औषध निर्माण अधिकारीपदी पदोन्नती झालेबद्दल सचिन करंडे यांचा काटी ग्रामपंचायतच्या वतीने सत्कार

औषध निर्माण अधिकारीपदी पदोन्नती  झालेबद्दल सचिन करंडे यांचा काटी ग्रामपंचायतच्या वतीने सत्कार

काटी/उमाजी गायकवाड 

तुळजापूर तालुक्यातील काटी येथे शुक्रवारी सरपंच परिषदेचे जिल्हाध्यक्ष तथा सरपंचपती सुजित हंगरगेकर यांच्या पुढाकाराने येथील  ग्रामपंचायतच्या वतीने   सचिन महादेव करंडे यांची  19 वर्षे वैद्यकीय अधिकारी म्हणून सेवा बजावत असताना सरकारी निर्णयानुसार सार्वजनिक आरोग्य विभागाच्या वतीने त्यांची मिरा भाईंदर  महानगरपालिकेत वरिष्ठ औषध निर्माण अधिकारीपदी  पदोन्नती झालेबद्दल त्यांचा विविध मान्यवरांच्या उपस्थितीत शाल, श्रीफळ, पुष्पहार घालून  सत्कार करण्यात आला. 

या सत्कार सोहळ्यात सासुरे येथील माजी सरपंच तात्यासाहेब करंडे, उद्योजक प्रशांत भारती व सादिक शेख यांचाही सत्कार करण्यात आला. प्रस्ताविकात   सुजित हंगरगेकर यांनी सत्कार  मुर्ती वैद्यकीय अधिकारी पदावरुन पदोन्नती  झालेले वरिष्ठ औषध  निर्माण अधिकारी सचिन महादेव करंडे यांचा परिचय करुन देताना ते काय करतात, त्यांची कार्य करण्याची पद्धत कशी आहे, आपली माणसं कोणत्या हुद्यावर आहेत, त्यांच्या माध्यमातून आपल्या गावासाठी काय करता येईल, आपल्या गावकऱ्यासाठी  काय सुविधा उपलब्ध होतील याविषयीचा आराखडा मांडत ते म्हणाले की,काटी ग्रामपंचायत व ग्रामस्थांच्या वतीने आम्ही केलेल्या विनंतीला मान देऊन आमचा सत्कार स्वीकारल्याबद्दल कृतघ्नता व्यक्त करीत ते म्हणाले आपला सासुरे या मुळ गावी  सत्कार पाहून आम्ही खरोखरच भारावून गेलो असल्याचे सांगून बाहेरगावी खेड्यातील मुलाने उच्च पदावर गेल्याने ग्रामस्थांच्या मनात आपल्याविषयी असलेली भावना व आपली जन्मभूमी असलेल्या खेड्याविषयी असलेली आपली आत्मीयता व गावच्या विकासासाठी असलेली आपली तळमळ हे आम्ही बारकाईने टिपल्याचे सांगून भविष्यात आपल्या माध्यमातून निश्चितपणे  गावासाठी फायदा होईल असा आशावाद व्यक्त केला.

सत्काराला उत्तर देताना औषध निर्माण अधिकारी सचिन करंडे म्हणाले की, डेंग्यूसदृश परिस्थितीवर नियंत्रण साधण्यासाठी ग्रामपंचायतच्या माध्यमातून उपाययोजना करण्यासाठी लागणारी ब्लिचिंग पावडर, धुर फवारणी करण्यासाठी लागणारी फॉगिंग मशिन या सारख्या प्रतिबंधात्मक उपाययोजनेसाठी लागणारे साहित्य जे माझ्या गावात दिले जाईल ते सर्व साहित्य काटी ग्रामपंचायतला सुध्दा देणार असल्याची ग्वाही त्यांनी यावेळी दिली.

या सत्कार सोहळ्यानंतर मावळे क्रिडा व सांस्कृतिक गणेशोत्सव मंडळाची आरती  सचिन करंडे यांच्या हस्ते करण्यात आली.या कार्यक्रमाचे बहारदार सुत्रसंचालन जयाजी देशमुख यांनी केले तर आभार सुजित हंगरगेकर यांनी मानले.

यावेळी माजी चेअरमन सयाजीराव देशमुख, प्रगतशील  शेतकरी प्रदीप साळुंके, सासुरे येथील माजी सरपंच तात्यासाहेब करंडे, उद्योजक प्रशांत भारती,सादिक शेख, प्रकाश गाटे,माजी सरपंच शामराव आगलावे,पत्रकार उमाजी गायकवाड, गजानन देशमुख, जयाजी देशमुख, चंद्रकांत काटे, बबन हेडे ,प्रकाश  सोनवणे,अमोल गावडे, शिवलिंग घाणे, दादा इंगळे, सहशिक्षक दयानंद गुरव, नाना जानकर, दत्ता  हंगरकर, कालू कुरेशी, बबन शिंदे, दत्ता राऊत,प्रशांत सुरवसे, सुधाकर जाधव, सिध्दु  बनसोडे आदी  उपस्थित होते.

ईद-ए-मिलाद निमित्त दोनशे पेक्षा आधिक रक्तदात्यांनी केले रक्तदान , ए.सी.एम. ग्रुपचा पुढाकार

दोनशे पेक्षा जास्त रक्तदात्यांनी केले रक्तदान , ए.सी.एम. ग्रुपचा पुढाकार

धाराशिव , दि .२९ : 

ईद-ए-मिलाद निमित्त हजरत ख्वाजा शमसोद्दीन गाजी (रहे) दर्गाह समोरील ए.सी.एम. ग्रुपच्या वतीने आयोजित  रक्तदान शिबीरात  दि.२९ सप्टेंबर रोजी दोनशे पेक्षा जास्त रक्तदात्यांनी  रक्तदान केले. सह्याद्री ब्लड बँकेने हे रक्त संकलित केले आहे.

इस्लाम धर्माचे प्रेषित मोहम्मद पैगंबर यांचा जन्मदिवस ईद-ए-मिलाद म्हणून साजरा केला जातो. संपूर्ण जिल्ह्यात मोठ्या उत्साहाने मुस्लिम बांधव हा पवित्र सण साजरा केला आहे.

ए.सी.एम. ग्रुपच्या रक्तदान शिबिराची ११ वर्षांपासूनची येथील परंपरा कौतुकास्पद आहे. आतापर्यंत सुमारे १,९०० पेक्षा जास्त लोकांनी या शिबिरामध्ये सहभाग नोंदवून रक्तदान केले आहे. 

आज सर्व पक्षांच्या नेत्यांनी व सामाजिक कार्य करणाऱ्या लोकांनी या ठिकाणी भेट देऊन शुभेच्छा दिल्या तसेच रक्तदान देखील केले आहे. विशेष म्हणजे आज तुळजापूर मतदारसंघाचे आमदार राणाजगजितसिंह पाटील, राजसिह राजेनिंबाळकर, काँग्रेसचे  अग्निवेश शिंदे, प्रशांत पाटील, विश्वास शिंदे, शहर पोलिस निरीक्षक उस्मान शेख , जावेद शेख , यांनी भेट देऊन  शुभेच्छा दिल्या.

यावेळी एसीएम ग्रुपचे अध्यक्ष अजहर मुजावर, पोपटी करवीर, जमीर शेख, जफर शेख, शेख बाबा, चांद मुजावर, सादेख मुजावर, आरेफ मुजावर, रेहमान मुजावर, फवाद रजवी, इम्रान मुजावर, इल्यास मुजावर , सलीम पठाण , अमजद सय्यद, यांच्यासह पदाधिकारी व कार्यकर्ते  उपस्थित होते.

एस.पी.शुगर अँड ऍग्रो प्रा.लि.चा 6 वा गळीत हंगामचा मंत्री संजय बनसोडे यांच्या हस्ते बॉयलर अग्निदीप प्रज्वलन उत्साहात

                                 

एस.पी.शुगर अँड ऍग्रो प्रा.लि.चा 6 वा गळीत हंगामचा मंत्री संजय बनसोडे यांच्या हस्ते बॉयलर अग्निदीप प्रज्वलन उत्साहात 

धाराशिव,दि.२९ 

एस.पी.शुगर अँड ऍग्रो प्रायव्हेट लिमिटेडच्या 6 व्या गळीत हंगामाचा शुभारंभ क्रीडा व युवक कल्याण,बंदरे मंत्री संजय बनसोडे यांच्या हस्ते बॉयलर अग्निप्रदीपन सोहळा आज 29 सप्टेंबर रोजी धाराशिव तालुक्यातील कसबे तडवळे या ठिकाणी उत्साहात संपन्न झाला.

         

या  कार्यक्रमास कारखान्याचे चेअरमन सुरेश पाटील,शिक्षक मतदार संघाचे आमदार विक्रम काळे,सुरेश बिराजदार तसेच इतर मान्यवर उपस्थित होते. यावेळी बोलताना कारखान्याचे चेअरमन सुरेश पाटील म्हणाले की, धाराशिव जिल्हयातील एस.पी.शुगर अँड ऍग्रो प्रायव्हेट लिमिटेड हा यावर्षीचा एकमेव कारखाना आहे, की जो आमच्या सभासद बांधवांना आणि शेतकरी बांधवांच्या उसाला कमीत कमी भाव 2 हजार 800 रुपये देईल. 

    

       

मंत्री श्री.बनसोडे म्हणाले की, सहकारी कारखाने,प्रायव्हेट कारखाने त्यांचा भाव  किती देणार आहेत आणि आपण किती देणार आहोत हे सुद्धा जाहीरपणे सुरेश पाटील यांनी सांगितले.

            

श्री.पाटील यांनी 2 हजार 800 रूपये हा कमीत कमी  भाव जाहीर केला असला तरी त्यांनी त्यांच्या प्रास्ताविकात सांगितले की, दुसरा कारखाना जर जास्त भाव देत असेल तर आपण 2800 पेक्षासुद्धा जास्त भाव देऊ हे सुद्धा त्यांनी या ठिकाणी जाहीर केले आहे म्हणून त्यांचे मनःपूर्वक या ठिकाणी अभिनंदन करण्यात आले.

            

शासन सहकारी साखर कारखान्याना जी काही  मदत लागेल ते मदत करण्याचे काम सुद्धा भविष्यकाळामध्ये होणार आहे.ज्या शेतकऱ्यांचे यावर्षी पीक नुकसान झाले आहे.ज्या शेतकऱ्यांना नुकसानीची भरपाईसुद्धा पीक विम्यांच्या माध्यमातून शेतकऱ्यांना 25 टक्के अग्रीम देण्याचा निर्णय घेण्यात आला आहे.म्हणून शेतकरी बांधवांना कसल्याही परिस्थितीमध्ये आम्ही अजिबात वाऱ्यावर सोडणार नाही.विजेच्या बाबतीत शेतकऱ्यांना दिवसा वीज देण्याचा निर्णय सुद्धा शासन लवकरात लवकर घेत आहे. असेही श्री.बनसोडे यावेळी म्हणाले.

                    

तुळजापूर विधानसभा मतदार संघाचे आमदार राणाजगजितसिंह पाटील यांचा भव्य नागरी सत्कार

जिल्ह्याचा चेहरा मोहरा-बदलणार

पंधरा महिन्यात पाच हजार कोटींचा निधी

युथ फोरमच्या वतीने आमदार राणाजगजितसिंह पाटील यांचा भव्य नागरी सत्कार

धाराशिव दि.२९ : 

जिल्ह्यातील अनेक महत्वपूर्ण प्रकल्प आणि योजनांना आता गती मिळाली आहे. दहा हजार रोजगार निर्मितीचा टेक्निकल टेक्स्टाईल पार्कला मंजुरी मिळाली आहे. कुलस्वामिनी तुळजाभवानी देवीजींच्या चरणी रेल्वेगाडी धावणार आहे. जागतिक पर्यटन केंद्राच्या दिशेने धाराशिव जिल्ह्याचा प्रवास वेगाने प्रवास सुरु आहे आणि जिल्ह्याच्या शेतशिवरात यंदा कृष्णेचे पाणी खळाळणार आहे. त्यासाठी दमदार कामगिरी करीत मागील 15 महिन्यात पाच हजार कोटींहून अधिक निधी मिळविल्याबद्दल आमदार राणाजगजितसिंह पाटील यांचा रविवार दि.१ रोजी भव्य नागरी सत्कार आयोजित करण्यात आला आहे.

जिल्ह्यातील नव उद्योजक असलेल्या तरुणांनी स्थापन केलेल्या युथ फोरम या संघटनेच्या माध्यमातून नागरी सत्कार संयोजन समिती तयार करण्यात आली आहे. या समितीच्या माध्यमातून रविवार दि. 1 ऑक्टोबर रोजी दुपारी ठीक 12.30 वाजता धाराशिव शहरातील नगर परिषदेच्या छत्रपती शिवाजी महाराज नाट्यगृहात हा भव्य नागरी सत्कार सोहळा आयोजित करण्यात आला आहे. 

तुळजाभवानी देवीचे महंत तुकोजी बुवा, योगी महंत मावजीनाथ बुवा, सांगोल्याचे आमदार  ॲड शहाजी बापू पाटील, जनता बँकेचे अध्यक्ष वसंतराव नागदे , श्रीमती कमल नलावडे, प्रा.डॉ. सतीश कदम,  ॲड  अविनाश देशमुख यांच्यासह शहर व जिल्ह्यातील सामाजिक, शैक्षणिक क्षेत्रातील मान्यवरांच्या हस्ते आमदार पाटील यांचा युथ फोरमच्या वतीने भव्य नागरी सत्कार करण्यात येणार आहे.

शासकीय वैद्यकीय महाविद्यालयास मान्यता व जागा मंजूर करून दिल्याबद्दल, कौडगांव एम. आय.डी.सी. सौर ऊर्जा प्रकल्प, सुरत-चैन्नई सहपदरी महामार्ग,  शक्तीपीठ महामार्ग या महत्वपूर्ण प्रकल्पांना मोठा निधी उपलब्ध करून दिल्याबद्दल आणि सातत्यपूर्ण प्रयत्न आणि चिकाटीच्या बळावर मागील 15 महिन्यांच्या कालावधीत केंद्र आणि राज्य सरकारच्या माध्यमातून जिल्ह्यातील विविध महत्वपूर्ण प्रकल्प आणि विकासकांसाठी सुमारे 5000 कोटी रुपयांचा निधी खेचून आणल्याबद्दल जिल्हावासीयांच्या वतीने आमदार पाटील यांचे मनःपूर्वक धन्यवाद मानण्यासाठी या नागरी सत्कार समारंभाचे आयोजन करण्यात आले आहे. या कार्यक्रमास शहर व जिल्ह्यातील नागरिकांनी बहुसंख्येने उपस्थित राहावे असे आवाहन युथ फोरमच्या वतीने करण्यात आले आहे.

अन्नाच्या नासाडीवर आपल्याला त्वरित सुधारणा आवश्यक ( आंतरराष्ट्रीय अन्न नुकसान आणि अपव्यय जागरूकता दिन विशेष )

लेखक फोटो - डॉ. प्रितम  गेडाम

अन्नाच्या नासाडीवर आपल्याला त्वरित सुधारणा आवश्यक ( आंतरराष्ट्रीय अन्न नुकसान आणि अपव्यय जागरूकता दिन विशेष – २९ सप्टेंबर २०२३)

पृथ्वीवरील प्रत्येक जीवाला जगण्यासाठी लागणारी ऊर्जा अन्नातून मिळते, अन्नाशिवाय तो जास्त वेळ जगू शकत नाही. परंतु सर्व सजीवांमध्ये मनुष्य हा एकमेव असा सजीव आहे की ज्याच्या गरजा पूर्ण होताच, अन्न बिनमहत्त्वाचे मानून ते वाया घालवितो. माणसाला त्याच्या चवीनुसार निवडण्यासाठी विविध प्रकारचे खाद्यपदार्थ असतात, जे तो त्याच्या सोयीनुसार वापरतो. भारत हा जगातील असा देश आहे जिथे अन्नाची नासाडी आणि उपासमार या दोन्ही गोष्टी मोठ्या प्रमाणात आहेत. आपल्या येथे सर्वात मोठी समस्या ही आहे की आपण अन्नधान्याचे मूल्य केवळ पैशाच्या बाबतीतच करतो. श्रीमंत लोक त्यांच्या आवडीनुसार अन्नावर अधिक खर्च करतात, दुसरीकडे कुपोषितांना पोषक आहार दूरच, पोट भरेल इतके अन्नही मिळत नाही. सर्वांची भूक साधारणपणे सारखीच असते, तरीही सगळीकडे अन्नधान्याची एवढी नासाडी ही अत्यंत खेदाची गोष्ट आहे.

पृथ्वीवर अन्नाचा दर्जा देव तुल्य मानून जगातील प्रत्येक धर्मात विशेष आदर दिला गेला आहे. अन्नाचा पहिला नैवेद्य देवाला अर्पण केला जातो, मग आपण खातो. शेतकरी पेरणीपूर्वी आणि कापणीनंतर देव आणि निसर्गाचे आभार मानून सण साजरे करतात. आपल्या समाजात अन्नदान हे सर्वोत्कृष्ट मानले जाते. जीवन जगवणाऱ्या अन्नाला आपण कचराकुंडीत फेकून देतो, तर ती आपल्यासाठी अत्यंत लाजिरवाणी गोष्ट आहे. अन्न हे निसर्गाद्वारे माणसाच्या कष्टाने मिळते, त्याचे मूल्य त्याच्या किंमतीपलीकडे समजून घेणे फार महत्वाचे आहे. प्रथम, पालकांनी अन्न-धान्याच्या प्रत्येक दाण्याचे मूल्य समजून घेतले पाहिजे, नंतर त्यांच्या मुलांना देखील त्याचे महत्त्व समजावून द्यावे.

धान्य पिकवण्यापासून ते आपल्या ताटात ते आणण्यापर्यंत अनेकांचे संघर्ष लागलेले असते. शेतकरी धान्य पिकवण्यासाठी रात्रंदिवस शेतात कष्ट करतो, अनेक वेळा त्याला नैसर्गिक आपत्ती आणि आर्थिक संकटांचा सामना करावा लागतो, अनेक वेळा कष्ट करूनही त्याच्या धान्याला बाजारात योग्य भाव मिळत नाही. बाजारपेठेत साठवणुकीसाठी पुरेसे गोदामे नसल्यामुळे धान्य उघड्यावर ठेवावे लागते; पाऊस व खराब हवामानामुळे असे धान्य ओले व कुजून जाते. गोदामाची योग्य देखभाल होत नसल्याने दरवर्षी शेकडो टन धान्य उंदीर खाऊन जातात. संघर्ष करत असताना अनेक शेतकरी हताश होऊन आत्महत्या करतात; मागील सात महिन्यात महाराष्ट्र राज्यातील एकूण १५५५ शेतकऱ्यांनी आत्महत्या केल्याची धक्कादायक बातमी विधानसभेचे विरोधी पक्षनेते विजय वडेट्टीवार यांनी दिली आहे. महाराष्ट्रातील मराठवाडा आणि विदर्भात शेतकरी आत्महत्या जास्त नोंदल्या जातात. विभागीय आयुक्त विभागाच्या नुकत्याच प्रसिद्ध झालेल्या अहवालानुसार मराठवाड्यात १ जानेवारी २०२३ ते ३१ ऑगस्ट २०२३ या कालावधीत ६८५ शेतकऱ्यांनी आत्महत्या केल्या आहेत, जे आपल्या तथाकथित आधुनिक आणि प्रगत म्हणून घेणाऱ्या समाजासाठी ही अत्यंत लाजिरवाणी आणि चिंताजनक बाब आहे.

भारतीय अन्न सुरक्षा आणि मानक प्राधिकरणच्या म्हणण्यानुसार, भारतातील एक तृतीयांश धान्य हे खाण्यापूर्वीच वाया जाते. यूएनईपी अन्न कचरा निर्देशांक अहवाल २०२१ दर्शवितो की, भारतातील घरगुती अन्नाचा अपव्यय दररोज १३७ ग्रॅम अन्न आहे, दरवर्षी प्रति व्यक्ती सुमारे ५० किलो. अन्न आणि कृषी संघटनेच्या अंदाजे आकडेवारीनुसार, भारतातील 40% अन्न वाया जाते जे एका वर्षात 92,000 कोटी रुपयांच्या बरोबरीचे आहे, 30 टक्के भाज्या आणि फळे कोल्ड स्टोरेजच्या अभावामुळे वाया जातात. जेव्हा आपण अन्न वाया घालवतो, तेव्हा आपण ते उत्पन करण्याचा, वाढवण्याचा प्रयत्न, पिकांची कापणी, वाहतूक आणि पॅकेज करण्यासाठी लागणारी सर्व ऊर्जा, पाणी, वीज, शारीरिक मानसिक श्रम, कार्ये, कष्ट, गुंतवणूक आणि मौल्यवान संसाधने देखील वाया घालवतो. मर्यादित संसाधनांचा अनावश्यक नाश होतो, ज्यामुळे हरितगृह वायू उत्सर्जन वाढते. चीन आणि भारत दरवर्षी अधिक घरगुती अन्न कचरा निर्माण करतात, अंदाजे ९२ दशलक्ष आणि ६९ दशलक्ष मेट्रिक टन, जगभरातील इतर कोणत्याही देशांपेक्षा अधिक. ग्राहक व्यवहार, अन्न आणि सार्वजनिक वितरण मंत्रालयाने असे उघड केले आहे की मागील पाच वर्षांमध्ये (२०१६ - २०२०) केंद्रीय अन्नधान्यांमध्ये २५००० मेट्रिक टनांहून अधिक अन्नधान्य वाया गेले. लोकसभेत लेखी उत्तरात असेही म्हटले होते की मार्च २०२० ते डिसेंबर २०२१ दरम्यान सुमारे ३५०० मेट्रिक टन अन्नधान्य वाया गेले. ग्लोबल हंगर इंडेक्स २०२२ मध्ये भारत १२१ देशांपैकी १०७व्या क्रमांकावर आहे. यूएन च्या 'स्टेट ऑफ फूड सिक्युरिटी अँड न्यूट्रिशन, २०२२ रिपोर्टनुसार, २२४.३ दशलक्ष लोक किंवा भारतातील १६ टक्के लोक अल्पपोषित आहेत, त्यापैकी ५३ टक्के लोक कुपोषित आहेत. प्रत्येकासाठी पुरेसे अन्न असूनही, जगातील ६९० दशलक्ष लोक उपाशी झोपतात, ज्यामध्ये भारतातील १८९.२ दशलक्ष लोकांचा समावेश आहे. २०१९-२० मध्ये भारतात ६९ टक्के बालमृत्यूचे कारण कुपोषण होते.

काही दिवसांपूर्वी मी देशातील एक प्रतिष्ठित विद्यापीठात कामानिमित्य भेट दिली होती, तेव्हा तिथल्या विद्यार्थ्यांच्या डायनिंग हॉलमध्ये जेवण घेण्यासाठी गेलो होतो. तिथले दृष्य पाहून मला धक्काच बसला. बऱ्याच विद्यार्थ्यांनी पूर्ण ताटात जेवण घेतले पण चव न आवडल्याने किंवा इतर काही कारणास्तव त्यांनी आपल्या ताटात जेवण भरून तसेच सोडून दिले होते. तेथील कर्मचाऱ्यांशी मी बोललो तेव्हा मला कळले की, असे दृश्य दररोज पहायला मिळते, जे अत्यंत दुःखद आहे. देशाच्या कानाकोपऱ्यातून विद्यार्थी अभ्यासासाठी येतात, प्रत्येकाची स्वतःची आवड असते आणि वेगवेगळे पदार्थ आणि चव असतात, पण आपल्या ताटात एवढे अन्न घेऊन रोज वाया घालवायला कोणते शिक्षण शिकवते? अन्नधान्याची खरी किंमत फक्त कष्टाळू माणूसच समजू शकतो, ज्याने भुकेच्या वेदना समजून घेतल्या आणि सोसल्या आहेत, नाहीतर आज प्रत्येकजण मोठमोठ्या गोष्टी करतात, पण दुसरीकडे तेच लोक घरात आणि फंक्शन्समध्ये अन्नाची नासाडी करताना दिसतात. भारतीय समारंभामध्ये, सणांमध्ये अन्नाची नासाडी सर्वांनाच ठाऊक आहे, पण आपण सुधारणार कधी? अन्न मोफत असो वा खरेदी केलेलं, आपल्या भूकेनुसार ताटात थोडे-थोडे अन्न घेतले पाहिजे, गरजेनुसारच सेवन करावे.

अन्नाची नासाडी हा गुन्हा मानला गेला आणि जबाबदार व्यक्तीकडून मोठा दंड वसूल केला, तर कदाचित महिनाभरात देशात अन्नाची नासाडी पूर्णपणे आटोक्यात येऊ शकते. सोबतच देशातील अब्जावधी रुपयांची बचत होऊन मोठा विकास होऊ शकतो, भारतीय अर्थव्यवस्था मजबूत होईल, भूकेची समस्या कमी आणि समृद्धी वाढेल. समाजातील सर्व घटकांना पुरेसे अन्नधान्य मिळेल, रोगराई कमी होईल, देश आर्थिक, सामाजिक आणि पर्यावरणीयदृष्ट्या संतुलित होईल. घर, ऑफिस, हॉटेल, रेस्टॉरंट, कार्यक्रम, सामूहिक समारंभ, संस्था, ढाबा, कॅफे शॉप, मॉल, गोदाम, कोल्ड स्टोरेज म्हणजे जिथे अन्न साहित्य आहे अशा प्रत्येक ठिकाणी, खाजगी असो वा सरकारी विभाग, अन्नाच्या नासाडीला जबाबदार व्यक्ती वर शिक्षा झाली तर लवकरच सुधारणा होईल. लोक जागरूक होतील आणि मर्यादित प्रमाणात अन्न शिजवतील. फंक्शनमध्ये, जेवण चाखल्यानंतर, लोकांना चव आवडली तरच प्लेटमध्ये मर्यादित प्रमाणात जेवण घेतले जाईल. यामुळे कुपोषण संपण्यास, आरोग्य सुधारण्यास मदत आणि जिभेची हौस भागविण्यावर आळा घालण्यास मदत होईल. काही कारणास्तव अन्न शिल्लक राहिल्यास, ते अन्न सार्वजनिक खाद्यपदार्थांच्या स्टॉलला दान करावे. अन्न संकलनासाठी प्रत्येक शहर, खेडे आणि वस्त्यांमध्ये अशी सार्वजनिक फूड स्टॉल केंद्रे असावीत, जिथे उरलेले अन्न देता येईल. अशा केंद्रांवर गरजूंसाठी मोफत जेवणाची सोय असावी, जिथे कोणीही भुकेलेला माणूस जाऊन पोटभर जेवू शकेल. या व्यवस्थेमुळे कोणीही उपाशी राहणार नाही आणि धान्याची नासाडी होणार नाही. सर्वत्र समृद्धी येईल, मौल्यवान जीव वाचतील, प्रत्येकाला अन्नाच्या प्रत्येक दाण्याची किंमत समजेल आणि आपल्या देशाच्या सर्वात मोठ्या समस्येचे रूपांतरण विकासात होईल.

डॉ. प्रितम भि. गेडाम

prit00786@gmail.com

नळदुर्ग किल्ला परिसराच्या स्वच्छतेसाठी सर्वांनी‘एक तारीख- एक तास’ स्वच्छता उपक्रमात सहभागी व्हावे – क्षेत्रीय प्रचार अधिकारी अंकुश चव्हाण यांचे आवाहन

1 ऑक्टोबरला ‘स्वच्छतेसाठी एक तारीख- एक तास’ उपक्रम

नळदुर्ग किल्ला परिसराच्या स्वच्छतेसाठी सर्वांनी

‘एक तारीख- एक तास’ स्वच्छता उपक्रमात सहभागी व्हा – क्षेत्रीय प्रचार अधिकारी अंकुश चव्हाण यांचे आवाहन

  

 * पुरातत्व विभाग, नगर परिषद, माविम, धरित्री विद्यालय, स्वयंसेवी संस्था होणार सहभागी

 

           धाराशिव,दि.29: 

 राष्ट्रपिता महात्मा गांधीजी यांच्या जयंतीनिमित्त देशभर 16 सप्टेंबर ते 2 ऑक्टोबर पर्यंत स्वच्छता पंधरवडा आणि स्वच्छता ही सेवा उपक्रमांतर्गत वेगवेगळे कार्यक्रम राबविण्यात येत आहेत, या अनुषंगाने माननीय पंतप्रधान यांनी आपल्या ‘मन की बात’ कार्यक्रमांमध्ये एक ऑक्टोबर रोजी देशातील विविध ऐतिहासिक स्थळे, नदी आणि अमृत सरोवर या ठिकाणी एक तास श्रमदानाच्या माध्यमातून स्वच्छता करण्याचे आवाहन केले आहे या आव्हानाला अनुसरूनच भारत सरकार माहिती आणि प्रसारण मंत्रालयाच्या केंद्रीय संचार ब्यूरो, सोलापूर यांच्या वतीने नळदुर्ग किल्ल्यामध्ये एक तास स्वच्छता करण्याचे निश्चित करण्यात आले आहे. त्यानुसार १ ऑक्टोबर 2023 रोजी सकाळी 10 ते 11 या वेळेत नळदुर्ग किल्ला परिसरातील उपली बुरुजाची स्वच्छता करण्यात येणार असल्याची माहिती क्षेत्रीय प्रचार अधिकारी अंकुश चव्हाण यांनी दिली आहे.

   

    ‘स्वच्छतेसाठी एक तारीख-एक तास’ या उपक्रमात पुरातत्व विभाग, नगर परिषद, महिला आर्थिक विकास महामंडळ, महिला बचत गट आणि धरित्री विद्यालय आदी शासकीय आणि निमशासकीय संस्थांचा सहभाग असणार आहे. या अभियानात स्वयंस्फुर्तीने श्रमदान व स्वच्छतेसाठी नागरिकांनी www.swachhatahiseva.com या वेबसाईटवर आपले नाव नोंदवावे अथवा आमच्या व्हाट्सअप नंबर 9420923107 वर संपर्क साधावा, असे आवाहन सहायक क्षेत्रीय प्रचार अधिकारी अंबादास यादव यांनी केले आहे.

पुजारी नगर तुळजापूर येथील बालगणेश मंडळाच्या गणरायाला जल्लोषी वातावरणात निरोप; हलगीच्या तालावर बालकांनी धरला ठेका!

पुजारी नगर तुळजापूर येथील बालगणेश मंडळाच्या गणरायाला जल्लोषी वातावरणात निरोप; हलगीच्या तालावर बालकांनी  धरला ठेका!

तुळजापूर/उमाजी  गायकवाड 

तुळजापूर  येथील नळदुर्ग रोडवरील पुजारी मंगल कार्यालयाच्या पाठीमागील पुजारी नगर कॉलनीतील सर्व बालकांनी एकत्रित येऊन येथील मुख्य प्रवेशद्वारात बसवलेल्या गणरायाला हलगीच्या निनादात, गुलालाची मुक्त उधळण करीत बैलगाडीतून कॉलनीत मिरवणूक  काढत कॉलनीतील गणेश मुर्ती बैलगाडीत ठेवून "गणपती बाप्पा मोरया… पुढच्या वर्षी लवकर या…"  "गणपती गेले गावाला चैन पडेला आम्हाला…" अशा घोषणा देत बाल गणेश भक्तांसह कॉलनीतील सदस्यांनी पाचुंदा तलावात उत्साहात व जल्लोषी वातावरणात गणरायाचे विसर्जन केले.

मिरवणुकी दरम्यान  हलगीच्या तालावर बालकांसह कॉलनीतील सदस्यांनीही चांगलाच ठेका धरला होता!

गेल्या दहा दिवसाच्या पाहूनचारानंतर लाडक्या बाप्पांनी गुरुवारी निरोप घेतला. श्री गणेश चतुर्थीला मोठ्या आनंदात उत्साहात व जल्लोषात भाविकांनी गणरायाचे आगमन केले त्यावेळी असणारा तोच आनंद आणि उत्साह बाल गणेश भक्तांच्या चेहऱ्यावर विसर्जनाच्या यावेळी दिसून येत होता.

या मिरवणुकीत गणेश भक्त तनिष्क जाधव,श्रेयश बामणकर, विराट गायकवाड,सुरज कुंभार, पृथ्वीराज कुंभार, चिकू पुजारी, साई जाधव,आदर्श,प्रतिक कांबळे या बालकांसह कॉलनीतील नामदेव कंदारे, धनंजय शिंदे,पत्रकार उमाजी गायकवाड, अप्पा आवताडे, रंगनाथ पुजारी, विश्वनाथ,प्रविण शिंदे, बापू  नाईकवाडी,शंतनु आवंडे, राहुल जाधव, लिंबाजी पुजारी,कुणाल गायकवाड, तानाजी भिसे, बबन पाटील आदी सदस्यांनी या मिरवणुकीत सहभाग घेतला होता.

महात्मा फुले शारदीय नवरात्र उत्सव समितीच्या अध्यक्षपदी माळी तर उपाध्यक्षपदी काळे व मदने यांची निवड

महात्मा फुले शारदीय नवरात्र उत्सव समितीच्या अध्यक्षपदी दरलींग दिलीप माळी तर 

उपाध्यक्षपदी सागर संतोष काळे व अजित कैलास मदने यांची निवड

काटी/उमाजी गायकवाड 

तुळजापूर तालुक्यातील काटी येथील महात्मा फुले शारदीय नवरात्र उत्सव समितीच्या अध्यक्षपदी दरलिंग दिलीप माळी तर उपाध्यक्षपदी सागर संतोष काळे व अजित कैलास मदने यांची निवड यांची एकमताने निवड करण्यात आली. येथील विठ्ठल रुक्मिणी मंदिरात मंडळातील सर्व सदस्यांच्या उपस्थितीत   ही निवड करण्यात आली. महात्मा फुले शारदीय नवरात्र उत्सव समितीचे यंदा हे 42 वे वर्ष आहे. 

या बैठकीत महात्मा फुले तरुण मंडळ व शारदीय नवरात्र उत्सव समितीच्या  माध्यमातून करण्यात येणाऱ्या आराखड्याची माहिती व बैठकीतील विषयावर सविस्तर चर्चा करुन नवरात्र काळात स्त्री शक्तीचा जागर तसेच विविध धार्मिक कार्यक्रमासह प्रबोधनात्मक कार्यक्रमाचे आयोजन करण्यात येणार असल्याचे मंडळाचे संस्थापक कार्याध्यक्ष निवृत्ती भोजने यांनी सांगितले. 

या निवड समितीच्या बैठकीत विविध पदाधिकाऱ्यांच्या निवडी करण्यात आल्या असून प्रत्येकाकडे शारदीय नवरात्र उत्सवाची जबाबदारी दिली आहे. तसेच नवरात्र उत्सव यशस्वी करण्यासाठी खबरदारी घेण्याचे आवाहन मंडळाच्या वतीने  संस्थापक कार्याध्यक्ष निवृत्ती भोजने व उत्सव समितीचे माजी अध्यक्ष बाळासाहेब भाले यांनी केले आहे.

उर्वरित कार्यकारिणीत  खजिनदारपदी सचिन निवृत्ती भोजने, तानाजी दतु हाजारे,  रमेश जामगावकर,शुभम काटकर,संयोजकपदी संजय सांळुके, बाळासाहेब भाले, हर्षवर्धन ढगे,विष्णु ढगे  ज्योत व्यवस्थापदी जयदीप भोजने, श्रीकांत भोजने, तात्यासाहेब चवळे,सोमनीथ शिंदे, गौरव राऊत,संदीप ढगे, पांडुरंग राउत,लेझीम प्रमुखपदी गोविंद म्हेत्रे अनिकेत ढगे, गोविंद सुरवसे, रोहीत बामणकर,श्रीकांत भोजने, बाळासाहेब वाघमोडे,   सांस्कृतिक विभाग प्रमुख अमोल वेदपाठक, विशाल ढगे मिरवणूक प्रमुखपदी सचिन  भोजने, तानाजी हाजारे, प्रभाकर   चवळे, सतीश भाले,संपत राऊत, बालाजी ढगे तसेच मंदिर व्यवस्थेसाठी गोविंद हाजारे, तात्यासाहेव चवळे,अक्षय माळी, विनायक बनसोडे, यशवंत काळे, शुभम हाजारे यांच्या निवडी करण्यात आल्या आहेत.

यावेळी ,उत्सव समितीचे नुतन अध्यक्ष दरलिंग दिलीप माळी, उपाध्यक्षपदी सागर संतोष काळे व अजित कैलास मदने, बालाजी ढगे,काशिनाथ काळे, तात्यासाहेब चवळे,बाळासाहेब भाले,सचिन भोजने,संतोष काळे, तानाजी हजारे, ज्योतिराम चवळे, अनिल ढगे,हर्षवर्धन ढगे,प्रफुल्ल म्हैत्रे, संजय साळुंके,किसन ढगे, विष्णू ढगे,दादासाहेब काळे, प्रभाकर चवळे,गणेश काळे, सचिन घाणे,शाहू बनसोडे, गोकुळ शिंदे,पांडुरंग कवठे, अमोल वेडपाठक, यशवंत काळे, विशाल ढगे आदींसह मंडळातील सदस्य उपस्थित होते.

अनंत चतुर्दशी व ईद -ए-मिलादच्या पार्श्वभूमीवर तामलवाडी पोलिसांचे पथसंचलन

अनंत चतुर्दशी व ईद -ए-मिलादच्या पार्श्वभूमीवर तामलवाडी पोलिसांचे पथसंचलन 

काटी /उमाजी गायकवाड 

तुळजापूर तालुक्यातील तामलवाडी पोलीस स्टेशन च्या वतीने गुरुवारी अनंत चतुर्थीच्या दिवशी होणारे गणेश विसर्जन व मुस्लिम धर्मियांच्या ईद-ए-मिलाद सणाच्या अनुषंगाने या दोन्ही सण उत्सवा दरम्यान कोणतीही अनुचित घटना घडू नये व कायदा व सुव्यवस्था अबाधित राहण्यासाठी तामलवाडी  पोलिसांनी कंबर कसली असून पोलीस अधीक्षक अतुल कुलकर्णी यांच्या मार्गदर्शनाखाली तुळजापूर तालुक्यातील तामलवाडी पोलीस ठाण्याचे सहाय्यक पोलीस निरीक्षक सुशील चव्हाण पोलीस उपनिरीक्षक सुबोध बनसोडे यांच्या नेतृत्वाखाली तामलवाडी पोलीस स्टेशनच्या वतीने अनंत  चतुर्दशीच्या पुर्वसंध्येला बुधवार दि. 27 रोजी सायंकाळी तुळजापूर  तालुक्यातील सावरगाव व काटी गावातील प्रमुख मार्गावरून  पोलिसांनी पथसंचलन केले.

तामलवाडी पोलीस ठाण्याचे सहाय्यक पोलिस निरीक्षक सुशील  चव्हाण व पोलीस उपनिरीक्षक सुबोध बनसोडे 

यांच्या नेतृत्वाखाली हे पथसंचलन झाले. 

तामलवाडी पोलिस ठाण्यातील  दोन पोलीस अधिकारी, 12 पोलीस अंमलदार व 28 होमगार्ड  यांनी  या पथसंचलनात सहभाग घेतला होता. 

यावेळी तामलवाडी पोलीस स्टेशन अंतर्गत येणाऱ्या गावातील गणेश विसर्जन मिरवणुकीत काही अनुचित प्रकार घडू नये यासाठी पोलिसांचा फौजफाटा तैनात करण्यात आला असल्याची माहिती सहाय्यक पोलीस निरीक्षक सुशील चव्हाण यांनी दिली आहे.

नळदुर्ग : जि. प. प्रशालेच्या शिक्षिका श्रीमती तसनीम सय्यद यांना उर्दू शिक्षक संघटनेचा राज्य स्तरीय आदर्श शिक्षक पुरस्कार प्रदान

नळदुर्ग , दि.२७: 

 नळदुर्ग शहरातील जिल्हा परिषद प्रशालेच्या उपक्रमशील शिक्षिका  श्रीमती तसनीम सुलताना मोईनोद्दीन सय्यद यांना महाराष्ट्र राज्य उर्दू शिक्षक संघटनेचा राज्य स्तरीय आदर्श शिक्षक पुरस्कार नुकतेच देण्यात आला. त्याबद्दल त्यांचे आभिनंदन केले जात आहे.

त्यांच्या  उत्कृष्ट अध्यापन,शाळेतील सर्व उपक्रमात सक्रिय सहभाग ,इयत्ता 10 वी उर्दू चा 100% निकाल या सर्व गुण कौशल्यांचा विचार करून 2022-23 या शैक्षणिक वर्षाचा पुरस्कार 24 सप्टेंबर 2023 रोजी लातुर येथे शिक्षक आमदार  विक्रम काळे यांच्या हस्ते प्रदान करण्यात आला. 

पुरस्कारामध्ये महाराष्ट्र राज्य उर्दू शिक्षक संघटनेतर्फे ट्रॉफी,प्रमाणपत्र,शाल  देऊन गौरविण्यात आले.हा पुरस्कार मराठवाड्यातील  धाराशिव,लातूर,बीड,परभणी आणि नांदेड  या 5 जिल्ह्यातील एकूण 38 शिक्षकांना प्रदान करण्यात आला.

कोतवाल कर्मचारी सहकारी पतसंस्थेची वार्षिक सर्व साधारण सभा उत्साहात

कोतवाल कर्मचारी सहकारी पतसंस्थेची वार्षिक सर्व साधारण सभा संपन्न 

संपुर्ण महाराष्ट्रात सोलापूर जिल्ह्यासाठी एकमेव पतसंस्था 

 अक्कलकोट : दि.२७  

सोलापूर जिल्हा कोतवाल कर्मचारी सहकारी पतसंस्था मर्यादित सोलापूर ची पतसंस्था वार्षिक सर्वसाधारण सभा सोलापूर येथे जिल्हा अधिकारी  बहुउद्देशीय सभागृह येथे वार्षिक सर्वसाधारण सभा विठ्ठल गुरव चेअरमन याचा अध्यक्षतेखाली सभा घेण्यात आली. या सभेसाठी प्रमुख पाहुणे म्हणून कुमार आशीर्वाद जिल्हा अधिकारी सोलापूर, राजशेखर लिबारे तहसिलदार मुंद्रुप हे  उपस्थित होते.

 

कुमार आशीर्वाद जिल्हा अधिकारी  राजशेखर लिबारे विठ्ठल गुरव चेअरमन चंद्रकांत हेडगिरे शतुन गायकवाड समाधान सुर्यगंध इरणा काबळे मलिनाथ बाळगी सर्व संचालक व संचालिका  इतर मान्य वर यांच्या हस्ते दिपप्रज्वलन करून, सोलापूर ग्रामदैवत सिध्देश्वर महाराजाच्या फोटोला पुष्पहार घालून पुजा करण्यात आले. 

      

यानंतर विठ्ठल गुरव चेअरमन यांनी  संस्था चे प्रस्तावना सादर  केले, तसेच संस्था काढायचे हेतु  कोतवाल कर्मचारी समस्या जाणून कौटुंबिक, शैक्षणिक, सामजिक, आर्थिक  पाल्याचे शैक्षणिक व वैद्यकीय खर्च, लग्न कार्य इतर गोष्टी चा विचार करून संस्था स्थापन करण्यात आले चे महिती विठ्ठल गुरव चेअरमन यांनी दिली.सन 28/12/2018 रोजी संस्था रजिस्ट्रेशन करणात आले असून, संपूर्ण महाराष्ट्रात ही एकमेव संस्था सोलापूर जिल्ह्यात अस्तित्वात असून, संस्था रजिस्ट्रेशन कारणासाठी तात्कालीन जिल्हा अधिकारी डॉ राजेंद्र भोसले, तात्कालीन अपर जिल्हाधिकारी रामचंद्र शिंदे  जिल्हा उपनिबंधक अविनाश देशमुख व शतुन गायकवाड यांच्या सहकार्याने ही संस्था रजिस्ट्रेशन करणात आली असून,सोलापूर जिल्हा कोतवाल कर्मचारी सहकारी पतसंस्था  सभासद 348 सभासद असून संस्थेचे उलाढाल एक कोटी रुपये असलेल्या ची माहिती संस्थेने दिली , सभासद तसेच संस्थाने  विविध उपक्रम राबवले असल्याचे सांगितले. कोविड काळात 

दिवंगत कोतवाल यांना श्रध्दांजली वाहण्यात आली.

         वार्षिक सर्वसाधारण सभेमध्ये खालील विषय एकमताने मंजूर करण्यात आले आहे.

दीर्घ ऐंशी हजार रुपये, तातडीचे कर्ज वीस हजार रुपये 

मासिक वर्गणी एक हजार रुपये असे निर्णय एक मताने मंजूर केला आहे असे महिती चेअरमन विठ्ठल गुरव यांनी दिले आहे.

            

पतसंस्था वार्षिक सर्वसाधारण सभा कुमार आशीर्वाद जिल्हा अधिकारी सोलापूर,  राजशेखर लिबारे तहसिलदार, चंद्रकांत हेडगिरे  निवासी नायब तहसिलदार, शतुन गायकवाड,  प्रदेश उपाध्यक्ष महसूल कर्मचारी  कषणा शिंदे सरचिटणीस कोतवाल  संघटना, जंयत जुगदार  जिल्हाध्यक्ष,  लक्ष्मीकांत ऐगोळे  जिल्हा प्रवक्ता, विठ्ठल गुरव जिल्हा उपाध्यक्ष, महसूल कर्मचारी संघटना बंदीश वाघमारे,   जिल्हा अध्यक्ष वाहान चालक संघटना, मनोज भाडेकर, जिल्हा अध्यक्ष बाबा कांबळे, अनिल जाधव, प्रसिद्धीप्रमुख प्रविणकुमार बाबर, सचिव भगवान पारशी विठ्ठल गुरव चेअरमन, व्हाईस-चेअरमन समाधान सुर्यगंध, मुख्य प्रवर्तक मा.दिलावर वाघमारे, कृष्णा शिंदे, राहुल तोडकरी,मल्लिनाथ बाळगी,औदुसिध्द पुजारी,प्रल्हाद खरे,संजय वाघमारे, राजेंद्र कुंभार, सुलोचना  देशमुख, गुरुदेवी पुजारी, -ईराण्णा कांबळे.संचाक मंडळासह सभासद उपस्थित होते.

नळदुर्गच्या भुईकोट किल्ल्याची शासकीय औद्योगिक प्रशिक्षण संस्थेच्यावतीने स्वच्छता आभियानाद्वारे छञपती शिवाजी महाराजाना देणार आनोखी मानवंदना

नळदुर्ग ,दि.२७ :

युनिटी मल्टिकाॕन्स कंपनीने शासनाकडून संगोपनार्थ घेतलेल्या नळदुर्गच्या भुईकोट किल्ल्याची  सोमवार दि. २ आॕक्टोबर रोजी तुळजापूर औद्योगिक प्रशिक्षण संस्थेच्यावतीने स्वच्छता आभियान राबवुन

साफसफाई करुन छञपती शिवाजी महाराजाना आनोखी मानवंदना देणार आहे. 

छत्रपती शिवाजी महाराज यांंच्या 350 व्या राज्याभिषेक वर्षानिमित्त शासकीय  औद्योगिक प्रशिक्षण संस्था तुळजापूर , बालाघाट महाविद्यालय नळदुर्गचे प्रशिक्षणार्थी , संस्थेचे कर्मचारी आदीच्यावतीने येत्या दि. 2 ऑक्टोबर  रोजी नळदुर्ग येथिल ऐतिहासिक  किल्ल्यात   स्वच्छता अभियान  राबविण्यात येणार असल्याची  माहिती पञकाद्व्रारे औद्योगिक प्रशिक्षण संस्थेचे प्राचार्य यानी दिली आहे.

महात्मा गांधी यांच्या 154 व्या जयंतीनिमित्त कौशल्य, रोजगार , उद्योजकता व नाविन्यता विभागामार्फत राज्यातील सर्व कार्यालय, संस्था मधून स्वच्छता पंधरवाडा साजरा करण्यात येत असून स्वच्छता अभियानाची सांगता ही महात्मा गांधी यांच्या जयंतीनिमित्त राज्यातील गड किल्ले साफसफाई करून होणार आहे.  त्या अनुषंगाने तुळजापूर तालुक्यातील नळदुर्ग किल्ला येथे औद्योगिक प्रशिक्षण संस्था तुळजापूरच्या वतीने साफसफाई करण्यात येणार आहे. 

यामध्ये संस्थेतील 50 प्रशिक्षणार्थी व संस्थेचे कर्मचारी सहभाग नोंदविणार आहेत. तसेच नळदुर्ग येथील कला विज्ञान व वाणिज्य महाविद्यालय (उच्च माध्यमिक व्यवसाय अभ्यासक्रम) शाखेच्या वीस प्रशिक्षणार्थी सहभागी होतील. सर्व स्वयंसेवक यांनी उत्स्फूर्तपणे सहभाग नोंदवून शिवरायांना अनोखी मानवंदना देणार आहेत.

नळदुर्ग : गटारीच्या निकृष्ट दर्जाच्या कामाची चौकशी करण्याची दस यांची मागणी

नळदुर्ग :  गटारीच्या निकृष्ट दर्जाच्या कामाची चौकशी करण्याची दस यांची मागणी

नळदुर्ग ,दि.२६ - 

 नळदुर्ग येथील नगरपरिषदेच्या माध्यमातून करण्यात आलेल्या निकृष्ट दर्जाच्या कामांची चौकशी करुन दोषींवर कारवाई करण्यात यावी अशी मागणी चंद्रकांत नरसु दस यांनी जिल्हाधिकाऱ्यांकडे एका निवेदनाद्वारे केली आहे.

दिलेल्या निवेदनात असे नमूद करण्यात आले आहे की, नळदुर्ग येथील सार्वजनीक बांधकाम खात्या मार्फेत नळदुर्ग नगर परिषद हद्यीमध्ये (पारस कंट्रक्शन उमरगा) यांचे मार्फत प्रभाग क्र. ५ शमा टेलर घर ते झुबेर काझी घर येथील गटारीचे व प्रभाग क्र. ६ येथील खालेद काझी घर ते दाऊद शेख घरापर्यंत गटारीचे काम अंदाज प्रत्रकानुसार न करता अतिशय  निकृष्ट दर्जाचे केले आहे. या पुर्वीच्या जुन्या झालेल्या गटारीच्या कामावरच नवीन काम करण्यात आलेले आहे. 

हे काम जाईंट मेजर पध्दतीने चौकशी केल्यास वस्तुस्थिती लक्षात येईल. त्यामुळे या कामाची योग्य ती चौकशी केल्याशिवाय संबंधित पारस कंट्रक्शनचे बील अदा (पेड) करु नये. तसेच या कामाची योग्य ती चौकशी करुन ७ दिवसांमध्ये कार्यवाही करावी. अन्यथा ना इलाजास्तव तीव्र आंदोलन करण्यात येईल असा इशारा दस यांनी दिला आहे.

गाथा मुक्ती संग्रामाची' तुळजापूरातील या नाट्यप्रयोगास उत्स्फूर्त प्रतिसाद

गाथा मुक्ती संग्रामाची'  या नाट्यप्रयोगास उत्स्फूर्त प्रतिसाद

तुळजापूर ,दि.२६: 

मराठवाडा काय होता.. इथे निजामशाही कशी आली.. त्या निजामशाहीच्या काळात काय परिस्थिती होती. त्या हुकूमशाही विरोधात जो लढा उभा राहिला, तो कसा उभा राहिला आणि अखेर 17 सप्टेंबर 1948 रोजी हा मराठवाडा निजामशाहीच्या जोखडातून मुक्त झाला. याचा चित्त थरारक  इतिहास 'गाथा मुक्तीसंग्रामाची' या नाट्य प्रयोगाद्वारे दाखविण्यात आला. यावेळी तुळजापूर येथील नाट्य रसिकांनी उत्स्फूर्तपणे प्रतिसाद दिला.

 महाराष्ट्र राज्य सांस्कृतिक कार्य संचलनाच्या वतीने मराठवाडा मुक्ती संग्राम अमृत महोत्सवी वर्षानिमित्त 'गाथा मुक्ती संग्रामाची' या  नाटकाचे आयोजन धाराशिव जिल्ह्यातील सर्व  आठ ही तालुक्यात करण्यात आले आहे. या  नाटकाचा पहिला प्रयोग सोमवारी 25 सप्टेंबर  रोजी सायंकाळी पूजारी मंगल कार्यालयात संपन्न झाला.

यावेळी अपर तहसीलदार स्वप्नील ढवळे, गटशिक्षणाधिकारी मेहरूनिसा इनामदार, मंडळ अधिकारी अमर गांधले, नेमचंद शिंदे, तलाठी अशोक भानभागे, वंचित बहुजन आघाडीचे नेते मिलिंद रोकडे, जिल्हा समनव्यक विशाल शिंगाडे, प्रमुख पाहुणे म्हणून उपस्थित होते. उपस्थित मान्यवरांच्या हस्ते दीपप्रज्वलन करून उदघाटन करण्यात आले.

या नाटकाचे लेखन डॉ.सतीश साळुंके व शैलेश गोजमगुंडे यांनी तर डॉ.गणेश चंदनशिवे यांनी दिग्दर्शन केले आहे.यातील कलाकारांनी मराठवाडा मुक्ती संग्रामातील आठवणींना उजाळा दिला.अभिनयाचे सादरीकरण पाहताना प्रेक्षकही भारावून गेले होते.अप्रतिम अभिनयाद्वारे कलाकारांनी पंडित जवाहरलाल नेहरू, सरदार वल्लभभाई पटेल,  स्वामी रामानंद तीर्थ,  गोविंदभाई श्रॉफ ,  वेदप्रकाश आर्य, निजाम,कासीम रजवी, माणिकचंद पहादे, पांडू हजाम यांच्या भूमिका जिवंत केल्या. प्रत्येक  संवादाला मिळणारी दाद जणू कलाकारांना रसिकतेची पोहोच पावतीच देऊन गेली.


यावेळी तुळजापूर तालुक्यातील  शासकीय अधिकारी- कर्मचारी, विविध संस्थाचे पदाधिकारी,महिला, पुरुष, तुळजाभवानी सैनिकी स्कुलचे विद्यार्थी मोठ्या संख्येने उपस्थित होते.या नाट्य प्रयोगाच्या  यशस्वीतेसाठी विशाल टोले, सागर चव्हाण, सुगत सोनवणे, तन्मय शेटगार,आकाश वाघमारे,अशोक घोलप, बाहेर शेख, सुमित शिंगाडे, सौरभ शिंगाडे, अजय चिलवंत यांनी परिश्रम घेतले.


जिल्ह्यात विविध ठिकाणी पुढीलप्रमाणे नाटय प्रयोग

 या नाटकाचा नाट्य प्रयोग  २७ सप्टेंबर रोजी धाराशिव येथील नगर परिषदेच्या छत्रपती शिवाजी महाराज नाट्यगृहात तर दि.२९ सप्टेंबर रोजी भूम येथील सावित्रीबाई फुले सभागृहात तसेच दि.३० सप्टेंबर रोजी वाशी येथील अन्नपूर्णा मंगल कार्यालयात तर दि.८ ऑक्टोबर रोजी लोहारा येथील सप्तरंग मंगल कार्यालयात तसेच दि.९  रोजी उमरगा तालुक्यातील गुंजोटी येथील श्रीकृष्ण विद्यालयात तर दि.१० ऑक्टोबर रोजी परंडा येथील गोपीनाथ मुंडे सभागृहात होणार आहे.

माजी सैनिक संताजी थिटे यांच्या हस्ते श्री गणरायाची आरती; तर दि पिपल मल्टीस्टेटच्या वतीने कृष्णा थिटे याचा गौरव

 

गणरायाची माजी सैनिक संताजी थिटे यांच्या हस्ते श्री गणरायाची आरती; तर दि पिपल मल्टीस्टेटच्या वतीने कृष्णा थिटे याचा गौरव

  

काटी,दि.२६

 दि.पिपल मल्टीस्टेट  बॅंकेच्या तुळजापूर तालुक्यातील काटी शाखेमध्ये प्रतिष्ठाना करण्यात आलेल्या गणरायाची रविवार  दि.24 रोजी सायंकाळी 7:30 वाजता माजी सैनिक  समाज पार्टीचे तालुकाध्यक्ष संताजी थिटे यांच्या हस्ते विधिवत पूजा करुन गणरायाची आरती करण्यात आली. यावेळी "गणपती बाप्पा मोरया" च्या  घोषणा देण्यात आल्या.

यावेळी दि पिपल  मल्टीस्टेट बॅंकेचे चेअरमन सुरज सुरेश पाटील (दहिवडीकर), माजी चेअरमन  सयाजीराव देशमुख, सरपंच  परिषदेचे जिल्हाध्यक्ष सुजित हंगरगेकर,प्रगतशील शेतकरी प्रदीप साळुंके, माजी सैनिक समाज पार्टीचे  तालुकाध्यक्ष संताजी थिटे, प्रकाश गाटे,शिवकुमार पाटील, पत्रकार  उमाजी गायकवाड, सचिन  साळुंके, विक्रम खपाले, अविनाश कोल्हे, बॅंक कर्मचारी गणेश गाटे आदी मान्यवर उपस्थित होते.

काटीतील मावळे सार्वजनिक गणेशोत्सव मंडळाची आरती चेअरमन सुरज पाटील यांच्या हस्ते संपन्न

काटीतील  मावळे सार्वजनिक गणेशोत्सव मंडळाची आरती दि पिपल  मल्टीस्टेट बॅंकेचे चेअरमन सुरज पाटील यांच्या हस्ते संपन्न

काटी/उमाजी गायकवाड 

तुळजापूर तालुक्यातील काटी येथील 35 वर्षांची परंपरा असलेल्या मावळे सार्वजनिक गणेशोत्सव मंडळाची आरती दि पिपल  मल्टीस्टेट बॅंकेचे चेअरमन सुरज सुरेश पाटील दहिवडीकर  यांच्या हस्ते रविवार दि.24 रोजी सायंकाळी 8 वाजता संपन्न झाली.

येथील  बसस्थानक जवळील गावच्या प्रवेशद्वार असलेल्या मावळे गल्लीत मेन रोडवर गेल्या 35 वर्षापासून मावळे सार्वजनिक गणेशोत्सव साजरा करण्यात येत आहे. यावर्षी देखील या मंडळाच्या वतीने विविध  धार्मिक कार्यक्रम  गणेशोत्सवानिमित्त कार्यक्रम सुरु आहेत. रविवारी सायंकाळी विविध मान्यवरांच्या उपस्थितीत दि पिपल  मल्टीस्टेटचे चेअरमन  सुरज सुरेश पाटील (दहिवडीकर) यांच्या शुभहस्ते गणपती बाप्पाची आरती करण्यात आली. या पुजेचे विधीवत पौराहित्य पुजारी बाळासाहेब कुलकर्णी यांनी केले.

मावळे क्रिडा गणेश उत्सव समितीच्या वतीने कृष्णा थिटे यांचा सत्कार जिल्हास्तरीय शालेय लाॅन टेनिस क्रिडा स्पर्धेत तुळजापूर  तालुक्यातील काटी येथील कृष्णा संताजी थिटे याने जिल्हास्तरीय शालेय लाॅन टेनिस क्रिडा स्पर्धेत 17 वर्षे वयोगटात अंतिम सामन्यात घवघवीत यश मिळवत प्रथम क्रमांक पटकावत विभागीय फेरीत धडक मारली आहे. त्याबद्दल विविध  मान्यवरांच्या हस्ते मावळे क्रिडा व व गणेश मंडळाच्या वतीने  कृष्णा थिटे याचा सत्कार करण्यात आला.

यावेळी सरपंच परिषदेचे जिल्हाध्यक्ष सुजित हंगरगेकर माजी चेअरमन सयाजीराव देशमुख प्रगतशील  शेतकरी प्रदीप साळुंके,प्रकाश गाटे, पत्रकार उमाजी गायकवाड, माजी सैनिक समाज पार्टीचे तालुकाध्यक्ष संताजी थिटे, शिवकुमार  पाटील, अविनाश कोल्हे, जयाजी देशमुख,अमोल गावडे, सचिन  साळुंके, सुहास साळुंके, राहुल  गायकवाड, गणेश  उत्सव समितीचे अध्यक्ष अरबाज शेख, उपाध्यक्ष सुरज गायकवाड, कृष्णा  थिटे, यशराज हुंडेकरी, दिपक  हांडे, भैय्या गाजरे, रोहित  गायकवाड, आदींसह मंडळाचे  पदाधिकारी  ,

सुनील परीट, पुजारी बाळासाहेब कुलकर्णी आदी मान्यवर उपस्थित होते.

सार्वजनिक गणेश तरुण मंडळ गोंधळवाडी यांच्यातर्फे विविध उपक्रमांचे आयोजन

सार्वजनिक गणेश तरुण मंडळ गोंधळवाडी यांच्यातर्फे विविध उपक्रमांचे आयोजन

काटी/उमाजी  गायकवाड 

तुळजापूर तालुक्यातील गोंधळवाडी येथील सार्वजनिक गणेश मंडळ व सह्याद्री ब्लड बँक धाराशिव यांच्या माध्यमातून रक्तदान शिबिराचे आयोजन सोमवार  दि.25 रोजी करण्यात आले होते. 

या रक्तदान शिबिरात 50 रक्तदात्यांनी रक्तदान केले. तसेच गावातील विविध ठिकाणी 200 वृक्षांची वृक्ष लागवड करण्यात आली. शाळेत मंडळातर्फे मागील चार-पाच दिवसात भाषण, चित्रकला, निबंध, शसुंदर हस्ताक्षर, प्रश्नमंजुषा,तसेच क्रीडा अशा विविध स्पर्धेचे आयोजन करण्यात आले होते.त्याचे बक्षीस वितरण विविध मान्यवरांच्या हस्ते   करण्यात आले. या बक्षीस वितरण समारंभ प्रसंगी प्रमुख पाहुणे श्री.सचिन शेंडगे (अध्यक्ष धनगर समाज धाराशिव) श्री.महेश देवकते, बालाजी होगले,बालाजी तेरकर उपस्थित होते.

तर या कार्यक्रमासाठी,सार्वजनिक गणेश मंडळ संस्थापक अध्यक्ष,संजय मोटे,उपाध्यक्ष व तंटामुक्ती अध्यक्ष,उमेश मोटे अध्यक्ष,चेतन मोटे उपाध्यक्ष, आकाश शिरगिरे, सचिव शंकर मोटे खजिनदार रोहन माने,सदस्य वैभव मोटे,सरपंच गोपाळ मोटे,उपसरपंच रुक्मिणीबाई मोटे,माजी सरपंच राजाभाऊ मोटे,खंबीर नेतृत्व पोपट अण्णा मोटे,तसेच नामदेव सातपुते, प्रमोद खांडेकर, शा.व्य.स.अध्यक्ष गुलचंद माने,बाळू खांडेकर,जिवलग प्रतिष्ठान अध्यक्ष बळीराम मोटे,माजी फौजी युवराज मोटे,तसेच शाळेतील मु.अ.तसेच सर्व शिक्षक वृंद.त्याचबरोबर तामलवाडी पोलीस स्टेशन निरीक्षक सुशीलकुमार चव्हाण, पोहेकॉ  शिरसट आदी मान्यवर उपस्थित होते.

सावरगाव येथे गणेशोत्सवानिमित्त घेण्यात आलेल्या रक्तदान शिबिरात 128 जणांचे रक्तदान

सावरगाव येथे गणेशोत्सवानिमित्त घेण्यात  आलेल्या रक्तदान शिबिरात 128 जणांचे रक्तदान

काटी/उमाजी गायकवाड

 तुळजापूर तालुक्यातील सावरगाव येथील संत सावता माळी  ग्रुप प्रणित सार्वजनिक शिवस्मारक तरुण मंडळ गणेशोत्सवानिमित्त सोमवार दि. 25 रोजी घेण्यात आलेल्या रक्तदान शिबिरात 128 रक्तदात्यांनी रक्तदान केले.

|दररोज रक्ताची भासणारी गरज आणि दुसरीकडे रक्ताची निर्माण होणारी टंचाई लक्षात घेता सामाजिक जाणिवेतून येथील संत सावता माळी प्रणित सार्वजनिक शिवस्मारक तरुण  मंडळ गणेशोत्सव समितीच्या वतीने येथील  मल्लिकार्जुन मंदिर चौकातील सभागृहात रक्तदान शिबीर घेण्यात आले. यावेळी सर्वसामान्य शेतकरी गणपत भिवा  हागरे यांच्या शुभहस्ते या रक्तदान शिबिराचे उदघाटन करण्यात आले.

या रक्तदान शिबिरात गावातील महिला व पुरुष गणेश भक्तांनी अशा एकूण 128 रक्तदात्यांनी रक्तदान केले. तर सोलापूर येथील अक्षय ब्लड बँक रक्तपेढीच्या चमूने रक्त संकलनाचे काम केले. 

यावेळी  कृषी उत्पन्न बाजार समितीचे उपसभापती तथा भाजपचे  तालुकाध्यक्ष संतोष बोबडे, मा. जिल्हा परिषद सदस्य राजकुमार पाटील,  माजी सरपंच रामेश्वर तोडकरी, माजी उपसरपंच आनंद बोबडे, तामलवाडी पोलीस स्टेशनचे  सहाय्यक पोलीस निरीक्षक सुशीलकुमार चव्हाण, काशिनाथ राऊत, रामेश्वर राऊत आदी मान्यवरांची प्रमुख उपस्थिती होती.

हे भव्य  रक्तदान  शिबीर यशस्वीतेसाठी शिवस्मारक तरुण मंडळ प्रणित संत सावता माळी ग्रुपच्या सर्व पदाधिकाऱ्यांसह मंडळाच्या सदस्यांनी परिश्रम घेतले.

भंडारी येथील नितीन शिंदे आर्मी कम्बाईन ट्रेनिंगसाठी अमेरिकेला रवाना

 

भंडारी येथील नितीन शिंदे आर्मी कम्बाईन ट्रेनिंगसाठी अमेरिकेला रवाना.     

 धाराशिव  दि.२५ :

                             

भारतमातेची सेवा करण्याचे भाग्य लाभणे ही अतिशय अभिमानाची आणी गौरवशाली गोष्ट आहे. आपल्या धाराशिव तालुक्यातील भंडारी या गावचे सुपुत्र श्री.नितीन दिलीप शिंदे हे या भाग्यवान व्यक्तीपैकी एक आहेत.श्री.नितीन शिंदे यांनी देशपातळीवरच नव्हे तर जागतिक पातळीवर आपल्या गावासह तालुक्याचे नाव झळकावले आहे. 

यु.एस.ए. अमेरिका या ठिकाणी आर्मी कम्बाईन ट्रेनिंगसाठी त्यांची निवड झाली असुन दि.२४.९.२०२३ रोजी ते ट्रेनिंगसाठी रवाना झाले आहेत.त्यांच्या या निवडीमुळे सर्व स्तरामधुन त्यांच्यावर कौतुकाचा वर्षाव होत आहे.तसेच त्यांच्या पुढील वाटचालीसाठी नामवंतानी,मान्यवरानी त्यांना शुभेच्छा दिल्या आहेत.               

श्री.नितीन शिंदे यांचे पाटोदा येथील मामा श्री.तानाजी भीमराव गव्हाणे हे माजी सैनिक असुन त्यांच्यापासुन प्रेरणा घेऊन शिंदे यांना लहानपणापासुनच आर्मीमध्ये जाण्याची इच्छा होती.त्यांच्या तीव्र इच्छाशक्तीमुळे त्यांना हे यश प्राप्त झाले आहे.

तेरणा ट्रस्टच्या शिबिरात 700 रुग्णांची तपासणी,मुंबईच्या डॉक्टरांनी केले रुग्णांवार उपचार, 60 ते 70 रुग्णांची होणार मोफत शस्त्रक्रिया,

तेरणा ट्रस्टच्या शिबिरात 700 रुग्णांची तपासणी,

मुंबईच्या डॉक्टरांनी केले रुग्णांवार उपचार, 60 ते 70 रुग्णांची होणार मोफत शस्त्रक्रिया

तामलवाडी ,दि.२४ :

तुळजापूर तालुक्यातील पांगरदरवाडी येथे रविवार दि.24 सप्टेंबर रोजी माजी मंत्री डॉ.पद्मसिंह पाटील व आमदार‎ राणाजगजितसिंह पाटील यांच्या‎ मार्गदर्शनाखाली तेरणा पब्लिक चॅरिटेबल‎ ट्रस्ट संचालित तेरणा जनसेवा केंद्र, तेरणा‎ सुपर स्पेशालिटी हॉस्पिटल नेरुळ नवी मुंबई‎ यांच्या संयुक्त विद्यमाने आरोग्य‎ तपासणी शिबिराचे आयोजन करण्यात आले होते. 

या आरोग्य शिबिरात‎ गावातील 700 महिला, पुरुष तसेच‎ बालकांनी लाभ घेतला. ह्रदयरोग, स्त्रीरोग,‎ कान-नाक घसा, नेत्ररोग, बालरोग,‎ अस्थिरोग यासह विविध आजारांवर मुंबई‎ येथील तज्ञ डॉक्टरांनी तपासणी करुन मोफत औषधांचा पुरवठा केला. गावातील 60 ते 70 रुग्णांवर नेरुळ मुंबई येथील तेरणा मल्टीस्पेशालिटी हॉस्पिटल मध्ये उपचार करण्यात येणार आहे. या शिबिरात डॉ.अजित निळे, डॉ.नयन लोढा, डॉ.अभिषेक पगारे, डॉ.तेजस कदम, डॉ. नम्रता जयस्वाल, डॉ. जोत्स्ना दमाणे या डॉक्टरांनी रुग्णांवार उपचार केले. 

यावेळी तेरणा मल्टीस्पेशालिस्टचे जनसंपर्क अधिकारी, विनोद ओव्हळ, पांगरदारवाडीच्या सरपंच सिंधू पोफळे, उपसरपंच सोमनाथ शिंदे, पत्रकार गणेश गायकवाड, तंटामुक्त  समितीचे अध्यक्ष प्रताप निंबाळकर, बापू साळुंके, माजी सरपंच बालाजी शिंदे, बालाजी डोंगरे, शंकर कदम, महेश सावंत, अमोल मारडकर, योगेश निंबाळकर, लक्ष्मण क्षीरसागर, नागनाथ मारडकर, आशा कार्यकर्त्या विद्या निंबाळकर, अनुराधा कदम, शाबीर शेख, ओंकार साळुंके आदी ग्रामस्थ उपस्थित होते. कार्यक्रमाचे सूत्रसंचालन बालाजी डोंगरे यांनी केले तर आभार गणेश गायकवाड यांनी मानले. या आरोग्य शिबिरास तामलवाडी पोलीस स्टेशनचे सहाय्यक पोलीस निरीक्षक सुशील चव्हाण यांनी भेट देऊन आयोजकांचे कौतुक केले. कार्यक्रमाचे आयोजन गणेश गायकवाड व सोमनाथ शिंदे यांनी केले होते.

35 वर्षांची परंपरा असलेल्या मावळे गणेशोत्सव मंडळाची आरती उद्योजक चिवरे यांच्या हस्ते संपन्न

35 वर्षांची परंपरा असलेल्या काटीतील  मावळे सार्वजनिक गणेशोत्सव मंडळाची आरती उद्योजक  नेताजी चिवरे यांच्या हस्ते संपन्न

काटी/उमाजी गायकवाड 

तुळजापूर तालुक्यातील काटी येथील 35 वर्षांची परंपरा असलेल्या मावळे सार्वजनिक गणेशोत्सव मंडळाची आरती काटी  येथील रहिवासी तथा पुणे येथे वास्तव्यास असलेले प्रसिद्ध उद्योजक नेताजी चिवरे यांच्या हस्ते शनिवार दि.23 रोजी सायंकाळी 8 वाजता संपन्न झाली.

येथील  बसस्थानक जवळील गावच्या प्रवेशद्वार असलेल्या मावळे गल्लीत मेन रोडवर गेल्या 35 वर्षापासून मावळे सार्वजनिक गणेशोत्सव साजरा करण्यात येत आहे. यावर्षी देखील या मंडळाच्या वतीने धुमधडाक्यात गणेशोत्सवाचे कार्यक्रम सुरु आहेत. शनिवारी  सायंकाळी विविध मान्यवरांच्या  उपस्थितीत उद्योजक नेताजी  चिवरे यांच्या शुभहस्ते गणपती बाप्पाच्या आरती करण्यात  आली. या पुजेचे विधीवत पौराहित्य पुजारी बाळासाहेब कुलकर्णी यांनी केले.

यावेळी सरपंच परिषदेचे जिल्हाध्यक्ष सुजित हंगरगेकर माजी चेअरमन सयाजीराव देशमुख उपसरपंच जुबेर  शेख, प्रगतशील  शेतकरी प्रदीप साळुंके,प्रकाश गाटे, जयाजी देशमुख, सुनील परीट, पुजारी बाळासाहेब कुलकर्णी आदी मान्यवर उपस्थित होते.

डॉ आंबेडकर स्वागत कमान पाडणाऱ्यांचा विविध पक्ष आणि संस्था संघटनेच्या वतीने जाहीर निषेध

 डॉ बाबासाहेब आंबेडकर स्वागत कमान पाडणाऱ्यांचा रिपाइं (आठवले) व दलित पँथर सह विविध  संस्था संघटनेच्या वतीने जाहीर निषेध : पुर्ववत स्वागत कमान बांधून देण्याची केली मागणी

नळदुर्ग,दि.२४ : एस.के.गायकवाड 

सांगली जिल्ह्यातील मौजे बेडग ता.मिरज येथील डॉ.बाबासाहेब आंबेडकर स्वागत कमान जाणीवपूर्वक बेकायदेशीर ठरवून तेथील ग्रामसेवक,सरपंच व उपसरपंच यांनी पाडली आहे.सदर घटनेचा रिपब्लिकन पार्टी आँफ इंडिया (आठवले) व दलित पँथर सह विविध पक्ष,संस्था आणि संघटनेच्या वतीने नळदुर्ग येथे जाहीर निषेध करून पूर्ववत स्वागत कमान बांधून देण्याची मागणी केली आहे.

   

या संदर्भात नळदुर्ग पोलीस ठाण्याचे सहाय्यक पोलीस निरीक्षक स्वप्नील लोखंडे याना रिपाइं (आठवले),भिम-आण्णा सामाजिक संघटना, परिवर्तन सामाजिक संस्था, राष्ट्रवादी युवक काँग्रेसच्या वतीने देण्यात आलेल्या निवेदनात म्हटले आहे की, मौजे बेडग ता.मिरज येथे डॉ बाबासाहेब आंबेडकर स्वागत कमान बांधण्यात आली होती. परंतु येथील कांहीनी जाणीव पूर्वक जातिय द्वेशभावनेतून  बेकायदेशीर ठरवून ती कमान पाडली आहे.सदर घटना ही निंदनीय असून या घटनेचा जाहीर निषेध करण्यात येत आहे. तसेच डॉ बाबासाहेब आंबेडकर स्वागत कमान पाडणाऱ्यांवर अँट्रासिटी अँक्ट नुसार गुन्हा दाखल करून सदर स्वागत कमान पूर्ववत बांधून देण्याची मागणी केली आहे. 

यासंदर्भात आंबेडकरी आनुयायानी काढलेल्या मानगाव ते मुंबई लाँग मार्च आंदोलनास आणि रिपाइंच्या वतीने हातकलंगणे तहसील समोर चालू असलेल्या उपोषण आंदोलनास जाहीर पाठींबा देण्यात आला आहे.

   

नळदुर्ग  पोलीस ठाण्याचे स.पो.नि.स्वप्नील लोखंडे याना देण्यात आलेल्या निवेदनावर रिपाइंचे आठवलेचे धाराशिव जिल्हा समन्वय एस.के.गायकवाड, अरुण लोखंडे, बाबासाहेब बनसोडे, बाशिद कुरेशी, बाबासाहेब मस्के, दलित पँथरचे जिल्हा संपर्क प्रमुख शामकांत नागीले,परिवर्तन सामाजिक संस्था नळदुर्गचे संस्थापक सचिव मारुती बनसोडे, भिम-आण्णा सामाजिक संघटनेचे जिल्हा संघटक धर्मराज देडे, जिल्हा समन्वय प्रशांत धरणे, राष्ट्रवादी काँग्रेसचे  युवा शहराध्यक्ष आनंद (पिंटू) पुदाले, युवा कार्यकर्ते सतिश सुरवसे, विशाल मुकदान, पत्रकार संघाचे तालुका अध्यक्ष अमित लोंढे आदीच्या सह्या आहेत.

अवैध मद्य विरोधी विशेष मोहिमेदरम्यान जिल्हा भरात 12 छापे

अवैध मद्य विरोधी विशेष मोहिमेदरम्यान जिल्हा भरात 12 छापे.”

 

धाराशिव , दि.२४:

मा.पोलीस अधीक्षक श्री.अतुल कुलकर्णी, अपर पोलीस अधीक्षक श्री. नवनीत कॉवत यांच्या मार्गदर्शनाखाली काल शनिवार दि.23.09.2023 रोजी अवैध मद्य विरोधी विशेष मोहिम राबवण्यात आली. या मोहिमेदरम्यान 12 कारवाया करण्यात आल्या. या छाप्यात घटनास्थळावर आढळलेला गावठी दारु निर्मीतीचा सुमारे 3,870 लि. आंबवलेले रासयनिकद्रव्य हे नाशवंत असल्याने तो जागीच ओतून नष्ट करण्यात आले. तर सुमारे 210 लि. गावठी दारु, 30 लि. सिंधी ताडी अम्ली द्रव व देशी- विदेशी दारुच्या 24 सिलबंद बाटल्या असे मद्य जप्त करण्यात आले. सदर ओतून दिलेला मद्यार्क निर्मीतीचा द्रवपदार्थासह मद्यनिर्मीती साहित्य व जप्त मद्य यांची एकत्रीत किंमत अंदाजे 3,26,180 ₹ आहे. यावरुन महाराष्ट्र मद्य मनाई कायद्यांतर्गत संबंधीत पोलीस ठाण्यात 12 गुन्हे खालीलप्रमाणे नोंदवण्यात आले आहेत.

1) स्थानिक गुन्हे शाखेच्या पथकाने 5 ठिकाणी छापे टाकले. दत्तानगर पारधी पिढी ढोकी ता.जि.धाराशिव येथील-सुमाबाई मोहन पवार, वय 50 वर्षे, या 14.40 वा. सु. आपल्या राहात्या घराचे बाजूला अंदाजे 43,400 किंमतीचे गावठी दारु निर्मीतीचे 570 लि. गुळमिश्रीत रसायनिक द्रव व 35 लि. गावठी दारु जप्त करण्यात आली. तर जुनी दुध डेअरी पारधी पिडी डिकसळ ता. कळंब  जि. धाराशिव येथील- रुपाली विजय पवार, वय 24 वर्षे, या 16.40 वा. सु. आपल्या राहात्या घराच्या बाजूस डिकसळ येथे अंदाजे 33,000 किंमतीचे गावठी दारु निर्मीतीचे गुळमिश्रीत रसायनिक द्रव दारु जप्त करण्यात आली. तर गावसुद पारधी वस्ती, ता. जि धाराशिव येथील- नामदेव साहेबा काळे, वय 45 वर्षे, हे 15.50 वा. सु. गावसुद पारधी वस्ती ता. जि. धाराशिव  येथे अंदाजे 61,600 ₹ किंमतीचे 800 लि. गावठी दारु निर्मीतीचे गुळमिश्रीत रासायनिक द्रव व 45 लि. गावठी दारु जप्त करण्यात आली. तर चिमनवस्ती तेरखेडा, ता. कळंब जि धाराशिव येथील- शारदाबाई शिवाजी काळे, वय 52 वर्षे, या 17.00 वा. सु. तेरखेडा शिवारातील सुर्या बार समोरील चिमनवस्ती ता. कळंब जि. धाराशिव  येथे अंदाजे 46,600 ₹ किंमतीचे गावठी दारु निर्मीतीचे गुळमिश्रीत रासायनिक द्रव  जप्त करण्यात आले. तर रामनगर, सांजा ता. जि धाराशिव येथील- बब्रु गुलाब काळे, वय 65 वर्षे, हे 14.00 वा. सु. आपल्या राहात्या घराच्या समोर रामनगर सांजा  ता. जि. धाराशिव  येथे अंदाजे 41,200 ₹ किंमतीचे 500 लि. गावठी दारु निर्मीतीचे गुळमिश्रीत रासायनिक द्रव व 35 लि. गावठी दारु जप्त करण्यात आली.

2) तामलवाडी पो.ठा. च्या पथकाने 1 ठिकाणी छापा टाकला. बक्षी हिप्परगा, ता. दक्षिण सोलापूर जि. सोलापूर ह.मु. खडकी तांडा ता. तुळजापूर जि. धाराशिव येथील-गुरुदेव नुरा राठोड, हे 14.00 वा. सु. राजु गुराप्पा राठोड यांचे शेतात खडकी  शिवारात अंदाजे 48,600 किंमतीचे 1,600 लि. गावठी दारु निर्मीतीचे गुळमिश्रीत रसायनिक द्रव व 10 लि. गावठी दारु जप्त करण्यात आली.

3) लोहारा पो.ठा. च्या पथकाने 1 ठिकाणी  छापा टाकला. यात भातांगळी, ता. लोहारा जि. धाराशिव येथील- सचिन विकास जगताप, वय 23 वर्षे हे 18.50 वा. सु. आपल्या चिकनचे दुकानासमोर भामांगळी येथे अंदाजे 2,400 ₹किंमतीच्या देशी विदेशी दारुच्या सिलबंद बाटल्या जप्त करण्यात आल्या.

4) येरमाळा पो.ठा. च्या पथकाने 1 छापा टाकला. यात तेरखेडा, ता. वाशी जि. धाराशिव येथील- प्रविध बाळासाहेब घोलप, वय 34 वर्षे हे 19.00 वा. सु. तेरखेडा येथे ब्रिजचे पाठीमागे जाणारे बोळीत  अंदाजे 1,050 ₹ किंमतीच्या देशी विदेशी 15सिलबंद बाटल्या बाळगलेले त्या जप्त करण्यात आल्या.

5)उमरगा पो.ठा. च्या पथकाने 2 ठिकाणी छापे टाकले. यात कैकाडी गल्ली, डॉ. बाबासाहेब आंबेडकर चौक उमरगा, ता. उमरगा जि. धाराशिव येथील- प्रकाश धोंडीबा जाधव, वय 73 वर्षे, या श्री गुरु ॲक्वा च्या बाजूला पत्राचे शेड समोर उमरगा येथे अंदाजे 3,900 ₹ किंमतीची 45 लि. गावठी दारु जप्त करण्यात आली. यात बालाजी मंदीर मागे उमरगा, ता. उमरगा जि. धाराशिव येथील- प्रकाश सदानंदे, वय 32 वर्षे, हे बालाजी मंदीराचे पाठीमागे पत्राचे शेड समोर उमरगा येथे अंदाजे 2,800 ₹ किंमतीची 30 लि. गावठी दारु जप्त करण्यात आली.

6) नळदुर्ग पो.ठा. च्या पथकाने 1 छापा टाकला. यावेळी सलगरा मड्डी ता. तुळजापूर जि. धाराशिव येथील-राजु किसन राठोड, वय 45 वर्षे,  हे 18.50 वा. सु. निसर्ग धाब्याचे पाठीमागे मोकळ्या जागेत सलगरा मड्डी ता. तुळजापूर येथे अंदाजे 630₹ किंमतीच्या 9 देशी विदेशी दारुच्या सिलबंद बाटल्या जप्त करण्यात आल्या.

7) आनंदनगर पो.ठा. च्या पथकाने 1 छापा टाकला. यावेळी पारधी पिढी, सांजा ता.जि. धाराशिव येथील-शिवाजी शंकर पवार, वय 45 वर्षे,  हे 19.30 वा. सु. आपल्या राहात्या घरासमोर सांजा धाराशिव येथे अंदाजे 44,000₹ किंमतीचे 400 लि. गावठी दारु निर्मीतीचे गुळमिश्रीत रासायनिक द्रव व 40 लि. गावठी दारु करण्यात आली.

एन.व्ही.पी शुगर कारखाना शेतकऱ्यांना केंद्र बिंदू मानून काम करणार - खा राजेनिंबाळकर

एन.व्ही.पी शुगर कारखाना शेतकऱ्यांना केंद्र बिंदू मानून काम करणार - खा राजेनिंबाळकर , 

प्रती टन २७०० रुपये भाव देणार असल्याची घोषणा 

धाराशिव दि.२४ 

 बाकीच्या गुळ पेट्यासारखा एन.व्ही.पी. शुगर प्रा. लि., या कारखान्याचा भाव राहणार नाही. कारण हा कारखाना शेतकऱ्यांना केंद्र बिंदू मानून काम करणारा आहे.  त्यामुळे या कारखान्याचे कामकाज बघून बाकीच्या गुळ पेट्या चांगले काम करतील, असा विश्वास खा ओमप्रकाश राजेनिंबाळकर यांनी दि.२४ सप्टेंबर रोजी व्यक्त केला. दरम्यान, ऊस उत्पादक शेतकऱ्यांच्या उसाला प्रती टन २ हजार ७०० रुपये भाव देणार असल्याची घोषणा त्यांनी केली.

धाराशिव तालुक्यातील जागजी येथील एन.व्ही.पी. शुगर प्रा. लि., या कारखान्याच्या चाचणी गळीत हंगामाचा शुभारंभ उसाची मोळी टाकून खा राजेनिंबाळकर यांच्या उपस्थितीत करण्यात आला. त्यावेळी ते बोलत होते. यावेळी जागजी येथील ज्येष्ठ नागरिक रंगनाथराव सावंत गुरुजी, हभप नवनाथ महाराज चिखलीकर, ऊस उत्पादक शेतकरी हनुमंतराव देशमुख, हभप काकासाहेब डांगे, तानाजी मगर, भारत लोमटे, सुभाष पाटील, अभिजीत मगर, सुधाकर साळुंखे, आत्माराम सरडे, अनुरथ भोसले, तुळशीदास जमाले, काकासाहेब मिसाळ, जहॉंगीर सय्यद, बाबासाहेब शिंदे यांच्या हस्ते करण्यात आले आहे. 

या कार्यक्रमास प्रमुख पाहुणे म्हणून जिल्हा परिषदेचे माजी उपाध्यक्ष केशव उर्फ बाबा पाटील, कुलदीप पाटील (विटेकर),  स्वराज ट्रॅक्टरचे डीलर हिम्मतराव पाटील, सचिन शिंदे व साई श्रुती इंडस्ट्रीजचे सोमनाथ जानते, आप्पासाहेब पाटील, धनंजय पाटील व नानासाहेब पाटील आदी उपस्थित होते. पुढे बोलताना खा राजेनिंबाळकर म्हणाले की, या ऊस उत्पादक शेतकऱ्यांची या भागात साखर कारखाना उभा करण्यात यावे अशी मागणी होती. त्यामुळे हा कारखाना असला तरी शेतकऱ्यांचे हित जोपासले जाईल असे त्यांनी सांगितले.

 पूर्वी उसाचे क्षेत्र वाढले असल्यामुळे ऊस कारखान्याकडे जातो का नाही ? त्यामुळे उसाला किती भाव देईल ? याची खात्री नव्हती. मात्र सध्या कारखानदारी क्षेत्रात असलेली अनिश्चितता दूर होण्यास नक्कीच मदत होणार असल्याचे त्यांनी नमूद केले. तसेच या कारखान्याचा होणारा नफा हा प्रथम ऊस उत्पादक शेतकरी, तोडणी ठेकेदार, वाहन पुरवठादार, बॅंक व शेवटी मालक अशी भूमिका घेणारा प्रायव्हेट क्षेत्रातील हा एकमेव कारखाना आहे. त्यामुळे खऱ्या अर्थाने शेतकऱ्यांना चांगले दिवस येतील असा ठाम विश्वास त्यांनी व्यक्त केला. तर नानासाहेब पाटील म्हणाले की, दि.२२ सप्टेंबर २०२२ या कारखान्याचे  व्यंकटराव पाटील यांच्या हस्ते उद्घाटन केले.  तर उसाची मोळी टाकण्याचा कार्यक्रम एक वर्षाने केला. मात्र या कार्यक्रमास वडील व आई दोघेही हयात नाहीत. तसेच खा राजेनिंबाळकर यांचे कर्तुत्व पाहायला त्यांचे देखील वडील हयात नाहीत. प्रत्येक माणसाच्या आयुष्यात ध्येय असते की आपण केलेले काम बघायला आपले आई-वडील असावेत अशी अपेक्षा असते असे त्यांनी सांगितले. उसाची  मोळी आज टाकली असली तरी चार ते पाच ऑक्टोबरला कारखाना सुरू होईल. कारखाना गुणवत्तेवर चालविला जाणार असून शेतकऱ्यांनी देखील ऊस गळपासाठी देताना गुणवत्ता, परिपक्वता व साखरेचे प्रमाण बघून द्यावा असे त्यांनी सांगितले. सूत्रसंचालन दौलत निपाणीकर तर उपस्थितांचे आभार नानासाहेब पाटील यांनी मानले. यावेळी शेतकरी व परिसरातील नागरिक मोठ्या संख्येने उपस्थित होते.

नळदुर्ग येथील बुद्ध विहाराच्या १ कोटी २१ लाख रुपये खर्चाच्या विकास कामाचा शुभारंभ

नळदुर्ग येथील बुद्ध विहाराच्या १ कोटी २१ लाख रुपयेच्या विकास कामाचा शुभारंभ 

नळदुर्ग,दि.२४:  दादासाहेब बनसोडे 

 सुमारे १ कोटी २१ लाख रुपये खर्चाच्या   विकास कामे  करणार असून या कामाची पारदर्शकता आणण्यासाठी बुद्ध विहार मंडळाचा विश्वस्त संस्थेचा एक अभियंता आणि नगर प्रशासनाचा एक अभियंता यांच्या समवेत  या बुद्ध विहार परिसराचे  सुशोभभिकरणाचे  काम  होणार  आहे. 

नळदुर्ग नगरपालिकेचे  मुख्याधिकारी लक्ष्मण कुंभार, माजी नगराध्यक्ष उदय  जगदाळे, पत्रकार विलास येडगे,  रिपाइचे  बाबासाहेब बनसोडे , दुर्वास बनसोडे , महादेव कांबळे , यांनी टिकाव मारून या कामाचा शुभारंभ केला.

 यावेळी  मुख्याधिकारी लक्ष्मण कुंभार,  नालंदा बुद्ध विहार मंडळाचे अध्यक्ष शिवाजी बनसोडे, उपाध्यक्ष प्रकाश गायकवाड',  पत्रकार तानाजी जाधव, नळदुर्ग शहर पत्रकार संघाचे अध्यक्ष सुहास येडगे,  अभियंता  स्वप्निल काळे,  सोनकांबळे , पत्रकार दादासाहेब बनसोडे प्रमुख सल्लागार बाबासाहेब बनसोडे ,माजी सैनिक पद्माकर पुजारी,  विठ्ठल  बनसोडे , माजी नगरसेवक किशोर बनसोडे, महादेव कांबळे,  कार्यालयीन अधीक्षक दीपक कांबळे, राजरत्न बनसोडे ,गणेश दुरुगकर, अक्षय कांबळे, गोरख कांबळे, सागर गायकवाड ,बारक्या कांबळे,  मुकेश कांबळे, ऋषिकेश कांबळे ,अमोल कांबळे, तुषार गायकवाड आदीसह उपासक व उपासिका  उपस्थित होते .

सुनिल बनसोडे यांच्या वतीने स्मशानभूमीसह गावात सिमेंटचे बेंच भेट‎; घरगुती गणेशोत्सव व जेष्ठा गौराईची मान्यवरांच्या हस्ते आरती

सामाजिक कार्यकर्ते सुनिल भाऊ बनसोडे यांच्या वतीने हिन्दू  स्मशानभूमीत व गावात सिमेंट बेंच भेट‎; घरगुती गणेशोत्सव व जेष्ठा गौराईची मान्यवरांच्या हस्ते आरती

काटी,दि.२४:उमाजी गायकवाड 

तुळजापूर तालुक्यातील काटीचे सुपुत्र तथा पुणे येथे वास्तव्यास असलेले सामाजिक कार्यकर्ते सुनिल (भाऊ )बनसोडे यांच्या वाढदिवसानिमित्त येथील हिंदू स्मशानभूमीत स्वखर्चाने  अंत्यसंस्कार करण्यासाठी‎ आलेल्या नागरिकांना बसण्यासाठी 8 सिमेंट बँच‎ (बाकडा)भेट दिले व गावातील  रुकडोबा गल्लीतील दोन सिमेंट बेंच भेट देण्यात आले. शनिवार दि.23 रोजी सकाळी विविध मान्यवरांच्या उपस्थितीत भेट देण्यात आलेल्या 10 सिमेंट बेंच (बाकडा)चे लोकार्पण सोहळा संपन्न झाला. तत्पूर्वी सामाजिक कार्यकर्ते सुनिल बनसोडे यांनी घरगुती बसवलेल्या गणेश मुर्ती व जेष्ठा  गौराईची आरती व पूजन विविध मान्यवरांच्या उपस्थितीत करण्यात आली. त्यानंतर उपस्थित भाविकांना महाप्रसादाचे वाटप करण्यात आले. सामाजिक  कार्यकर्ते सुनिल (भाऊ) बनसोडे यांनी अशा प्रकारचा सामाजिक उपक्रम हाती घेतल्याबद्दल‎ ग्रामस्थांनी समाधान मानले.

गणेश व गौरी लक्ष्मी समोरील आकर्षक देखावा व खाद्य पदार्थ सर्वांचे आकर्षण

गणेशोत्सवात माहेरवाशिणी सारखे जेष्ठा गौरीचे स्वागत केले जाते. त्याप्रमाणे सुनिल  (भाऊ) बनसोडे यांच्या  घरगुती गणेश व पावर्तीचे रुप समजल्या जाणाऱ्या जेष्ठा गौराईला नवीन वस्त्र, गौरीचा देखना मुकुट,बांगड्या, माळा,ठुसी,पुतळ्या,राणीहार, बाजुबंद,असे विविध दागदागिने घालून सजविण्यात आले होते. गणेश उत्सव व गौराई सण हा आनंदाचा आणि उत्साहाचा मानला जातो. या दहा दिवसांच्या उत्सवात गणपती बाप्पाला आवडणाऱ्या पदार्थांचा नैवद्य घरोघरी आनंदाने बनवला जातो.  सामाजिक कार्यकर्ते सुनिल बनसोडे यांच्या घरगुती गणेशोत्सव व गौरी लक्ष्मी समोर मोदप्रिय गणेशासाठी आकर्षक मोदकांसह गौरी पूजनावेळी   वेगवेगळ्या पद्धतीच्या खाद्यपदार्थांमध्ये विविध भाज्या फळे,करंज्या,लाडू,पुऱ्या, सांजोऱ्या, बर्फी आदी नैवेद्यामधील खाद्य पदार्थ सर्वांचे आकर्षण ठरले.

यावेळी भाजपचे  जिल्हा उपाध्यक्ष विक्रमसिंह देशमुख, सामाजिक कार्यकर्ते सुनिल (भाऊ) बनसोडे, माजी सरपंच आदेश कोळी, उपसरपंच जुबेर शेख,अनिल गुंड, उद्योजक नेताजी  चिवरे, करीम बेग, मकरंद देशमुख, बाळासाहेब भाले, ग्रामपंचायत सदस्य अनिल बनसोडे, हेरार काझी, सोसायटीचे माजी व्हाईस  चेअरमन भागवत गुंड, चेअरमन संजय  साळुंके,व्हाईस चेअरमन धनाजी ढगे, दशरथ बनसोडे, अमोल देशमुख, अमर देशमुख, रणजित देशमुख, धनाजी देशमुख, माजी सैनिक श्रीकांत गाटे,गोकुळ सोनवणे,बाळासाहेब शिंदे,संपत पंखे,अहमद पठाण, प्रविण देशमुख,हणमंत देशमुख, हणमंत ढगे, मंजूर कुरेशी,नागेश जाधव,नागेश बनसोडे,शाहू बनसोडे,सुरज बनसोडे,प्रशांत चव्हाण,बापू वाडकर,अनिल बरबडे,ग्रामपंचायत कर्मचारी अनिल बनसोडे, प्रशांत सुरवसे, दत्ता छबिले आदी मान्यवर  उपस्थित होते.

साश्रूनयनांनी गौराईला निरोप;ग्रा.प. कर्मचारी अनिल बनसोडे यांच्या गौरी पुढे आकर्षक रोषणाई

साश्रूनयनांनी गौराईला निरोप; ग्रा.प. कर्मचारी अनिल बनसोडे यांच्या गौरी पुढे आकर्षक रोषणाई 

काटी, दि. २४ :उमाजी  गायकवाड 

तुळजापूर तालुक्यातील काटीसह परिसरातील सावरगाव, केमवाडी, वडगाव (काटी), तामलवाडी, खुंटेवाडी, पांगरधरवाडी, जळकोटवाडी, आदी गावात मोठ्या आनंदाने गौरी आगमनाचे स्वागत करण्यात आले होते. गणपतीच्या तिसऱ्या दिवशी गौरी म्हणजे माहेरवाशिण घरी येते अशी आख्यायिका आहे. त्याप्रमाणे मंगळवार दि.19 रोजी  गणपतीच्या जल्लोषपुर्णआगमना नंतर गुरुवारी घरोघरी गौरींचे आगमन झाले.गौरी साधारणपणे तीन दिवस असतात. पहिला दिवस आगमनाचा, दुसरा पूजनाचा आणि तिसरा विसर्जनाचा. बाप्पांच्या आगमनानंतर उत्सवातील महत्वाचा सण म्हणजे ज्येष्ठा गौरीचे आगमन व पुजन. भाद्रपदातील  ज्येष्ठा-कनिष्ठा गौर  ही माहेरवाशीण म्हणुन ओळखली जाते.शिवप्रिया पार्वती ही गौरीच्या रुपाने येते व तिच्या आगमनावेळी धन-धान्याची आरास असल्याने गौराई सोन्याच्या, मोत्याच्या पावलांनी घरात प्रवेश करते असं मानलं जातं त्यामुळे परिसरात मोठय़ा भक्तीभावाने  गौरीचे स्वागत करण्यात आले होते.       

गौरींचे मुखवटे, दागिने, साड्या, मखर व सजावटीचे साहित्य खरेदीसाठी व  लक्ष्मीचे स्वागत करण्यासाठी, प्रतिष्ठापणेची सजावट व पुजन करण्यासाठी घरोघरी लगबग सुरु होती. 

कौटुंबिक परंपरेनुसार काहींनी गौरीच्या मुखवट्यांना झळाळी दिली. यंदा प्रथमच घरी गौरीचे आगमन झालेल्या कुटुंबियांनी नवीन मुखवटे खरेदी केले.काटी येथील प्रसिद्ध अमोल कुंभार व श्रीकांत कुंभार या बंधूंच्या श्री आर्टमधून अनेकांनी मुखवटे, खेळणी व सजावटीचे साहित्य खरेदी केली होती.  

गावातील काही व्यापारी, शेतकरी यांनी झेंडू, गुलाब, शेवंती आणि जरबेरा या सारखी फुले विक्रीसाठी आणली होती. दरम्यान, घरोघरी विधीवत महालक्ष्मी (गौरी) प्रतिष्ठापना करण्यात आली. गुरुवारी गौरीच्या निरोपाचा दिवस होता. गणेशोत्सवाच्या तिसऱ्या दिवशी आलेल्या माहेरवाशिण गौरींना साश्रूनयनांनी गौराईला निरोप देण्यात आला.

महालक्ष्मी प्रतिष्ठापना व सजावट यांचे वेगळे समीकरण आहे. सोने-चांदीची नवीन मंगळसूत्रे, कमरपट्टा, बाजूबंद व इतर दागिन्यानी गौरी लक्ष्मीस सजवण्यात आले होते. तर लक्ष्मी समोर पायर्‍या तयार करून विविध प्रकारचे फराळाचे साहित्य, विविध प्रकारची खेळणी, आकर्षक विद्युत रोषणाई करण्यात आली होती.  

काटी येथील ग्रामपंचायत कर्मचारी अनिल बनसोडे व त्यांच्या  कुटुंबातील सदस्यांनी रात्री उशिरा पर्यंत जागून लक्ष्मी समोर अतिशय आकर्षक मांडणी  आरास सर्वांचे लक्ष वेधून घेतले  होते. अनिल बनसोडे यांच्या गौरी लक्ष्मी समोर आकर्षक विद्युत रोषणाई व दोन्ही बाजूला मनी प्लॅंन्टमधून पाण्याचा प्रवाह वाहत असल्याने अनेकांचे लक्ष वेधून घेतले  होते. दिवसभर महिलांचा हळदीकुंकवाचा कार्यक्रम चालला होता. तसेच गणपती बाप्पासमोरील मांडलेली खेळणी लहान बालके  खेळणी पहाण्याचा आनंद घेत होते.

दि पिपल मल्टीस्टेट बॅंकेमधील गणरायाची प्रगतशील शेतकरी प्रदीप साळुंके व जितेंद्र गुंड यांच्या हस्ते श्री गणरायाची आरती

दि पिपल मल्टीस्टेट बॅंकेमधील गणरायाची प्रगतशील शेतकरी प्रदीप साळुंके व जितेंद्र गुंड  यांच्या हस्ते श्री गणरायाची आरती 

  

काटी,दि.२४:

 दि.पिपल मल्टीस्टेट  बॅंकेच्या तुळजापूर तालुक्यातील काटी शाखेमध्ये प्रतिष्ठाना करण्यात आलेल्या गणरायाची शनिवार  दि.23 रोजी सकाळची  पुजा प्रगतशील शेतकरी जितेंद्र गुंड तर सायंकाळी प्रगतशील शेतकरी प्रदीप साळुंके यांच्या हस्ते विधिवत पूजा करुन गणरायाची आरती करण्यात आली. यावेळी "गणपती बाप्पा मोरया" च्या  घोषणा देण्यात आल्या.

यावेळी माजी चेअरमन  सयाजीराव देशमुख, सरपंच  परिषदेचे जिल्हाध्यक्ष सुजित हंगरगेकर,प्रगतशील शेतकरी प्रकाश गाटे, वसंत  हेडे, जयाजी देशमुख ,दिपक हांडे, उमेश लवटे, रोहित गायकवाड,अजित रोडे,बॅंक कर्मचारी गणेश गाटे आदी मान्यवर उपस्थित होते.

नळदुर्गसह वागदरी, बोळेगाव व परिसरात "गौरी लक्ष्मी" सण उत्साहात साजरा

नळदुर्ग वागदरी बोळेगाव व परिसरात गौरी लक्ष्मी सण उत्साहात साजरा

नळदुर्ग, दि.२३ :एस.के.गायकवाड

तुळजापूर तालुक्यातील नळदुर्ग शहर, व वागदरी बोळेगावसह परिसरात "गौरी लक्ष्मी" हा सण मोठ्या उत्साहात व आनंदी वातावरणात साजरा करण्यात आला.

   

विघ्नहर्ता गणरायाच्या आगमनाने आनंदी आनंद झालेल्या वातावरणात  शुक्रवार दि.२२ सप्टेंबर २०२३ रोजी अत्यंत उत्साही वातावरणात गौरी लक्ष्मीचे  आगमन मोठ्या थाटामाटात झाले.यानिमित्ताने घरोघरी लक्ष्मी पूजन करण्यात आले. पुरणपोळी सह गोडधोड पदार्थची मेजवानी करून गौरी लक्ष्मीला अंलकाराने सजवून आपल्याला कल्पकतेने लक्ष्मी पुढे देवदेवतांचा देखावा व मनमोहक सौंदर्य देखावे करून गौरी पुजन करण्यात आले.बोळेगाव येथील सौ.संगीताताई सुरवसे तर वागदरी सौ.वंदनाताई किशोर धुमाळ यांच्या घरी आपापल्यापरिणे गौरीची सजावट करून लक्ष्मी पूजन केले व महाप्रसादाचे भोजन दान करून हा सण साजरा केला. 

  

एकंदरीत नळदुर्ग,वागदरी,बोळेगाव,सह परिसरात मोठ्या उत्साहात गौरी पुजन हा सण साजरा करण्यात आला.शेवटी शनिवार दि.२३ सप्टेंबर २०२३ रोजी सकाळी हळदी कुंकूवाने गाठी घेऊन गौरी लक्ष्मीला आंनदाने निरोप देण्यात आला.

नळदुर्ग येथे जुगार आड्डयावर पोलिसांच्या कारवाईत साडे नऊ लाखाचा मुद्देमाल जप्त ; १३ जणाविरुध्द गुन्हा

                           

        प्रतिकात्मक फोटौ            

नळदुर्ग , दि.२३

नळदुर्ग शहरातील एका जुगार आड्डयावर पोलिसांनी आचानक धाड टाकून   जुगाराच्या साहित्यासह  रक्कम व  महिंद्रा कंपनीची फोर व्हिलर, हिरो होन्डा मोटरसायकल व 10 ॲन्ड्राईड व आयफोन मोबाईल असे मिळुन एकुण 9 लाख 38 हजार 200 रुपये  किंमतीचा मुद्देमाल पोलिसांनी जप्त केला. तर १३ आरोपिविरुध्द महाराष्ट्र जुगार प्रतिबंधक कायदा कलम- 4,5 अन्वये नळदुर्ग  पोलिसात गुन्हा दाखल करण्यात  आला आहे. या कारवाईने अवैध धंदे करणा-यात खळबळ उडाली आहे.

 

जुगार विरोधी कारवाई दरम्यान नळदुर्ग पोलीसांनी दि.21.09.2023 रोजी 23.15 वा. सु. नळदुर्ग पो. ठा. हद्दीत नळदुर्ग येथील सत्यम हॉटेलचे बाजूचे बंद खोलीमध्ये छापा टाकला. यावेळी आरोपी नामे -1)शिवराज शशिंकात भुमकर, वय 35 वर्षे, रा. नळदुर्ग ता. तुळजापूर जि. धाराशिव, 2) चेतन बजरंग धतेकर, वय 36 वर्षे रा. धाराशिव, 3) अजय दिलीप गायकवाड, वय 32 वर्षे,4) अतुल दिलीप ढोंगरे, वय 30 वर्षे, दोघे रा. नळदुर्ग, ता. तुळजापूर जि. धाराशिव, 5) प्रसाद अर्जुन शिंदे, वय 23 रा. बोरगाव ता. औसा जि. लातुर, 6)सागर शंकर कलशेट्टी, वय 29 वर्षे, 7) अबुताहेर बडेसाब कुरेशी, वय 38 वर्षे, 8) इरफान हनिफ कुरेशी, वय 35 वर्षे, 9) मोहन शांताराम लोहार, वय 29 वर्षे, 10) आदम अख्तर जहागीरदार, वय 30, 11) अंकुश अंबादास काळे, वय 35 वर्षे, 12) इरफान हसन शेख, वय 35 वर्षे, सर्व रा नळदुर्ग, ता. तुळजापूर जि. धाराशिव, 13) जुगाराचा अड्डा चालविण्यास देणारा अनोळखी जागा मालक हे सर्वजन नळदुर्ग येथील सत्यम हॉटेलचे बाजूचे बंद खोलीमध्ये येथे तिरट जुगार खेळत व खेळवित असताना  जुगाराच्या साहित्यासह एकुण 17,200 ₹ रक्कम सह महिंद्रा कंपनीची फोर व्हिलर, हिरो होन्डा मोटरसायकल व 10 ॲन्ड्राईड व आयफोन मोबाईल असा एकुण 9,38,200 ₹ किंमतीचा माल स्वत:चे कब्जात बाळगलेले आढळले. यावरुन पोलीसांनी जुगार साहित्यासह रक्कम जप्त करुन नमूद व्यक्तींविरुध्द महाराष्ट्र जुगार प्रतिबंधक कायदा कलम- 4,5 अन्वये नळदुर्ग पो ठाणे येथे गुन्हा नोंदवला आहे.

 

तापाच्या आजाराने फणफणले; डेंग्यू सदृश आजाराने नळदुर्ग व ग्रामीण भागातील नागरिक ञस्त

वसंनगर येथि घाणिचे साम्राज्याचे छायाचिञ

तापाच्या आजाराने फणफणले; डेंग्यू सदृश आजाराने नळदुर्ग व ग्रामीण भागातील नागरिक ञस्त

नळदुर्ग, दि.२३ : सप्टेंबर 

डेंग्यू  सदृश आजाराने  नळदुर्ग शहर व परिसरातील नागरिक  मोठ्या प्रमाणात हिवतापाचे रुग्ण आढळून येत असुन  नगरपालिका प्रशासनाचे दुर्लक्ष होत आसल्याने नागरिकात संताप व्यक्त केला जात आहे.

 

नळदुर्ग शहर व परिसरात साथीच्या रोगाने अनेक रूग्ण हैराण असून भरिस भर म्हणून खासगी व उपजिल्हा रूग्णालयाच्या तपासणीत  डेंग्यू सदृष्य रूग्णही आढळून आल्याने  शहरवासियातुन चिंंता व्यक्त केली जात आहे. त्याचबरोबर  शहरातील बहुतांशी खासगी  रूग्णालयात सर्दी खोकल्याच्या रूग्णांनी गर्दी केली आहे.

       

नळदुर्ग येथिल उपजिल्हा रूग्णालयात मागील काही दिवसात चार डेंग्यू सदृष्य रूग्णावर उपचार करण्यात आले आहेत. डेंग्यू संबधी काळजी घेण्याबाबत आठ दिवसापूर्वी नगरपालिकेस पत्र दिल्याची माहिती उप जिल्हा रूग्णालयातून देण्यात आली. तसेच धक्कादायक बाब म्हणजे डेंग्यू तपासणीच्या किटचा तुटवडा असल्याची गंभीर बाब समोर आली असून आरोग्य विभागाकडून त्वरीत हे किट उपलब्ध करून देणे आवश्यक आहे. 

शहरातील खासगी रूग्णालयात दिवसेंदिवस  रूग्णांची संख्या वाढत आहे, आशातच  भिमनगर, रहीमनगर, वसंतनगर  या ठिकाणी डेंग्यू सदृष्य  रूग्ण आढळून आले आहेत.  त्यापैकी कांही रुग्ण सोलापूर येथिल खासगी रुग्णालयात उपचार घेतले आहेत. 

नळदुर्ग नगरपालिका प्रशासनाला नाही गांभीर्य 

येथील नगरपालिकेला याबाबत प्राथमिक आरोग्य केंद्र व उपजिल्हा रुग्णालया यांच्यावतीने आठ दिवसापूर्वी पत्र पाठवूनही नगरपालिकेच्या स्वच्छता विभागाकडून स्वच्छतेबाबात ठोस काही केल्याचे दिसुन येत नाही. निर्जंतुक औषध फवारणी, धुर फवारणी वेळच्या वेळी केली जात नाही. नागरिकांनी याबाबत जागरूक राहणे आवश्यक आहे.

श्रीमती छमाबाई राठोड,माजी नगरसेविका,नळदुर्ग  

शहरातील वसंतनगर याठिकाणी गटारी तुंबल्या आहेत. घाणिचे साम्राज्य पसरले असुन कर्मचारी साफसपाई करीत नाहीत. या भागाकडे न.प. प्रशासनाचे दुर्लक्ष होत आहे. वसंतनगर येथिल दोघाना डेंगू सदृश्य आजाराची लागण झाल्याने व नळदुर्ग येथे अरोग्य सुविधा म्हणावी तशी उपलब्ध नाही. त्यामुळे सर्वसामान्याना सोलापूर येथिल खासगी रुग्णालयात भरमसाठ रक्कम खर्चुन उपचार घ्यावे लागत आहे.

आशोक बंजारे ,नागरिक 

शहरातील  अक्कलकोट रोडलगत असलेल्या भागात डासांची संख्या मोठ्या प्रमाणावर वाढलेली आहे. याबाबत गेल्या आठवड्यापासुन नागरिक न.प. स्वच्छता कर्मचाऱ्यांना  वेळोवेळी औषधे फवारणीबाबत  सांगुनही  त्यांची  दखल घेतली नाही. न.प. प्रशासनाचे कर्मचाऱ्यांवर वचक राहिले नसल्याने मनमानी कारभार होताना दिसुन येत आहे. 

कामगारांच्या ज्वलंत जीवनावर भाष्य करणारा 'महासत्ता' 'अल्ट्रा झकास' मराठी ओटीटीवर

कामगारांच्या ज्वलंत जीवनावर भाष्य करणारा 'महासत्ता' 'अल्ट्रा झकास' मराठी ओटीटीवर

मुबंई,दि.२२

इंग्रजांपासून आपल्या देशाला स्वतंत्र मिळवून देण्यासाठी अहिंसेच्या मार्गावर चालून महात्मा गांधींनी देशाला स्वतंत्र मिळवून दिले. त्यांच्या विचारांचा आदर्श घेऊन निर्माण झालेला 'महासत्ता' हा मल्टीस्टारर चित्रपट येत्या २९ सप्टेंबर २०२३ रोजी ‘अल्ट्रा झकास' या मराठी ओटीटीवर प्रेक्षकांच्या मनोरंजनासाठी अवतारनार आहे.

'महासत्ता' या चित्रपटाचे दिग्दर्शन रमेश मोरे आणि निर्मिती रवी अग्रवाल यांनी केले असून अरुण नलावडे, अविनाश नारकर, मिलिंद शिंदे, संदेश जाधव, अश्विनी एकबोटे, शैला काणेकर आणि ज्योती सुभाष या नामवंत कलाकारांच्या अभिनयाने या चित्रपटाला वास्तवदर्शी जिवंतपणा आला आहे.

'महासत्ता' हा चित्रपट ७० कामगारांभोवती फिरतो जे त्यांच्या कुटुंबासाठी कर्तेधर्ते असून त्यांच्यावर कुटुंबाची पूर्ण जबाबदारी आहे. चेंबूरच्या एका मोठ्या कंपनीमध्ये काम करणारे कामगार ज्यांनी आपल्या आयुष्याचे १५ ते २० वर्ष कंपनीला दिले त्यांना कंपनीने कुठलीही पूर्व कल्पना न देता थेट कामावरून काढून टाकले, या अन्यायाविरुद्ध पुकारलेल्या बंडाचा आवाज म्हणजे ‘महासत्ता’ चित्रपट. 

“८० च्या दशकात गिरणी कामगारांनी कंपन्यांविरुद्ध जो संप पुकारला होता, त्याचे उमटलेले पडसाद ठळक दाखवणारा ‘महासत्ता’ हा वास्तवदर्शी चित्रपट ‘अल्ट्रा झकास’ या आमच्या मराठी ओटीटीवर आम्ही प्रदर्शित करत आहोत.” असे अल्ट्रा मिडिया अँड एंटरटेनमेंट प्रा. लिमिटेडचे सी.इ.ओ. श्री सुशीलकुमार अग्रवाल म्हणाले.

अधिक माहितीसाठी www.ultrajhakaas.com ला भेट द्या. वास्तवदर्शी संघर्षाची कथा सांगणाऱ्या महासत्ता चित्रपटासोबतच झकास मनोरंजन, सदाबहार एकापेक्षा एक कौटुंबिक कथा, जबरदस्त अॅक्शन थ्रिलर चित्रपटांतील ड्रामा अनुभवण्यासाठी लगेच डाउनलोड करा 'अल्ट्रा झकास ओटीटी' ॲप आणि तुमच्या कुटुंबासोबत अमर्याद आनंद घ्या अल्ट्रा झकास वरील एचडी कन्टेंटचा.

*App link:*

 https://ultrajhakaas.app.link

*वास्तवदर्शी संघर्षाची कथा सांगणाऱ्या ‘महासत्ता’ चित्रपटाचे प्रोमो पाहण्यासाठी लिंक*

https://www.facebook.com/UltraJhakaas

https://www.instagram.com/ultrajhakaas

https://www.youtube.com/@ultrajhakaas

https://twitter.com/ultrajhakaas

*प्रसिद्धी जनसंपर्क :* राम कोंडीलकर,

*राम पब्लिसिटी, मुंबई* 

*इमेल* : ramkondilkar.pr@gmail.com

*मोबाईल* – WhatsApp : 9821498658