शेतक-यांच्‍या आत्‍महत्‍या टाळण्‍यासाठी झिरो बजेट शेतीचा वापर करा : पाळेकर

वैराग (महेश पन्‍हाळे) :- दिवसेंदिवस रासायनिक आणि सेंद्रिय शेतीच्‍या सान्निध्‍यात सापडून शेतकरी आर्थिक अडचणीमध्‍ये सापडत चालला आहे. निसर्गाच्‍या कुशीत, नैसर्गिक पध्‍दतीने शुन्‍य खर्चात शेती केल्‍यास कृषी क्षेत्र सुधारेल, याशिवाय कोणताच शेतकरी आत्‍महत्‍यादेखील करणार नाही, त्‍यामुळे झिरो बजेट, नैसर्गिक, अध्‍यात्मिक व विषमुक्‍त शेती स्विकारा, असे आवाहन निसर्ग शेतीचे प्रणेते सुभाष पाळेकर यांनी केले.

      वैराग (ता. बार्शी) येथील श्री साई चॅरिटेबल ट्रस्‍ट संचलित कॉलेज ऑफ इंजिनिअरिंग येथे गेल्‍या सात दिवसापासून चालू असलेल्‍या शेती शिबीराच्‍या समारोप प्रसंगी पाळेकर हे बोलत बोलत होते. यावेळी संस्‍थेचे संस्‍थापक व्‍यंकटेश ढेंगळेपाटील हे कार्यक्रमाच्‍या अध्‍यक्षस्‍थानी होते. तर प्रमुख पाहुणे म्‍हणून आमदार राजन पाटील, शहाजीराव मोरे, बार्शीचे तहसिलदार बालाजी सोमवंशी, वैराग पोलीस ठाण्‍याचे सपोनि उमाकांत शिंदे, सहकार खात्‍याचे उपसंचालक संतोष पाटील, विनायक गरड, साहेबराव देशमुख आदी मान्‍यवर उपस्थित होते. 

         

श्री तुळजाभवानी मातेच्‍या शाकंभरी नवरात्र महोत्सवास प्रारंभ

तुळजापूर -: महाराष्‍ट्राची कुलस्‍वामिनी श्री तुळजाभवानी मातेच्‍या शाकंभरी महोत्‍सवास आज सोमवारपासून मोठ्या उत्‍साहात प्रारंभ झाला आहे. दुपारी बारा वाजता श्री तुळजाभवानी मातेच्‍या सिंहासनावर मुर्तीची प्रतिष्‍ठापना करण्‍यात आली. त्‍यानंतर मुर्तीवर पंचामृत अभिषेक करण्‍यात आला. शाकंभरी महोत्सवानिमित्त देवीची विधीवत पुजा करण्यात आली. यावेळी मंदीर परिसर 'आई राजा उदो उदो, सदानंदीचा उदो उदो' या जयघोषाने दुमदूमुन गेला होता. 

विकासाभिमुख बार्शी तालुक्याला खराब रस्त्यांचा स्पीडब्रेकर

वैराग (महेश पन्‍हाळे) :- कोणत्याही क्षेत्राचा विकास साधण्यासाठी दळणवळण विकसित असणे महत्वाचे असते. बार्शी तालुक्याबाबतीतमध्ये मात्र हे अजिबात दिसून येत नाही. वाड्यावस्त्याच्या ग्रामीण रस्त्यापासून मोठमोठय़ा शहरासह राज्याना जोडणारे राज्यमार्ग देखील खराब झाल्याने दळणवळण संथ झाले आहे. परिणामी तालुक्याचा विकासही मंदावला आहे. याचा सर्वांधिक फटका मानवी आरोग्याला बसत असला तरी काही व्यवसाय मात्र चांगलेच तेजीत आहेत.

       तालुक्याच्या सर्वांगिण विकासासाठी जीवनवाहिनीचे काम रस्ते करीत असतात. जर रस्तेच खराब असतील तर केला तेच काम वेळेवर होत नाही. याउलट अपघात घडून नुकसानच अधिक होते. या खराब रस्त्याचे दारिद्रय़ बाश्री तालुक्याला अनेक वर्षापासून लागले आहे. कोणताही एक पूर्ण रस्ता एकही खड्डा नाही पण चांगला आहे, असा रस्ताच नाही. काही रस्ते आहेत. कुठे एक किलोमीटर तर कुठे दोन- तीन किलोमीटर टप्प्याटप्प्यांनी झालेले आहेत. खराब रस्त्यामुळे एसटी महामंडळाच्या सरकारी गाड्यांनी तर काही मार्गावरुन वाहतूक करणेच बंद केले आहे. काही मार्गावरच्या फेर्‍या कमी केल्या आहेत. त्यामुळे ग्रामीण जनता खाजगी वाहनातून प्रवास करीत आहे. पण खाजगी वाहनांची अवस्थाही कामापुरतीच असल्याने खराब रस्त्यामुळे प्रवास कधी सुखात दु:खात बदलेल हे सांगता येत नाही. बाश्री शहर वैद्यकीयदृष्ट्या प्रगत असल्याने ग्रामीण भागासह आसपासच्या तालुक्यातून अनेक लोक उपचारासाठी शहरात येतात. मात्र या खराब रस्त्यामुळे नेहमीच त्यांच्यासमोरील अडचणीमध्ये वाढ झालेली दिसून येते. शासन एका बाजूने रुग्णवाहिका उपलब्ध करुन देवून जलद उपचारासाठी लाखो रुपये खर्च करीत असताना दुसर्‍या बाजूने रुग्णवाहिका धावणारे रस्तेच चांगले नसल्याने जलद काम वेळेवर उपचार होणेच अवघड होवून बसले आहे. तालुक्याची कृषी प्रगतीही होत असताना विविध पिकांचे भरलेली वाहने असो वा ट्रक, ट्रॅक्टर, बैलगाड्यांची वाहतूक होणारी ऊस वाहतूक असो, वाहनांची मोडतोड मोठय़ा प्रमाणावर होते. त्यात ताजी भाजी नाशवंत माल असला तर वेळेचे बंधन असते, तो खराब रस्त्यामुळे वेळेवर पोहचत नाही. त्यामुळे शेतकर्‍यांचे मोठे नुकसान होते. खराब रस्ते केवळ डागडुजी करण्यावरच लाखो रुपये खर्च होत आहेत. वर्षानुवर्षे तेच ते कार्यक्रम राबवून रस्त्यांवरच करोडो रुपये आजही रस्त्यावरच खर्च होत आहेत. विशेष म्हणजे यानंतरही रस्ते खराबच आहेत. 

        बार्शी तालुक्यामध्ये १३८ गावांना जोडण्यासाठी ग्रामीण मार्ग सुमारे ७00 किलोमीटर पर्यंत तालुक्यात पसरले आहेत. तर इतर जिल्हा मार्ग सुमारे तीनशे किलोमीटर अंतराचे आहेत. अशा एकंदरीत एक हजार किलोमीटरच्या मार्गावरती नियंत्रण जिल्हा परिषद बांधकाम उपविभाग बाश्री यांचे आहे. विशेष म्हणजे यातील जवळपास सर्वच रस्त्यांची चाळण झाली आहे. आणि हेच रस्ते खर्‍या अर्थाने ग्रामीण जीवनाचे खरे साथीदार आहेत. याशिवाय सार्वजनिक बांधकाम उपविभागाचे प्रमुख जिल्हा मार्ग व राज्य मार्ग मिळून सुमारे ३१७ किलोमीटर अंतराचे रस्ते आहेत. यामध्ये सोलापूर, कुडरुवाडी, उस्मानाबाद, तुळजापूर, परंडा यासारख्या मार्गाचा समावेश आहे. हे रस्ते मोठे असले तरी दज्रेदार असल्याचे दिसून येत नाहीत. कुठे खचलेले तर कुठे उखडलेले दिसतात. नव्याने तयार होण्यापेक्षा दुरुस्ती करण्याचेच प्रमाण अधिक असल्याचे दिसून येते. खराब रस्त्यामुळे नागरिकांना पाठीचा त्रास होण्याचे प्रमाण दिवसेंदिवस वाढू लागले असून वाहनांचेही मोठय़ा प्रमाणावर नुकसान होत आहे. याचा फायदा मात्र वाहनदुरुस्ती, रस्ते दुरुस्ती, शरीर दुरुस्ती करणार्‍या विविध व्यवसायांचा चांगलाच फायदा होत आहे. खराब रस्ते चालू स्थितीमध्ये अडचणी व भविष्याची प्रगती रोखत असल्याने बाश्री तालुका मागे पडत आहे. त्यामुळे रस्त्यांच्या स्थितीमध्ये दज्रेदार सुधारणा होणे काळाची गरज बनली आहे.

    

        बार्शी तालुक्यातील रस्त्यांची स्थिती खराब आहे. मात्र एकाचवेळी सगळे रस्ते होणे शक्य नाही. तालुक्याचे आमदार व जिल्हापरिषद मिळून जास्तीतजास्त निधीची उपलब्धता करुन ते दज्रेदार बनवण्याचा प्रय▪करु.

- मकरंद निंबाळकर, आरोग्य व शिक्षण सभापती, जिल्हा परिषद सोलापूर.

         खराब रस्त्यांमुळे अपघाताच्या प्रमाणात वाढ झाली असून पाठदुखी, मणक्याचे आजार उद्भवत आहेत. त्याचबरोबर ग्रामीण रस्ते खराब असल्याने कामे कोणतीच जलद होत नाहीत. परिणामी खर्च अधिक, पण फायदा कमी अशी स्थिती आहे.   - सतीश गाटे, ग्रामस्थ.

दुष्काळग्रस्त बळीराजाला शेकापचे बळ

उस्मानाबाद :- नापिकी, गारपीट, आवर्षण, अशा निसर्गाच्या दुष्टचक्रात अडकलेल्या उस्मानाबाद जिल्ह्यातील दुष्काळग्रस्त बळीराजाला शेतकरी कामगार पक्षाने ठामपणे बळ दिले आहे. जिल्ह्यातील आत्महत्याग्रस्त शेतकर्‍यांच्या कुटुंबियांचा आर्थिक कोंडमारा दूर करण्यासाठी व त्यांच्याप्रत सहवेदना व्यक्त करण्यासाठी जिल्हा पत्रकार संघाच्या मदतीने ७० विद्यार्थी आणि पाच आत्महत्याग्रस्त शेतकर्‍यांच्या कुटूंबियांना ११ लाख रूपयांच्या मदतीचा हात देण्यात आला आहे. शेकापने पुढे केलेला हा मायेचा हात पाहून उपस्थितांचे डोळे आपसूक पाणावले. 

         शेतकरी कामगार पक्ष आणि उस्मानाबाद जिल्हा पत्रकार संघाच्या संयुक्त विद्यमाने सोमवार, २९ डिसेंबर रोजी शहरातील मेघमल्हार सभागृहात आत्महत्याग्रस्त शेतकर्‍यांच्या कुटूंबियांना आणि दुष्काळग्रस्त विद्यार्थ्यांना आर्थिक मदतीचे वाटप करण्यात आले. यावेळी शेकापचे आमदार विवेक पाटील, रायगड माजी जि. प. अध्यक्ष बाळाराम पाटील, प्रकाश म्हात्रे, मल्लीनाथ गायकवाड, सचिन तडङ्गळे, प्रा. अमोल दिक्षीत, किरण खपले, पत्रकार संघाचे अध्यक्ष महेश पोतदर आदि यावेळी उपस्थित होते. यावेळी आत्महत्याग्रस्त शेतकरी बाबासाहेब माणिक जगताप (रूईभर), तानाजी एकनाथ कदम (पांगरवाडी), त्र्यंबक सोपान चव्हाण (चव्हाणवाडी), बालाजी सुबराव बागल (शिंगोली), शंकर रामा लांडगे (मेंढा), व बापू दगडू गायकवाड (सरमकुंडी) या शेतकर्‍यांच्या विधवा पत्नींना मदतीचे धनादेश दिले. तसेच शेकापने ५० मुलांचे तिन वर्षाकरीता पालकत्व स्विकारले. त्यापैकी ८ मुलांना प्रतिनिधीक स्वरूपात आज मदत दिली. विधवा पत्नींना ३० हजार रोख, ७० हजार रूपयांची बँक मुदत ठेव, आई-वडीलांना प्रत्येकी १० हजार मदत, व मुलांना शिक्षणासाठी ५ व १० हजार रूपये रोख, असे मदतीचे स्वरूप होते.

         पनवेलचे भाई बाळाराम पाटील यांच्या वाढदिवसाचे औचित्य साधुन शेकापने हा उपक्रम राबविला. त्यासाठी उस्मानाबाद जिल्हा पत्रकार संघाने यात सहभागी होऊन एका चांगल्या उपक्रमाला साथ दिली. जिल्ह्यात शेतकर्‍यांच्या वाढत्या आत्महत्या या गंभिर विषयाकडे शेकापने लक्ष वेधले व येथील शेतकर्‍यांसाठी मदत करण्याचा प्रयत्न केला. पत्रकार संघाने जिल्ह्यातील सहा शेतकरी कुटूंबियांची प्राथमिक स्वरूपात निवड केली. ज्यांनी आत्महत्या केली त्याची कारणे व त्या समस्येवर उपाय सुचविले व त्यानुसार आज येथील मेघ मल्हार हॉलमध्ये या आत्महत्याग्रस्त शेतकरी कुटूंबियास मदत वाटप केली. यावेळी बोलताना शेकापचे विवेक पाटील यांनी, शेकाप लहान पक्ष असला तरी ती एक सामाजिक चळवळ आहे व आम्ही कायम बळीराजासोबत आहोत. त्यांचे दु:ख कमी करण्याचा हा प्रयत्न असल्याचे म्हटले. सरकार कुठलेही असो त्यांच्या चुकीच्या धोरणामुळे आज शेतकर्‍यांना आत्महत्या करण्याची वेळ आली आहे. आमचा पक्ष लहान आहे. पण आम्ही हा पक्ष न समजता सामाजिक चळवळ समजतो व त्यादृष्टीने काम करतो. वाढदिवसावर पैसा खर्च न करता त्यातुन कांही कुटूंबांना आधार देण्याचा प्रयत्न आहे. त्यामुळेच मागच्या वर्षी आम्ही पारनेरमध्ये काम केले. यावेळी तुळजापूर व उस्मानाबाद येथे काम करणार आहोत. यासाठी पत्रकार संघाने दिलेले योगदान महत्वपूर्ण आहे. आत्महत्याग्रस्त शेतकरी कुटूंबाला पुन्हा कर्जबाजारीपणाला सामोरे जावे लागू नये अशी मदत करत आहोत. ही मदत म्हणजे केवळ सुरूवात आहे. ज्या विधवा भगिनी अथवा मुले व्यवसाय करू इच्छितात त्यांनाही यापुढे व्यवसायासाठी मदत केली जाईल. शेतकरी मुलींची लग्न यामुळेही कर्जबाजारी होते. हे लक्षात घेऊन त्या ठिकाणी सामुदायिक विवाह सोहळाही आयोजित करण्यात येणार असल्याचे ते म्हणाले. दुष्काळावर कायम उपाय योजनासाठी जिल्ह्यातील दोन गावे दत्तक घेऊन तेथे जलसंधारणाची कामे केली जातील असेही त्यांनी म्हटले.

         ज्यांच्या वाढदिवसानिमित्त हा उपक्रम राबविला ते बाळाराम पाटील यावेळी बोलताना म्हणाले, पनवेलमध्ये वाढदिवस साजरा करताना असंख्य गुच्छ जमा होता. आठवडाभर भरगच्च कार्यक्रम होतात. हा सगळा पैसा व्यर्थ जातो. त्यामुळे यावेळी वाढदिवस न साजरा करता हा पैसा शेतकर्‍यांसाठी मदत म्हणून देण्याचा विचार आ. विवेक पाटील यांनी मांडला. त्यासाठी उस्मानाबाद जिल्ह्याची निवड केली. वास्तविक ही मदत ङ्गार आहे असे नाही. पण यातून त्यांना आता रोख मदत, भावी काळासाठी मुदत ठेव रक्कम देत आहोत. जेणेकरून पुन्हा कर्ज काढण्याची वेळ येणार नाही. मुलांच्या शिक्षणाचाही भार उचलत आहोत. कारण अशा शेतकर्‍यांची भावी पिढीसुद्धा घडावी हा हेतू आहे. हा उपकार नाही तर त्यांच्या प्रती सहवेदना आहेत अशी भावना व्यक्त केली. यावेळी सचिन तडङ्गळे यांनीही आपले मनोगत व्यक्त केले. प्रारंभी पत्रकार संघाचे अध्यक्ष महेश पोतदार यांनी प्रास्ताविक केले. कार्यक्रमाचे सुत्रसंचलन पत्रकार रविंद्र केसकर तर आभार प्रा. अमोल दिक्षीत यांनी मानले.

टंचाईसदृश परिस्थितीचा सर्वाधिक फटका कृषीक्षेत्राला

वैराग (महेश पन्हाळे) :- विविध क्षेत्रामध्ये कार्यकर्तृत्वाचा वेगळा ठसा उमटवणार्‍या महाराष्ट्राला अनिश्‍चित पावसामुळे व घटत्या प्रमाणामुळे सतत टंचाईसदृश परिस्थितीचा सामना करावा लागत आहे. या परिस्थितीचा सर्वाधिक फटका कृषीक्षेत्राला बसत असून पिण्याच्या पाण्यासह सिंचनाचा प्रश्नही गंभर बनला आहे. त्यामुळे टंचाई परिस्थितीवर कायमस्वरुपी मात करण्यासाठी शासनाच्यावतीने राज्यातील सर्व जिल्हय़ात जलयुक्त शिवार अभियान राबविण्यात येत आहे. यासाठी शासनासोबत लोकसहभागाची गरज असून टंचाई निवारण्यासाठी हे अभियान महत्त्वाची भूमिका बजावणार आहे.

          राज्यामध्ये गेल्या चार दशकापासून कोरडवाहू क्षेत्रातील पिकांच्या उत्पादनामध्ये चढ-उतार आढळून येत आहे. या परिस्थितीला कमी पाणी हेच कारण असून शेती व पिण्यासाठी शाश्‍वत पाणी उपलब्ध करुन ठेवणे काळाची गरज बनली आहे. याकरिता जलसंधारणांतर्गत एकात्मिक पध्दतीने उपायोजना करण्याचा नियोजनबध्द आराखडा तयार करण्यात येत आहे. याबाबत महाराष्ट्र शासन गंभीर बनले असून जलयुक्त शिवार अभियानाद्वारे ठिकठिकाणी उपायोजना करण्यासाइी हालचाली सुरु केल्या आहेत. राज्याता जवळजवळ ८२ टक्के क्षेत्र कोरडवाहू व ५२ टक्के क्षेत्र अवर्षण प्रवण आहे. यावर्षी अपुर्‍या पावसामुळे भूजल पातळीमध्ये २ मीटरपेक्षा जास्त घट २२३४ गावांमध्ये झाली असून यामुळे १८८ तालुके बाधित झाले आहेत. तर शासनाने २२ जिल्हय़ातील १९0५९ गावामध्ये टंचाईची परिस्थिती जाहीर केली आहे .त्यामुळे प्राधान्य क्रमाने या ठिकाणी जलयुक्त शिवार अभियान राबविणे आवश्यक आहे. याकरिता सर्वांसाठी पाणी टंचाईमुक्त महाराष्ट्र २00९ या अंतर्गत जलयुक्त शिवार अभियान हाती घेण्यात आले आहे. 

         या अभियानांतर्गत पावसाचे पाणी जास्तीत जास्त प्रमाणात गावच्या शिवारामध्येच अडविण्यात येणार आहे. याशिवाय भूगर्भातील पाण्याच्या पातळीत वाढ करणे, सिंचन क्षेत्राच्या वाढीसाठी संरक्षित पाणी व पाण्याच्या वापराच्या कार्यक्षमतेत वाढ करणे, राज्यातील सर्वांना पुरेसे पाणी उपलब्ध करुन देण्याची शाश्‍वतता, ग्रामीण भागातील बंद पडलेल्या पाणी पुरवठा योजनांचे पुनजिर्विकरण करुन पाणी पुरवठय़ामध्ये वाढ करणे, भूजल अधिनियमची अंमलबजावणी करणे, विकेंद्रीत पाणी साठे निर्माण करावे, पाणी साठवण क्षमता निर्माण करणारी नवीन कामे हाती घेणे, अस्तित्वात असलेली पण निकामी झालेल्या जलस्त्रोतांची (बंधारे, गाव तलाव, पाझर तलाव, सिमेंट बंधारे) पाणी साठवण क्षमता पुनस्र्थापित करणे, अस्तित्वातील जलस्त्रोतामधील गाळ लोकसहभागातून काढून पाणीसाठा वाढवणे, वृक्ष लागवड, पाणी ताळेबंदाची जागृती करणे, पाणी अडविणे, जिरवणे याबाबत प्रोत्साहित करुन लोकसहभाग वाढवणे आदी महत्त्वपूर्ण उद्देश या जलयुक्त शिवार अभियानाचे आहेत. शासकीय स्तरावरुन पाणीटंचाईचा सामना करण्यासाठी वेगवान हालचाली सुरु झाल्या आहेत. या शासकीय प्रयत्नांना लोकांनी सहभागी होऊन साथ दिली तर पाणी आडविण्याची व जिरविण्याची कामे दज्रेदार तसेच गतीने होतील. याशिवाय जनतेच्या प्रत्यक्ष सहभागामुळे त्याच्यात मौल्यवान पाण्यासंबंधीची जाणीवही निर्माण होईल. या जलयुक्त शिवार अभियानाची नितांत गरज सोलापूर जिल्हय़ाला असून विषम भौगोलिक परिस्थितीमुळे नेहमीच इतर जिल्हय़ात पडणार्‍या पावसावर विसंबून रहावे लागत आहे.

राज्यातील उपलब्ध पाणीसाठा

मोठे प्रकल्प  ८१ टक्के

मध्यम प्रकल्प ६७ टक्के

लघु प्रकल्प  ६0 टक्के

सात अनैतिक जोडप्यांना रंगेहात पकडले

बार्शी(मल्लिकार्जुन धारूरकर) वाडरी रस्त्यावरील ऋतु हॉटेल अॅन्‍ड लॉजवर तपासणी दरम्यान सात अनैतिक संबंध ठेवणार्‍या जोडप्यांना बार्शी पोलिसांनी रंगेहात पकडून कारवाई करण्यात आली. वरिष्ठांच्या आदेशानुसार पोलिस निरीक्षक सालार चाऊस यांच्या मार्गदर्शनाखाली एका पथकाने सदरची मोहिम राबविली.

   मागील अनेक दिवसांपासून सदरच्या लॉजवर मोठ्या प्रमाणात अवैध व्यवसाय सुरु असल्याची चर्चा शहरात सुरु होती. अनेक दिवसांपासून पोलिसांच्या तपासणीत कोणी रंगेहात सापडले नाही. रविवारी २८ रोजी मिळालेल्या माहितीनुसार पोलिसांनी कारवाई केली यावेळी बाहेरगावच्या अनेक महिला व पुरुष आढळून आले. चौकशी दरम्यान त्यांच्याकडे त्यांच्या संबंधांचा कसलाही पुरावा त्यांना देता आला नाही. सदरच्या महीलांपैकी काही चांगले शिक्षण घेतलेल्या व इतरांना शिकविणार्‍या असल्याची चर्चा शहरात सुरु होती. सदरच्या लॉज व्यावसायिकांवर गुन्हा दाखल करण्याचे काम उशीरापर्यंत सुरु होते.

राज्‍यात थंडीचा जोर वाढला

पुणे -: या आठवड्यात कमी झालेला थंडीचा कडाका शनिवारी पुन्‍हा वाढला. काही शहरांचे किमान तापमान वेगाने घसरले. नागपुरमध्‍ये सर्वांत कमी 6.7 अंश सेल्सिअस तापमानाची नोंद झाली. 

त्‍यापाठोपाठ नाशिकमध्‍ये 7.2 अंश सेल्सिअस तापमान नोंदविले गेले. देशाच्‍या उत्‍तरेकडील राज्‍यांमध्‍ये थंडीची लाट आली आहे. तेथून बोचरे वारे राज्‍यात तेगाने वाहत असल्‍याने पुन्‍हा पारा घसरू लागला आहे.

     नागपुरचे किमान तापमान सरासरीपेक्षा तब्‍बल 5.6 अंश सेल्सिअसने झाले होते. विदर्भाचे तापमान आज सर्वांत जास्‍त घटले होते. पुढील 48 तासांत राज्‍याच्‍या तापमानात आणखी घट होण्‍याची शक्‍यता पुणे वेधशाळेने वर्तविली आहे. 

    किमान तापमान : जळगाव 10, कोल्‍हापुर 15.4, महाबळेश्र्वर 10.6, मालेगाव 9, सांगली 14.5 सातारा 13.4, सोलापुर 13, मुंबई 21.6, अलिबाग 17.6,रत्‍नागिरी 18.9, डहाणू 17.1, उस्‍मानाबाद 9.9, औरंगाबाद 11.4,

परभणी 10.2, नांदेड 10, अकोला 8.6, अमरावती 12.2, चंद्रपूर 11, यवतमाळ 10.4 

सौजन्‍य ः लोकमत

कारीत एकाच रात्रीत तीन दुकाने फोडली

पांगरी :- पांगरी (ता.बार्शी) पोलिस ठाणे हद्दीतील चोर्‍याचे सुरू झालेले सत्र कांही केल्या थांबण्यास तयार नसून शुक्रवार दि. 26 शुक्रवारी मध्यरात्री चोरट्यांनी आपला मोर्चा कारी गावावर ओळवून गावातील मोबाइल शॉपी,पान स्टॉल,इलेक्ट्रिक वर्क्स,व रिवाईडिंग आदि वेगवेगळी तिन दुकाने फोडून हजारो रुपयांचा माल चोरून नेला.पांगरी जवळील गोरमाळे गावात एकाच रात्रीत दोन घरे फोडून सोन्याचे दागिने व इतर साहिती चोरून नेल्याची घटना ताजी असतानाच पुन्हा रात्री कारी गावातील दुकाने फोडल्यामुळे ग्रामस्थांमध्ये भीतीचे वातावरण पसरले असून बंद असलेली रात्रगस्त सुरू करण्याची मागणी करण्यात आली आहे॰

      शशिकांत अर्जुन माळी वय 40 रा.कारी यांनी पांगरी पोलिसात दिलेल्या फिर्यादीत म्हटले आहे की त्यांचे कारी गावात भर रस्त्यावर श्री दत्त मोटार रिवाईडिंग वर्क्स या नावाने दुकान असून ते रात्री एक वाजेपर्यंत दुकानात मोटारी भरण्याचे काम करून घरी झोपण्यासाठी गेले असता तेथेच दबा धरून बसलेल्या अज्ञात चोरट्यांनी ते घरी गेल्याची संधि साधून दुकानाचे कुलूप तोडून दुकानातील पन्नास कि.लो.ग्रॅम तांब्याची तार इतर दुकातील साहित्य चोरून नेले.ते आज सकाळी दुकान उघडण्यासाठी आले असता ही घटना त्यांच्या निदर्शनास आली. तसेच चोरट्यांनी नंतर शेजारीच असलेल्या उमेश अंकुश मुळे यांच्या मालकीच्या यशराज पान अँड मोबाइल शॉपीकडे आपला मोर्चा वळवून कुलूप तोडून आतमधील विविध कंपन्यांचे सात मोबाइल,रोख साडेचार हजार रुपये असा ऐवज चोरून नेला.

      तिसर्‍या घटनेत गावातीलच गोरोबा रंगनाथ गादेकर वय 50 यांच्या मालकीच्या दत्त इलेक्ट्रिकल्स व मोटार रिवाईडिंग या दुकानाकडे जावून दुकानाच्या पाठीमागील पत्रा कापून दुकानात प्रवेश करून मोटारी भरण्यासाठी आवश्यक असलेली तांब्याची तार व बंडल चोरट्यांनी लंपास केले.एकाच रात्री तिन ठिकाणी दुकान फोडया झाल्यामुळे व हजारो रुपयाचा माल चोरून नेल्यामुळे दुकाचालकासह जनतेंधून भयभीत वातावरण दिसून येत आहे.वाढत्या चोरया थांबवण्याचे पांगरी पोलीसासमोर मोठे आव्हान उभे राहिले आहे.पांगरी पोलिसात गुन्हा दाखल झाला आहे.तपास हवालदार शेटे हे करत आहेत.

तालुकास्‍तरीय वक्‍तृत्‍व स्‍पर्धेत वैष्‍णवी जानराव प्रथम

पांगरी (गणेश गोडसे) -: महाराष्ट्र शासनाचा पाणी पुरवठा व स्वछता विभाग जिल्हा परिषद सोलापूर यांच्या संयुक्त विद्यमाने घेण्यात आलेल्या बार्शी तालुकास्तरीय स्वछतामित्र वक्तृत्व करंडक स्पर्धा 2014-15 यामध्ये  पांगरी ता.बार्शी येथील कु.वैष्णवी विष्णु जानराव हिने तालुक्यात प्रथम क्रमांक मिळवला. रोख पाच हजार रुपयांचा धनादेश व शासनाचे प्रमाणपत्र असे बक्षिसाचे स्वरूप आहे.

      वैराग येथील महाविद्यालयात पार पडलेल्या स्वछतामित्र स्पर्धेत सहभागी 35 स्पर्धकामधून कु.जानराव हिची निवड करण्यात आली.कु.जानराव ही सध्या पांगरी येथील सर्वोदय विध्या मंदिर व कनिष्ठ महाविद्यात अकरावीत शास्त्र शाखेत शिक्षण घेत आहे.तालुकास्तरीय  यश मिळवल्याबद्दल तिचे बार्शीचे गत विकास अधिकारी प्रशांतसिह मरोड यांच्यासह विविध स्तरामधून अभिनंदन होत आहे.

राज्‍यातील शेतक-यांना आडतमुक्‍त करण्‍याची मागणी

पांगरी  (गणेश गोडसे) :- राज्यातील शेतकर्‍यांना आडतमुक्त न केल्यास जिल्हाभर रास्ता रोको,चक्का जाम आदि आंदोलने करण्याचा इशारा राज्य युवा शेतकरी संघटनेच्या वतीने एका लेखी निवेदनाद्वारे तहसीलदारांना देण्यात आला आहे.पणनसंचालक डॉ.सूभाष माने यांनी बार्शी येथे कार्यक्रमानिमित्त आल्यावर राज्यातील शेतकर्‍यांना आडतमुक्क्त करणार असल्याची घोषणा करुण त्यानुसार त्यांनी राज्यातील शेतकर्‍यांना आडतमुक्त केल्याचा आदेशहि काढला होता.मात्र व्यापारी व बाजारसमित्यांचे हित जोपासत राज्याचे सहकारमंत्री चंद्रकांत पाटील यांनी माने यांचे अधिकार गोठवुन त्यांच्या आदेशाला स्थगिती देत पंधरा दिवसामध्ये पुन्हा बैठक घेऊन त्यावर निर्णय घेणार असल्याचे जाहीर केल्यामुळे शेतकर्‍यात असंतोष पसरला आहे.

   नायब तहसिलदार उत्तम पवार यांना निवेदन देतेवेळी राज्य युवा शेतकरी संघटनेचे  राज्य अध्यक्ष शंकर गायकवाड,वकील आघाडी प्रमुख दिनेश गायकवाड,तालुका अध्यक्ष हनुमंत भोसले,कार्याध्यक्ष तात्यासाहेब शिंदे,अरुण घायतिडक,शंकर देशमुख,संभाजी पवार,बाळासो वाळके,हनुमंत चौगुले,राजेंद्र भोसले,सुनील बिराजदार,औदुंबर मोरे,आदि शेतकरी उपस्थित होते.

राज्यपाल सी. विद्यासागर राव उस्‍मानाबाद जिल्‍हा दौ-यावर

उस्मानाबाद  :-   महाराष्ट्राचे राज्यपाल महामहिम सी. विद्यासागर राव हे जानेवारीच्या दुस-या आठवडयात उस्मानाबाद जिल्हा दौ-यावर येत आहेत. यावेळी ते तुळजापूर तालुक्यातील टाटा सामाजिक विज्ञान संस्थेला भेट देऊन तेथील राष्ट्रीय ग्रामीण युवक महोत्सवास उपस्थितीत राहणार असून ते टंचाईग्रस्त भागातील गावांना भेटी देण्याही शक्यता आहे. या संदर्भात जिल्हा प्रशासनाने येथील जिल्हाधिकारी कार्यालयाच्या सभागृहात सर्व विभाग प्रमुखांची  पूर्वतयारी आढावा बैठक घेतली.

जिल्हाधिकारी डॉ. प्रशांत नारनवरे यांनी यावेळी विविध विभागांनी करावयाची तयारी आणि कार्यवाहीबाबत संबंधितांना सूचना दिल्या. यावेळी अतिरिक्त पोलीस अधीक्षक बाळकृष्ण भांगे, अतिरिक्त मुख्य कार्यकारी अधिकारी बी. एन. उबाळे, उपजिल्हाधिकारी अरविंद लाटकर, प्रभोदय मुळे, निवासी उपजिल्हाधिकारी श्रीरंग तांबे, टाटा सामाजिक संस्थेचे डॉ.श्रीकृष्ण सुधीर, बिपीन दास,सदानंद भोसगे, डॉ. गुणवंत बिराजदार यांच्यासह विविध विभागांचे वरिष्ठ अधिकारी उपस्थिती होती. 

यावेळी विभाग प्रमुखांना मार्गदर्शन करतांना डॉ.नारनवरे यांनी रस्ते व हॅलीपॅड बाबत सार्वजनिक बांधकाम विभागांनी, मंदीर संस्थान, पोलीस विभाग, अन्न व औषध प्रशासन आणि आरोग्य विभागांनी चोख व्यवस्था ठेवण्याचे निर्देश त्यांनी दिले. यात्रेकरुंची गर्दी व मोकाट जनावरे,  पार्कींग व्यवस्था यांचा बदोबस्त संबंधित विभागांनी करावा. आपल्याला देण्यात आलेली कामे वेळेवर पूर्ण करावीत याबाबत प्रत्यक्ष जाऊन स्थळांची पाहणी करावी. व्यवस्थेमध्ये कोणत्याही  प्रकारची कमतरता राहू नये, यासाठी संबं‍धित विभागांनी देण्यात आलेल्या आदेशाचे पालन करावे, असेही निर्देश यावेळी देण्यात आले. 

यावेळी तांबे यांनी  सर्व संबंधित विभागांना देण्यात आलेल्या कामकाजाचा आढावा घेऊन योग्य त्या सूचना दिल्या.              

टेंभूर्णीच्या पत्रकारावरील हल्ल्याचा बार्शीत निषेध

बार्शी (मल्लिकार्जुन धारूरकर) -: बेकायदा धंद्याविरोधात बातमी दिल्याचा राग मनात धरुन अवैध धंदे करणार्‍या गुंडाकडून जिल्ह्यातील टेंभूर्णी येथील प्रविण तुपसुंदर या पत्रकारास गंभीर जखमी करण्यात आले. जिल्ह्यातील विविध संघटनांनी या घटनेचा तीव्र निषेध केला आहे. बार्शीतील पत्रकारांनी निषेधासह हल्ल्याचा तपास करण्याबाबतचे निवेदन बार्शीतील पोलिस निरीक्षक सालार चाऊस यांना दिले आहे.

पोलिस निरीक्षक सालार चाऊस यांना निवेदन देतांना चंद्रकांत करडे, गोरक्षनाथ यादव, भैरवनाथ चौधरी, सचिन अपसिंगकर, गणेश घोलप, प्रशांत काळे, संजय बारबोले, सुदर्शन हांडे, मल्लिकार्जुन धारुरकर, विनोद ननवरे, सचिन वायकुळे आदी पत्रकार उपस्थित होते.

बुधवारी सकाळी टेंभूर्णीतील कुर्डूवाडी चौकात प्रविण तुपसुंदर यांना आनंद विलास तांदळे (वय ३१), विकास विलास तांदळे (वय १९) यांनी लाकडी दांडके, लाथाबुक्क्यांनी बेदम मारहाण करुन जीवे मारण्याची धमकी दिल्यानंतर इंदापूर येथे उपचारासाठी दाखल करण्यात आले. आनंद तांदळे याच्याविरोधात अनेक गुन्हे दाखल असल्याची माहिती टेंभूर्णी पोलिसांकडून मिळत आहे. त्याच्याविरोधात हद्दपारीची प्रक्रियाही यापूर्वी सुरु झाली असून शासकिय कर्मचार्‍यांनाही त्याच्याकडून मारहाण झाली आहे. अवैध व्यावसायिकांकडून पत्रकारांवरील हल्ल्यांचे प्रमाण वाढत असल्याने गंभीर स्वरुपाचा गुन्हा नोंद करण्याचा कायदा संमत होण्याची मागणी जोर धरत आहे.

दिड लाखाच्या गुटख्यासह वाहन जप्त

बार्शी (मल्लिकार्जुन धारूरकर) :- बार्शीत मोठ्या प्रमाणात बेकायदा गुटखा विक्री सुरु असल्याची माहिती मिळल्यानंतर सोलापूर येथील औषधे व अन्न सुरक्षा विभागाच्या अधिकारी रेणुका रमेश पाटील यांनी केलेल्या कारवाईत टेंपोतून ५ पोती गुटख्याचे बेकायदा वितरण होत असल्याची बाब समोर आली आहे. शिवाजी आखाडा परिसरात केलेल्या कारवाईत वाहन चालक पोपट बाबा ठोंगे याला रंगेहाथ पकडून त्याच्यासह अन्य एकावर गुन्हा दाखल करण्यात आला आहे. वजीर गुटखा नावाच्या पाच पोते मालाची अंदाजे १ लाख ४० हजार व गुन्ह्यात वापरण्यात आलेले पिकअप वाहन क्रमांक एम.एच.१३ ए.एम. ४८४० किंमत २ लाख ५० हजार अशा एकूण ३ लाख ९० हजारांचा ऐवज जप्त करण्यात आला आहे. भा.दं.वि.१८८, २७३, ३२८ अन्न सुरक्षा व मानदे अधिनियम २००६ चे कलम २६ (२) आय, ७२६ (२) ४ व नियमन ३, १, ७ (१) (ए) २,३,४ उल्लंघन शिक्षापात्र कलम ५९ प्रमाणे गुन्हा नोंद करण्यात आला असून पुढील तपास सहाय्यक पोलिस निरीक्षक अतुल बोस हे करीत आहेत.

मुद्देमाल जप्त करुन केलेल्या कारवाईनंतर बार्शीत खुलेआम विक्री होत असलेल्या सर्व प्रकारच्या गुटख्याची विक्री तात्पुरती बंद करण्यात आली आहे. काही दिवसांतच पुन्हा नव्या उमेदीने व मोठ्या जोमाने अवैध व्यवसायांचे थैमान सुरु होईल असा प्रश्‍न अन्न सुरक्षा अधिकारी आर.आर.पाटील यांना विचारला असता आपल्याला देण्यात आलेल्या ५ तालुक्यांच्या कार्यक्षेत्रात कारवाई करतांना येणार्‍या अडचणी, बंधने, पाहिजे तेवढे मनुष्यबळ मिळत नसल्याने अनेक अवैध व्यवसाय करणार्‍या आरोपींविरोधात गुन्हा नोंद होत नाही अथवा ते कायदेशीर बाबीत समोरही येत नसल्याची कबुली त्यांनयी दिली. शासनाने आणखी मोठ्या प्रमाणात अधिकारी, सहाय्यक व यंत्रणा वाढविल्यास यावर अंकुश येईल असेही त्यांनी यावेळी सांगीतले.

फोटो औषधे व अन्न सुरक्षा विभागाच्या अधिकारी रेणुका रमेश पाटील यांनी केलेल्या कारवाईत टेंपोतून ५ पोती गुटख्याचा मुद्देमाल हस्तगत केला

        यावेळी पोलिस निरीक्षक सालार चाऊस, तपास अधिकारी अतुल बोस व पोलिस कर्मचारी करत आहेत. 

आनंदयात्रीने बालनाट्य स्पर्धा सुरु कराव्या : धैर्यशील मोहिते-पाटील

बार्शी(मल्लिकार्जुन धारूरकर) : आनंदयात्री प्रतिष्ठानच्या वतीने घेण्यात आलेल्या राज्यस्तरीय एकांकिका स्पर्धेची उंची वाढत आहे. कला अभिनयाच्या माध्यमातून कलाकारांना न्याय देण्याचा त्यांचा उद्देश सफल झाला आहे यावर न थांबता त्यांनी यापुढे बाल नाट्य स्पर्धांचे आयोजन करुन बाल कलाकारांना पुढे आणण्याचा प्रयत्न करावा. यामुळे मुलांच्या पालकांनाही आपल्या पाल्याची दर्जेदार गुणवत्ता वाढत असल्याचे पाहून आनंद होईल असे प्रतिपादन जिल्हा परिषदेचे गटनेते धैर्यशील मोहिते-पाटील यांनी व्यक्त केले.

बार्शीतील आनंदयात्री प्रतिष्ठानच्या वतीने आयोजित केलेल्या राज्यस्तरीय एकांकिका स्पर्धेच्या उद्घाटन प्रसंगी ते बोलत होते. यावेळी व्यासपीठावर ज्येष्ठ पत्रकार राजा माने, सिने अभिनेत्री स्मिता गोंदकर, माजी नगराध्यक्ष योगेश सोपल, नगराध्यक्ष रमेश पाटील, उपनगराध्यक्ष अरुणा परांजपे, प्रतिष्ठानचे अध्यक्ष नागेश अक्कलकोटे, परिक्षक दिलीप घारे, ज्ञानेश मुळे, काकासाहेब शिंदे आदी मान्यवर उपस्थित होते.

धैर्यशील मोहिते-पाटील म्हणाले, एकांकिका ही केवळ करमणूक नसून यातून समाजातील अनेक जिवंत प्रश्‍न रेखाटण्याचे व त्यातून मार्ग काढण्याचे व्यासपीठ आहे. कलाकारांसाठी आयोजित केलेल्या विविध कार्यक्रमांसाठी राजाश्रयाची आवश्यकता लागते त्याशिवाय अशा प्रकारचे उपक्रम घेता येत नाहीत. अकलूजमध्ये अशा प्रकारच्या उपक्रमांतून अनेक कलाकार, ईव्हेंट मेकिंगचे प्रशिक्षण घेऊन अनेकांनी आपले वेगळे व्यवसाय सुरु केले. यातून वेगळ्या प्रकारची इनस्ड्रीज तयार झाली. यापुढे आणखी चागले दिवस येतील व प्रेक्षकांनाही यातून चांगली करमणूक व आनंद मिळेल.

ज्येष्ठ पत्रकार राजा माने म्हणाले, बार्शीचे नाव अनेक बाबतीत पुढे आहे बार्शीच्या इतिहासात आनंदयात्री प्रतिष्ठानच्या नावाची भर पडली आहे. अष्टपैलू, कलाप्रेमी, संवेदनशील आमदार दिलीप सोपल यांच्या वाढदिवसानिमित्त मागील तीन वर्षांपासून या स्पर्धांचे आयोजन करण्यात आले आहे. बचर्शीची नाट्यचळवळ व नाट्यपरंपराही मोठी असून आनंदयात्री स्पर्धेतून नाव मिळविणार्‍या कलाकारांना हा मानाचा तुरा आहे. बार्शीत बाल नाट्य स्पर्धांसारखे उपक्रम सुरु करण्याबरोबर सोलापूर विद्यापीठातून नाट्य शास्त्र, फिल्म मेकिंग कोर्स सुरु करण्याचे प्रयत्न व्हावेत. कला ही जन्मजात असावी लागते हे खरे असले तरी बदलत्या तंत्रज्ञानानुसार लोकांची मागणीही लक्षात घेणे गरजेचे आहे. नागनाथ मंजूळे सारख्या ग्रामीण कलाकाराने आज आंतराष्ट्रीय महोत्सवांत नाव मिळविले आहे. ग्रामीण कलाकारांना आणखी जास्त प्रोत्साहन मिळावे हाच आनंदयात्री प्रतिष्ठानचा मुख्य उद्देश आहे.

बार्शीत भारतीय कम्युनिस्ट पक्षाचा वर्धापन साजरा

बार्शी(मल्लिकार्जुन धारूरकर) : भारतीय कम्युनिस्ट पक्ष, सोलापूर जिल्हा कौन्सीलच्या वतीने ९० व्या वर्धापन दिनानिमित्त विळा कनीस असलेल्या लाल झेंड्याचे सफाई कर्मचारी कॉम्रेड रमाबाई कुचेकर, साधना वाघमारे यांच्या हस्ते ध्वजारोहन करण्यात आले. बार्शीतील भगवंत मैदानावरील आयटक कामगार केंद्र कार्यालयात हा कार्यक्रम घेण्यात आला. ङमिक एकजुटीचा विजय, पक्षाचा विजय, वर्धापन चिरायु आदी घोषणा देऊन पेढे वाटून आनंदोत्सव साजर करण्यात आला. सचिव कॉ.प्रविण मस्तुद यांनी मनोगत केले. यावेळी अनिरुध्द नकाते, भारत भोसले, अब्बास बागवान, केतन शेळके, राजू लालबेग, निर्मला सरवदे, शांता जाधव, चंद्रकांत देशमुख, किसन मुळे, शाहपरि शेख, विद्या कदम, अंजना वाघमारे, नंदा कांबळे, ताई लोकरे, सुवर्णा कांबळे आदी उपस्थित होते.

वुशू मार्शल आर्टसच्‍यावतीने चित्रपट कलावंत अमोल वाणी यांचा सत्‍कार

बार्शी (मल्लिकार्जुन धारूरकर) येथील वुशू मार्शल आर्टस संघटनेच्‍यावतीने शिवशक्‍ती मैदानातील इनडोअर स्‍टेडियम येथी मराठी चित्रपट कलाकार अमोल अर्जुन वाणी यांचा आ.पी.एल चित्रपटाच्‍या प्रमोशननिमित्‍त जाहीर शुभेच्‍छापर सत्‍कार करण्‍यात आला. 

   कराटे कलेच्‍या प्राविण्‍यातून चित्रपटसृष्‍टीत यंधी मिळवणा-या या नवोदित कलावंताचे कौतुक करण्‍यासाठी हा कार्य्रमम कराटे प्रशिक्षणार्थी मुलांना प्रेरणा म्‍हणून आयोजित करण्‍यात आला होता. याप्रसंगी वुशू संघटनेचे फुलचंद जावळे, प्रशिक्षक प्रदीप हागरे, क्रिडा शिक्षक विजयानंद निंबाळकर, संजय पटील, संपादक प्रा. लक्ष्‍मणराव मस्‍के आदि मान्‍यवर उपस्थित होते. याप्रसंगी बोलताना अमोल वाणी यांनी मला ही संधी केवळ कराटे केल्‍यामुळे मिळाली असल्‍याचे मनोगत व्‍यक्‍त करून कराटे केलेला चांगले दिवस येत असल्‍याचे त्‍यांनी बोलून दाखलविले. 

  यावेळी संजय पाटील, विजयानंद निंबाळकर, लक्ष्‍मण मस्‍‍के यांनी मनोगत व्‍यक्‍त केले. कार्यक्रमाचे प्रास्‍ताविक व सुत्रसंचालन फलचंद जावळे यांनी केले तर आभार प्रदर्शन प्रशिक्षक प्रदिप हागरे यांनी केले. 

सिताफळाने दिला शेतकर्‍यास आधार; शेतकर्‍याने घेतले एकरी ४ लाखांचे उत्पन्न

बार्शी  (मल्लिकार्जुन धारुरकर) आमच्याकडील रोपे घ्या याला भरघोस उत्पादने मिळतात अशा प्रकारच्या जाहीराती करुन काही जणांनी उद्योग सुरु केले आहेत. काही शेतकर्‍यांना त्याचा उपयोग झाला परंतु बहुतांश शेतकर्‍यांना त्यांचे वाईट अनुभव आल्याने अशा प्रकारच्या जाहीरातींची भिती वा

टत आहे. वाणेवाडी येथील शेतकर्‍याने मात्र प्रामाणिक प्रयोग करुन स्वत:चे सिताफळाचे कलम स्वत: विकसीत करुन शेतकर्‍यांना मोफत मार्गदर्शन सुरु केले आहे. त्यांनी घेतलेल्या उत्पादनानंतर अनेक शेतकरी भेटी देण्यासाठी येऊन कौतुक करतांना दिसत आहेत.

दुष्काळजन्य परिस्थितीत शेतकर्‍यांनी आहे त्या परिस्थितीला तोंड देत नवनवीन प्रयोग राबविण्यास सुरुवात केली आहे. वाणेवाडी (ता.बार्शी) येथील अनंता महादेव गरदडे या शेतकर्‍याने विकसीत केलेल्या सीताफळाच्या झाडांना एकरी ४ लाख ८० हजारांचे उत्पन्न मिळत असल्याने इतर शेतकर्‍यांना यातून प्रेरणा मिळत आहे. कृषि सहाय्यक गणेश पाटील यांनी शेतकर्‍यांना मार्गदर्शन केले आहे.

बाळानगरी जातीच्या सिताफळाच्या रोपांवर पहिल्या वर्षी पेन्सिलच्या आकाराची फांदी झाल्यानंतर पाचर कलम करुन विकसीत केलेल्या गोल्डन जातीच्या सिताफळास चविष्ठ लहान फळ येते तर हनुमान जातीच्या सिताफळाच्या मोठ्या आकारातील फळ तयार होते. १५ फुटांच्या अंतरावर रोपांची लागवड करण्यात येते. लागवडीनंतर या रोपांना तीन वर्षानंतर उत्पादन सुरु होते. सिताफळाच्या झाडांमध्ये दोन झाडांच्यामध्ये शेवगा, सोयाबीन आदी आंतरपिक घेतल्यास त्याचेही स्वतंत्र उत्पन्न मिळू शकते, जनावरांची भिती नसल्याने या पिकासाठी राखण करण्याची आवश्यकता पडत नाही. कोणत्याही प्रकारच्या रासायनिक खतांची गरज पडत नाही. पाण्याचीही जास्त गरज नसल्याने शेतकर्‍यांना जास्त श्रमाची गरज नाही. रासायनिक खतांचा वापर नसल्याने तसेच त्याची टिकवणक्षमता चांगली असल्याने मार्केटमध्ये त्याला चांगल्या प्रकारची मागणी असून सद्यस्थितीत उच्चांकी १८० रुपये प्रतिकिलोस दर देण्यात येतो. सरासरी पाहिल्यास स्टँडर्ड आकाराची १० किलो, दुय्यम आकाराची ८ किलो, कमी दर्जाची २ किलो अशा २० किलोपर्यंत फळांचे उत्पादन तर बाजारातील किंमत पाहता एका झाडापासून १५०० रुपये प्रतिहंगामास उत्पन्न मिळते. गरदडे यांनी त्यांच्या शेतामध्ये २० एकर गोल्डन जातीचे सिताफळ, हनुमान जातीचे १० एकर बाळानगरी ४ एकर क्षेत्रात लागवड केली आहे. ड्रीप केल्याने त्यांना गरजेच्या वेळी पाणी देतांनाही पाण्याचा अपव्यय होत नाही. खर्चाचा विचार करता पहिल्या वर्षी मातृवृक्ष गावठी रोपास प्रत्येकी १० रुपये, कलम करण्यासाठी ५ रुपये, ६० सें.मी.बाय ६० सें.मी.खड्डा घेण्यासठी एकरी ५ हजार, ठिबक करण्यासाठी एकरी १५ हजार, आंतरमशागतीसाठी २ हजार, कुळवणीसाठी २ हजार, ४ ट्रॅक्टर ट्रॉली शेणखतासाठी २० हजार या प्रमाणे जवळपास ५० हजार रुपये प्रतिएकरास खर्च येतो. दुसर्‍या वर्षी आंतरमशागत व शेणखताचा सुमारे २२ हजार रुपये खर्च तिसर्‍या वर्षी जवळपास २२ हजारांचा खर्च तर या वर्षी उत्पादनासही सुरुवात होते. यावेळी ६ ते १२ फळांचे उत्पादन प्रत्येक रोपास, सुमारे ३ किलो फळ, ५०० रुपये प्रति झाडांना उत्पन्न मिळते. चौथ्या वर्षीपासून १५०० रुपये प्रतिझाडाचे उत्पन्न सुरु होते. बाजारभावाचा विचार करता एकरी ४ लाख ८० हजारांचे उत्पादन तर लागवड, बॉक्स पॅकींग, काढणी, वाहतूक, प्रतवारी आदी खर्च वजा जाता ३ लाख ९२ हजार ते ४ लाखापर्यंत प्रतिएकरी उत्पादन मिळते. फळांच्या सिझन नंतर पानगळ होते अथवा काही वेळा पाने काढून टाकावी लागतात व शेंड्याची छाटणी करावी लागते. याकरिता एकरी २ हजारांपर्यंत खर्च लागतो. खाली पडलेल्या पानांचा उपयोग सेंद्रीय खत उवा मल्चिंगसाठी करता येतो. फळमाशीचा बंदोबस्त करण्यासाठी टाकाऊ वस्तूच्या रिकाम्या प्लास्टीक डब्यापासून काम गंध सापळा तयार करता येतो. उत्पादन सुरु झाल्यानंतर १५ वर्षांपर्यंत त्याचे चांगले उत्पन्न मिळू शकते.

शासनाच्या कृषि विभागाकडून गरदडे यांना हेक्टरी ३२ हजार ९३० प्रमाणे अनुदान दिले आहे. कृषि विभागाचे गणेश पाटील यांनी गरदडे व इतर शेतकर्‍यांना यासाठी वेळोवेळी मार्गदर्शन केले आहे. विदर्भ 

मराठवाड्यातील शेतकर्‍यांसाठी सिताफळाची शेती एक वरदान होऊ शकते. 

10 वर्षीय मुलाचा गळफास घेवून आत्‍महात्‍या

पुणे - जर्किनचा हट्ट न पुरवल्याने एका १० वर्षीय मुलाने गळफास घेऊन आत्महत्या केल्याचा धक्कादायक प्रकार पुण्यात घडला आहे. घरात कुणीही नसताना या मुलाने पंख्याला ओढणी बांधून गळफास घेत स्वत:चे जीवन संपवले. या घटनेने संपूर्ण शहरात खळबळ माजली आहे. 

      आदित्य पिसाळ असे आत्महत्या करणाऱ्या मुलाचे नाव आहे. धनकवडी परिसरात राहणारे बांधकाम व्यावसायिक सुनील पिसाळ यांचा तो मुलगा होता. सुनील यांच्या बहिणीचा रविवारी वाढदिवस होता. त्यासाठी हॉटेलमध्ये ठेवलेल्या पार्टीला घरातील सगळेच जाणार होते. यावेळी आदित्यने आईकडे जर्किनसाठी हट्ट धरला. मला आत्ताच्या आत्ता जर्किन हवे नाहीतर मी तुमच्यासोबत येणार नाही, असे त्याने सांगितले. त्यावर आता तुला स्वेटर घेऊ, असे सांगून आईने त्याची समजूत घालण्याचा प्रयत्न केला. मात्र, आदित्यने जर्किनचा हट्ट काही सोडला नाही. आईवर तो रागावलाही. आदित्य काही केल्या ऐकत नसल्याने शेवटी त्याला एकटेच घरी ठेऊन बाकी सगळेजण हॉटेलमध्ये गेले. त्याचवेळी आदित्यने आत्महत्येचा टोकाचा निर्णय घेतला. 

  रात्री सव्वा दहाच्या सुमारास कॉम्प्युटरच्या टेबलवर उभे राहून त्याने पंख्याला ओढणी बांधली आणि ओढणीने गळफास घेऊन आत्महत्या केली. आज सकाळी आदित्यवर अंत्यसंस्कार करण्यात आले असून याप्रकरणी अधिक तपास पोलीस करत आहेत.

दरम्यान, अवघ्या १० वर्षाच्या मुलाने आत्महत्या करण्याची ही घटना सर्वांनाच धक्का दोणारी असून मुलांच्या हट्टीपणाचा मुद्दा अधिकच गडद बनला आहे.  

समाजसेवी संस्थांचा मदतीमुळे प्रशासनाच्या सकारात्मक प्रयत्नांना बळ : डॉ. नारनवरे

उस्मानाबाद :- अडचणीत असणा-या शेतक-यांच्या मदतीसाठी प्रशासनाला सहकार्य म्हणून अनेक समाजसेवी संस्था पुढाकार घेतात आणि शेतक-यांच्या प्रती त्यांची आपुलकी व्यक्त करतात, ही अभिमानाची बाब आहे. प्रशासन करीत असलेल्या प्रयत्नांना यामुळे सकारात्मक बळ मिळेल, अशी भावना जिल्हाधिकारी डॉ. प्रशांत नारनवरे यांनी आरणी, ता. उस्मानाबाद येथे बोलताना व्यक्त केली.
         आरणी येथे महेश सेवा समिती, डोंबिवली आणि क्रीड सोसायटी, कल्याण यांनी गारपीटग्रस्त शेतक-यांना मदत म्हणून वीस सिमेंटचे हाळ (हौद) जनावरांच्या पिण्याच्या पाण्याच्या सोईसाठी उपलब्ध करुन दिले. जिल्हाधिकारी डॉ. नारनवरे यांच्या हस्ते ते गावक-यांसाठी उपलब्ध करुन देण्यात आले. त्यावेळी ते बोलत होते. उपविभागीय कृषी अधिकारी उमेश बिराजदार, तहसीलदार सुभाष काकडे, महेश सेवा समितीचे अध्यक्ष प्रताप माने, क्रीड सोसायटीचे अध्यक्ष नामदेव पाटील, तालुका कृषी अधिकारी डी. आर. जाधव, नायब तहसीलदार राजेश जाधव, मंडळ कृषी अधिकारी ए.पी.चिक्षे, श्री. वाघ, श्री. सस्ते आदींची यावेळी उपस्थिती होती.
         कार्यक्रमाच्या सुरुवातीला उपस्थित शेतकऱ्यांनी कोणत्याही परिस्थितीला डगमगणार नाही आणि आत्महत्या करणार नाही, अशी शपथ घेतली. त्यानंतर शेतकऱ्यांना प्रातिनिधीक स्वरुपात शेतकरी गट स्थापनेचे प्रमाणपत्र देण्यात आले. जिल्हाधिकारी डॉ. नारनवरे यांच्या हस्ते यावेळी सिमेंटचे पाण्याचे हाळ गावक-यांकडे सुपूर्त करण्यात आले.
         यावेळी जिल्हाधिकारी डॉ. नारनवरे म्हणाले की, आपल्या जिल्ह्यातीलच काही तरुण शेतकरी एकत्र येऊन शेतीत नवे प्रयोग करीत आहेत. तसेच जिल्हा प्रशासनही शेतकरी गटाच्या माध्यमातून एकत्र येणाऱ्या शेतकऱ्यांना केंद्र व राज्य शासनाच्या योजना एकत्रितरित्या देऊन एकात्मिक विकासासाठी प्रयत्नशील आहे. पाच महिन्यांपूर्वी केवळ पाचशे शेतकरी गट जिल्ह्यात होते. आज ती संख्या पंधरा हजार इतकी झाली आहे. शेतकरी एकत्र आले तर विविध योजनांची अंमलबजावणी चांगल्या पद्धतीने होऊ शकते, हे लक्षात घेऊन यापुढे शेतकऱ्यांनी स्थानिक परिस्थिती, जमीन, पाणी उपलब्धता, हवामान आणि बाजारपेठेची गरज लक्षात घेऊन नियोजन करावे, असा सल्लाही त्यांनी दिला.
      शेतीत आधुनिक तंत्रज्ञानाचा वापर आता गरजेचा बनलेला आहे. एकेकट्या शेतक-यांसाठी तंत्रज्ञान काहीसे महागडे ठरत असले तरी शेतकरी गटाच्या माध्यमातून ते कमी खर्चाचे आणि दुप्पट फायद्याचे आहे, असेही त्यांनी नमूद केले. कृषी विभाग आणि कृषी संलग्न विभागांच्या योजना एकत्रितपणे राबविण्यासाठी शेतकरी गट स्थापन करुन शेतकऱ्यांनी पुढे आले पाहिजे, असेही त्यांनी नमूद केले.
           यावेळी बिराजदार यांनीही शेतक-यांना मार्गदर्शन केले. गटशेती आणि कृषी योजना याबाबत शाहीर राणा जोगदंड यांनी जागृतीपर कार्यक्रम सादर केला.

ग्राहकांना सर्वोत्कृष्ट सेवा देणे आवश्यक - डॉ. नारनवरे

उस्मानाबाद : सेवा देणारे सगळेच ग्राहक संरक्षण कायद्याच्या व्याख्येत येतात. त्यामुळे ग्राहकांना सर्वोत्कृष्ट सेवा देणे आणि कामाचा दर्जा उंचावणे हेच महत्वाचे आहे. नागरिकांना सेवेतून संतुष्ट करणे हेच अभिप्रेत आहे, असे प्रतिपादन जिल्हाधिकारी डॉ. प्रशांत नारनवरे यांनी केले.
         येथील महसूल भवन येथे राष्ट्रीय ग्राहक दिनानिमित्त आयोजित जिल्हास्तरीय कार्यक्रमाचा शुभारंभ जिल्हाधिकारी डॉ. नारनवरे यांच्या उपस्थितीत झाला. त्यावेळी ते बोलत होते. अपर जिल्हाधिकारी जे.टी. पाटील, अपर पोलीस अधीक्षक बाळकृष्ण भांगे, जिल्हा ग्राहक तक्रार निवारण मंचाच्या प्रभारी अध्यक्ष विद्युलता दलभंजन, डॉ. बाबासाहेब आंबेडकर मराठवाडा विद्यापीठाच्या सूक्ष्मजीवशास्त्र विभागाचे प्रमुख डॉ. ए.एम. देशमुख, जिल्हा पुरवठा अधिकारी अरविंद लाटकर, तहसीलदार सुभाष काकडे, नायब तहसीलदार राजेश जाधव व श्री. रामदासी यांच्यासह विविध मान्यवर यावेळी उपस्थित होते.
         यावेळी जिल्हाधिकारी डॉ. नारनवरे म्हणाले की, आज जगात मोठ्या प्रमाणात बदल होत आहेत. ग्राहकांची व्याख्या बदलतेय. अशावेळी आपण ज्या सेवा उपलब्ध करुन देतो, त्या वेळेत उपलब्ध करुन देणे आवश्यक आहे. सेवा देणारे सगळेच राईट टू सर्व्हिस या कायद्यांतर्गत आगामी काळात येणार आहेत. त्यामुळे वेळेत सेवा देणे हे प्रत्येकासाठी महत्वाचे राहणार आहे.  ग्राहक मंचाकडे जाणाऱ्या तक्रारी कमी होतील, तो खरा सुदिन असेल, असे सांगून त्यासाठी समाजातील प्रत्येक घटकाने कार्यरत राहण्याची अपेक्षा व्यक्त केली.
ग्राहक तक्रार निवारण मंचाच्या अध्यक्षा श्रीमती दलभंजन यांनी आपण प्रत्येकजण हा ग्राहक असतो, असे सांगितले. बाजारपेठेतून कोणतीही वस्तू खरेदी करताना पावतीचा आग्रह धरा, असे सांगून ग्राहक मंच तुम्हाला मार्गदर्शन करण्यासाठी सज्ज असल्याचे सांगितले.
      यावेळी प्रमुख वक्ते डॉ. देशमुख यांनी ग्राहक संरक्षण कायद्याचा प्रवास सांगितला. ग्राहक हक्क व ग्राहक संरक्षण चळवळ ख-या अर्थाने बिंदूमाधव जोशी यांनी वाढविली. केंद्र शासनाने 24 डिसेंबर, 1986 रोजी ग्राहक संरक्षण हक्काला कायद्याचे स्वरुप दिले. त्यामुळे हा दिवस राष्ट्रीय ग्राहक दिन म्हणून साजरा केला जात असल्याचे त्यांनी नमूद केले. ग्राहक ही संकल्पना आता बदलत असल्याने ग्राहक चळवळही व्यापक बनावी, अशी अपेक्षा त्यांनी व्यक्त केली.
         प्रास्ताविकात श्री. लाटकर यांनी ग्राहक दिन आयोजनामागील उद्देश स्पष्ट केला. तहसीलदार काकडे, नायब तहसीलदार जाधव, जे. व्ही. कदम, श्रीमती बंगले यांनी पाहुण्यांचे स्वागत केले. कार्यक्रमाच्या सुरुवातीला प्रातिनिधीक स्वरुपात काही लाभार्थ्यांना दुय्यम शिधापत्रिकांचे वाटप करण्यात आले. 
कार्यक्रमाचे सूत्रसंचालन श्री. व्यास यांनी केले तर राजेश जाधव यांनी आभार मानले. जिल्हा पुरवठा कार्यालय, तहसील कार्यालय येथील अधिकारी व कर्मचारी यांनी कार्यक्रम यशस्वितेसाठी परिश्रम घेतले.

ढोकी साखर कारखान्‍याचा जमिनीचा लिलाव रद्द, शिवसेनेच्‍या पाठिंब्‍याला यश

उस्‍मानाबाद :- ढोकी येथील तेरणा शेतकरी साखर कारखान्याच्या २००७ साली झालेल्या संचालक मंडळाच्या निवडणूकीसाठी झालेल्या खर्चाच्या वसुलीसाठी जिल्हाधिकारी कार्यालयाच्या वतीने करण्यात येणारा कारखान्याच्या जमिनीचा लिलाव शिवसेनेच्या दणक्या आज जिल्हा प्रशासनास रद्द करावा लागला.
    याबाबत सविस्तर माहिती अशी की, ढोकी येथील तेरणा शेतकरी साखर कारखान्याच्या २००७ साली झालेल्या संचालक मंडळाच्या निवडणूकीसाठी जिल्हा प्रशासनाचा एवूâण २५ लाख २७ हजार ७३२ रु. एवढा खर्च झाला होता. वास्तविक हा खर्च संबंधित कारखान्याने जिल्हा प्रशासनाकडे भरणा करावयास हवा होता. पण कारखान्याने ही रक्कमच जिल्हा प्रशासनाकडे न भरल्यामुळे या पैशाच्या वसुलीसाठी जिल्हाधिकारी कार्यालयाने तेरणा शेतकरी सहकारी साखर कारखान्याच्या मालकीची असणा-या ६ हेक्टर १९ आर जमिनीचा आज लिलाव करण्यात येणार होता. तशी पुर्वतयारीही जिल्हा प्रशासनाच्या वतीने करण्यात आली होती.
    मात्र २००७ साली झालेल्या निवडणूकीसाठी जिल्हा प्रशासनाने जो खर्च केला. त्यावेळी कारखान्यात साखर, स्पिरीट, मोलॅसीस, बॅगस आदी ३३२ कोटीची मालमत्ता कारखान्यात पडून होती. त्यावेळी जिल्हा प्रशासनाने या रक्कमेची वसुली का केली नाही. एवढेच नव्हे तर निवडणूक होवून सात वर्षे झाली. तो पर्यंत जिल्हा प्रशासनाने या रक्कमेच्या वसुलीची कार्यवाही का केली नाही. आणि महत्वाचे म्हणजे तेरणा कारखान्याची जी जमिन आहे. त्या जमिनीवर तेरणाच्या सभासद शेतकNयाचा हक्क आहे. त्यामुळे जिल्हा प्रशासनास या जमिनीचा लिलाव करता येणार नाही आणि लिलाव घेण्याचा प्रयत्न केल्यास कारखान्याचे सभासद व शेतकरी हा प्रयत्न हाणून पाडतील व होणा-या परिनामास जिल्हा प्रशासन जवाबदार राहिल असा खणखणीत इशारा शिवसेना जिल्हाप्रमुख सुधीर पाटील यांनी एका लेखी निवेदनाद्वारे व प्रत्यक्ष भेट घेवून जिल्हाधिका-यास दिला होता.
    दरम्यान आज होणारा लिलाव बंद करण्यासाठी शिवसेनेचे जिल्हाप्रमुख सुधीर पाटील यांच्यासह शेतकरी सेनेचे जिल्हा संघटक मुजीब पठाण, ढोकी विभाग प्रमुख गुणवंत देशमुख, तेरचे विभागप्रमुख अनंत भक्ते, माणिक वाकुरे, शिवाजी सरडे, पांडू भोसले, भगतसिंग गहीरवार, पप्पू मुंडे आदी सेनेच्या प्रमुख पदाधिकाNयासह कारखान्याचे सभासद व शिवसैनिक मोठ्या संख्येने कारखाना स्थळावर जमले होते. मात्र या ठिकाणी जिल्हा प्रशासनाचा कोणताही अधिकारी व कर्मचारी फिरकलाच नाही. शेवटा हा लिलाव बेमुदत स्थगित करण्यात आल्याची माहिती जिल्हा प्रशासनाच्या वतीने देण्यात आली.

मुळे आज जिल्हा प्रशासनास रद्द करावा लागला.

गोरमाळे गावात दुकान व घरावर चोरट्यांचा डल्‍ला

पांगरी (गणेश गोडसे) : एकाच रात्रीत गावात विविध ठिकाणी दुकान,घर फोडून सोन्याच्या दागिन्यासह रोकड रक्कम चोरून नेल्याची घटना गोरमाळे ता.बार्शी येथे घडली. अरुण मारुती जगताप व नवनाथ कसपटे अशी चो-या झालेल्या शेतकर्‍यांची  नांवे  आहेत.पांगरी पोलिस ठाणे हद्दीत थाबलेले चोर्‍याचे सत्र पुन्हा सुरू झाल्यामुळे जनतेमधून भीतीचे वातावरण पसरले असून रात्र गस्त सुरू करण्याची मागणी गोरमाळे येथील ग्रामस्थांनी केली आहे.
   अरुण जगताप यांनी पांगरी पोलिसात दिलेल्या फिर्यादीत म्हटले आहे की ते रात्री जेवण करून शटरला कुलूप लावून झोपले असता अज्ञात चोर्‍टयांनी  कुलूप तोडून घरात प्रवेश करून घरातील कोपर्‍यात असलेल्या लोखंडी पेटीत असलेले एक तोळे सोने,पाच ग्रॅम वजनाच्या दोन सोन्याच्या अंगठ्या दोन ग्रॅम वजनाचे  पदक,दोन कर्णफुले,एक बोरमाळ,अकरा साड्या व पैसे असा ऐवज चोरून नेला.फिर्‍यादीचे वडील पहाटे लघुशंखेसाठी उठल्यानंतर ही बाब त्यांच्या निदर्शनास आली.
  दुसर्‍या घटनेत गावातीलच नवनाथ कसपटे यांच्या घराची खिडकी तोडून आत प्रवेश करून घरातील तेलाचा डब्बा,प्रेशर कुकर आदि ऐवज चोरट्यांनी लबाडीने चोरून नेला आहे.अरुण जगताप यांनी पांगरी पोलिसात दिलेल्या फिर्‍यादिवरून अज्ञात चोरट्याविरुद्ध चोरी केल्याप्रकरणी गुन्हा दाखल करण्यात आला आहे.अधिक तपास हवालदार शेटे हे करत आहेत॰

आंबा पिकांसाठी विमा प्रस्ताव सादर करण्याचे आवाहन

उस्मानाबाद -  प्रायोगीक तत्वावर हवामानावर आधारीत पथदर्शक फळपीक विमा योजना उस्मानाबाद जिल्ह्यातील सर्व महसूल मंडळासाठी लागू  करण्यात आली आहे. सन 2014-15 या हंगामात कर्जदार व बिगर कर्जदार आंबा उत्पादक शेतक-यांनी आंबा या पिक विम्याचा प्रस्ताव बॅंकेत  31 डिसेंबरपर्यत  सादर करुन आंबा पिक संरक्षित करावेत, असे आवाहन जिल्हा अधिक्षक कृषि अधिकारी शंकर तोटावार यांनी केले आहे.                 आंबा उत्पादन घेणाऱ्या शेतकऱ्यांनी  प्रतीहेक्टरी 4 हजार 932 इतकी रक्कम बँकेत  भरुन या योजनेत सहभागी व्हावे. अधिक माहितीसाठी सबंधित उपविभागीय अधिकारी/ तालुका कृषी अधिकारी/ जिल्हा मध्यवर्ती सहकारी बँका/ राष्ट्रीयकृत बँकेशी संपर्क साधण्याचे अवाहन करण्यात आले आहे.

राष्ट्रीय शेतकरी दिवस विशेष

पांगरी (गणेश गोडसे) जगभरात कृषि प्रधान देश अशी ओळख असलेल्या भारतातील शेतकर्‍यांची जगातील कृषीशी निगडीत असलेल्या क्षेत्रातात प्रगति की अधोगती सुरू आहे याचा विचार करून ढेपाळत चाललेया शेती उद्योगाला गती देण्यासाठी शेतकर्‍यासाठी कृषि व्याख्याने,या क्षेत्रात उल्लेखनीय कार्य करणार्‍या व्यक्तींचा सत्कार,कृषि प्रदर्शन,मेळावे आदि उपक्रम राबवणे गरजेचे आहे.देश स्वतंत्र झाला तेव्हा भारताचा राष्ट्राच्या उत्पन्नात शेतीचा वाटा हा पन्नास टक्यांच्या आसपास होता.तो आज 22 ते 25 टक्याच्या आसपास आला आहे.
  आज समाजातील विविध घटकांना विकासाच्या मुख्य प्रवाहात आणण्यासाठी शासन वेगवेगळ्या माध्यमातून प्रयत्न करते.मात्र देशाचा व जगाचा पोशिंदा अशी मोठी बिरुदावली असलेल्या शेतकरी व शेतीच्या प्रगतीसाठी,शेतीमालच्या दरवाढीसाठी,शेतकर्‍याची आर्थिक,सामाजिक स्थिति सुधारण्यासाठी प्रामाणिक प्रयत्न होतात का हाही संशोधनाचा विषय आहे.देशात राष्ट्रीय शेतकरी दिन साजरा होत असताना देशभरातील शेतकरी राजाची सध्याची स्थिति,त्यांचा आर्थिक स्तर,सामाजिक पत,त्यांना समाजाकडून मिळणारी वागणूक आदि बाबीचा विचार करणे यानिमित्ताने गरजेचे आहे.पोळ्याच्या सणादिवशी जसे बैलाला नटवून सजवून त्याला गोड धोड खाऊ घातले जाते व पुन्हा वर्षभर त्याच्याकडून काबाड कष्ट करून घेतले जाते तसे शेतकर्‍यांच्या बाबातीतही घडत आहे.कृषिप्रधान देश,जगाचा पोशिंदा,शेतकरी राजा,देशाच्या विकासाचा कणा,अशी भूषणावह मुकुट शेतकर्‍यांच्या शिरावर घातले जातात.मात्र त्यांच्यासह शेतीच्या विकासासाठी ठोस आशे काहीच होत नसल्याचा शेतकर्‍यांचा आरोप आहे.रक्ताचे पाणी करून आम्ही देशवाशीय जगावण्यासाठी झिजायचे,मात्र आमच्या कष्टाची कोणाचं करताना दिसत नाही अशी त्यांची ओरड आहे॰सरकारे आली पुन्हा बदलली मात्र शेतकरी राजाची परस्थिती मात्र जैसे थे अश्याच स्वरूपाची राहिली.शेतकर्‍यांना वालीच उरला नाही अशी स्थिति सध्या निर्माण झाली आहे.
  यानिमिताने शेतकर्‍याची आर्थिक ऊंची वाढवण्यासाठी शेतीच्या पारंपारिक पद्धतीत बदल सुचवणे,ते अमलात आणण्यासाठी त्यांना तयार करने व विशेष म्हणजे शेतकरी सद्य स्थितीत भेदरलेल्या व कर्जबाजारी अवस्थेत असल्यामुळे त्याला उभे करण्यासाठी अर्थ पुरवठा उपलब्ध करून देणे गरजेचे आहे.शेतकरी उभा राहिला तरच देश प्रगतिची शिखरे पार करू शजेल अन्यथा विकासाच्या फक्त वल्गनाच ठरू शकतात.शेतकर्यांना व्यवसाय पूरक प्रशिक्षण देऊन त्यांना व्यापारी बनवल्यास ते प्रगति करू शकतात.तेव्हाच शेतीमा
  शेतकरी आत्महत्या विचार होणे गरजेचे: सध्या वेगवेगळ्या कारणावरून शेतकरी आपले जीवन संपवत आहेत.शाशन याकडे पाहण्यापलीकडे व शेतकर्‍यांणी आत्महत्या करू नये असे माध्यमातून सांगण्यापलीकडे वेगळे काहीच करत नाही.आत्महत्या ग्रस्त कुटुंबाला सहानुभूतू दाखवत शाशनाच्या धनादेशाचे वाटप करून मोकळे होत आहे.महाराष्ट्रातील उगवणारा प्रत्येक दिवसा हा एका नवीन आत्महत्येच्या वार्तेनेच उगवताना दिसत आहे.आत्महत्येच्या घटनेत देशात अव्वल स्थानी आलेल्या महाराष्ट्रातील कर्जाने पिचलेल्या शेतकर्‍याला मुख्य प्रवाहात आणल्याशिवाय आत्महत्या थांबणार नाहीत. त्याने आत्महत्या का केली त्याच्या मुळाशी जाण्याचा प्रयत्न मात्र होत नाही ही दुर्दैवाची बाबा आहे.

लाला भाव मिळू शकतो.

तालुकास्तरीय विज्ञान प्रदर्शनात घारी अव्‍वल

  पांगरी (गणेश गोडसे) बार्शी तालुका पंचायत समिति व नागनाथ हायस्कूल घारी यांच्या संयुक्त विद्यमाने पार पडलेल्या बार्शी तालुकास्तरीय विज्ञान प्रदर्शनात घारी येथीलच नागनाथ हायस्कूलच्या विद्यार्थ्यांनी घवघवीत यश संपादन केले.
   प्राथमिक विभागातून घारी येथील शिवरूद्र शांतिलिंग घोंगडे याने तयार केलेल्या बटाट्यापासुन वीजनिर्मिती या प्रयोग कृतींस प्रथम क्रमांक मिळाला.तर शिक्षक विभागातून माध्यमिक गटात महेश महादेव मेटकरी (विज्ञान शिक्षक) यांनी लोकसंख्या शिक्षण या विषयांतर्गत यश मिळवले.या विज्ञान प्रदर्शनात नागनाथ हायस्कूलच्या अठरा विद्यार्थ्यानी सहभाग घेतला होता.यशस्वी विद्यार्थी व शिक्षकांचे बार्शी शिक्षण मंडळाच्या चेअरमन प्रभावती झाडबुके,संचालिका सौ.वर्षाताई ठोंबरे,शाळा समितीचे चेअरमन गुलाबराव ठोंबरे,प्रशाळेचे मुख्याध्यापक केशव काकडे आदिकडून अभिनंदन होत आहे.

दंडाधिकारीय चौकशीसाठी उपस्थित राहण्याचे आवाहन

  उस्‍मानाबाद -  उस्मानाबाद  जिल्हा कारागृहातील न्यायाधीन बंदी  हणमंत काशीनाथ गायकवाड, रा. सरमकुंडी, ता. वाशी यांच्य मृत्यूबाबत दंडाधिकारीय फेरचौकशीचे आदेश जिल्हादंडाधिकारी, उस्मानाबाद यांनी दिले होते.त्यासाठी उपविभागीय दंडाधिकारी, उस्मानाबाद यांना चौकशी अधिकारी म्हणून प्राधिकृत करण्यात आले आहे. त्यानुसार, या प्रकरणी मयताच्या नातेवाईकास संबंधित कैद्याच्या मृत्युबाबत काही माहिती किंवा म्हणणे मांडावयाचे असेल तर सबळ पुराव्यासह दिनांक 5 जानेवारी रोजी सकाळी 11 ते दुपारी 2 वाजेपर्यंत उपविभागीय दंडाधिकारी कार्यालय, उस्मानाबाद येथे हजर राहून दाखल करावे, असे उपविभागीय दंडाधिकारी अभिमन्यू बोधवड यांनी कळविले आहे.
 हणुमंत गायकवाड यांचा  शासकीय वैद्यकीय महाविद्यालय व रुग्णालय, लातूर येथे वैद्यकीय उपचार सुरु असताना मृत्यू झाला होता. 

युवती सुरक्षा जनजागृती कार्यक्रम

बार्शी -  प्रत्येक पोलिस ठाण्यामध्ये स्वतंत्र महिला कक्ष स्थापन करण्यात आले आहेत. बार्शीसाठी स्वतंत्र महिला अधिकारी व स्वतंत्र वाहनाची सोय करण्यात आली आहे. युवती व महिलांनी आता निर्भिड रहा. अडचणीच्या प्रसंगी मदतीसाठी पोलिसांशी संपर्क साधा असे प्रतिपादन पोलिस अधिक्षक दत्तात्रय मंडलिक यांनी केले.
    बार्शी पोलिस ठाण्याच्या वतीने आयोजित केलेल्या युवती सुरक्षा जनजागृती कार्यक्रमात ते बोलत होते. सोमवारी शिवशक्ती मैदान येथे हा कार्यक्रम घेण्यात आला. यावेळी व्यासपीठावर उपविभागीय पोलिस अधिक्षक सर्जेराव ठोंबरे, पोलिस निरीक्षक सालार चाऊस, शिवाजी शिक्षण प्रसारक मंडळाचे चेअरमन डॉ.बी.वाय.यादव, प्राचाय मधुकर फरताडे, उपविभागीय पोलिस अधिक्षक मनिषा दुबुले, डॉ.भारती रेवडकर, राखीव दल, शिघ्र कृतीदल, दंगा काबू इ. विविध पथकातील महिला कर्मचारी उपस्थित होते.   
    मंडलीक म्हणाले, दिल्लीच्या प्रकरणानंतर कायद्यात अनेक महत्वाचे बदल झाल्याने कायद्याचे संरक्षण मिळाले आहे. ३०९० या क्रमांकावर मदतीसाठी संपर्क साधावा, वृध्दांसाठी १०३ तर सर्वांसाठी १०० या क्रमांकावर आपली अडचण कथन केल्यास आपल्याला मदत मिळू शकते. काळाच्या ओघात समाजात विविध प्रकारचे बदल होत आहेत कधीकधी ते प्रकर्षाने जाणवतात. मुलींच्या बाबत पालकांच्या मनामध्ये नेहमी एक प्रकारची भिती दिसून येते. समाजात ५० टक्के महिला आहेत, पोलिस विभगातही आता महिला कर्मचार्‍यांची नियुक्ती ३० टक्केंपर्यंत होत आहे. कोणत्याही अनुचित घटना घडत असतांना त्यावेळी नेमके काय करायचे?, नेमके कोण आपल्याला मदत करणार?, कोणत्या परिस्थितीत काय करायला हवे?, कायद्याने आपल्याला कोणते अधिकार प्राप्त झाले आहेत व आपल्याला त्याचा आधार आहे?, अशा विविध प्रश्‍नांनी पालक व संबंधीत गोंधळून जातात. या सारख्या प्रश्‍नांसाठी पोलिस ठाण्यातही महिलांसाठी स्वतंत्र कक्ष उपलब्ध करण्यात आले आहेत. युवती व महिलांसाठी कायदा सुव्यवस्थेचा कोणता प्रश्‍न निर्माण झाला असेल तर त्यासाठी चांगली मदत मिळणार आहे. युवती व महिलांमध्ये नवचैतन्य, आत्मविश्वास निर्माण व्हावे यासाठी पोलिस तुम्हाला मदत करतील. शहरी भागातील व ग्रामीण भागातील शालेय शिक्षण घेत असलेल्या मुली, महाविद्यालयीन शिक्षण घेणार्‍या युवती, नोकरीनिमित्त व इतर कारणास्तव घराबाहेर पडणार्‍या महिलांना, विविध वाहनांतून प्रवास करतांना व विविध परिसरात, काही धोका वाटल्यास मदतीसाठी संपर्क करावा. मुलींच्या काही तक्रारी पालकांना समजल्यावर त्यांचे शिक्षण बंद करण्याचा निर्णय घेतला जातो, अशा प्रकारच्या निर्णयाने चांगली बुध्दीमत्ता असलेल्या मुलींचेही करिअर बरबाद होते. यासाठी शासनाने चांगल्या प्रकारची सुरक्षा देण्याचा प्रयत्न केला आहे. महाविद्यालयीन परिसर विविध गर्दिचे ठिकाण इत्यादी ठिकाणी साध्या वेशातील महिला पोलिस सर्वत्र पाळत ठेवतील. संशयास्पद हालचाली अथवा उनाड मुलांचा बंदोबस्त करतील. वाहनाची मदत घेतांना कोणाकडून मदत घ्याल याचा विचार करावा. पालकांनी आपल्या मुलींना कुठे कसे वागावे या प्रत्येक गोष्टीचे बारकावे शिकविले पाहिजे. उपविभागीय पोलिस अधिकारी मनिषा दुबुले म्हणाल्या, महिलांसाठी व युवतींसाठी सुरक्षा जनजागृती हा नाविण्यपूर्ण कार्यक्रम आहे. मंडलिक साहेबांसारखे धडाडीचे अधिकारी जनतेत मिसळून सेवा देण्याची कार्यप्रणाली राबवित आहेत. शासनाची भूमिका व अधिकार्‍यांची तळमळ या ठिकाणी दिसून येते. घरात सुरक्षा बाहेर समस्या असा न्यूनगंड नको. युवतींमध्ये धाडस निर्माण व्हावे, पुढे येऊन निर्भिड बनावे, आत्मविश्वास निर्माण होऊन व्यक्तीमत्व विकास करावा, पुढे जात चांगल्या अधिकारी पदावर देखिल काम करावे. चांगले शिक्षण घ्यावे, चांगले नेतृत्व करावे, चांगले बौध्दीक कौशल्य असतांनाही महिलांना काही अडचणी येत असतील तर त्यातून मार्ग निघावा यासाठी या कार्यक्रमाचे आयोजन केले आहे. माझ्या जिल्ह्यातील युवती, महिला इत्यादी सुरक्षीत असायला पाहिजे त्यांच्यामध्ये चांगला आत्मविश्वास निर्माण व्हावा अशी पोलिस अधिकारी यांची इच्छा आहे.   
    प्राचार्य मधुकर फरताडे म्हणाले, मी देखिल तसा पोलिसच आहे. मकाविद्यालयीन कामकाजात मुलांना शिस्त पाळण्यास सांगत असतांना पोलिस असल्यासारखेच काम करावे लागते. (यावर झिरो पोलिस असा खालून आवाज आला त्यावर त्यांनी झालेल्या विनोदावर सर्वांना हसवले.) जवळपास लाख लोकांसाठी एक पोलिस अधिकारी उपलब्ध होतो. रक्षण करण्याचे काम केवळ पोलिसांचेचे आहे हे मनातून काढायला हवे, अनेक जण आपल्या हक्काकडे जागरुकतेने पाहतात पण त्यांना कर्तव्याचा विसर पडतो. कायदा सुरक्षेचा प्रश्‍न निर्माण होणार नाही याचा प्रत्येकाने विचार करायला हवा. आजकाल घडणार्‍या अनेक घटनांतून युवती व मुली या घरात देखिल सुरक्षीत नसल्याचे दिसून येत आहे यावर विचार करायला हवा. युवतींनीही आपली मर्यादा ओळखायला हवी. कोणी खोड्या करत असेल तर ते वेळीच सांगावे, माझ्याकडे बघून मुलगी हसली म्हणून अनेक जण त्यामध्ये गुंतून जातात व टोकाचे प्रकार घडतात तर कधीकधी एकतर्फी प्रेमाचे प्रकार घडतात. मुलींनी आपल्या एका हसण्यामुळे विचित्र परिस्थिती निर्माण होईल याचे भान राखायला हवे. आपले वागणे, चालणे, बोलणे यावरुन समोरच्या व्यक्तीचे विचार व नजरा अवलंबून असतात. सेंट जोसेफ इंग्लिश मिडीयम स्कूलच्या बँड पथकाने स्वागत केले. कार्यक्रमाच्या सुरुवातीस छत्रपती शिवाजी महाराज, कर्मवीर डॉ.जगदाळे मामा यांच्या प्रतिमेचे पूजन व दिप प्रज्वलन करण्यात आले. शिवाजी महाविद्यालयाच्या संगीत विभागाने स्वागत गीत गायले. अश्विनी गवळी व वंदना गायकवाड यांनी सूत्र संचलन केले. कार्यक्रम यशस्वीतेसाठी संदीप अलाट, उमेश पवार व पोलिस विभागाच्या कर्मचार्‍यांनी विशेष परिश्रम घेतले.
ठळक
सावित्रीबाई फुलेंचा विसर (केवळ छत्रपती शिवाजी महाराज, डॉ.जगदाळे यांच्या प्रतिकेचे पूजन
व्यासपीठावरी महिला पोलिस कर्मचारी चक्कर येऊन पडली (पोलिस पथकातील कर्मचारी अनेक वेळ उभी राहिल्याने औषधोपचारासाठी खाली घेण्यात आले.)
अनेक लहान मुलींना परत पाठविले (अनेक शाळा व महाविद्यालयांना मुलींच्या मार्ग
अनेक मुलींना उन्हात बसावे लागले (मुलींची संख्या नेमकी किती होईल, किती जागा लागेल याचा अंदाज न आल्याने उपलब्ध केलेल्या मंडपाबाहेरही मुलींना उन्हात बसावे लागले.)
 मनिषा दुबुले म्हणाल्या - माझ्या जिल्ह्यात महिला सुरक्षीत हव्यात
पोलिस अधीक्षक म्हणाले - बार्शीसाठी महिला पोलिस अधिकार्‍याची नियुक्ती,
बार्शीकरिता महिला पोलिस पथकांचे स्वतंत्र वाहन उपलब्ध करु.
प्राचार्य फरताडे म्हणाले - मी देखील तसा पोलिसच आहे, मुली घरात सुध्दा सुरक्षीत नाहीत.

दर्शनासाठी पोलिसांकडून बोलाविण्यात आले होते. अनेक मुली कार्यक्रम स्थळी चालत आल्यावर त्यातील इ.८ वी. च्या खालील विद्यार्थीनींना परत पाठविण्यात आले.)

समन्वयाने चांगले संस्कार - अॅड. प्रणाली शेटे

बार्शी - भारतमाता व जन्मदात्री आई ही प्रेरणा आहे. निष्पाप लहान बालकांना चांगले संस्कार शिकवणे, वाईट गोष्टीपासून दूर ठेवणे ही स्त्रीयांची प्रमुख जबाबदारी आहे. आपाण जसे घडवतो, संस्कार करतो त्या पध्दतीनेच लहान मुले घडतात. प्रत्येक मुलगी एक आदर्श महिला व आदर्श माता बनावी. आधुनिकतेच्या प्रभावाने आजकालची आजी नातवंडाकडून एबीसीडी शिकते परंतू आजीनेही संस्
              प्रजापिता ब्रहमाकुमारी ईश्‍वरीय विश्‍व विद्यालयाद्वारे राजस्थानमधील आबुरोड येथील शांतिवन येथे ‘नारीमधील दैवी शक्तिद्वारे महापरिवर्तनासाठी ईश्‍वरीय शक्ती ’या विषयावर दिनाक १२ ते १६ डिसेंबर रोजी महिला संमेलन झाले. १३ रोजी झालेल्या ‘आध्यात्मिकता व आधुनिकतेच्या संतुलनाद्वारे महापरिवर्तन’या विषयावरील चर्चासत्रात त्या बोलत होत्या.
      संमेलनाचे उदघाटन दादी रतनमोहीनीजी यांच्याहस्ते करण्यात आले. अध्यक्षस्थानी उद्योग प्रभागाच्या मुख्यालय संयोजिका ब्रहमाकुमारी गीताबहनजी होत्या.

कृत मंत्रपठण, प्रार्थना शिकवून आध्यात्मिकतेचे संस्कार करावे. महिलांनी आधुनिकता व आध्यात्मिकता यांना बरोबर ठेवल्यास नवीन पिढीला चांगले संस्कार देता येतील असे प्रतिपादन बार्शीच्या ऍड.सौ.प्रणाली शेटे यांनी केले.

अल्‍पवयीन मुलीस महिलेनेच पळविले

पांगरी (गणेश गोडसे) शालेय शिक्षण घेणार्‍या तेरा वर्षीय अल्पवयीन मुलीस एका महिलेनेच तिच्या घरी बोलाऊन घेऊन तिला फूस लावून पळवून घेऊन गेल्याची घटना शिराळे ता.बार्शी येथे भर दुपारी घडली.सौ.क्रांती तानाजी चंदनशीवे रा.शिराळे असे मुलीस फूस लावून पालाऊन घेऊन गेल्याप्रकरणी गुन्हा दाखल झालेल्या महिलेचे नांव आहे.
 पळवून नेण्यात आलेल्या मुलीच्या वडिलांनी पांगरी पोलिसात दिलेल्या फिर्यादीत म्हटले आहे की त्यांची मुलगी शुक्रवारी दि.19 रोजी शाळेत गेली असता आरोपी महिलेने तिला तिच्या घरी बोलावून घेऊन तिला फूस लावून पळवून नेले आहे.वडिलांच्या तक्रारीवरून संबंधित महिलेविरुद्ध पळवून नेल्याप्रकरणी रात्री उशिरा पांगरी पोलिसात गुन्हा दाखल करण्यात आला असून अधिक तपास पोलिस उपनिरीक्षक राजू राठोड हे करत आहेत.

गुरूवार रोजी कविता संग्रह प्रकाशन

पांगरी (गणेश गोडसे) घारी ता.बार्शी येथील कवी आबासाहेब घावटे लिखित पाऊस धारा या कविता संग्रहाचा प्रकाशन सोहळा येत्या गुरुवारी दि.25 रोजी दुपारी 3.30 वाजता मातृ मंदिर (ढगे मळा)येथे ज्येष्ठ साहित्यिक राजेंद्र अत्रे (उस्मानाबाद)यांच्या शुभ हस्ते आयोजित करण्यात आल्याची माहिती दिग्दर्शक व नाट्य निर्माते अशोक घावटे (पुणे)यांनी एका प्रशिद्धी पत्रकाद्वारे दिली.या कार्यक्रमाच्या अध्यक्षस्थाणी कवि कालिदास मंडळाचे अध्यक्ष डॉ.कृष्णा मस्तूद (बार्शी) हे असणार आहेत.
  यावेळी प्राचार्य दिपक गुंड,जयकुमार शितोळे,परंड्याचे गट शिक्षनाधिकारी श्री.ए.एम.जाधव,संदीप आलाट आदि मान्यवर उपस्थित रहाणार आहेत.तरी कविता संग्रहाच्या प्रकाशन सोहळ्यास उपस्थित राहावे असे आवाहन कृष्णा मस्तूद,रामचंद्र इकारे,चन्नबसवेश्वर ढवन यांनी केले आहे॰

शाहिर अमरशेख जन्मोत्सवाची सांगता

 बार्शी (मल्लिकार्जुन धारूरकर) फुले, शाहू, आंबेडकर, आण्णाभाऊ, अमर
    याप्रसंगी वायुपुत्र नारायण जगदाळे, जनरल सेक्रेटरी जयकुमार शितोळे यांच्या हस्ते शाहिर दिलीप तुपसुंदर यांना गौरविण्यात आले. संत तुकाराम सभागृहात दोन दिवस विविध कार्यक्रमांनी जन्मोत्सव साजरा करण्यात आला. यावेळी अध्यक्ष संदीप अलाट, कार्याध्यक्ष प्रा.मधुकर फरताडे, दलित महासंघाचे जिल्हाध्यक्ष सुनिल अवघडे, महादेव कोळी समाज संघटनेचे संतोष लावंड, सचिव उमेश पवार, सुशांत गायकवाड, ऍड्.अमोल अलाट, सुमेध निरगुडे, विश्वनाथ महापुरे, अशोक गवळी, भारत कदम, महादेव मस्के आदी उपस्थित होते.
    शाहिर दिलीप तुपसुंदर यांनी सादर केलेल्या डॉ.आंबेडकर, महात्मा फुले, सावित्रीबाई फुले, आण्णाभाऊ साठे यांच्या जीवनावरील पोवाड्यांना श्रोत्यांनी दाद दिली. सावित्रीबाईंची विद्यार्थीनी पहिली, मिळाला पहिला मान, लहुजींची लेक लाडकी, मुक्ताबाई गुणवान, शाहिरात तू शाहिर कवी कादंबरीकार, माझ्या अण्णाभाऊ सारखा शाहीर नाही होणार अशा अनेक रचना शाहिरी जलसामध्ये सादर करण्यात आल्या. कार्यक्रम यशस्वीतेसाठी सुहास पवार, विनोद पवार, अमृत अलाट, शब्बीर मुलाणी, राम नवले यांनी परिश्रम घेतले.

शेख पविचार प्रतिष्ठानच्या वतीने आयोजित केलेल्या शाहिर अमरशेख जन्मोत्सवाची सांगता करण्यात आली.   

लेखी आश्वासनानंतर आंदोलन मागे

बार्शी (मल्लिकार्जुन धारूरकर) कृषि उत्पन्न बाजार समिती समोर शेतकर्‍यांनी सुरु केलेल्या आमरण उपोषणास जिल्हा उपनिबंधक बी.टी. लावंड, सहाय्यक उपनिबंधक यू.यू.पवार
       कृषि उत्पन्न बाजार समितीमध्ये कांद्याचा व्यापार करणार्‍या हारुण अल्लाबक्ष केमकर (बागवान), हरिफ हारुण केमकर (बागवान) यांनी शेतकर्‍यांच्या शेतामध्ये येऊन कांद्याचा सौदा केला, माल ताब्यात घेऊन परस्पर विल्हेवाट लावली व पैसे देण्यास अनेक महिने टाळाटाळ केल्याने शेतकर्‍यांनी इशारा देऊन २० पासून आमरण उपोषण सुरु केले होते.  बाजार समितीने दिलेल्या लेखी पत्रामध्ये ज्या शेतकर्‍यांची फसवणूक झाली त्यांच्यासाठी १५ दिवसांत बैठक बोलाविण्यात येईल, संबंधीत व्यापार्‍यांशी चर्चा करुन बाजार समिती मध्यस्तीची भूमिका पार पाडून तोडगा काढेल, तूर्तास ज्यांची तक्रार आहे त्या व्यापार्‍यांचे व्यवहार बंद करण्यात आले असल्याचे म्हटले आहे.

यांनी भेट दिल्यानंतर बाजारसमितीने लेखी आश्वासन दिल्याने शेतकर्‍यांचे आंदोलन रात्री उशीराने मागे घेण्यात आले आहे.

जिल्हा उपनिबंधकांनी बाजार समितीच्‍या संबंधीतास खडसावले

बार्शी (मल्लिकार्जुन धारूरकर)  कृषि उत्पन्न बाजार समितीमध्ये कांद्याचा आडत व्यवसाय करणार्‍याविरूध्‍द  (कांदा व्यापार्‍यांच्या विरोधात) शेतकर्‍यांनी २० पासून आमरण उपोषण सुरु केले. यावेळी जिल्हा उपनिबंधक बी.टी.लावंड यांनी बाजार समितीच्या संबंधीतांना चांगलेच धारेवर धरले.
    केमकर यांनी शेतकर्‍यांच्या शेतात जाऊन कांद्याचा भाव ठरविला व मार्केट कमिटी येथील त्यांच्या दुकानात शेतकर्‍यांनी स्वखर्चाने आणून देण्यास सांगीतले. कांद्याचा माल दुकानात आल्यानंतर अनेक महिन्यानंतरही पैसे मिळत नसल्याने शेतकर्‍यांची उपोषण सुरु केले आहे. कांद्याचे पैसे मिळालेच पाहिजे व कांदा आमच्या घामाचा नाही कुणाच्या बापाचा अशा घोषणा यावेळी शेतकर्‍यांनी दिल्या. राज्यातील शेतकर्‍यांच्या प्रश्‍नासाठी शासनाने कठोर भूमिका घेतल्याने पणन संचालकांनी तात्काळ भूमिका घेत बार्शीतील जिल्हा उपनिबंधकांना उपोषणस्थळी पाठविले व शेतकर्‍यांच्या तक्रारी ऐकल्या. यावेळी बाजार समितीचे ओव्हाळ म्हणाले, सदरच्या व्यवहारात शेतकरी आणि व्यापारी यांनी मार्केट कमिटीच्या परस्पर व्यवहार केले आहेत. सदरच्या व्यवहाराची नोंद आपल्या दफ्तरी नाही. शेतकर्‍यांच्या मालाचे पैसे मिळावे ही आपलीही भूमिका आहे, माणुसकी म्हणून आपण त्या व्यापार्‍याशी चर्चा करु. बाहेरगावच्या व्यापार्‍यांनी अशा प्रकारची फसवणूक केली असती तर काय केले असते, कोणाला जबाबदार धरले असते असा प्रश्‍नही शेतकर्‍यांना केला. ओव्हाळ यांच्या वक्तव्याबर जिल्हा उपनिबंधक बी.टी.लावंड म्हणाले, अशा प्रकारचे मोघम बोलणे बेकायदा आहे. अशा प्रकारच्या बेकायदा खरेदी करण्याचे अधिकार कोणालाही नाहीत. माणुसकीचा उल्लेख करुन उपकार केल्यासारखी भाषा वापरणे चुकीचे आहे. व्यापारी तालुक्यात खरेदी करत असल्यास त्यांच्यावर गुन्हे का दाखल केले नाहीत? शेतकर्‍यांच्या कांद्याची रक्कम देण्याची जबाबदारी ही पूर्णपणे कृषि उत्पन्न बाजार समितीची आहे. व्यापार्‍यांना परवानेही बाजार समितीमार्फतच दिले जातात. बाजार समितीच्या परस्पर व्यवहार करणार्‍यांविरोधात गुन्हे दाखल करण्याचे अधिकार बाजार समितीला आहेत. शेतकर्‍यांच्य रकमेची जबाबदारी सं
    रघुनाथदादा पाटील प्रणित शेतकरी संघटने युवा प्रदेशाध्यक्ष शंकर गायकवाड म्हणाले, विदर्भातील हताश झालेल्या शेतकर्‍यांच्या आत्महत्यांचे लोण आता पश्‍चिम महाराष्ट्रातही येत आहे. सहकारमंत्री, पंतप्रधान मोदी, मुख्यमंत्री फडणवीस यांनी शेतकर्‍यांच्या प्रश्‍नावर गांभीर्याने पहावे, शेतकरी आत्महत्येशिवाय मंत्र्यांची वाहने पेटविण्याच्याही मनस्थितीत आहेत.

चालक व संबंधीतांनी घेऊन त्यांची व्यवस्था न केल्यास सदरची कृषि उत्पन्न बाजार समिती बरखास्त का करु नये अशा प्रकारची नोटीस देण्यात येईल व त्यानंतर बाजार समितीवर कारवाई करुन शेतकर्‍यांची रक्कम देण्यात येईल. बाजार समित्यांमध्ये स्पर्धा सुरु आहेत, शेतकर्‍यांना चांगल्या दर्जाची सुविधा, हमीभाव आदी सेवा दिल्याशिवाय बाजार समितीलाही फायदा होणार नाही.

पांगरी परिसरात शिवार फेरी

पांगरी (गणेश गोडसे) महाराष्ट्र शासनाच्या आदेशाने विविध खात्यांतर्फे आज जलयूक्त अभियानाअंतर्गत पांगरी परिसरात शिवार फेरी काढून शेतात जावून विविध खात्यांची विकास कामे शासनाला सुचवण्यात आली.अकरा कोटी रुपयांचा विविध प्रकारच्या कामांचा अंदाजित आराखडा तयार करण्यात येणार असून भविष्यात यामधून अनेक फायदे होणार आहेत.कृषि विभाग,महसूल विभाग,ग्रामपंचायत,वनीकरण विभाग यासह अधिकारी,पदाधिकारी व ग्रामस्थ यांनी शिवार फेरी काढून शेतकर्‍यांणा या योजनेचे व मोहिमेचे महत्व सांगून त्यांना अपेक्षित असलेल्या कामांची माहिती घेण्यात आली.शिवार फेरीत प्रस्तावित करण्यात येणार्‍या कामांना शाशन निधि उपलब्ध करून देणार आहे त्यामुळे शेत्क्र्यांणा याचा खूप मोठा फायदा होण्याची शक्यता आहे.
या शिवार फेरीत पांगरीचे सरपंच विजय गोडसे,माजी सरपंच जयंत पाटील,रामा लाडे,सतीश जाधव,ग्रामविकास अधिकारी वैभव माळकर,कृषि सहाय्यक राजाभाऊ देशमुख,कृषि पर्यवेक्षक श्री. व्ही.के.मिस्कीन,गाव कामगार तलाठी श्री.आर.एस.देशमुख,बालाजी पवार यांच्यासह ग्रामस्थ उपस्थित होते.
  टॅंकरमूक्त गाव करणे,विहीर,बोअर वेल,साठवण तलाव आदीमधील पाणीसाठा वाढवणे तसेच ओढा रुंदीकरण,खोलीकरन,गाल काढणे,पाझर तलावाची दुरूस्ती करणे,ओढे,नाल्

यांवर सीमेंट बंधारे बांधणे,ओढा रुंदीकरण,माती नाल बांधा,समतल सलग चार काढणे,आदि जळसाठा वादवण्यांची व जमिनीची धूप होणार नाही यासाठी गरजेची असणारी सर्व कामे यात प्रस्तावित आहेत.यामुळे ओढे,बंधारे मोकळे होऊन त्यात पानी साठा होऊन नदीकाठावरील शेतकर्‍यांणा त्या पाण्याचा लाभ होणार आहे.फेरीत परिसरात उपलब्ध असलेल्या पाझर तलावाच्या नेक साईट यावेळी फेरीतील अधिकार्‍यांना दाखवण्यात आल्या.सामाजिक वनीकरण विभागातर्फे पांगरी भागात मोठ्या प्रमाणात वृक्षारोपण व्हावी अशी शेतकर्‍यांणी यावेळी मागणी केली.पहाणी करण्यात आलेल्या अनेक कामांचा साधारणत: 11 कोटी रुपयांच्याही पुढे अंदाजित खर्च अपेक्षित आहे.टोणेवाढी तलाव जोडणारा ओढा,शिरपूर पद्धतीचे दहा नवीन बंधारे,म्हसे ओढा,कुंभार नाला,चिंचोळी पांगरी हाडीवर पाझर तलाव,विविध डोंगरावर समतल चर खोदणे,आदि विविध कामांचा आराखडा करण्यात आला.

बोरांचे दर गडगडल्यामुळे शेतकरी अडचणीत

पांगरी (गणेश गोडसे) संपूर्ण महाराष्ट्राला बोरांचे गाव म्हणून ओळख करून दिलेल्या कुसळंब ता.बार्शी येथील बोर उत्पादक बोरांचे दर गडगडल्यामुळे हवालदिल झाले असून त्यांचे आर्थिक गणितच कोलमडुन गेल्यामुळे त्यांच्यापुढे आता पुढे काय हा मोठा प्रश्‍नो उभा राहिला आहे. 

     ग्राहकांना गोड बोरांची चव चाकायला देणार्‍या बोर उत्पादक शेतकर्‍यांणा मात्र यावर्षी बोर आंबट लागू लागली आहेत॰सध्या बोरांचे दर एवढे खाली आले आहेत की वर्षभर बोरांच्या बागांच्या जतनापोटी केलेला खर्च तर सोडाच पण बोरे ढण्यासाठी,वाहतुकीसाठी ,आडत, कमिशन याचाही कांही केल्या ताळमेळ लागत नाही.त्यामुळे बोरे काढायची का तशीच झाडाला ठेवायची याचा विचार शेतकरी करू लागले आहेत.
  गत दोन तीन वर्षापासून बोर उत्पादक शेतकर्‍यांची खूपच चांदी होती.एकरी दोन ते तीन लाख रुपयांचे उत्पादन या बोर उत्पादकांच्या पदरात पडले होते.मात्र यावर्षी या बोर उत्पादकांच्या बोर शेतीला कोणाची दृष्ट लागली की दर तीन रूपयांपर्यंत कोसळले आहेत.कांही दिवसापूर्वी बाजारपेठेत बोरांना चांगलीच मागणी होती.तसेच दरी साधारणत: 25 रुपयांच्या आसपास होता.कुसळंब येथे बोर उत्पादनाचे खूप मोठे क्षेत्र आहे.प्रतेक वर्षी बोरांच्या लागवीत वाढच होत आहे.येथील जमीन बोरांच्या बागासाठी पोषक असल्यामुळे व यातून चांगले उत्पादन मिळत असल्यामुळे येथे लागवडीत वाढ होत आहे.इतर फळबागांच्या तुलनेत बोर बागांना खर्च,रोगराई फवारणी आदींचा खर्च अत्यल्प आहे.मात्र बोरे गोळा करण्यासाठी मजुरांची मोठी गरज लागते.दर कोसळल्यामुळे शेतकरी चिंताग्रस्त झाला आहे.
      कुसळंब येथे खूप मोठ्या क्षेत्रावर बोर फळांची लागवड असून बोर उत्पादकानी वर्षभर कष्ट करून अतिशय चांगल्या प्रतीची बोरे तयार केली आहेत.मात्र काबाड कष्ट करूनही यांच्या हाती कांहीच लागण्याची चिन्हे आहेत.बोर बागांतून मिळणारे उत्पादन अपेक्षित धरून आगामी वर्षाचा लेखा जोखा या शेतकर्‍यामणी तयार केला होता.मात्र हे गणितच कोलमडून गेले आहे.इंदोर,भोपाळ,नांदेड,दिल्ली,मुंबई,पुणे,कोलकाता,नागपूर आदि बाजारपेठेत कुसळंब येथील बोरांना मोठी
  अवकाळीचा परिणाम: बोर बागांचा हंगाम हा साधारणत: नोव्हेबर ते डिसेंबर महिन्यात सुरू होतो. मात्र मध्यंतरीच्या काळात व अधून मधून या भागात झालेल्या गारपीठ,अवकाली पाऊस याचा दुष्परिणाम म्हणू उभ्या बोर बागांची बोरे ही आकाळीच परिपक्व होण्यास सुरुवात झाली.त्यामुळे एकदम उत्पादनाठी मोठी वाढ झाल्यामुळे व बाजारपेठेत अचानक आवक वाढल्यामुळे व थंडीही वाढल्यामुळे बोरांचे दर मातीमोल झाले असे कुसळंब येथील बोर उत्पादक शेतकर्‍यांचे म्हणणे आहे.
चौकट: बोरांचे दर घसरल्यामुळे बोर उत्पादकांसमोर मोठा प्रश्न निर्माण झाल्यामुळे बागांचे पंचनामे करून उत्पादकांना नुकसान भरपाई देता येईल का याचा विचार होणे गरजेचे आहे

मागणी आहे.कुसळंब,वाणेवादी,आगळगाव,घारी,खामगाव,पांगरी,भोयरे,जामगाव,ढोत्रे,येथे चमेली,कडाका,उमराण आदि विविध जातीच्या बोरांचे उत्पादन घेतले जाते.

आंबा निर्यातीसाठी प्रमाणपत्र आवश्यक

 उस्मानाबाद - आंबा बागायतदार शेतकऱ्यांना सूचित करण्यात येते की, उत्पादीत आंबा युरोपीयन देशांना निर्यात करणे किंवा देशांतर्गत चांगल्या दराने विक्री करण्यासाठी आंब्यामधील कीडनाशके उर्वरित अंश व किडरोगाची तपासणी करुन घेण्यासाठी आपल्या बागेची नोंदणी जिल्हा अधिक्षक कृषि कार्यालयाकडे करुन  प्रमाणपत्र घेणे आवश्यक आहे, असे आवाहन जिल्हा अधिक्षक कृषि अधिकारी शंकर तोटावार  यांनी केले आहे.
युरोपीय देशास आंबा निर्यात करणे किंवा विक्री करण्यासाठी सदरील प्रमाणपत्राची आवश्यकता भासते. नोंदणीसाठी आवश्यक असलेले अर्ज व चलनाचे शिर्ष संबधित तालुका कृषि अधिकारी/ मंडळ कृषि अधिकारी यांचेकडे उपलब्ध असून अर्जासोबत संबंधित जागेचा 7/12 व स्थळदर्शक नकाशा व रुपये 50 फी चलनाद्वारे भरुन  नोंदणी 15 जानेवारी, 2015 पर्यत करुन प्रमाणपत्र प्राप्त करुन घेण्याचे आवाहन करण्यात आले आहे.   

घरकूल बांधकामात उस्मानाबाद जिल्हा राज्यात चौथा

 उस्मानाबाद -  इंदिरा आवास योजनेअंतर्गत उस्मानाबाद जिल्ह्यास 2014-2015 वर्षासाठी शासनाने ठरवून दिलेल्या उद्दिष्टानुसार घरकुलाचे बांधकाम करुन उस्मानाबाद जिल्हा मराठवाडा विभागात प्रथम तर राज्यात चौथ्या क्रमांकावर आहे. जिल्हा परिषदेच्या मुख्य कार्यकारी अधिकारी तथा जिल्हा ग्रामीण विकास यंत्रणेच्या कार्यकारी समितीच्या अध्यक्ष सुमन रावत यांनी ही माहिती दिली आहे.
    इंदिरा आवास योजनेंतर्गत वर्ष 2014-15 साठी 2116 घरकुलांच्या कामास प्रशासकीय मंजुरी प्रदान करण्यात आली आहे. यापैकी जिल्हयातील 1 हजार 681 लाभार्थ्यांस पहिला हप्ता, 599 लाभधारकास दुसरा हप्ता वितरीत करण्यात आला. 95  घरकुलांचे कामे पूर्ण असून त्याचे अंतिमीकरण करण्यात आले आहे. सन 2013-14 मध्येही  जिल्ह्याने 98 टक्के घरकुलांची कामे पूर्ण केली आहेत.
इंदिरा आवास योजनाअंतर्गत लिंटल लेवलपर्यंत काम पूर्ण करुन दुसऱ्या हप्त्याची पंचायत समिती स्तरावर तातडीने मागणी नोंदवून निधी वेळेत खर्च करावा, असे आवाहन मुख्य कार्यकारी अधिकारी रावत यांनी केले आहे.   

अवैध सावकारीला शासन घालतेय लगाम

उस्‍मानाबाद - गेल्या दशकात राज्यात आणि विशेषत: विदर्भातील सहा जिल्ह्यात शेतकरी आत्महत्या करीत असल्याचे आढळून आल्याने शेतकऱ्यांच्या आत्महत्या करण्यामागील कारणाचा शोध घेण्यास राज्य व केंद्र सरकारने अनेक समित्या नेमल्या. सहकार विभागानेही अधिकाऱ्यांमार्फत वेळावेळी चौकशी करुन अहवाल मागविले. तसेच शासनाने स्वायत्त संस्थांनासुध्दा संशोधनाचे कार्य सोपवून त्यांचे कडून अहवाल मागविण्यात आले. या सर्व अहवालातून नमूद कारणापैकी सावकारांकडून शेतकऱ्यांची  होणारी पिळवणूक थांबविणेसाठी जुना सावकारी कायदा अपुरा पडत असल्यामुळे  प्रभावशाली व परिणामकारक नियमन करणारा नवा सावकारी कायदा तयार करण्याचा निर्णय महाराष्ट्र शासनाने घेतला. शासनाने या संदर्भात नविन कायद्याचा मसूदा तयार करुन त्यास मंत्रीमंडळाची मंजूरी घेण्यात आली.
    हे विधेयक राज्य विधीमंडळासमोर विचार विनियमनासाठी व मंजूरीसाठी ठेवण्यात आले. सदर विधेयकाला दिनांक 22 एप्रिल 2010 रोजी राज्य विधीमंडळाची मान्यता मिळाली. हे प्रस्तावित विधेयक मा. राष्ट्रपतींच्या मंजूरीसाठी पाठविण्यात आले. केंद्र शासनाच्या सूचनेनुसार प्रस्तावित विधेयकात काही सुधारणा केल्यामुळे या सुधारणांसह जारी करावयाच्या अध्यादेशास 10 जानेवारी 2014 रोजी  मा. राष्ट्रपतींची मंजूरी मिळाली.  त्यानुसार महाराष्ट्र सावकारी  नियमन अध्यादेश 2014 दिनांक 16 जानेवारी 14 पासून राज्यात लागू करण्यात आला आहे.
    या सावकारी नियमन अध्यादेशाची काही ठळक वैशिष्ट्ये पुढीलप्रमाणे आहेत. यात सावकारी करण्यासाठी परवाना घेण्यासाठी सावकाराला प्रथम सावकाराला सहायक निबंधक यांचेकडे अर्ज करावा लागेल. एखादा परवानाधारक सावकार बेकायदेशिर सावकारी व्यवहार करत असेल तर जिल्हा निबंधक चौकशीनंतर सावकाराचा परवाना रद्द करु शकेल. परवान्याशिवाय कोणत्याही व्यक्तीला सावकारी व्यवसाय करता येणार नाही. एखाद्या व्यक्ती परवान्याशिवाय व्यवहार करत असेल तर अशा सावकाराचे घर/ दुकानाची झडती  घेण्याचा अधिकार निबंधकास आहे. अवैध सावकारांचे ताब्यात असलेल्या जंगम मालमत्तेबाबत निर्णय करण्याचे अधिकार जिल्हा निबंधकांना आहेत. जिल्हा निबंधक चौकशीअंती कलम 17 नुसार ही जंगम मालमत्ता संबंधीत मालकास परत करु शकेल.
कोणत्याही वैध/ अवैध सावकाराने विक्री, गहाण, लिज, अदलाबदल किंवा कोणत्याही मार्गाने एखाद्या कर्जदाराची स्‍थावर मालमत्ता ताब्यात घेतली असेल व अशा कर्जदाराने जिल्हा निबंधक यांचेकडे अर्ज केल्यास जिल्हा निबंधक स्वत:  किंवा चौकशी अधिकाऱ्यांमार्फत अशा व्यवहाराची तपासणी करेल व  सदरची स्थावर मालमत्तेचा व्यवहार हा कर्जाचे बदल्यामध्ये झाले आहे, अशी जिल्हा निबंधक  यांची खात्री झाल्यास जिल्हा निबंधक असा दस्त व्यवहार अवैध असल्याचे घोषित करु  शकेल. कलम  18 नुसार जिल्‍हा निबंधकाचे  आदेशानंतर संबंधित अधिकारी त्यांच्या अभिलेख्यामध्ये याबाबतची नोंद करेल. जिल्हा निबंधकाच्या या आदेशाविरुध्द एका महिन्याचे आत विभागीय निबंधकाकडे अपील करता येईल व विभागीय निबंधकांचाआदेश अंतीम असेल. विनापरवाना वा अवैध सावकारी केल्याचे निदर्शनास आल्यास संबंधितास पाच वर्षापर्यंत कैदेची  शिक्षा किंवा पन्नास हजारापर्यंत दंड  यापैकी एक किंवा दोन्ही प्रकारच्या शिक्षेची तरतुद आहे. कलम- 39, कर्जाच्या वसूलीसाठी सावकार किंवा त्यांच्यातर्फे कुणीही कर्जदाराची छळवणूक केल्यास दोन वर्षपर्यंत कैद किंवा  रुपये पाच हजारापर्यंत दंड किंवा दोन्ही अशा शिक्षेची तरतुद आहे तसेच हा दखलपात्र गुन्हा असेल.
    कर्जासंधीची सर्व कागदपत्रे  जपून ठेवा. कर्जाला तारण देण्याच्यादृष्टीने स्थायी संपत्तीचे विक्रीपत्र कधीच करुन देवून नका, सावकाराने हिशोबाशिवाय अन्य रक्कमेची मागणी केल्यास ती मान्य करु नका. सावकारांकडून कर्जाचे विवरणपत्र प्राप्त करा. विवरणपत्रातील मजकूर व रकमा योग्य नसल्यास ती बाब सावकाराच्या निदर्शनास आणा व त्याने दखल न घेतल्यास रितसर तक्रार सहकार खात्याकडे करा. आपली सावकारांकडून फसवणूक होत असल्यास त्याबाबत सहकार खात्याकडे संपर्क साधा व निवेदन/ तक्रार अर्ज दयावा,  सावकारांकडून उपद्रव होत असल्यास सहकार खात्‍याकडे व जवळच्या पोलीस स्टेशनकडे तक्रार करा, शासनाने याबाबत हेल्पलाईन सुरु केली असून हेल्पलाईन  क्रमांक 022-40293000 असा आहे.   कोणत्याही नागरिकांना कोऱ्या कागदावर सह्या करु नयेत .
सावकारास कर्जदाराकडून मुद्दलापेक्षा जास्त व्याज घेता येणार नाही तसेच व्याजावर व्याज लावता येणार नाही. अनावश्यक खर्च वसूल करता येणार नाही.  राज्य  शासनाने वेळोवेळी जाहीर केलेल्या व्याजदरानुसारच तारण व विनातारण कर्जव्यवहार करणे सावकारास बंधनकारक आहे. याशिवाय कर्जदाराने मागणी केल्यावर कर्जखाते उतारा सावकाराने देणे आवश्यक आहे.
अर्थात, शेतकऱ्यांनी शक्यतोवर सहकारी संस्था, सहकारी बॅंका, राष्ट्रीयकृत बॅंका यांच्याकडूनच कर्ज घ्यावे. शासनाच्या डॉ. पंजाबराव देशमुख व्याज सवलत योजनेमुळे पीककर्ज नियमित परतफेड करणाऱ्या शेतकरी कर्जदारास रुपये 1 लाखापर्यंत शून्य टक्के व्याज आणि 3 लाखापर्यंत 2 टक्के व्याज दराने कर्ज उपलब्ध करुन देण्यात येते. अपरिहार्य कारणामुळे सावकाराकडून कर्ज घेण्याची वेळ आली तर सदर सावकार हा परवानाधारक आहे, याची खात्री करुन घ्या. सावकारांना चक्रवाढव्याज पद्धतीने व्याज आकारता येत नाही. त्यामुळे जास्त व्याज देऊ नका. जास्त व्याजाची आकारणी झाली असेल तर जवळच्या सहकार कार्यालयाकडे तक्रार करा.
कर्जदारांनी त्यांना मिळालेल्या कर्जाची रक्कम कागदपत्रावर अक्षरी आणि अंकी बरोबर लिहिली आहे काय, याची खात्री करणे आवश्यक आहे. सावकारास परत केलेल्या कर्ज रकमेची पावती घेणे आवश्यक आहे. कर्जासंबंधीची सर्व कागदपत्रे जपून ठेवा. कर्जाला तारण देण्याच्या दृष्टीने स्थायी संपत्तीचे विक्रीपत्र कधीच करुन देऊ नका.
लक्षात ठेवा, सावकारांकडून फसवणूक होणार नाही, यादृष्टीने कायम काळजी घेतली पाहिजे.                   

सैन्यदलात विविध पदांसाठी अर्ज करण्याचे आवाहन

उस्मानाबाद - माजी सैनिक/ युध्द विधवा/ माजी सैनिकांच्या विधवा पत्नी अवलंबिताच्या कल्याणाच्या दृष्टीकोनातून स्टेशन हेडक्वॉटर्स, अहमदनगर यांनी सूचित केल्यानुसार ई. सी. एस. एस. पॉलीक्लीनिकमध्ये कंत्राटी पध्दतीने मानधनावर एक वर्षाकरीता (अधिक कालावधीकरीता नुतनीकरण) खालील रिक्त पदे भरण्यात येणार आहे.     
         इच्छुकांनी आपले विहीत नमुन्यातील अर्ज 25 डिसेंबरपर्यत स्टेशन हेडक्वॉटर्स, अहमदनगर, जामखेडरोड पोस्ट कॅम्प,अहमदनगर-414002 येथे  अर्ज पाठवावेत, असे आवाहन मेजर सुभाष सासने (नि),  जिल्हा सैनिक कल्याण अधिकारी, उस्मानाबाद यांनी केले आहे.
    ऑफीसर इन चार्जची 2 पदे सोलापूर आणि उस्मानाबाद प्रत्येकी एक प्रमाणे ( दरमहा वेतन 46 हजार रुपये), मेडीकल स्पेशालिस्ट अहमदनगरसाठी  एक पद (द.म. वेतन 55 हजार), मेडीकल ऑफीसर बीडसाठी एक पद (द.म.वेतन 46 हजार), डेंन्टल टेक्निशियन तीन पदे अहमदनगर, उस्मानाबाद व बीड येथे पद भरण्यात येणार असून द. म. वेतन 15 हजार इतके आहे. 
अधिक माहितीसाठी स्टेशन हेडक्वॉटर्स अहमदनगर, जामखेड रोड, पोस्ट कॅम्प अहमदनगर दुरध्ववनी क्र.0241-2323565/2321233, ई-मेल echscellstnhqnagar@yahoo.com अधिक माहितीसाठी www.echs.gov.in संकेतस्थळावर भेट देवून विहीत मुदतीत अर्ज भरुन या योजनेचा लाभ घ्यावा, असेही आवाहन करण्यात आले आहे.              

बार्शीतील सेवानिवृत्त संघटनेचा रौप्य महोत्सव

बार्शी -  सेवानिवृत्त कर्मचार्‍यांसाठी आयोजित केलेल्या शिबीरात तपासणीसाठी आलेल्या रुग्णांना बराच वेळ थांबावे लागते. त्यांच्यासाठी इतर दिवशीही मोफत तपासणी करुन औषधोपचारात सवलत देण्याची घोषणा प्रसिध्द विशारद डॉ.विजयकुमार केसकर यांनी केली. 

        शुक्रवारी दि.१९ रोजी रेणुका मंगल कार्यालयातील रौप्यमहोत्सवी अधिवेशनात स्वागत व सत्काराला उत्तर देतांना ते बोलत होते. यावेळी व्यासपीठावर अध्यक्षस्थानी नगराध्यक्ष रमेश पाटील, कोषागार अधिकारी प्रविण मानकर, लेखाधिकारी अजितसिंह पवार, महाराष्ट्र पेन्शनर्स असोसिएशन पुणेचे कार्याध्यक्ष चिंतामणी प्रभुणे, सोमनाथ नाईक, डी.डी.नागराशी, एस.व्ही.उंब्रजकर, प्रभुलिंग स्वामी (सर), अंबादास दानवे, श्री.डांगे, श्री.उबाळे, श्री.होसमणी आदी उपस्थित होते.सेवानिवृत्त कर्मचार्‍यांच्या विविध समस्येंची सोडवणूक करण्यासाठी स्थापन केलेल्या संघटनेला पंचवीस वर्षे पूर्ण झाली. संघटनेमार्फत नियमितपणे सेवानिवृत्तांचे विविध प्रश्‍न हाताळण्यात येत आहेत. जिल्ह्यातून विविध ठिकाणच्या निवृत्त कर्मचार्‍यांनी बार्शीतील संघटनेच्या कार्याचे कौतुक केले. रमेश पाटील म्हणले, संघटनेच्या कार्यालयासंदर्भात असलेल्या सर्व समस्या काही दिवसांतच सोडविण्यात येतील. संघटनेचे अध्यक्ष वागी म्हणाले सर्व सहकार्‍यांच्या सहकार्याशिवाय संघटना चांगल्या रितीने चालविणे शक्य नव्हते. प्रभुलिंग स्वामी म्हणाले, संघटनेच्या वतीने संस्कारक्षम पिढी घडविण्यासाठी तरुणांना मार्गदर्शनाकरिता कार्यशाळांचे आयोजन करावे. यामुळे स्वातंत्र्याचे अपुरे स्वप्न फलद्रुप होईल. शासनाच्या वतीने राबविलेल्या संकल्प सारख्या योजनांचा सेवानिवृत्तांनी फायदा घ्यावा. कार्यक्रमाच्या सुरुवातीस पाकिस्तानमधील निरपराध विद्यार्थ्यांना श्रध्दांजली अर्पन करण्यात आली. श्रीमती शारदा पानगावकर यांनी स्वागतगीत गायले. दिपप्रज्वलनानंतर अध्यक्ष व्ही.बी.वांगी यांनी प्रास्ताविक केले. यावेळी उपस्थित मान्यवरांच्या हस्ते जीवनगंध या रौप्यमहोत्सवी स्मरणीकेचे प्रकाशन करण्यात आले. कार्यक्रमाचे सुत्रसंचलन सुमन चंद्रशेखर यांनी केले.
    कार्यक्रम यशस्वीतेसाठी अनिलकुमार बंडेवार, आर.डी.लिंबकर, डी.आर.शेटे, व्ही.जी.लोखंडे, व्ही.बी.वांगी, एच.के.मुळे, ए.ए.मुळे, ए.ए.पटेल, यू.डी.पोतदार, एस.एल.गायकवाड, बी.बी.रणझुंजारे, सौ.सुमन बारसकर, व्ही.पी.माळकर, ऍड्.एस.बी.शिंदे, के.जी.होनखांबे, एच,एम.गरड, भैय्या अत्रे, श्रीमती ज्योत्स्ना पाटील आदींनी परिश्रम घेतले.

मास्टर बलास्ट सचिन तेंडूलकरने खासदार निधी दिला वैरागच्या शाळेला

 वैराग (महेश पन्‍हाळे) आपल्या तळपत्या बॅटने पूर्ण क्रीडा विश्‍वावर अधिराज्य गाजवणार्‍या मास्टर ब्लास्टर सचिन तेंडुलकर यांनी इर्लेवाडी (ता. बाश्री) येथील शाळेला वर्ग खोल्या बांधण्यासाठी पंधरा लाख रुपयांचा निधी उपलब्ध करुन देऊन विद्यार्थी वर्गाच्या मनावरही अधिराज्य निर्माण केले आहे. ज्या सचिनला टीव्ही आणि पेपरमध्ये पाहत आलो, त्याच सचिन तेंडुलकर यांनी इर्लेगावासाठी स्वत:चे योगदान दिल्याने इर्लेकरांचा उत्साह चांगलाच दुणावला आहे.

        तीन हजार लोकसंख्या असलेल्या इर्ले- इर्लेवाडी गावाकरिता श्री छत्रपती राजर्षी शाहू शिक्षण प्रसारक व समाजसेवा मंडळाने १९९७ साली कै. लक्ष्मणराव डुरे-पाटील नावाची प्रशाला स्थापन केली. या शाळेत इर्ले, इर्लेवाडी, काळेगाव वस्ती व वस्तीगृहातील अशी ११७ मुली व १२५ मुले मिळून २४२ मुले शिक्षण घेत आहेत. सर्व सोयीनीयुक्त संगणकीय असलेली ही शाळा क्रीडा क्षेत्रातही जिल्ह्यात नावाजलेली आहे. या सर्व गोष्टींसोबत राष्ट्रपतींनी नियुक्त केलेल्या राज्यसभेतील खासदार सचिन तेंडुलकर यांच्या फंडातून पंधरा लाखांचा निधी या शाळेसाठी उपलब्ध झाल्याने शाळा आगळ्यावेगळ्या रुपाने प्रसिध्दीच्या झोतात आली आहे. प्रशालेला नवीन वर्ग खोल्या उपलब्ध व्हाव्यात यासाठी प्रशालेचे मुख्याध्यापक किशोर डुरे-पाटील यांनी १६ जुलै २0१३ रोजी खासदार सचिन तेंडुलकर यांना पत्र पाठविले होते. त्यानंतर त्या पत्राचा पाठपुरावा करण्यासाठी १८ जुलै २0१४ रोजी दुसरे पत्र पाठवले. या पत्राची दखल घेत स्वत: सचिन तेंडुलकर यांनी इर्लेवाडीसाठी सन २0१४-१५ च्या खासदार निधीतून १५ लाखांचा निधी देण्याची तयारी दर्शविली आहे. याबाबतचे एक लेखी पत्र मुंबई उपनगर जिल्हा नियोजन समितीला खासदार सचिन तेंडुलकर यांनी दिले आहे. त्याची एक प्रत संबंधित शाळेला व सोलापूर जिल्हा नियोजन समितीलाही प्राप्त झाली आहे. क्रिकेट विश्‍वाचा देव म्हणून जगविख्यात सचिन तेंडुलकरला सर्वांनीच संमती दिली आहे. ज्यावेळी तो खेळायचा त्यावेळी आपल्या खेळातून कर्तृत्व व्यक्त करीत होता. आता खासदार बनल्यापासून ते आपल्या विकास कामातून कर्तव्य बजावत आहेत. आजपर्यंत किती खासदार आले - झाले, पण पूर्ण वेळ व्यस्त असताना लहान गोष्टीचे मोठे महत्व ओळखत सोलापूर जिल्ह्यात निधी उपलब्ध करुन देणारे पहिलेच बिगर राजकीय सेलिब्रिटी ते ठरले आहेत. आपल्या मितभाषी स्वभावाने, चेहर्‍यावर सतत हास्य फुलवणार्‍या, नेहमी झुंज देत लढणारा शतकांचा बादशहा क्रिकेट विश्‍वातून नवृत्ती स्वीकारल्यानंतरही रसिकांच्या मनातून कधीही दूर गेला नाही. त्यात शैक्षणिक क्षेत्रात कशाचाही गवगवा न करता भरीव आर्थिक मदत देऊन सोलापूर जिल्ह्याच्या मनात कायमचेच घर निर्माण केले आहे
         खासदार सचिन तेंडुलकर यांच्या कार्यकर्तृत्वाची जवळून ओळख व्हावी व विद्यार्थीदशेतच महान खेळाडूचे महानपण लक्षात यावे, यासाठी पाठपुरावा केला होता. विशेष म्हणजे आमच्यासारख्या साध्या माणसांची दखल घेतली जाईल असे वाटले नव्हते. पण या घटनेनंतर खरंच सचिन हे मनानेही मोठे असल्
      महान क्रिकेटपटू सचिनने छोट्याशा गावात निधी देऊन जे मोठे काम केले आहे, त्याचे स्मरण आमच्या इर्लेकरांच्या कायम स्मरणात रहावे. यासाठी सचिनच्या प्रेरणास्तव हायस्कूलमध्ये संग्रहालय बनवणार आहे, असे संस्थेचे अध्यक्ष सुभाष डुरे-पाटील यांनी सांगितले.
    खासदार सचिन तेंडुलकर यांच्या निधी उपलब्धतेची झेरॉक्स प्रत सोलापूर जिल्हा नियोजन समितीला प्राप्त झाली असून, मूळ प्रत मुंबई उपनगर कार्यालयाकडे आहे. त्यादृष्टीने मुंबई कार्यालयाशी पत्रव्यवहार झाला असून आवश्यक त्या तांत्रिक बाबींची पूर्तता केल्यानंतर या शाळेस निधी उपलब्ध होणार आहे, अशी माहिती सोलापूरचे जिल्हा नियोजन अधिकारी शशिकांत म्हेत्रे यांनी दिली.

याची साक्ष पटली, असे शाळेचे मुख्याध्यापक किशोर डुरे-पाटील यांनी सांगितले.