - प्रा .सुरेश बिराजदार

उमरगा,दि.२८:  लक्ष्मण पवार

 तालुक्यातील समुद्राळ येथील भाऊसाहेब बिराजदार सहकारी साखर कारखाना संचलित क्युनर्जी इंडस्ट्रीज लि . च्या पाचव्या गळीत हंगामाचा शुभारंभ कारखान्याचे चेअरमन सुरेश बिराजदार, सचिन सिनगारे यांच्या प्रमुख उपस्थितीमध्ये शेतकरी सभासद व संचालकांच्या हस्ते दि .२७ रोजी संपन्न झाला .

          

 समुद्राळ येथील भाऊसाहेब बिराजदार सहकारी साखर कारखान्याचा पाचवा गळीत हंगामाचा शुभारंभ ऊस उत्पादक शेतकरी सभासद व संचालकांच्या उपस्थितीमध्ये मोठ्या उत्साहात संपन्न झाला . 

कारखान्याचे संचालक  सुनील माने यांच्या हस्ते गव्हानीचे पूजन करूण सर्व संचालक शेतकरी सभासदांच्या हस्ते मोळी टाकण्यात आली . भाऊसाहेब बिराजदार सहकारी साखर कारखान्याने मागील वर्षी साडेचार लाख मेट्रिक टन ऊसाचे गाळप करत परिसरातील कारखान्यांपेक्षा सर्वाधिक 2500 रुपये विक्रमी भाव दिला आहे . त्यामुळे भाऊसाहेब बिराजदार कारखान्यास ऊस देण्यासाठी ऊस उत्पादक शेतकरी मोठ्या प्रमाणात उत्सुक आहेत .

       

यावर्षीचा गळीत हंगाम यशस्वी पार पाडण्यासाठी कारखाना प्रशासन सज्ज असून कारखान्याचे बॉयलर अग्नी प्रदीपन 15 ऑक्टोंबर रोजी संपन्न झाले आहे . त्यानंतर गुरुवार दिनांक 27 रोजी कारखान्याचा गळीत हंगामाचा शुभारंभ करण्यात आला आहे . यावर्षी सात लाख मे .टन ऊस गळफाचे उद्दिष्ट असल्याचे चेअरमन सुरेश बिराजदार यांनी यावेळी सांगितले .

         

यावेळी  क्युनर्जी इंडस्ट्रीज चे संचालक सचिन सिनगारे, कारखान्याचे  व्हा .चेअरमन पद्माकरराव हराळकर ,संचालक सुनील माने, गोविंदराव साळुंखे, राहुल पाटील, युवराज कदम, इमाम पटेल, तुकाराम बिराजदार ,किसन पाटील , अभिजीत माडीवाले ,आर .डी. माने ,व्यंकटराव सोनवणे , बब्रुवान औटे, राष्ट्रवादी काँग्रेस पक्षाचे तालुका अध्यक्ष संजय पवार लोहारा तालुका अध्यक्ष सुनील साळुंखे, जिल्हा युवक कार्याध्यक्ष बाबा जाफरी ,भीमा स्वामी, गोविंदराव पवार, नानाराव भोसले ,बाळासाहेब स्वामी ,शमशोद्दीन जमादार ,नेताजी कवठे, दत्ता इंगळे , नाना माने,डॉ .फरीद अत्तार ,माधवराव पाटील ,प्रकाश भगत ,रमेश बिराजदार,अजित पाटील, विष्णु भगत ,प्रदीप पाटील ,बाळू बिराजदार, प्रताप महाराज, संदिपान पाटील ,ज्योतीराम औरादे, दिगंबर औरादे, प्रकाश सुभेदार, शिवाजी पवार, देविदास पावशेरे, मोहन शिंदे, दत्ता वाडीकर , गजेंद्र जावळे , फैयाज पठाण, बाळासाहेब बुंदगे, कल्लेश्वर जाधव, शिवाजी सांगवे , बालाजी साळुंखे, यांच्यासह ऊस उत्पादक शेतकरी सभासद मोठ्या संख्येने उपस्थित होते .

सुरेश बिराजदार (चेअरमन भाऊसाहेब बिराजदार कारखाना)

कारखान्याची गाळप क्षमता वाढवलेली असून चार हजार मेट्रिक टन गाळप क्षमता करण्यात आली आहे.

यावर्षी सात लाख मेट्रिक टन गाळपाचे उद्दिष्ट असून.

 ऊस उत्पादक शेतकरी व सभासदांनी याही वर्षी चांगल्या प्रतिचा ऊस गाळपासाठी द्यावा. जेणेकरून यावर्षीप्रमाणे पुढील वर्षीही जास्तीचा भाव ऊस उत्पादक शेतकऱ्यांना मिळेल .कार्यक्षेत्रातील सर्व ऊस गाळप करण्यात येणार असुन सर्व ऊस उत्पादक शेतकऱ्यांनी व सभासदांनी ऊस परिपक्व होण्यासाठी व गाळपासाठी संयम बाळगावा . 

                

तुळजापूर तालुक्यातील आलियाबाद येथे दिवाळी निमित्त ब्लॅंकेट व फराळाचे वाटप

जळकोट,दि.२७

तुळजापूर तालुक्यातील आलियाबाद येथे दिवाळी निमित्त जिल्हा परिषद सदस्य प्रकाश चव्हाण यांच्या वतीने जेष्ठ नागरिक, महिलांना ब्लॅंकेट व फराळाचे वाटप करण्यात आले.

प्रत्येक कुटुंबात दिवाळी साजरी व्हावी या सामाजिक भावनेतून   "थोडंसं आपल्या लोकांसाठी" हा उपक्रम राबविला असल्याचे प्रतिपादन यावेळी प्रकाश चव्हाण यांनी केले.

यावेळी सरपंच अशोकराव पाटील, माजी नायब तहसीलदार माणिक चव्हाण, एस.बी.आयचे सब मॅनेजर राजाराम चव्हाण, उद्योजक व्यंकटेश चव्हाण,शिवसेनेचे उपतालुकाप्रमुख कृष्णात मोरे, राष्ट्रवादी काँग्रेसचे महेश कदम,आलियाबादच्या सरपंच ज्योतिका चव्हाण, रामतीर्थ सरपंच बालाजी राठोड, उपसरपंच सुर्यकांत राठोड,ग्रा.प.सदस्या घमाबाई राठोड,धानाबाई राठोड, रामचंद्र पवार, तंटामुक्ती अध्यक्ष विनायक चव्हाण, माजी सरपंच सुभाष नाईक, पांडुरंग चव्हाण, सेवानिवृत्त पोलिस उपनिरीक्षक नेमिनाथ चव्हाण,नेमिनाथ राठोड, नामदेव चव्हाण, सिताराम राठोड,थावरु राठोड, टाटा मोटर्सचे इंजिनिअर मोहन चव्हाण, बंजारा परिषदेचे शिवाजी राठोड,शिवाजी चव्हाण,व्यकंट पवार, मोतीराम राठोड, सिद्राम पवार, गोविंद राठोड, माणिक राठोड, देविदास चव्हाण, व्यंकट राठोड,प्राचार्य संतोष चव्हाण,मुख्याध्यापक. महादेव राठोड, शिवाजी चव्हाण, अमोल चव्हाण,सन्नी चव्हाण, संजय पवार ,विक्रम चव्हाण ,छोटु चव्हाण, महादेव चव्हाण,बालाजी राठोड, सुभाष चव्हाण आदी उपस्थित होते.कार्यक्रमाचे सुत्रसंचलन अशोक चव्हाण यांनी केले.

नळदुर्ग शहरात गुरुवारी पासुन श्री ज्ञानेश्वरी पारायण सोहळ्यास प्रारंभ

 

नळदुर्ग ,दि.२६

शहरातील मराठा गल्ली येथे प्रतिवर्षाप्रमाणे यही वर्षी श्री ज्ञानेश्वरी पारायण सोहळा गुरुवार दि.२७ आँक्टोंबर ते बुधवाला दि.२ नोव्हेंबर या कालावधीत होत आहे. पारायणचे हे ४४वे वर्ष आहे. 

वै. श्री .शिवरामबुवा महाराज दिंडेगावकर यांच्या कृपा आशिर्वादाने,वै.तात्यासाहेब वासकर महाराज,वै. हभपमारुती महाराज कानेगाववकर यांच्या कृपेने व भाविकांच्या सहयोगाने हे पारायण होत आहे.

पारायण कालावधीत पहाटे 4ते6 काकडा आरती, सकाळी 6 ते 7 माऊलीची पुजा, 7 ते 9 सामुदायिक ज्ञानेश्वरी वाचन, 9 ते 9.30 विश्रांती, 9.30 ते 11 वाचन, सकाळी 11 ते 12 भोजन व विश्रांती, 12 ते 2 महिलांचे भजन व भारुडाचा कार्यक्रम, 2 ते 4.30 गाथा भजन, 4.30 ते 5.30 प्रवर्चन, 6 ते 7 हरिपाठ, 7 ते 8 भोजन, 8 ते 10 किर्तन, 11 ते 4 पहाटे हरिजागर आदी दररोज कार्यक्रम होणार आहेत.

गुरुवार दि. 27 ऑक्टोबर रोजी हभप बलभीम बागल चिकुंद्रा यांचे प्रवर्चन तर हभप मोहन पाटील महाराज किलज यांचे किर्तन होणार आहे. शुक्रवार दि. 28 ऑक्टोबर रोजी हभप संजय पवार शहापूर यांचे प्रवर्चन, हभप राम महाराज गायकवाड चिकुंद्रा यांचे किर्तन तर दि. 29 ऑक्टोबर रोजी हभप अशोक नवगिरे नळदुर्ग यांचे प्रवर्चन व हभप वीरप्राक्ष महाराज कानेगाव यांचे किर्तन, रविवार दि. 30 ऑक्टोबर रोजी हभप बाबुराव पुजारी पाडोळी यांचे प्रवर्चन व हभप महेश महाराज माकणी यांचे किर्तन, सोमवार दि. 31 ऑक्टोबर रोजी हभप अशोक जाधव गुरुजी बाभळगाव यांचे प्रवर्चन व हभप गुरुवर्य आप्पासाहेब महाराज दिंडेगावकर यांचे किर्तन, मंगळवार दि. 1 नोव्हेंबर रोजी हभप राजाभाऊ पाटील वागदरी यांचे प्रवर्चन व हभप गुरुवर्य चैतन्य महाराज वासकर वाशी यांचे किर्तन होणार आहे. तर बुधवार दि. 2 नोव्हेंबर रोजी सकाळी 8 ते 9 पसायदान हभप गुरुवर्य चैतन्य महाराज वासकर यांचे तर काल्याचे किर्तन हभप श्रीहरी ढेरे महाराज काक्रंबा यांचे होणार आहे. त्यानंतर माऊली पालखी मिरवणुकीस प्रारंभ होईल. पारायण कालावधीत दररोज दानशुर व्यक्तीकडुन अन्नदान करण्यात येणार आहे.

कार्तिक शुध्द चार्तुमास समाप्ती काला महाप्रसाद दि. 8 नोव्हेंबर रोजी कोंडीबा महादेव जाधव यांच्यावतीने करण्यात येणार आहे. तरी परिसरातील भाविक भक्तानी धार्मिक कार्यक्रमाचा लाभ घेण्याचा आवाहन समस्त गावकरी, पारायण समिती व शिवशाही तरुण मंडळ आदीनी केले आहे.

श्री संत ज्ञानेश्वर माऊली 

भजनी मंडळ मराठा गल्ली श्रीरंग भजनी मंडळ नळदुर्ग, श्रीकृष्ण भजनी मंडळ , संत शिरोमणी भजनी मंडळ तोरंबा, महिला भजनी मंडळ सराटी व अणदुर, महिला भजनी मंडळ बोरगाव देशमुख , माऊली भजनी मंडळ, संत मारुती महाराज भजनी मंडळ सलगरा,संत मीराबाई भजनी मंडळ नळदुर्ग

 भारुडाचा कार्यक्रम 

नळदुर्ग, चिकुंद्रा, मुर्टा , संत भजनी मंडळ केशेगाव आदी.

तुळजापूर: संस्कार भारतीचा रौप्य महोत्सवी दीपोत्सव रांगोळी रेखाटनाचे आयोजन

तुळजापूर दि 23 : 

तुळजापूर संस्कार भारतीच्या वतीने 26 ऑक्टोबर रोजी दीपावली पाडव्याच्या दिवशी रौप्य महोत्सवी दीपोत्सव आणि रांगोळी रेखाटनाचा कार्यक्रम होत आहे. या कार्यक्रमासाठी शहरातील मान्यवरांची उपस्थिती राहणार आहे.

1998 ते 2021 या काळात तुळजापूर संस्कार भारतीच्या वतीने दिवाळी निमित्ताने श्री  तुळजाभवानी मंदिरात दीपोत्सव आणि रांगोळी रेखाटण्याचा कार्यक्रम संपन्न झालेला आहे. यावर्षी दिवाळी पाडव्याच्या निमित्ताने होणारा रौप्य महोत्सवी कार्यक्रम असल्यामुळे तुळजापूर संस्कार भारतीचे अध्यक्ष प्रफुल्लकुमार शेटे यांनी या कार्यक्रमाची विशेष तयारी केली आहे.  प्रफुल्लकुमार शेटे यांच्या मार्गदर्शनाखाली संस्कार भारतीच्या वेगवेगळ्या पाच टीम दुपारी तीन वाजेपासून सायंकाळी सात वाजेपर्यंत मंदिर परिसरात रांगोळ्याचे रेखाटन करणार आहेत. जिल्हाध्यक्ष श्यामसुंदर बन्साळी, प्रांत सह चित्रकला प्रमुख शेषनात वाघ, जिल्हा रांगोळी प्रमुख लक्ष्मीकांत सुलाखे, जिल्हा उपाध्यक्ष पद्माकर मोकाशी, जिल्हा सह कोषाध्यक्ष जिल्हा उपाध्यक्ष प्रसन्न कुमार कोंडो, ज्येष्ठ मार्गदर्शक सुधीर महामुनी, ज्येष्ठ मार्गदर्शक अविनाश घट, ज्येष्ठ मार्गदर्शक नंदकुमार पोतदार, प्रांत लोककला प्रमुख डॉ. सतीश महामुनी, संगीत विभागाचे संदीप रोकडे, संतोष डोईफोडे, प्रसाद महामुनी, जिल्हा सहमंत्री सौ अपर्णा शेटे, सौ माधुरी कनगरकर, सौ गीता व्यास, सौ अश्विनी कोंडो ,सौ कोमल चव्हाण, सौ सविता भोसले, संजयकुमार बोंदर, नागेश धर्माधिकारी, दीपक कदम, अजय राखेलकर, अनिल आगलावे, ओंकार लसणे, मयूर शेटे ,राज भोरे, एस एन कुलकर्णी, अभिषेक लसणे, महेश कुलकर्णी, रोहन भांजी, बबलू कावरे, यांच्यासह इतर कलावंत या दिपोत्सव आणि रांगोळी रेखाटनेमध्ये सहभागी होत आहेत.

यावर्षी 25 व्या वर्ष असल्यामुळे 1998 मध्ये स्थापन झालेल्या संस्कार भारतीच्या तुळजापूर येथील कलावंतांमध्ये अत्यंत उत्साहाचे वातावरण आहे. तुळजापूर येथे 1998 मध्ये डॉ. सतीश मामुने यांच्या पुढाकाराने संस्कार भारतीची स्थापना झाली. पहिले समिती निमंत्रक म्हणून डॉ. सतीश महामुनी यांची नियुक्ती होती, त्यानंतर पहिले अध्यक्ष म्हणून सुधीर पेशवे यांची निवड झाली. त्यानंतर सौ मुक्ता गवळी, अंबऋषी शिंदे , पद्माकरराव मोकाशे यांनी तुळजापूर समितीचे अध्यक्षपद या पंचवीस वर्षाच्या कार्यकाळात भूषविले. नुकतीच  रोप्य महोत्सवी वर्षांमध्ये प्रफुल्लकुमार शेटे यांचे अध्यक्ष म्हणून निवड झाली आहे. 

शहराच्या कलाक्षेत्रातील वाटचालीमध्ये संस्कार भारती या संस्थेचे योगदान राहिले आहे. शहर आणि तालुक्यातील रांगोळी कलाकारांनी दिवाळी पाडव्याच्या दिवशी दुपारी तीन वाजता मंदिरात रांगोळी सेवा देण्यासाठी उपस्थित राहावे असे आवाहन या निमित्ताने  प्रफुल्लकुमार शेटे यांनी केले आहे.

वात्सल्यच्या ताईसाठी एक साडी उपक्रमाची सुरुवात

अणदूर, दि.२३

वात्सल्य सामाजिक संस्थेच्या ताई साठी एक साडी उपक्रमाची सुरुवात अणदूर ता.तुळजापूर  येथील वत्सलानगर मधील एकल भगिनींना साडी व दिवाळीची फराळ देऊन झाली.

वात्सल्य संस्थेने एकल भगिनींच्या पाठीशी खंबीरपणे उभे राहून त्यांना आत्मनिर्भर बनवण्याचा संकल्प केला आहे.त्याशिवाय या भगिनींना मोफत औषधे वाटप,राशन किट,मोफत रुग्णवाहिका असेही संस्था उपक्रम राबवते.

 दिवाळी हा सर्वांचा आनंदाचा ,मांगल्याचा सण आहे. पण आपल्याच समाजातील असाही वर्ग आहे की, जो रोजच्या पोटा पाण्यासाठी झगडतो तर दिवाळी कुठून साजरी करेल? मागील दोन वर्षापासून वात्सल्य विधवा-परित्यक्ता-गरीब भगिनीमध्ये दिवाळी साजरा करते.यासाठी समाजातील अनेक सूह्रदयी व्यक्ती मदत करतात अणदूर येथील कार्यक्रमात संस्थेचे कार्यकर्ते लक्ष्मण दुपारगुडे,नितीन सरवदे,राहूल कांबळे,किरण कांबळे,सोमानंद मुकरे,विजयकुमार राठोड यांच्या सहकार्यातून स्टेट बँक ऑफ इंडियाचे निवृत्त अधिकारी बाळासाहेब हंगरगेकर,सौ.सुचिता हंगरगेकर यांच्या प्रमुख उपस्थितीत हा कार्यक्रम पार पडला.

या उपक्रमासाठी हंगरगेकर कुटुंबीय,श्री.संतोष व्हटकर, गार्डन ग्रुप सोलापूर, नितीन बीबीकर यांचे सहकार्य लाभले

शब्दांची आणि लेखनाची महती खूप मोठी - दिपक पोफळे

उमरगा , दि.२२

महाराष्ट्राला खूप मोठा आणि अतिशय संपन्न असा सांस्कृतिक वारसा आहे. त्यातील एक भाग म्हणजे लेखन संस्कृती आहे. महाराष्ट्राने जगाला अनेक थोर कवी, लेखक व नाटककार दिले. शब्दांची आणि लेखनाची महती खूप मोठी आहे याची माहिती सर्वदूर व्हावे' यासाठी प्रसाद दिवाळी अंकाने व्यासपीठ उपलब्ध करून दिले असल्याचे प्रतिपादन रोटरी क्लबचे माजी प्रांतपाल  दिपक पोफळे यांनी केले. 

ते प्रसाद दिवाळी विशेषांकाचा  प्रकाशन सोहळा शनिवार दि.22.10.2021 रोजी सकाळी 10:30 वाजता रोटरी क्लब च्या सभागृहात आयोजित कार्यक्रमात बोलत होते. 

 यावेळी व्यासपीठावर डॉ. राजकुमार कानडे,कवी कमलाकर भोसले, प्रसाद दिवाळी अंकाचे संपादक लक्ष्मण पवार, उपसंपादक नसरुद्दीन फकीर यांची उपस्थिती होती. 

पुढे बोलताना डॉ पोफळे म्हणाले की, प्रसाद दिवाळी अंकाने सातत्य ठेवून ग्रामीण भागातील कवी, लेखक यांना लिहिते केले आहे. प्रसाद ने महाराष्ट्र, कर्नाटक, तेलंगणा, गुजरात व आंद्र प्रदेश या राज्यासह अमेरिकन लेखक कवी यांचे साहित्य या अंकात समावेश आहे. 

प्रकाशन सोहळ्यात युसुफ मुल्ला,कवी भुमीपुञ वाघ, कवी मयुरी जायप्पा,प्रा.अनिल मदनसुरे, प्रविण स्वामी, परमेश्वर साखरे, अमोल पाटील, विकास डि एम एल टी कॉलेज चे प्राचार्य विकास गायकवाड, श्री. चिंचोळे, हरीश कांबळे यांची उपस्थिती होती. 

यावेळी संपादक लक्ष्मण पवार यांनी प्रास्ताविक करून कवी,लेखक,जाहीरातदार व हितचिंतक मिञ परिवार या सर्वांनी वेळेवर उपस्थित राहून सहकार्य केले त्याबद्दल आभार मानले. शेवटी उपस्थितांचे आभार  उपसंपादक नसरुद्दीन फकीर यांनी मानले.

प्रा. राजाराम निगडे यांना राज्यशास्त्र विषयात पीएच. डी. पदवी मिळाल्याबद्ल सत्कार

मुरूम, ता. उमरगा, दि. २२:

 गुंजोटी, ता. उमरगा येथील श्रीकृष्ण महाविद्यालयातील राज्यशास्त्र विभागातील प्रा. राजाराम निगडे यांना डॉ. बाबासाहेब आंबेडकर मराठवाडा विद्यापीठ, औरंगाबादच्या मानवविद्याशाखे अंतर्गत राज्यशास्त्र विषयात पीएच. डी. पदवी प्राप्त झाल्याबद्दल महाविद्यालयाच्या वतीने गुरुवारी रोजी  प्राचार्य डॉ. दिलीप कुलकर्णी यांच्या हस्ते महाविद्यालयात सत्कार करण्यात आला. 

त्यांनी ' स्वामी विवेकानंदांचे सामाजिक-शैक्षणिक विचार व सद्यस्थितीतील उपयुक्तता ' या विषयावर मुरुम येथील श्री माधवराव पाटील महाविद्यालयातील राज्यशास्त्र संशोधन केंद्राचे समन्वयक तथा संशोधन मार्गदर्शक प्रा. डॉ. महेश मोटे यांच्या मार्गदर्शनाखाली विद्यापीठास शोधप्रबंध सादर केला होता. त्यांच्या या यशाबद्दल श्रीकृष्ण शिक्षण संस्थेचे सचिव डॉ. दामोदर पतंगे, अध्यक्ष विभावरी शाईवाले, उपाध्यक्ष पी. एन. हिरवे, संचालक सागर पतंगे, प्राचार्य डॉ. दिलीप कुलकर्णी, डॉ. महेश मोटे, डॉ. जगदीश नन्नवरे, डॉ. किशन लोहार, डॉ. सुनील पतंगे, डॉ. सुधीर पंचगल्ले, प्रा. इब्राहिम इनामदार, बालाजी व्हनाजे, सहशिक्षक सुधाकर म्हेत्रे, योगेश पांचाळ आदींनी त्यांचे विशेष अभिनंदन केले.                   

 

यमगरवाडी येथील एकलव्य विद्या संकूलमधील तिसरीतील विद्यार्थ्यांनी साकारले आकाश कंदील

काटी ,दि.२१

हिंदू सणातील सर्वात महत्त्वाचा समजला जाणारा दिपावली सण आला की लहान चिमुकल्यांना वेध लागतात सुट्या आणि रंग‌बेरंगी आकाश कंदिलांचे.

 विद्यार्थ्यांना शाळेतच आकाश कंदील बनविण्याचे प्र‌शिक्षण देण्यासाठी तुळजापूर तालुक्यातील यमगरवाडी येथील भटके विमुक्त विकास प्रतिष्ठान संचलित, एकलव्य विद्या संकूलातील वर्गशिक्षिका सविता गोरे, मुख्याध्यापक विठ्ठल म्हेत्रे, अण्णासाहेब कोल्हटकर यांच्या मार्गदर्शनाखाली इयत्ता तिसरीतील श्रेयस माने,समर्थ मराळ, चंचल पवार, अपूर्वा जाधव,समृद्धी कोल्हटकर,शौर्य मिटकर,संग्राम मरिआईवाले, अंबिका कडकंचे,भक्ती शिंदे, नैतिक गावडे, शंभर गानगोळे, अनिता कडकंचे, शंभू रणदिवे, प्रतीक्षा गायकवाड या विद्यार्थ्यांनी सहभाग नोंदवून  छोटे-छोटे आकाशकंदील साकारले. तिसरीतील या चिमुरड्यांनी बनवलेल्या आकाशदिव्यांचे कौतुक होत आहे.

 

दीपावलीला आवश्यक असणाऱ्या आकाशकंदिलाचे महत्त्व जाणून घेत त्याची पर्यावरणाशी सांगड घालण्याचा प्रयत्न या उपक्रमाद्वारे केला जात असल्याचे  मुख्याध्यापक विठ्ठल म्हेत्रे यांनी सांगितले.

तुळजापूर तालुक्यात ओला दुष्काळ जाहीर करण्याची काँग्रेस सेवा दलाची मागणी

संग्रहित छायाचिञ 

तुळजापूर, दि. 20 :

तुळजापूर तालुक्यात अतीवृष्टी झाल्यामुळे मागील दीड महिन्यापासून शेतकऱ्याच्या रानामध्ये सर्वत्र पाणीच पाणी झाले आहे. दररोज पाऊस पडत असल्यामुळे सर्वच्या सर्व पीक वाया गेले आहे. अशा परिस्थितीत ओला दुष्काळ जाहीर करून हेक्टरी 75 हजार रुपये अनुदान देण्याची मागणी काँग्रेसचे  सेवादलाचे तालुकाध्यक्ष तानाजी जाधव आणि त्यांच्या सहकाऱ्यांनी केली आहे.

इतिहासामध्ये पडला नाही एवढा पाऊस मागील दीड महिन्यामध्ये तुळजापूर तालुक्यात पडला आहे. प्रचंड मोठ्या प्रमाणावर पाऊस झाल्यामुळे शेतकरी पूर्णपणे उध्वस्त झाला आहे. शेतकऱ्यावर आलेल्या आर्थिक संकटाची परिस्थिती दूर करण्यासाठी सरकारने तातडीने ओला दुष्काळ जाहीर करण्याची मागणी काँग्रेस सेवा दलाच्या वतीने मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्याकडे निवेदनाद्वारे करण्यात आली आहे. 

दिवाळी सणाच्या तोंडावर शेतकरी अत्यंत संकटात आहे. शासन जी मदत करत आहे ती अत्यंत कमी असून  तरी एक लाख रुपये मदत केल्याशिवाय चालू हंगामातले नुकसान भरून येणार नाही आणि पुढील हंगामाची तयारी करण्यासाठी शेतकऱ्याजवळ काहीही नसल्यामुळे मदत केल्याशिवाय शेतकऱ्याजवळ पर्याय राहिलेला नाही. अशी वाईट परिस्थिती शेतकऱ्यावर आली आहे.

 उस्मानाबाद जिल्ह्याचे माजी पालकमंत्री मधुकरराव चव्हाण यांनी यापूर्वी हेक्टरी 75 हजार रुपये आर्थिक मदत मागितलेली आहे. शेतकऱ्याला पुढील हंगामामध्ये मदत करण्याच्या अनुषंगाने सरकारने तातडीची पावले उचलावीत आणि ओला दुष्काळ जाहीर करावा अशी मागणी या निवेदनामध्ये करण्यात आली आहे. या निवेदनावर तालुकाध्यक्ष तानाजी जाधव, सरपंच संजय गुंजुटे,  तालुका उपाध्यक्ष नूर खा सौदागर, विकास हावळे, बब्रुवान पारवे, गोविंद कदम, त्यांच्यासह इतर पदाधिकाऱ्यांच्या स्वाक्षऱ्या आहेत.

लक्ष्मीबाई श्रीपती चिवरे यांचे निधन

काटी ,दि.२०

बुधावारी सायंकाळी 4.35 वाजता श्रीमती    लक्ष्मीबाई श्रीपती चिवरे वय ९५ वर्ष राहणार काटी ता तुळजापूर यांचे निधन झाले. त्यांच्या पश्चात तीन मुले,दोन मुली, सुना,नातवंडे असा परिवार आहे. शालेय व्यवस्थापन समिती काटी अध्यक्ष गणपत श्रीपती चिवरे यांच्या त्या मातोश्री होत.

सोलापूर : छत्रपती संभाजी तलावात बोटींग सेवेचा थाटात शुभारंभ

सोलापूर, दि. २०

युनिटी कंपनीने नळदुर्गच्या ऐतिहासिक किल्ल्याचे रुपडे पालटुन पर्यटनक्षेञात नावलौकिक मिळविल्यानंतर एक पाऊल पुढे जावुन  सोलापूर शहरातील विजापूर रोडवरील छत्रपती संभाजी महाराज संभाजी तलावात नागरिकांसाठी बोटींगची सेवा सुरू केली  आहे. या बोंटिगचे शुभारंभ मोठ्या थाटात प्रमुख मान्यवराच्या उपस्थितीत करण्यात आला आहे.

 उदघाटन पोलिस आयुक्त डॉ. राजेंद्र माने  व महापालिका आयुक्त पी. शिवशंकर यांच्या हस्ते  करण्यात आला. यावेळी सहाय्यक आयुक्त विक्रमसिंह पाटील,युनिटी मल्टिकाँन्सचे मुख्य संचालक कफिल मौलवी , जयधवल करकमकर, शकिल मौलवी आदीसह अनेक मान्यवर   उपस्थित होते. सोलापूर महापालिकेने  

युनिटी लेक व्ह्यू बोट क्‍लबला बोटींग सेवेचा मक्ता दिला आहे.

तसेच छत्रपती संभाजी महाराज तलावसाठी  केंद्र सरकारच्या निधीतून तलावाची स्वच्छता, परिसर सुशोभिकरण व प्रदूषणमुक्तीसह विविध कामे टप्प्याटप्प्याने सुरू आहेत.  आता त्यात बोटींग सेवेची भर पडल्याने तलाव परिसर पर्यटनासाह नागरिकांच्या विरंगुळ्याचे केंद्र बनणार आहे. 

बोटींग सेवेच्या उद्घाटनावेळी माजी महापौर आरिफ शेख,  माजी नगरसेविका पूनम बनसोडे, युनिटीचे मुख्य संचालक कफिल मौलवी,

 जयधवल करकमकर,  नळदुर्गचे माजी नगरसेवक  शहबाज काझी, कमलाकर चव्हाण,  शकील मौलवी, आदिल मौलवी आदी उपस्थित होते.

या तलावात एकूण आठ बोटी उपलब्ध करण्यात आले आहेत. यामध्ये दोन व चार आसनक्षमतेचे  ६ पायडल बोट तर चार व बारा आसन क्षमतेचे २ बोट आहेत.  पायडल बोटसाठी एका व्यक्तीला ६० रुपये तर मोटर बोटसाठी प्रति व्यक्ती ११५ रुपये तिकिट दर ठेवण्यात आले आहेत. 

काही दुर्घटना घडल्यास मदत कार्यासाठी खास बोटीची सोय करण्यात आली आहे.

माधवराव पाटील महाविद्यालयात नवीन राष्ट्रीय शैक्षणिक धोरणावर कार्यशाळा

मुरुम, ता. उमरगा, दि.१९: 

येथील श्री माधवराव पाटील महाविद्यालय व डॉ. बाबासाहेब आंबेडकर मराठवाडा विद्यापीठ, औरंगाबाद अंतर्गत महाविद्यालयाच्या सभागृहात नवीन राष्ट्रीय शैक्षणिक धोरण या विषयावर मंगळवारी (ता. १८) रोजी कार्यशाळेचे आयोजन करण्यात आले. या कार्यशाळेच्या अध्यक्षस्थानी प्राचार्य डॉ. अशोक सपाटे होते. यंदाच्या शैक्षणिक वर्षापासून नवीन राष्ट्रीय शैक्षणिक धोरण लागू करण्यात आले आहे. या अंतर्गत येणाऱ्या विविध पैंलूवर प्रकाश टाकण्याच्या हेतूने महाविद्यालयीन स्तरावर

एक दिवसीय कार्यशाळा संपन्न झाली. याप्रसंगी एनएपीचे समन्वयक प्रा. डॉ. सुशील मठपती यांनी नवीन राष्ट्रीय शैक्षणिक धोरण : २०२० या विषयावर मार्गदर्शन करताना मल्टिपल एन्ट्री-मल्टिपल एक्सिट, अँकडमीक बँक ऑफ क्रेडीट, कॉन्सिलिंग सेल आणि महाविद्यालयीन स्वायत्तता धोरण यासारख्या विविध विषयावर चर्चा घडवून आणली. या कार्यशाळेच्या अध्यक्षीय समारोप प्रसंगी प्राचार्य डॉ. अशोक सपाटे यांनी नवीन राष्ट्रीय शैक्षणिक धोरणाचे महत्त्व स्पष्ट केले. डॉ. किरणसिंग राजपूत, प्रा. अशोक बावगे, डॉ. सुभाष हुलपल्ले, डॉ. महेश मोटे, डॉ. सुधीर पंचगल्ले, डॉ. राजेंद्र गणापुरे, डॉ. विलास खडके, प्रा. गोपाळ कुलकर्णी, डॉ. विनायक रासुरे, डॉ. रवी आळंगे, डॉ. भिलसिंग जाधव, डॉ नरसिंग कदम आदींनी पुढाकार घेतला. या कार्यक्रमाचे प्रस्ताविक  डॉ. सुजित मठकरी यांनी केले. सूत्रसंचालन डॉ. राम बजगिरे तर आभार प्रा. लक्ष्मण पवार यांनी मानले.    

                  

निमंत्रितांचे कवी सम्मेलन उत्साहात संपन्न

उमरगा : लक्ष्मण पवार

उमरगा शहरातील आनंद मंगल कार्यालय महादेव मंदिर सभागृह येथे जिजाऊ ब्रिगेड च्या प्रवक्त्या सौ. रेखाताई नितीन सुर्यवंशी यांच्या वाढदिवसा निमित्ताने निमंत्रितांचे कवी संमेलन मंगळवार दि. 18 रोजी सायंकाळी 7 वा. उत्साही वातावरणात संपन्न झाले. 

यावेळी व्यासपीठावर उमरगा रोटरी क्लब चे अध्यक्ष अजित गोबारे, कवी डॉ. बालाजी इंगळे, अॅड. शुभदा पोतदार, जेष्ठ कवी कमलाकर भोसले व सौ. रेखाताई सुर्यवंशी यांची उपस्थिती होती. 

कवी संमेलनात सौ.मिराताई भोसले - चव्हाण, माधव जाधव, प्रविण स्वामी, नितीन सुर्यवंशी,विनोद देवरकर, पुष्पलता पांढरे, भुमीपुञ वाघ, प्रसाद दिवाळी विशेषांकाचे मुख्य संपादक लक्ष्मण पवार, उपसंपादक नसरुद्दीन फकीर, जालिंदर सोनटक्के, समृद्धी इंग्लिश स्कूल चे प्रणेते विकास गायकवाड, बाळासाहेब माने, सा. विश्वविनायक न्युज रिपोर्टर च्या संपादीका सौ. प्रियंका गायकवाड, शिवराम आडसुळ, विश्वनाथ महाजन, करीम शेख, खाजा मुजावर, अमर देशटवार, हणमंत देशमुख, प्रमोद माने, प्रा. लक्ष्मण बिराजदार, सौ. सुवर्णा जगताप, दत्ता काजळे, रमेश मंमाळे, सुधाकर झिंगाडे, सय्यद पाशा रहेबर, शशिकला राठोड, गिरीधर गोस्वामी, नितीन कोराळे,मधूकर गुरव, परमेश्वर सुतार, सुधीर कांबळे, पप्पू सगर, विनोद कोराळे, सचिन शिंदे,पांडूरंग शिंदे आदी कवींनी उपस्थिती लावली होती. 

या संमेलनात कवी भुमीपुञ वाघ यांनी आकांत या कवितेच्या माध्यमातून ........ 

वस्त्यांवरची ज्ञानगंगा

सरकारनं लुबाडीली

पाटी दफ्तर खुंटीला

तान्ही ढोरामागे गेली. 

न्याय कुणाशी मागावा

हक्क हिरावून न्हेली

झोपडी च्या साळमंदी

आवळा पसरली. 

हक्काचे ज्ञान भांडार 

डाके पाडते सरकार

लुटारू च्या या टोळीने

शाळा न्हेली रे चोरून. 

गा-हाणं मांडू कोणापाशी

ज्ञान मंदिर चोरी गेलं

तांडा वाडी वस्तीवर

दिस जोगव्याचं आलं. 

भीमा तुझ्या लेकरांची

उडवीली दाना दान

शेवटच्या लेकराला

कसं मिळेल शिक्षण. 

या कवितेने सुरूवात झाल्याने उपस्थित कविंच्या उत्साहाला उधान आले होते. 

यावेळी सर्वच कवींनी एका कवितेच्या माध्यमातून सम्मेलनात सहभाग नोंदवीत दर्जेदार बनवले. 

कवी अमर देशटवार यांनी..... 

ती आणि मी 

एकाच तटावर बसलो होतो............. 

ह्या कवितेने 35 वर्षापुर्वीचे दिवस आठवल्याचे सांगत रंग भरले. 

कवी प्रमोद माने यांनी झाडे पसरून फांद्या या कवितेने... 

मधल्या सुट्टीत धावायचो

फुलपाखरांच्या मागं

रंगीत ठिपक्याठिपक्यांच्या

तर कधी नकट्यांच्या मागं

जेट विमानासारख्या. 

पुस्तकात ठेवायचो मोरपीस

हळदकुंकू लावून

मोरपिसाला पिल्लू व्हावं म्हणून ... .... .... ... ... 

ही कविता सादर होताच टाळ्यांचा कडकडाट झाला. 

या कवी संमेलनाचे सुञसंचलन कवी माधव जाधव यांनी केले.उपस्थितांचे आभार सौ. रेखाताई सुर्यवंशी यांनी मानले .

आयुष्यमान भारत योजनेच्या लाभार्थीचा नव्याने सर्व्हे करण्याची मनसेची आरोग्यमंत्र्याकडे मागणी

नळदुर्ग, दि. १७ 

आयुष्मान भारत ही आरोग्याशी निगड़ित महत्वपूर्ण योजना असून,केंद्र सरकारने सन २०१८ साली याची घोषणा केली. परंतु सन २०१०-११ च्या जनगणने नुसार सर्व्हे केल्याचे समजते, वास्तविक पाहता आताच्या जनगणनेनुसार सर्व्हे होणे अपेक्षित आहे,  या योजनेसाठी स्वतंत्र सर्व्हे होऊन आर्थिक दृष्टया दुर्बल,गरजुवंत,गरीब  लाभार्थ्याचा या योजनेत समावेश व्हावा.

नुकतेच प्रसिध्द झालेल्या नळदुर्ग शहरातील यादीत   अनेक गरीब कुटुंबाची नावेच या लाभार्थ्याच्या यादीत नाहीत. हा सर्व्हे नेमका कधी,कसा,कोणत्या आधारे झाला असा प्रश्न नागरिकातुन विचारला जात आहे, त्यामुळे या योजनेचा सर्वसामान्याना लाभ मिळवून देण्यासाठी स्वंतत्र सर्व्हे व्हावा अशी मागणी महाराष्ट्र नवनिर्माण सेनेच्या वतीने राज्याचे आरोग्य मंत्री व धाराशिव जिल्ह्याचे पालक मंत्री तानाजी सावंत,जिल्हाधिकारी,आरोग्य सेवा उपसंचालक,जिल्हा परिषद मुख्यकार्यकारी आधिकारी  यांच्याकडे निवेदनाद्वारे केली आहे,

निवेदनावर जिल्हा सचिव ज्योतिबा येडगे,शहराध्यक्ष अलिम शेख,शहर सरचिटणीस प्रमोद कुलकर्णी,शहर संघटक रवि राठोड यांच्या स्वाक्षरी आहेत.

आयुष्मान भारत योजनेच्या यादीत मोठा गैरप्रकार झाला आसुन त्यामध्ये अनेक धनदांडगे , शासकीय कर्मचारी , उदोजक आशा लोकांची लाभार्थी म्हणुन यादीत चक्क नाव आले आहे. ज्याला घर नाही , शेत नाही , शेतमजुर असे  अनेकजण या योजनेपासुन वंचित राहिले आहेत. या यदीत बोगस लाभार्थ्याची नावे समाविष्ट करुन शासनाची फसवणुक करणा-याविरुध्द जिल्हाधिकारी यानी फौजदारी कारवाई करावी अशी मागणी नागरिकातुन होत आहे.

उस्मानाबाद : ढोकी मध्ये श्रींचा पादुका पुजन व प्रवचन दर्शन सोहळा मंगळवारी

कळंब, दि.१७ : भिकाजी जाधव

 उस्मानाबाद तालुक्यातील ढोकी येथील तेरणा शेतकरी सहकारी साखर कारखान्याच्या प्रांगणात मध्ये अनंत श्री विभुषित जगदगुरु रामानंदाचार्य श्री स्वामी नरेंद्रचार्य महाराज यांच्या पादुका दर्शन सोहळ्याची जय्यत तयारी झाली आसुन तब्बल  दहा एकरवरील पन्नास हजार भाविक भक्त बसतील असा भव्य सभामंडप उभारण्यात आला आहे.

  हि व्यवस्था जिल्हा सेवा व उत्सव सेवा समितीच्या वतीने करण्यात आली आहे. या पादुका दर्शन सोहळ्याचा लाभ ढोकी व परिसरातील भाविक भक्तांनी घ्यावा असे आवाहन सेवा समितीने केले आहे .

ढोकी येथील तेरणा शेतकरी सहकारी साखर कारखान्याच्या प्रांगणात  स्वामी नरेंद्रचार्य महाराज यांच्या पादुकाचे बिदर येथुन सोमवार दि.17 रोजी रात्री  10 वाजता  ढोकीचे उपसरपंच अमोल अनंतराव समुद्रे या यजमानाच्या घरी आगमन होणार  व तेथेच मुक्काम आसुन मंगळवार दि.18 रोजी सकाळी 8:30 वाजता पादुका रथामध्ये ठेवुन त्याची पुजा आर्चा करुन पादुकाची भव्य मिरवणूक वाजत गाजत फटाक्याच्या आतिष बाजित  निघणार आहे.  पादुका 10:30 वाजता भव्य सभामंडपामध्ये येणार आहे.  या पादुका मिरवणुकीत महिला भक्त डोक्यावर कलस घेऊन तर भक्त हातात भगवे पताके घेवुन सहभागी होणार आहे.  11 वाजता पादुका पुजन आरती ,11 ते 12 सामाजिक उपक्रम, यामध्ये गोर गरीब कुंटुबास सेवा समिती मार्फत 56 शेळ्या उपजिवेकेसाठी सेवा समितीकडुन गरीब कुंटूबां ना  वाटप होणार आहेत. 12 ते 1 पादुका पुजन, 1 ते 2 प्रवचन,2 ते 2:30 महाप्रसाद दर्शन, तर  उपासक दिक्षा ,5:30 ते 6 वाजेपर्यंत  माऊलींना साकडे व फुले टाकणे, 6 ते 8: 30 वाजेपर्यंत दर्शन व सांगता ,वराञी 9 ते 10 वाजता पादुका प्रस्तान नानीजधामकडे, या पादुका दर्शन सोहळ्याची तयारी अंतीम टप्प्यात आली आसुन हा दर्शन सोहळा यशयस्वी होण्यासाठी मराठवाडा लेफ्टनंट जनरल आरविद मोरे, निरिक्षक संजय खंडागळे ,प्रोटोकॉल आधिकारी जयवंत दुबल व दिलीप जाधव यांच्या मार्गदर्नाखाली जिल्हा सेवा समितीचे अध्यक्ष संतोष केसकर व उत्सव कमेटीचे अध्यक्ष दादा सुरवसे  ,जिल्हा कमिटी परिश्रम घेत  आहे. तरी ढोकी  व परिसरातील तसेच उस्मानाबाद,बीड,लातुर,सोलापूर जिल्ह्य़ातील भाविक भक्तांनी पादुका दर्शन सोहळ्याचा लाभ घ्यावा असे आवाहन जिल्हा सेवा समितीचे अध्यक्ष संतोष केसकर,जिल्हा युवा अध्यक्ष राम सगर,महिला जिल्हाध्यक्ष ज्योती  हिबारे ,पीठ लेफ्टनंट जनरल आरविद मोरे ,जिल्हा सेवा समितीचे प्रसिद्धीप्रमुख विलास मुळीक यांनी केले आहे .

विद्यार्थ्यांच्या व्यक्तीमत्व विकासासाठीच वाद-विवाद स्पर्धांची गरज - गोविंद पाटील

विद्यार्थ्यांच्या व्यक्तीमत्व विकासासाठीच वाद-विवाद स्पर्धांची गरज.... गोविंद पाटील                           

मुरुम, ता. उमरगा, दि. १४ : 

ग्रामीण भागातील विद्यार्थ्यांनी स्वत:ला ओळखून या स्पर्धेच्या माध्यमातून स्वतःची वेगळी ओळख निर्माण करावी. महाविद्यालयीन तरुणच उद्याचे भविष्य घडवू शकतात. विद्यार्थ्यांच्या व्यक्तीमत्व विकासासाठीच अशा वाद-विवाद स्पर्धांची गरज असल्याचे प्रतिपादन उमरगा पंचायत समितीचे माजी उपसभापती गोविंद पाटील यांनी केले.                         

श्री माधवराव पाटील महाविद्यालयाच्या सांस्कृतिक सभागृहात राज्यस्तरीय आंतरमहाविद्यालयीन वाद-विवाद स्पर्धच्या उद्घाटन प्रसंगी शुरुवारी (ता.१४) रोजी उद्धाटक म्हणून ते बोलत होते. या कार्यक्रमाच्या अध्यक्षस्थानी संस्थेचे सचिव व्यंकटराव जाधव गुरुजी होते. या वेळी प्राचार्य डॉ. अशोक सपाटे, कनिष्ठ महाविद्यालयाच्या प्राचार्य महानंदा रोडगे, उपप्राचार्य डॉ. चंद्रकांत बिराजदार, प्रा. डॉ. सतिश शेळके, परिक्षक गुंजोटीचे प्रा.राजाराम निगडे, तुरोरीचे सहशिक्षक गुंडू दुधभाते, मुरुमचे डॉ. सायबण्णा घोडके, डॉ. किरण राजपूत आदींची प्रमुख उपस्थिती होती.                

 पुढे बोलताना गोविंद पाटील म्हणाले की, काळाची पाऊले ओळखून तरुणांनी आपली कौशल्ये विकसीत करण्यासाठी प्रत्येक उपक्रमात विद्यार्थ्यांचा सहभाग वाढला पाहिजे. दिवंगत काकांच्या विचारांचा वसा आणि वारसा पुढे घेवून जाण्याच्या हेतूनेच या स्पर्धेचे गेल्या २१ वर्षापासून आयोजन करण्यात येत असल्याचे शेवटी ते म्हणाले. या वेळी संस्थेतील २०२०-२१ आदर्श प्राध्यापक डॉ. नागोराव बोईनवाड, प्रा. राजकुमार नाईक, सन २०२१-२२ चा डॉ. किरण राजपूत, प्रा. दयानंद बिराजदार व श्रीमती विजयश्री भालेराव तर सन २०२२-२३ चा डॉ. रवि आळंगे, प्रा. शिवाजी राजोळे व आनंद वाघमोडे आणि रोटरीचा नुकताच पुरस्कार मिळाल्याबद्ल डॉ. सुजित मठकरी यांना सन्मानचिन्ह, प्रशस्तीपत्र देवून मान्यवरांच्या हस्ते सत्कार करण्यात आला. 

डॉ. आप्पासाहेब सुर्यवंशी, प्रा. गोपाळ कुलकर्णी, प्रा. अशोक बावगे, डॉ .नरसिंग कदम, डॉ.भिलसिंग जाधव, डॉ. संध्या डांगे, डॉ. प्रतापसिंह राजपूत या कार्यक्रमाचे प्रास्ताविक डॉ.अशोक सपाटे यांनी केले. सूत्रसंचालन डॉ. सुभाष हुलपल्ले तर आभार प्रा. डॉ. महेश मोटे यांनी आभार मानले. या वेळी परिसरातील विद्यार्थी-विद्यार्थीनी मोठया संख्येने उपस्थित होत्या.             

फोटो ओळ : मुरुम, ता. उमरगा येथील माधवराव पाटील महाविद्यालयात आयोजित राज्यस्तरीय वाद-विवाद स्पर्धेच्या उद्घाटन प्रसंगी बोलताना गोविंद पाटील, व्यंकटराव जाधव, अशोक सपाटे, महानंदा रोडगे व अन्य

राष्ट्रीय युवा परिषदेच्या कार्यकर्त्यांनी बुजविले महामार्गावरील खड्डे

नळदुर्ग ,दि.१४ : 

सोलापूर हैद्राबाद  या  राष्ट्रीय महामार्गवर

प्रशासनाच्या दुर्लक्षामुळे व टोल कंपनीच्या हलगर्जीपणामुळे अणदुर (ता.तुळजापूर ) ते नळदुर्ग रस्त्याची वाट लागल्याने वाहनचालकासह प्रवाशाना आपला जीव मुठीत घेवुन प्रवास करावा लागत असल्याने प्रवाशी व वाहनचालकातुन याप्रकरणी संताप व्यक्त केले जात आहे.

दरम्यान महामार्गाच्या दुरावस्थेमुळे आपघाताची संख्या वाढताना दिसत असुन यापुर्वी महामार्गाची डागडुजी करावे, आपघात टाळावे, याकरिता वेळोवेळी अनेक संघटनानी टोल कंपनीविरोधात आंदोलन केले आहे. माञ याकडे जाणीवपुर्वक दुर्लक्ष केल्यामुळे अणदुर ,नळदुर्ग,जळकोटपर्यंत  हा महामार्ग जागोजागी खराब होवुन पुर्णपणे उखडुन गेल्याचे दिसत आहे.

 

 तुळजापूर तालुक्यातील अणदुर येथे बस स्टँड जवळल महामार्गावर मोठमोठे खड्डे पडलेले आहेत.  येणाऱ्या जाणाऱ्या प्रवाशाना नाहकच त्रास सहन करावा लागत  आहे. वाहनचालकाना ( प्रवाशाना) आपला जिव  मुठीत घेउन गाडी चालवावी लागते हे लक्षात येताच राष्ट्रीय युवा परिषदेचे तुळजापूर तालुका अध्यक्ष केदारनाथ पाटील, तुळशीराम घोडके, खंडु टिकबर आदीसह मित्रपरिवारानी   महामार्गावरील  खड्डे  बुजविण्याचे काम केले आहे.  फुलवाडी टोलनाका जवळ असुन देखील कोणीही दखल घेतली नसल्याने वाहनचालकात संताप खदखदत आहे. याबाबत प्रशासनाने आता तरी गांभिर्याने लक्ष घालुन तातडीने या रस्त्याची दुरुस्ती करण्याची मागणी होत आहे. 

तिरुपती बालाजी देवस्थानच्या धर्तीवर तुळजाभवानी देवस्थानचा विकास करणार- जिल्हाधिकारी डॉ.सचिन ओम्बासे

                     

       

 

उस्मानाबाद,दि.13

श्री क्षेञ  तुळजापूर येथील श्री तुळजाभवानी देवीजींचे मंदिर हे भारतातील साडेतीन शक्तीपीठ पैकी एक पूर्ण शक्तीपीठ आहे. याठिकाणी संपूर्ण देशभरातून भाविक मोठ्या भक्तीभावाने लाखोंच्या संख्येने  येतात. पर्यायाने दर्शनासाठी भाविकांची गर्दी प्रचंड प्रमाणात होत असते. अशा ठिकाणी भाविकांना चांगल्या सोयी-सुविधा मिळणे गरजेचे आहे. त्यामुळेच श्री तुळजाभवानी देवस्थानचा विकास हा श्री तिरुपती बालाजी देवस्‍थानच्या धर्तीवर करण्याची गरज असल्याचे जिल्हाधिकारी डॉ.सचिन ओम्बासे यांनी सांगितले.

                

श्री तुळजाभवानी शारदीय नवरात्र महोत्सव-2022 च्या संवाद व आभार प्रदर्शनाच्या तुळजापूर येथील श्रीनाथ लॉन्स मंगल कार्यालयातील कार्यक्रमाच्या प्रसंगी डॉ.ओम्बासे बोलत होते. यावेळी अपर जिल्हाधिकारी रुपाली आवले-डंबे, उपविभागीय अधिकारी योगेश खरमाटे, उपविभागीय पोलिस अधीक्षक सई भोरे-पाटील, जिल्हा पुरवठा अधिकारी स्वाती शेंडे, जिल्हा आपत्ती व्यवस्थान अधिकारी वृषाली तेल्लोरे, तहसीलदार सौदागर तांदळे, पोलिस निरीक्षक  काशीद,न.प.चे मुख्याधिकारी, तिन्ही मंडळांचे महंत व पुजारी,  धीरज पाटील आदी उपस्थित होते. 

           

यावेळी जिल्हाधिकारी पुढे म्हणाले की, तुळजाभवानी मातेच्या दर्शनासाठी देशातील अनेक प्रांतातून भाविक शारदीय नवरात्र महोत्सवास येत असतात. त्यावेळी त्यांची कोणत्याही प्रकारची गैरसोय होणार नाही, याची काळजी घेतली जाईल. प्रथमोपचार, राहण्याची, जेवणाची, स्वच्छता गृह आदींच्या सोयी आवश्यक त्या ठिकाणी उपलब्ध करुन दिल्या जातील. तसेच दर्शनासाठी तासंतास रांगेत उभे राहण्याऐवजी भाविकांना दर्शनाचे ऑनलाईन स्लॉट्स उपलब्ध करुन दिले. तर भाविकांचा वेळ आणि त्रासही कमी होण्यास मदत होईल. यासाठी तुळजाभवानी देवस्थानचा विकास हा तिरुपती बालाजी देवस्थानच्या धर्तीवर करण्याचा प्रशासनाचा मानस आहे, असेही यावेळी श्री.डॉ.ओम्बासे म्हणाले.

     

        

डॉ.ओम्बासे यांनी शारदीय नवरात्र महोत्सव-2022 च्या नियोजनाचे देखील कौतुक केले. यावेळी मंदिर प्रशासन आणि महसूल व पोलिस अधिकाऱ्यांबरोबर आरोग्य विभाग, नगर परिषद, महावितरण विभाग तसेच प्रसार माध्यमांतील कर्मचाऱ्यांचे प्रमाणपत्र देऊन सन्मान करण्यात आला. 

लक्ष्मी गुंजोटे यांची राष्ट्रीय पातळीवर निवड

                  

 मुरुम, ता. उमरगा, दि. १२ 

डॉ. बाबासाहेब आंबेडकर मराठवाडा विद्यापीठ, औरंगाबाद अंतर्गत घेण्यात आलेल्या धावण्याच्या (क्रॉसकंट्री) स्पर्धेत श्री माधवराव पाटील महाविद्यालयातील बी. ए. तृतीय वर्षात शिकणारी महिला खेळाडू कुमारी लक्ष्मी गुंजोटे हीने नुकत्याच बीड येथील बी. पी. एड. महाविद्यालयात आयोजित स्पर्धेत विद्यापीठातून बेस्ट ऑफ सिक्समध्ये निवड होऊन सुवर्ण पदक पटकावले आहे. 

तिची राष्ट्रीय पातळीवरील स्पर्धेसाठी निवड करण्यात आली आहे. या तिच्या यशाबद्दल महाराष्ट्र काँग्रेस कमिटीचे कार्याध्यक्ष बसवराज पाटील, जिल्हा बँकेचे अध्यक्ष तथा नगर शिक्षण विकास मंडळाचे अध्यक्ष बापूराव पाटील,  महाराष्ट्र युवक काँग्रेसचे उपाध्यक्ष शरणजी पाटील, संस्थेचे सचिव व्यंकटराव जाधव गुरुजी, प्राचार्य डॉ. अशोक सपाटे, प्रा. डॉ. सतिश शेळके, उपप्राचार्य डॉ. चंद्रकांत बिराजदार, डॉ. किरण राजपूत, डॉ. महेश मोटे, डॉ. शिला स्वामी, डॉ. रवि आळंगे, प्रा. गोपाळ कुलकर्णी, डॉ. रविंद्र गायकवाड, डॉ. अविनाश मुळे, डॉ. विनायक रासुरे आदींनी तिचे विशेष कौतुक करून अभिनंदन केले. तीचा महाविद्यालयाचे प्राचार्य अशोक सपाटे यांच्या हस्ते शाल, पुष्पहार घालून सत्कार मंगळवारी (ता. ११) रोजी करण्यात आला. क्रीडा विभाग प्रमुख प्रा. डॉ. भिलसिंग जाधव व प्रा. नारायण सोलंकर यांनी तिला मार्गदर्शन केले.     

         

वीज पडून मसला (खुर्द) गिरगायीचा गायीचा मृत्यू; तर खुंटेवाडीत विद्युत तारेचा शॉक लागल्याने एका गायीचा मृत्यू

काटी, दि. १२: उमाजी गायकवाड

वीज पडून मसला (खुर्द) ता. तुळजापूर येथे एका गायीचा मृत्यू झाला  तर खुंटेवाडीत विद्युत तारेचा शॉक लागल्याने एका गायीचा मृत्यू झाल्याची घटना घडली आहे.

 तुळजापूर तालुक्यात मंगळवार दि.11 रोजी अनेक ठिकाणी दुपारनंतर  जोरदार पावसाने हजेरी लावली होती.या पावसामुळे सर्वत्र पाणीच पाणी झाल्याचे बघायला मिळाले. आधीच्याच पावसाने शेतांमध्ये पाणी साचून तळे साचल्याने सोयाबीन पिक सडू लागली  असताना मंगळवारी  दुपारनंतर सुरु झालेल्या पावसाने शेतकऱ्यांची धांदल उडाली. 

विजेच्या गडगडाटासह झालेल्या पावसामुळे तुळजापूर तालुक्यातील मसला खुर्द येथील शेतकरी गजेंद्र बळीराम शिंदे यांच्या गिर जातीच्या गायीवर  वीज पडून दुधाळी गिर गायीचा मृत्यू झाला. तलाठी निलेश काशिद यांनी प्रत्येक्ष घटनास्थळी भेट देऊन घटनेचा पंचनामा केला असून पंचनाम्यात 50 हजारांचे नुकसान झाल्याचे नमूद केले आहे. तर तुळजापूर तालुक्यातील खुंटेवाडी येथील शेतकरी धनाजी भिवाजी जाधव यांच्या शेतातील विद्युत तारा खाली आल्याने बुधवार दि.12 रोजी सकाळी विद्युत तारेला स्पर्श झाल्याने विद्युत तारेचा शॉक लागून जागीच मृत्यू झाला. या ठिकाणी तलाठी  प्रशांत गुळवे यांनी प्रत्येक्ष घटनास्थळी भेट देऊन घटनेचा पंचनामा केला असून या  पंचनाम्यात 90 हजारांचे नुकसान झाल्याचे नमूद करण्यात आले आहे. आधीच पावसामुळे अडचणीत सापडलेल्या शेतकऱ्यांचे पशुधन गेल्याने त्यांना झालेली नुकसान भरपाई मिळावी अशी मागणी होत आहे.

तुळजापूर : नवराञोत्सवात उल्लेखनीय कार्य करणा-यांचा गौरव

तुळजापूर, दि. १२

उपजिल्हा रुग्णालय तुळजापूरच्या वतीने नवरात्र काळात सेवा देणाऱ्या 108 रुग्णवाहिका चालक व डॉक्टर यांना प्रमाणपत्र देऊन सन्मानित करण्यात आले. 

शादीय नवरात्र उत्सव 2022 मध्ये तुळजापूर शहर व मंदिर परिसरात 18 प्रथम उपचार केंद्रामार्फत एकूण 56 हजार 985 रुग्णांना उपजिल्हा रुग्णालय व शासकीय आरोग्य यंत्रणा मार्फत सेवा देण्यात आली ,उपजिल्हा रुग्णालय मार्फत 108 च्या 13 रुग्णवाहिका च्या सर्व डॉक्टर व चालकांना रुग्णसेवेसाठी प्रमाणपत्र देऊन सन्मानित करण्यात आले, यावेळी रुग्णालय अधीक्षक डॉ.हनुमंत होनमाने ,रुग्ण कल्याण समिती सदस्य आनंद कंदले ,डॉ.श्रीधर जाधव, डॉ. अक्षय पाटील,108 रुग्णवाहिका नियंत्रक अमित मालवदकर ,जयराम शिंदे,रुग्णालय सर्व डॉक्टर ,सिस्टर व कर्मचारी उपस्थित होते.

उमरगा : संत सेवालाल महाराज याञा संपन्न

उमरगा , दि.१२

उमरगा तालुक्यातील जय भवानी नगर, मुळज तांडा येथे जगदंबा देवी व संत सेवालाल महाराज यात्रा महोत्सवास आ. ज्ञानराज चौगुले यांनी भेट देऊन दर्शन घेतले. यावेळी त्यांच्या हस्ते पूजा व आरती संपन्न झाली.

कार्यक्रमास सोलापूरचे सुप्रसिद्ध  डॉ योगेश राठोड,  भास्कर राठोड, अनिल चव्हाण, मोहन राठोड, नेताजी जाधव , प्रकाश जाधव, रामचंद्र जाधव, संजय राठोड, विलास राठोड, डॉ. नागेश पारेकर अर्जुन बिराजदार, बी.के.राठोड सर, सतीश जाधव, बब्रुवान चव्हाण, कोळसूरचे सरपंच किसन राठोड,  सुनील राठोड, मुळज तांडयाचे नाईक शंकर जाधव, शिवाजी राठोड, कराळीचे सरपंच सुभाष राठोड, सतीश राठोड, सुधाकर जाधव, विजय चव्हाण, यांच्यासह बंजारा समाजबांधव व ग्रामस्थ मोठ्या संख्येने उपस्थित होते.

वेगाने वाढत्या मानसिक विकारामुळे जीवन उद्ध्वस्त होण्याच्या मार्गावर

वेगाने वाढत्या मानसिक विकारामुळे जीवन उद्ध्वस्त होण्याच्या मार्गावर

(जागतिक मानसिक आरोग्य दिन विशेष - १० ऑक्टोबर २०२२)

माणसाचे जीवन अतिशय सुंदर आणि साधे आहे, फक्त माणसाने समाधानी आणि परोपकारी असावे. आजच्या आधुनिक युगात प्रत्येकजण स्पर्धेत धावत आहे, प्रत्येकाला लवकरच पुढे जायचे आहे, सगळेजण त्याच प्रयत्नात गुंतलेले आहे. यांत्रिक साधनसामग्रीचा अतिवापर, निसर्गाचे अत्याधिक शोषण यामुळे पृथ्वीचा समतोल बिघडत आहे, त्याचा थेट परिणाम मानवी जीवनावर होत आहे. निसर्ग माणसाची गरज भागवू शकतो, लोभ नाही. अशा वातावरणात प्रदूषण, गोंगाट, भेसळ, निद्रानाश, अस्वास्थ्यकर अन्न, अनैतिक वर्तन, अनुशासनहीनता, नशा, खोटा दिखावा, निष्काळजीपणा या गोष्टी मानवी शरीरासोबतच त्याच्या मानसिक आरोग्यावर देखील खोलवर आघात करतात.  आज समाजात महागाई, बेरोजगारी, आर्थिक विषमता, भेदभाव, भ्रष्टाचार, गरिबी या सारख्या समस्या जीवनातील संघर्ष तीव्र करत आहेत. प्रदीर्घ संघर्ष, हिंसा आणि सार्वजनिक आरोग्य आणीबाणीचा परिणाम संपूर्ण लोकसंख्येवर होतो, ज्यामुळे चांगल्या कल्याणाच्या दिशेने होणारी प्रगती धोक्यात येते. जगभरात मानसिक विकार झपाट्याने वाढत आहेत, ज्याला आपणच बहुतांशी जबाबदार आहोत, आधुनिक जीवनशैली आणि आपल्या वागणुकीमुळे मानसिक विकार वाढत आहेत. दरवर्षी १० ऑक्टोबर रोजी "जागतिक मानसिक आरोग्य दिन" जगभरात वाढत्या मानसिक विकारांबद्दल जागरूकता पसरवण्यासाठी साजरा केला जातो. जागतिक मानसिक आरोग्य दिन २०२२ ची थीम "मानसिक आरोग्य सर्वांसाठी जागतिक प्राधान्य बनवावे" असे आहे.

मानसिक विकाराची लक्षणे

आजकाल अनेकदा असे दिसून येते की जी कामे माणूस पूर्वी आनंदाने करत असे, मित्र-नातेवाईक ज्यांच्यासोबत तो वेळ घालवत असे, आज तो व्यस्त असल्याच्या बहाण्याने त्याच लोकांपासून दूर पळतो. माणूस आपले जुने छंद, खेळ, चांगल्या आरोग्यदायी सवयी विसरत चालला आहे. ध्येयहीन जीवन, यांत्रिक उपकरणे, इंटरनेट, जिभेची भूक भागवणारे घातक अन्नपदार्थ माणसाला आजारी बनवत आहेत. अनियंत्रित भावना, नैराश्य, सतत अस्वस्थता, झोपेतील बदल, अशक्तपणा, सुस्ती, उत्साह आणि आत्मविश्वास कमी होणे, भूक किंवा वजनात बदल, काळजी किंवा चिडचिड, सतत मूड बदलणे, प्रियजनांपासून किंवा मित्रांपासून दूर पडणे, संयम आणि सहनशीलतेचा अभाव, एकटेपणा जाणवणे, व्यसनाधीनता, सतत नकारात्मक विचार करणे, नेहमी दोष शोधणे, कसल्यातरी भीतीत राहणे किंवा दडपणाखाली जगणे, क्रियाकलापांपासून दूर राहणे, नेहमी स्वतात हरवणे - या सर्व गोष्टी मानसिक विकाराकडे निर्देश करतात.

देशातील मानसिक आरोग्याची स्थिती

ग्लोबल हेल्थ सिक्युरिटी इंडेक्स २०२१ नुसार, भारत १९५ देशांमध्ये ६६ व्या क्रमांकावर आहे. जागतिक मानसिक आरोग्य ओझ्यांपैकी सुमारे १५ टक्के भारताचा वाटा आहे. राष्ट्रीय मानसिक आरोग्य सर्वेक्षण २०१६ नुसार, भारतातील सुमारे १४ टक्के लोकसंख्येला सक्रिय मानसिक आरोग्य हस्तक्षेपांची गरज आहे. लॅन्सेट, २०१९ च्या सर्वेक्षणानुसार, सातपैकी सुमारे एक भारतीय वेगवेगळ्या तीव्रतेच्या मानसिक विकाराने ग्रस्त आहे. अंदाजे ५६ दशलक्ष भारतीय नैराश्याने ग्रस्त आहेत आणि ३८ दशलक्ष कोणत्या ना कोणत्या प्रकारच्या चिंता विकाराने ग्रस्त आहेत. दरवर्षी सुमारे १,६४,००० भारतीय स्वतःचा जीव घेतात. आज भारतातील तीनपैकी एक जण नैराश्याच्या मार्गावर जात आहे. यूनिसेफ आणि गैलप २०२१ च्या सर्वेक्षणानुसार, भारतातील मुले मानसिक तणावात आधार घेण्यास संकोच करतात. देशात, नॅशनल इन्स्टिट्यूट ऑफ मेंटल हेल्थ अँड न्यूरोसायन्सच्या आकडेवारीनुसार, ८० टक्क्यांहून अधिक लोक विविध कारणांमुळे मानसिक आरोग्य सेवांमध्ये प्रवेश करण्यात अक्षम आहेत, यामध्ये ज्ञानाचा अभाव, समाजाची भीती आणि उपचाराची उच्च किंमत आहे. जागतिक आरोग्य संघटनेच्या म्हणण्यानुसार, भारतातील मानसिक आरोग्य कर्मचारी संख्या अत्यंत कमी आहे. इंडियन जर्नल ऑफ सायकियाट्रीमध्ये प्रकाशित झालेल्या अहवालनुसार, भारतात प्रति १००००० लोकांमागे केवळ ०.७५ मानसोपचारतज्ज्ञ आहेत. एनसीबीआई अहवाल प्रमाणे १.३ अब्ज पेक्षा जास्त लोकसंख्येसाठी, भारतात ९००० मानसोपचारतज्ज्ञ, २००० मानसोपचार परिचारिका, १००० क्लिनिकल मानसशास्त्रज्ञ आणि १००० मानसोपचार सामाजिक कार्यकर्ते आहेत. पौगंडावस्थेतील आणि तरुण प्रौढांमध्ये मूड डिसऑर्डर आणि आत्महत्येशी संबंधित परिणामांचे प्रमाण लक्षणीय वाढले आहे आणि यासाठी सोशल मीडिया मोठ्या प्रमाणात जबाबदार असू शकते.

जागतिक स्तरावर मानसिक आरोग्य स्थिती

आज, अंदाजे १ अब्ज लोक मानसिक विकाराने जगत आहेत आणि १९.८६% प्रौढांना मानसिक आजार आहे. कमी उत्पन्न असलेल्या देशांमध्ये, मानसिक विकार असलेल्या ७५% पेक्षा जास्त लोक उपचार घेत नाहीत. दरवर्षी सुमारे ३ दशलक्ष लोक अमली पदार्थांच्या सेवनाने मरतात. एकट्या युनायटेड स्टेट्समध्ये, नैराश्यामुळे यूएस अर्थव्यवस्थेचे प्रति वर्ष 210 अब्ज डॉलर पेक्षा जास्त नुकसान होते. जगभरातील मानसिक आरोग्य आकडेप्रमाणे २८४ दशलक्ष लोकांना चिंता प्रभावित करते, नैराश्य २६४ दशलक्ष लोकांना प्रभावित करते, अल्कोहोल वापर विकार १०७ दशलक्ष, नशेच्या औषधीय वापर विकार ७१ दशलक्ष, बाइपोलर विकार ४६ दशलक्ष, स्किझोफ्रेनिया २० दशलक्ष, खाण्याचे विकार १६ दशलक्ष लोकांना प्रभावित करतात. नैराश्यामुळे आत्महत्या होऊ शकते. १०० पैकी एका मुलामध्ये ऑटिझम असतो. ५ पैकी १ विद्यार्थ्याला मानसिक आरोग्य समस्या आहे. दरवर्षी ८००,००० पेक्षा जास्त लोक आत्महत्या करून मरतात, जागतिक आत्महत्यांपैकी ७७% कमी आणि मध्यम उत्पन्न असलेल्या देशांमध्ये होतात. जागतिक स्तरावर, १०-१९ वर्षे वयोगटातील सात मुलांपैकी एकाला मानसिक विकार आहे, जे या वयोगटातील रोगाच्या जागतिक ओझ्यापैकी १३% आहे. जागतिक स्तरावर लोकसंख्या झपाट्याने वृद्ध होत आहे. ६० वर्षे आणि त्याहून अधिक वयाच्या सुमारे १५% प्रौढांना मानसिक विकाराने ग्रासले आहे. असा अंदाज आहे की जगभरातील एकूण मृत्यूंपैकी १४.३% मानसिक विकारांमुळे होतात. डब्ल्यूएचओ च्या मते, चीन, भारत, अमेरिका, ब्राझील, बांगलादेश या देशांमध्ये नैराश्याचे प्रमाण सर्वाधिक आहे. मानसिक विकार हे अपंगत्वाचे प्रमुख कारण आहे, गंभीर मानसिक विकार असलेले लोक सामान्य लोकसंख्येपेक्षा सरासरी १० ते २० वर्षे आधी जीव गमावतात.

मानसिक आरोग्य मजबूत करण्यासाठी

मनाला नेहमी आनंदी ठेवण्यासाठी, कामाच्या व्यस्ततेनंतरही रोज स्वतःसाठी वेळ द्यायला शिका, नेहमी पोषकतत्वांनी भरपूर अन्न खा, जिभेला जे आवडते ते नाही. मनात निरुपयोगी विचार येऊ देऊ नका, सकारात्मक लोकांसोबत रहा. परोपकारी भावना ठेवा, निरोगी छंद बाळगा, पाळीव प्राण्यांसोबत वेळ घालवा, आवडते संगीत ऐका, पशु-पक्षी, असहायांना मदत आणि निस्वार्थपणे समाजसेवा करा. सक्रिय राहा, भरपूर झोप घ्या, दररोज व्यायाम करा, एकटेपणात राहू नका, सोशल मीडिया आणि टीव्हीचा वापर मर्यादित करा, दयाळू व्हा. लोकांमध्ये मिसळा, प्रियजनांशी बोला, मोठ्यांचा आदर करा, वाईट सवयींपासून दूर राहा, रागाच्या भरात चुकीचे निर्णय घेणे टाळा. आधुनिक जीवनशैलीपासून दूर राहा आणि निसर्गाशी संपर्क साधा. जीवनात शिस्त ठेवा, जेवण आणि झोप वेळेवर असावे. खोट्या दिखाव्यात, स्वार्थी वृत्ती आणि लोभात पडून आयुष्य खराब करू नका, आपण चांगले काम करत असाल तर लोकांचा विचार करू नका. माणसाने भ्रमातून बाहेर पडून जीवनाचे सत्य समजून घेतले पाहिजे. संस्कार हा जीवनाचा अमूल्य भाग आहे, तो कधीही विसरू नका. सामाजिक व कौटुंबिक जबाबदाऱ्या पार पाडा. बघितले तर मानसिक विकार हा आपल्याच निष्काळजीपणाचा परिणाम आहे,

जीवन असे जगले पाहिजे की आपल्यामुळे लोकांना त्रास न होता उलट मदत झाली पाहिजे. आपल्या जीवनशैली प्रमाणे आपले शरीर आणि मन बनते. सर्वात महत्वाची गोष्ट म्हणजे आपण समाधानी बनावे. चांगलं खा, चांगलं विचार करा, आनंदी राहा आणि तणावमुक्त जीवन जगा.

लेखक 

डॉ. प्रितम भि. गेडाम

prit00786@gmail.com

खासगी ट्रॅव्हल्सकडून होणारी प्रवाशांची आर्थिक लुट रोखण्याची सुराज्य अभियानाच्या वतीने मागणी

             

सोलापूर ,दि . १०

खासगी ट्रॅव्हल्सकडून होणारी प्रवाशांची आर्थिक लुट रोखण्यासाठी परिवहन आयुक्तांनी दिलेल्या आदेशाची तातडीने आमलबजावणी करण्याबाबत सोलापूर साहाय्यक प्रादेशिक परिवहन अधिकारी यांना सुराज्य अभियानाच्या वतीने निवेदन देण्यात आले आहे.

    

सण, उत्सव, उन्हाळ्याची सुटी, दीपावली या कालावधीत खासगी प्रवासी टॅ्रव्हल्सकडून भरमसाठ तिकिटदर आकारून प्रवाशांची आर्थिक लुट चालू  असल्याचा आरोप करुन हिंदु जनजागृती समितीने सुराज्य अभियानाच्या अंतर्गत खासगी प्रवासी ट्रॅव्हल्सवाल्यांकडून होणारी प्रवाशांची आर्थिक लुट रोखली जावी, याविषयी गणेशोत्सवापूर्वी मुख्यमंत्री, परिवहनमंत्री, तसेच परिवहन आयुक्त यांच्याकडे तक्रारी नोंदवल्या आहेत. 

प्रवाशांची आर्थिक लुट रोखण्यासाठी  परिवहन आयुक्तांनी २५ ऑगस्ट २०२२ या दिवशी याविषयी करावयाच्या कार्यवाहीचे निर्देश सर्व प्रादेशिक आणि उपप्रादेशिक परिवहन अधिकार्‍यांना निर्गमित केले उल्लेख करुन त्यानुसार येत्या दिवाळीच्या पार्श्वभूमीवर पुन्हा अशा प्रकारे दरवाढ करण्यात येऊ नये, याविषयी दक्षता घ्यावी, तसेच सोलापूर जिल्ह्यात याविषयी तत्परतेने कार्यवाही व्हावी, या मागणीचे निवेदन सुराज्य अभियानाच्या वतीने  दत्तात्रय पिसे यांनी साहाय्यक प्रादेशिक परिवहन अधिकारी अमरसिंह गवारे यांना दिले. अमरसिंह गवारे यांनी या संदर्भात योग्य ती कार्यवाही करण्याचे आश्वासन दिले. 

 

निवेदनात करण्यात आलेल्या काही मागण्या

१. खाजगी ट्रॅव्हल्स गाड्यांचे बुंकिंग केंद्रे आणि गाड्या सुटणारी ठिकाणे येथे शासनाने निश्चित केलेल्या दरानुसार खासगी ट्रॅव्हल्सना अधिकतम किती दर आकारता येईल ? याचा तक्ता दर्शनी भागात लावावा.

२. मोटार वाहन विभाग यांच्या संकेतस्थळावर प्रवाशांना तक्रार करण्यासाठी हेल्पलाईन क्रमांक द्यावा. खासगी ट्रॅव्हल्स आणि बुकींग केंद्रे या ठिकाणीही हा क्रमांक दर्शनी भागात लावण्यात यावा.

३. नियमबाह्य तिकिटदर आकारून प्रवाशांची लुट करण्याविषयी प्राप्त झालेल्या तक्रारी आणि त्यांतील किती जणांवर, कोणत्या प्रकारची कारवाई करण्यात आली ? याचा तपशील मोटार वाहन विभागाच्या संकेतस्थळावर प्रसिद्ध करण्यात यावा. या निवेदनावर 

सुराज्य अभियाचे (हिंदु जनजागृती समितीअंतर्गत) राजन बुणगे यांची स्वाक्षरी आहे.

नळदुर्ग येथे ईद-ए-मिलाद उत्साहात साजरी

नळदुर्ग , दि.१०

कोरोनाच्या दोन वर्षानंतर  नळदुर्ग शहरात ईद-ए-मिलाद सण ( पैगंबर जयंती) भव्य दुचाकी मिरवणुक  काढून  उत्साहात साजरा करण्यात आला.

 रविवार दि. 9 ऑक्टोबर रोजी सकाळी 10 वाजता शहरातील क्रांती चौक येथून  सहाय्यक पोलीस निरीक्षक सिद्धेश्वर गोरे यांच्या हस्ते हाफेज व खारी सय्यद मैनोद्दीन जागीरदार, ईद-ए-मिलाद कमिटीचे प्रमुख आलेम मोहम्मद रजा, हाफेज सय्यद नियामतुल्ला इनामदार यांच्या प्रमुख उपस्थितीत झेंडा दाखवून मोटरसायकल व रिक्षा रॅलीस सुरुवात करण्यात आली. या रॅलीमध्ये  मोटार सायकलस्वार, रिक्षा चालक बहुसंख्येनी सहभागी झाले होते. ही रॅली भवानी चौक, शास्त्री चौक, बसस्थानक समोरून राष्ट्रीय महामार्गाने गोलाई, इंदिरानगर, महामार्ग पोलीस ठाणे , हुसेनी चौक, नानीमा रोड, चावडी चौक, डीसीसी बँक समोरून धर्मवीर संभाजी चौक, मोहम्मद पनाह , काजी गल्ली, मुलतान गल्ली, किल्ला गेट मार्गाने परत बस स्थानकासमोर आल्यानंतर ऑटो रिक्षा संघटनेच्या वतीने आयोजित  पूजा करुन महाप्रसादाचे वाटप करून या रॅलीचा समारोप करण्यात आला.  

त्यानंतर रहीमनगर, ख्वाजा नगर, इंदिरानगर, नानिमा रोड येथील देखावे मिरवणुकीसह  आसार मस्जिद येथे आल्यानंतर दुपारी तीन वाजता जुलूस ए मोहम्मदीच्या मुख्य मिरवणुकीची सुरुवात हाफेज व खारी सय्यद मैनोद्दीन जागीरदार, आलेम मोहम्मद रजा,हाफेज कौसर पाशा जागीरदार,हाफेज फुरकान नक्शबंदी,हाफेज फारुख अहेमद, हाफेज मुसा जमादार, मौलाना शफिक रजा, मौलाना सादिक रजा, मौलाना आझम रजा,हाफेज शोहेब रजा, हाफेज इस्माईल काझी, हाफेज जाफर शाह, हाफेज मुजफ्फर शेख,  पेशइमाम सिद्दिक शेख आदीसह विविध  क्षेत्रातील प्रमुखाच्या उपस्थितीत  करण्यात आले. हि मिरवणूक काजी गल्ली,मोहदीस ए दख्खन हजरत अब्दुल्ला शहा साब चौक, मुलतान गल्ली, किल्ला गेट, कुरेशी गल्ली, इनामदार गल्ली, हत्ती मोहल्ला, भवानी चौक, चवडी चौक, भोई गल्ली मार्गाने परत आसार मस्जिद समोर आल्यानंतर मिरवणुकीचा समारोप करण्यात आला. मिरवणुकीत सहभागी झालेले विविध भागातील देखावे आकर्षणाचा केंद्रबिंदू बनले होते. मिरवणुकीच्या दरम्यान शहरात सामाजिक व धार्मिक क्षेत्रात काम करणाऱ्या विविध संघटनांच्या वतीने शहरातील विविध भागात फातेहाखानी करून ज्यूस व मिठाईचा कार्यक्रम घेऊन तबरूक वाटप करण्यात आला. त्याचबरोबर  शहरातील विविध भागात ईद-ए-मिलाद निमित्त रोषणाई करण्यात आली होती. ईद-ए-मिलादच्या काळात कोणताही अनुचित प्रकार घडू नये यासाठी उपविभागीय पोलीस अधिकारी अंजूम शेख,  सहाय्यक पोलीस निरीक्षक सिद्धेश्वर गोरे, सुधीर मोटे,पिराजी तायवडे,जिविशाचे धनंजय वाघमारे,अच्युत पोतदार यांच्यासह नळदुर्ग पोलीस ठाण्यातील कर्मचाऱ्यांनी चोख  पोलीस बंदोबस्त ठेवला होता. 

मिरवणुकीच्या काळात अप्पर पोलीस अधीक्षक नवनीत कावत यांनी भेट देऊन बंदोबस्ताची पाहणी केली. ईद-ए-मिलाद निमित काढण्यात आलेली रॅली व मिरवणुकीसाठी  ईद मिलादुन्नबी कमिटी तसेच शहरातील मुस्लिम समाजातील विविध सामाजिक व धार्मिक संघटनेच्या पदाधिकारी व सदस्यांनी पुढाकार घेतले.

आमदार ठाकूर यांच्या प्रयत्नांना यश; मराठवाडा जलसिंचन प्रकल्पास निधी मंजूर - ॲड.अनिल काळे

काटी, दि. १० : 

 कृष्णा मराठवाडा सिंचन प्रकल्पासाठी भाजपचे आमदार सुजितसिंह ठाकूर यांनी राज्य शासनाकडे वारंवार पाठपुरावा केला होता. त्यांच्या पाठपुराव्याला यश आले असून राज्य शासनाने या प्रकल्पासाठी 11700  कोटी रुपये मंजूर केले आहेत. त्याबद्दल तुळजापूर तालुक्यातील भाजप कार्यकर्ते व शेतकऱ्यांच्या वतीने आ. सुजितसिंह ठाकूर यांचा सत्कार करून आभार मानले. 

आमदार सुजितसिंह ठाकूर हे सिद्धिविनायक परिवाराच्या गूळ पावडर कारखान्याच्या प्रथम गळीत हंगामाच्या कार्यक्रमाकरिता आले असता या कार्यक्रमात तुळजापूर तालुक्यातील भाजपचे प्रदेश कार्यकारिणी सदस्य ॲड.अनिल काळे व भाजपचे सर्व पदाधिकारी तसेच शेतकरी यांनी त्यांचा सत्कार केला. कृष्णा मराठवाडा सिंचन प्रकल्पासाठी मुख्यमंत्री एकनाथ शिंदे व उपमुख्यमंत्री देवेंद्र फडणवीस सरकारने 11700  कोटी रुपये मंजूर केले.  राज्य कॅबिनेट मंत्री मंडळाच्या बैठकीमध्ये हा निर्णय घेण्यात आला. त्यामुळे उस्मानाबाद, बीड जिल्ह्यामध्ये हरितक्रांती होणार आहे. गेल्या अनेक वर्षांपासून तुळजापूर तालुक्यातील शेतकऱ्यांची कृष्णा खोऱ्याचे पाणी तालुक्याला मिळावे अशी मागणी होती. परंतु या मागणीला फारसे यश येत नव्हते. परंतु आ.ठाकूर या प्रकल्पासाठी 2014 पासून तत्कालीन मुख्यमंत्री देवेंद्र फडणवीस यांचेकडे पाठपुरावा करीत होते. त्यासाठी त्यांनी या प्रकल्पासाठी पर्यावरण विभागाची मान्यता मिळवून पाणी उपलब्धता प्रमाणपत्र मिळविण्यासाठी केंद्रीय मंत्री पियुष गोयल यांचेकडे सातत्याने पाठपुरावा करुन पाणी उपलब्धता प्रमाणपत्र मिळवून कृष्णा मराठवाडा सिंचन प्रकल्प आणण्यासाठी मार्ग सुकर केला असून आ. ठाकूर यांचा या प्रकल्पासाठी सिंहाचा वाटा असल्याचे ॲंड. अनिल काळे यांनी सांगितले. 

पुढे बोलताना ते म्हणाले की, कृष्णा मराठवाडा सिंचन प्रकल्पाच्या कामासाठी राज्याचे मुख्यमंत्री एकनाथ शिंदे उपमुख्यमंत्री देवेंद्र फडणवीस सरकारने तब्बल 11700 कोटी रुपये मंजूर केले असून हा प्रकल्प  2024 पर्यंत निश्चित पुर्ण होऊन तुळजापूर तालुक्यातील केमवाडी सावरगाव काटी येथून पांगरधारवाडी तलावातून रामधरा तलावामध्ये पाणी सोडण्यात येणार असून पुढे लोहरा उमरगा तालुक्यात हे पाणी जाणार आहे. त्यामुळे भूम, परंडा, व वाशी विधानसभा मतदारसंघात व  उस्मानाबाद आणि बीड जिल्ह्यात 21 टीएमसी पाणी मिळण्याचा मार्ग मोकळा झाला आहे. अनेक वर्ष पाण्याच्या बाबतीत दुष्काळी असलेला तुळजापूर तालुका सुजलाम होईल असे मत ॲड. अनिल काळे यांनी व्यक्त केले.       

    

यावेळी सिद्धिविनायक परिवाराचे सर्वेसर्वा दत्ता कुलकर्णी, भाजपचे तालुकाध्यक्ष संतोष बोबडे, प्रभाकर मुळे, दत्ता राजमाने, भाजपचे जिल्हा उपाध्यक्ष विक्रमसिंह देशमुख, विजय शिंगाडे,नागेश नाईक, आदेश कोळी, लक्ष्मण उळेकर, सुखदेव टोंपे यांच्यासह शेतकऱी  उपस्थित होते.

तुळजाभवानी देवीच्या दर्शनाला भाविकांचा महापूर ; सुमारे सहा लाख भाविकांनी घेतले भवानी मातेचे दर्शन

तुळजापूर, दि. ९: डॉ. सतीश महामुनी

 कोजागिरी पौर्णिमे निमित्ताने श्री तुळजाभवानी मातेचे   सहा लाख भाविकांनी  मनोभावे दर्शन घेतले. महाराष्ट्र ,कर्नाटक ,आंध्रप्रदेश, तेलंगणा अशा चार राज्यांमधून भाविकांची अलोट गर्दी तुळजापुरात आल्यानंतर सर्वत्र भाविकांचा महापूर दिसून आला. कडेकोट पोलीस बंदोबस्त व वाहतूक व्यवस्था  सर्वत्र तैनात असल्यामुळे कोणताही अनुचित प्रकार या मोठ्या संख्येच्या यात्रेमध्ये दिसून आला नाही.

 

 तुळजाभवानी देवीची सीमोल्लंघन सोहळ्यानंतर घेतलेली श्रमनिद्रा पूर्ण झाली. परंपरागत पद्धतीने आणि विधिवत तुळजाभवानी देवीची मंचकी निद्रा पूर्ण झाल्याचा धार्मिक विधी देवीचे भोपे पुजारी यांनी पूर्ण केला.  

भिंगार येथील  मानाच्या पलंगावरून देवीची मूर्ती मुख्य गाभाऱ्यात चांदीच्या सिंहासनावर प्रतिष्ठापित करण्यात आली. धार्मिक पद्धतीने पूजा आणि आरती संपन्न झाली. अडीच ते तीन च्या दरम्यान मध्यरात्री भाविकांना दर्शनासाठी सोडण्यात आले. धर्मदर्शन आणि मुखदर्शन दोन्ही रांगे मधून पहाटेपर्यंत   भाविकांनी दर्शन घेतले.

सकाळी सात वाजता तुळजाभवानी देवीची अभिषेक पूजा सुरू झाली त्यानंतर नृत्य उपचार पूजा नैवेद्य आणि आरती असे रोजचे विधी संपन्न झाले. दरम्यान भाविकांची दर्शनाच्या रांगा जलद गतीने करण्यात आले. रात्रभर भाविकांचा ओघ तुळजापूर शहरात सुरू होता. घाटशिळ मार्गाने भाविकांना दर्शन मंडपात प्रवेश देण्यात आला आणि तेथून धर्मदर्शन आणि मुखदर्शनाच्या रांगा सुरू होत्या. सर्वत्र पोलीस बंदोबस्त तैनात करण्यात आलेला होता. बंदोबस्तामध्ये महिला पोलिसांची संख्या लक्षणीय दिसून आली.

दुपारी बारा वाजेपर्यंत सुमारे तीन लाख भाविकांचे दर्शन झाले होते सर्व बाजूने भाविकांचा येणारा ओघ लक्षात घेऊन पोलीस प्रशासनाने सोलापूर महामार्ग आणि नळदुर्ग महामार्गावर विशेष वाहतूक यंत्रणा आणि बंदोबस्त यंत्रणात तैनात केलेली दिसून आली. पायी चालत येणाऱ्या भाविकांसाठी तुळजापूर शहरात आल्यानंतर विश्रांती करण्यासाठी जागेची कमतरता दिसून आली. अनेक भाविकांनी दर्शन झाल्यानंतर तास, दोन तास थांबता यावे व जेवण करता यावे अशी जागा तुळजापुरात असली पाहिजे अशी भावना बोलून दाखवली.

तुळजापूर शहरामध्ये थांबण्यासाठी आणि चपला व बॅगा ठेवण्यासाठी लॉकर मोफत असले पाहिजे असे मत कर्नाटकातील  भाविकांनी व्यक्त केले. तुळजाभवानी मंदिर संस्थानकडून तिरुपतीच्या धर्तीवर प्रसादाची व्यवस्था करण्यात यावी, भाविक भक्ताच्या सोयीसाठी मंदिर संस्थांकडून सुविधा उपलब्ध करून दिल्या पाहिजेत, आम्ही अनेक वर्षापासून तुळजापुरला येतो परंतु भाविकांच्या सोयीसाठी तुळजापुरात कमतरता असल्याचे महिला भाविकांनी बोलून दाखवले

जिल्हाधिकारी सचिन ओंबासे, जिल्हा पोलीस प्रमुख अतुल कुलकर्णी यांनी सर्व यात्रेवर नियंत्रण करण्यासाठी लक्ष केंद्रित केले होते. प्रत्येक तासाचा आढावा या दोन अधिकाऱ्याकडून घेतला जात आहे अशी माहिती मिळाली. राज्य परिवहन महामंडळाच्या वतीने अभुतपूर्व प्रवासी वाहतूक व्यवस्था करण्यात आली. सुमारे 1,500 बसेस महाराष्ट्र एसटी महामंडळ आणि कर्नाटकातील 500 वेगळ्या गाड्यांची व्यवस्था येथे करण्यात आली होती, 2000 पेक्षा जास्त पोलीस बंदोबस्तासाठी तैनात होते.

तुळजापूर येथील जुने बस स्थानक आणि नवीन बस स्थानक येथून  पायी चालत येणार्‍या भाविकांना  परतीचा प्रवास करण्यासाठी विशेष बस व्यवस्था करण्यात आलेली होती. कर्नाटकातील बाहेर पडणाऱ्या भाविकांना नवीन बस स्थानकामधून सोडण्याची व्यवस्था केली होती. सोलापूरसाठी जुने बसस्थानक येथून व्यवस्था होती. 

सर्वाधिक सोलापूर येथून सुमारे चार साडेचार लाख भाविक दर्शनासाठी आल्याचा अंदाज वर्तविण्यात आला. या मार्गावरील सर्व वाहतूक दोन दिवसांपूर्वी बंद करण्यात आली. ही सर्व वाहतूक बायपास मार्गे सुमारे पन्नास किलोमीटर अंतरावरून वळवण्यात आल्याचे समजले. त्यामुळे पायी चालत येणाऱ्या भाविकांना यावर्षी कोणताही त्रास जाणवला नाही. त्यांच्या चालत येण्याच्या मार्गावर पश्चिम महाराष्ट्र आणि कर्नाटक येथील उद्योगपती व्यापारी यांच्याकडून अन्नछत्र चालविण्यात आले. तेथे सर्व भाविकांनी स्नान आणि पोटभर जेवण करून पुढचा चालण्याचा प्रवास केला सामाजिक भावनेने काम करणारे उद्योगपती मोठ्या संख्येने अन्नदान करीत असल्याचे या ठिकाणी दिसून येत आहे.

 कर्नाटकातील लोकप्रतिनिधी आणि व्यापारी यांचा यामध्ये सर्वाधिक वाटा आहे.

सायंकाळी 5 पासून भाविकांची गर्दी अल्पशी कमी झाल्याचे जाणवले मात्र दर्शन मंडपाचे सर्व मजले भाविकांनी भरलेले होते. घाटशीळ मार्गातील भाविकांना सोडण्याच्या रांगा भरलेल्या होत्या. या रांगा सकाळी 11 वाजता आंबेडकर पुतळ्यापर्यंत आल्या होत्या. सुमारे तीन तास आणि काही वेळेस चार तास अशा फरकाने भाविकांनी दिवसभर दर्शन घेतले. शनिवारी मध्यरात्री आणि रविवारी संपूर्ण दिवस तुळजाभवानी देवीचे दर्शन सुरू ठेवण्यात आले होते. तुळजाभवानी मंदिर संस्थांचे विश्वस्त आमदार राणा जगजितसिंह पाटील यांनी कोजागिरी पौर्णिमेच्या निमित्ताने येणाऱ्या भाविकांच्या दर्शनाच्या निमित्ताने विशेष सूचना दिल्या होत्या.

तुळजाभवानी महाविद्यालयास नॅक "अ" मानांकनाबद्दल गौरव

तुळजापूर ,दि. ०९

येथील श्री स्वामी विवेकानंद शिक्षण संस्था कोल्हापूर संचलित तुळजाभवानी महाविद्यालयास  नॅक मूल्यांकनामध्ये "अ" मानांकन प्राप्त झाले. या पार्श्वभूमीवर तुळजाभवानी महाविद्यालयाचे माजी प्राचार्य तसेच श्री स्वामी विवेकानंद शिक्षण संस्था कोल्हापुरचे माजी सहसचिव प्रशासन डॉ.रमेश दापके यांच्या वतीने  प्राचार्य डॉ एस एम मणेर , मेजर डॉ वाय ए डोके व इतर सर्व शिक्षक व शिक्षकेतर कर्मचाऱ्यांचा सत्कार करुन अभिनंदन करण्यात आले, 

तसेच यावेळी बोलताना डॉ रमेश दापके म्हणाले की, तुळजाभवानी महाविद्यालयाची एक वेगळी ओळख आहे,अभिनय क्षेत्रातील कामगिरी साठी पुरुषोत्तम करंडक पूर्वी प्राप्त केलेले हे एकमेव महाविद्यालय होय,याच महाविद्यालयात विद्यार्थ्यांकडुन सांस्कृतीक विभागाच्या माध्यमातून सर्वप्रथम फिरता रंगमंच तयार करण्यात आला होता, तसेच प्राचार्य डॉ मणेर म्हणाले की, महाविद्यालयाचे हे यश एकतेचे आहे,आजी माजी विद्यार्थी, महाविद्यालयीन विकास समिती, सर्व शिक्षक व शिक्षकेतर कर्मचारी यांच्या सहकार्याने हे यश महाविद्यालयास प्राप्त झाले असून यापुढे प्राप्त मानांकनापेक्षाही अधिक चांगले मानांकन मिळवण्यासाठी सर्वांनी शर्थीचे प्रयत्न करणे आवश्यक आसल्याचे सूतोवाच त्यांनी यावेळी केले.

सदर प्रसंगी बिल गेट्स महाविद्यालयाचे प्राचार्य डॉ रिझवी तसेच महाविद्यालयीन सर्व शिक्षक व शिक्षकेतर कर्मचारी  उपस्थित होते, कार्यक्रमाचे आभार प्रा आशपाक आतार यांनी मानले