परशुराम आर्थिक विकास महामंडळ स्थापन करावे या मागणीसाठी ब्राह्मण समाजाचे उपोषण

परशुराम आर्थिक विकास महामंडळ स्थापन करावे या मागणीसाठी ब्राह्मण समाजाचे उपोषण

नळदुर्ग,दि.३०

भगवान परशुराम आर्थिक विकास महामंडळ स्थापन करावे या प्रमुख मागणीसह इतर प्रलंबित मागण्यासाठी जालना येथे  दिपक  रणनवरे यांच्या समर्थनार्थ,व प्रशासनाचे लक्ष वेधून घेण्यासाठी नळदुर्ग शहरातील ब्राह्मण समाजाच्या वतीने नगरपरिषद कार्यालयासमोर गुरुवार दि.३० रोजी एकदिवसीय लाक्षणिक उपोषण करण्यात आले.

 या उपोषणास नळदुर्ग शहर भारतीय जनता पार्टी , महाराष्ट्र नवनिर्माण सेना, शहर शिवसेना ( बाळासाहेब ठाकरे गट)   शहर पत्रकार संघटना, काँग्रेस, राष्ट्रवादी (अजित पवार गट) बी आर एस  आदीच्यावतीने  पाठिंबा देण्यात आला. दरम्यान माजी मंञी मधुकरराव चव्हाण यांनी उपोषणकर्त्यांची भेट घेतली.

  

ब्राह्मण समाजाच्या वतीने जालना येथे समाजाचे नेते दिपक रणनवरे यांच्या समर्थनार्थ व भगवान परशुराम आर्थिक विकास महामंडळ स्थापन करणे,प्रत्येक जिल्ह्यात ब्राह्मण समाजातील विद्यार्थीसाठी वसतिगृह उभारणे,बालवाडी ते उच्च पदवी पर्यंतच शिक्षण मोफत मिळावे,5 लक्ष रु पेक्षा कमी उत्पन्न असणारे ब्राह्मण कुटुंबाकरिता पिवळे रेशन कार्ड देण्यात यावे,सर्व आजारावर मोफत उपचार मिळावेत,इनामी जमिनी हक्क परत मिळावेत,पुरोहिताना मासिक 5 हजार रु मानधन मिळावे,बेरोजगारांना विना सिबिल,विना तारण 5 लक्ष रुपये कर्ज देण्याची व्यवस्था करावी,ब्राह्मण समाजाच्या सुरक्षतेसाठी विशेष कायदा करून सामाजिक विडंबनातून मुक्तता करावी,ब्राह्मण समाजाच्या सामाजिक,आर्थिक,शैक्षणिक पातळीवर झालेल्या बदलाचा चांगला वाईट परिणाम शोधण्यासाठी अभ्यास गटाची/आयोगाची शासन स्तरावर नेमणूक करण्यात यावी.आदी मागण्यासाठी नळदुर्ग येथे  ब्राह्मण समाजाच्या वतीने शासनाचे लक्ष वेधण्यासाठी एकदिवसीय लाक्षणिक उपोषण करण्यात आले,

यावेळी समाजाचे अध्यक्ष विनायक अहंकारी,सचिव मुकुंद नाईक,माजी नगरसेवक दिलीप कुलकर्णी,प्रदीप ग्रामोपाध्ये,प्रमोद कुलकर्णी,उमेश नाईक,सचिन भूमकर,सौरभ कुलकर्णी,ज्ञानेश्वर केसकर,अजय देशपांडे,सनी भूमकर,पांडुरंग कुलकर्णी,सुधीर पुराणिक,सुभाषराव  भूमकर,विशाल कुलकर्णी,यांच्या सह  ब्राह्मण समाजबांधव उपस्थित होता. शेवटी नायब तहसीलदार एस. आर. ढवळे यांनी निवेदन स्वीकारले.

पीक विमा अग्रीमाबाबत विमा प्रतिनिधीकडे चौकशी करा ---जिल्हाधिकारी डॉ.सचिन ओम्बासे यांचे शेतकऱ्यांना आवाहन

पीक विमा अग्रीमाबाबत तालुका कृषि अधिकारी कार्यालयातील विमा प्रतिनिधीकडे चौकशी करा ---जिल्हाधिकारी डॉ.सचिन ओम्बासे यांचे शेतकऱ्यांना आवाहन

 

 धाराशिव दि.३०

प्रधानमंत्री पीक विमा योजना खरीप हंगाम 2023 मध्ये धाराशिव जिल्हयातील 757853 अर्जाद्वारे शेतकऱ्यांनी योजनेत सहभाग नोंदविलेला होता जिल्ह्यातील सर्व सोयाबीन विमाधारक पात्र शेतकऱ्यांना 25 टक्के अग्रीम विमा रक्कमेचे विमा कंपनीमार्फत वितरण चालू आहे. हे  वितरण  आधारलिंक बँक खात्यावर जमा करण्यात येत आहे. यामध्ये बऱ्याच शेतकऱ्यांचा पिक विमा जमा न झाल्याबाबत तक्रारी प्राप्त होत आहेत, शेतकऱ्यांचा पिक विमा अद्याप जमा झालेला आहे किंवा नाही याचे मार्गदर्शन करण्यासाठी आपल्या तालुक्यातील तालुका कृषि अधिकारी कार्यालयात पुढील 4 ते 5 दिवस विमा प्रतिनिधींना बसविण्यात येणार आहे. तेव्हा शेतकऱ्यांनी आपल्या तालुक्यातील तालुका कृषि अधिकारी कार्यालयामध्ये जाऊन आपली पिक विम्याची रक्कम कोणत्या खात्यावर जमा झालेली आहे याची चौकशी करावी. असे आवाहन जिल्हाधिकारी डॉ.सचिन ओम्बासे यांनी केले आहे.

ज्या शेतकऱ्यांचा अर्ज दुरुस्तीसाठी रिव्हर्ट आलेला आहे अशा शेतकऱ्यांनी ज्या ऑनलाईन सेंटरवरुन विमा भरलेला आहे त्या ऑनलाईन सेंटरवर जावून दुरुस्तीसाठीची आवश्यक कागदपत्रे अपलोड करुन घ्यावीत, आपण कागदपत्रे अपलोड केल्यानंतरच विमा भरपाई रक्कम आपल्या खात्यावर जमा होईल, ज्या शेतकऱ्यांची विमा भरपाई रक्कम रु.1000/- पेक्षा कमी आहे अशा शेतकऱ्यांची उर्वरीत रक्कम शासनाकडून प्राप्त झाल्यानंतरच  त्या शेतकऱ्यांच्या बँक खात्यावर बरोबर रक्कम रु.1000/- जमा करण्यात येईल,ज्या शेतकऱ्यांना सोयाबीन पिकाचे विमा भरलेले क्षेत्र 7 हेक्टर पेक्षा जास्त आहे अशा शेतकऱ्यांच्या क्षेत्राची पडताळी करण्यात येणार असुन पडताळणीचे काम पुर्ण झाल्यानंतरच त्या शेतकऱ्यांच्या बँक खात्यावर विमा भरपाई रक्कम जमा होईल.

वरील कारणाव्यतिरिक्त इतर कारणामुळे पिक विमा रक्कम जमा झालेली नसेल तर त्या शेतकऱ्यांनी खालीलप्रमाणे नमूद करण्यात आलेल्या संबंधित तालुक्यातील संबंधित विमा प्रतीनिधीकडे विमा रक्कम जमा न होण्याचे कारणबाबत चौकशी करावी असे आवाहनही करण्यात आले आहे.

कार्यालय विमा प्रतिनिधीचे नाव मोबाईल क्रमांक पुढील प्रमाणे

तालुका कृषि अधिकारी कार्यालय  धाराशिव- सुमेध लांडगे- 9922251357, तालुका कृषि अधिकारी कार्यालय- तुळजापूर- रोहीत आलाट-9518523476, तालुका कृषि अधिकारी,  कार्यालय-उमरगा- अक्षय निंबुर्गे- 9420750582, तालुका कृषि अधिकारी कार्यालय- लोहारा- रामेश्वर बिराजदार- 9325843396, तालुका कृषि अधिकारी कार्यालय- भूम- गणेश कावळे- 8830421143, तालुका कृषि अधिकारी कार्यालय- परंडा- तेजस अनभुले -9552831863, तालुका कृषि अधिकारी कार्यालय- कळंब- ज्ञानेश्वर शिंदे- 9881450381, तालुका कृषि अधिकारी कार्यालय- वाशी- रामेश्वर सुरवसे- 9403081038

अवकाळी पावसाने नुकसान झालेल्या शेती क्षेत्राचे तात्काळ पंचनामे करा – खासदार ओमप्रकाश राजेनिंबाळकर

अवकाळी पावसाने नुकसान झालेल्या शेती क्षेत्राचे तात्काळ पंचनामे करा  – खासदार ओमप्रकाश राजेनिंबाळकर

       जिल्हाधिकारी धाराशिव यांचे पंचनामे करणे बाबतचे आदेश निर्गमित

          धाराशिव ,दि.३०  

मागील चार दिवसापासून हवामानात अचानक बदल होवून अवकाळी पावसाने जिल्हयात मोठया प्रमाणात शेती पिकाचे नुकसान केले आहे. खरीप हंगामात पावसाने मोठा खंड घेतल्यानंतर शेतकऱ्यांनी मोठया आशेने रब्बी हंगामाची पेरणी केली होती.पिके व्यवस्थीत वाढ आवस्थेत असताना अचानक हवामानात  बदल होवून धाराशिव जिल्हयातील 25 महसुल मंडळामध्ये पावसाने रब्बी हंगामातील    द्राक्ष बाग, पपई, ऊस, कांदा, तूर, ज्वारी  व इतर पिकाचे मोठया प्रमाणात नुकसान केले आहे. सदर पावसाने झालेल्या नुकसानीचे तात्काळ पंचनामे करणे बाबत खासदार ओमप्रकाश राजेनिंबाळकर यांनी जिल्हा प्रशासनास सुचना केल्या आहेत.     

            

धाराशिव जिल्हयातील भुम व परंडा, धाराशिव व तुळजापुर, उमरगा व लोहारा, कळंब व वाशी.  लातूर जिल्हयातील औसा व निलंगा व सोलापूर जिल्हयातील बार्शी तालुक्यात झालेले नुकसानीचे कृषी विभागामार्फत व जिल्हा प्रशासनामार्फत पंचनामे करणे बाबत सुचना करण्यात आल्या असून 33 टक्के पेक्षा जास्त नुकसान झालेल्या पिकांचे गावनिहाय पंचनामे तलाठी, कृषी सहाय्यक, ग्रामसेवक यांच्या मार्फत जिओ टॅग फोटोसह पंचनामे करुन सदर पंचनामे  सादर करणे बाबत पत्राव्दारे सुचना करण्यात आल्या होत्या  जिल्हाधिकारी, धाराशिव,  जिल्हाधिकारी, लातूर यांनी आज स्थळ पंचनामे करण्याचे आदेश निर्गमित केले आहे.   

तुळजापूर : तलाठी प्रशांत गुळवे यांची पुन्हा एकदा नेमबाजीच्या राष्ट्रीय स्पर्धेसाठी निवड

काटीचे तलाठी प्रशांत गुळवे यांची पुन्हा एकदा नेमबाजीच्या राष्ट्रीय स्पर्धेसाठी निवड

काटी,दि.३०: उमाजी गायकवाड 

तुळजापूर तालुक्यातील काटीचे तलाठी श्री प्रशांत प्रभाकर गुळवे यांनी पुन्हा एकदा लक्ष साध्य करीत दि .१९ नोव्हेंबर ते  ९ डिसेंबर दरम्यान होणाऱ्या नॅशनल रायफल असोसिएशन आयोजित भोपाळ (मध्य प्रदेश) येथे होणाऱ्या 66 व्या राष्ट्रीय नेमबाजी स्पर्धा 2023 साठी १० मीटर एअर पिस्तूल शुटिंग प्रकारात खुल्या गटातून पात्रता मिळवली आहे. मागील वर्षी झालेल्या राष्ट्रीय स्पर्धांमध्ये रिनाउन शूटर उपाधी मिळवत त्यांनी यावर्षी होणाऱ्या राष्ट्रीय नेमबाजी स्पर्धा 2023 साठी पात्रता मिळवली आहे. 

यापूर्वी मागील वर्षी त्यांनी इंदोर,दिल्ली, तिरुअनंतपुरम,भोपाळ, मुंबई येथे झालेल्या स्पर्धेत चांगली कामगिरी करत खेळातील सातत्य राखले आहे. त्यांना प्रमोद माळीसर बार्शी, हेमंत जाधवसर सातारा यांचे मार्गदर्शन लाभत आहे.त्यांचे निवडी बद्दल तहसिलदार अरविंद बोळंगे  , अप्पर तहसिलदार स्वप्नील ढवळे व इतर स्टाफ व तलाठी मंडळ अधिकारी यांनी अभिनंदन करत शुभेच्छा दिल्या आहेत.

मुरुम शहर व परिसरातील अवैध धंदे बंद करण्याची शिवसेनेची मागणी

मुरुम शहर व परिसरातील अवैध धंदे बंद करण्याची शिवसेनेची मागणी

मुरुम ,दि.२८

 मुरुम शहर व परिसरातील सर्व अवैध धंदे बंद कऱावेत जेने करुन या भागातील व शहरातील गोरगरीब जनता आजवर ज्या अश्या विळख्यात अडकून आहे ,असंख्य अडचणीच्या काळात  अवैध धंद्यामुळे अनेकाचे आर्थिक   नुकसान होत आहे. तात्काळ  सर्व अवैध धंदे बंद करावे अन्यथा शिवसेना युवासेना यांच्या वतीने आक्रमक  शिवसेना स्टाइलने आंदोलन करण्याचा इशारा निवेदनाव्दारे मुरुम पोलिस ठाण्याचे साहाय्यक पोलिस उपनिरिक्षक  शिंदे  यांना  देण्यात आले .

यावेळी पोलिस कर्मचारी श्री नागनाथ कटोरे , ,शिवसेना उपतालुका प्रमुख श्री.राजेंद्र शिंदे ,कृषी उत्पन्न बाजार समितीचे संचालक मुरुम शिवसेना शहर प्रमुख श्री. सुरेश मंगरुळे युवासेना शहर प्रमुख प्रल्हाद (भगत)माळी ,अमृत वरणाळे ,संतोष पिया मुदकण्णा ,मनोज कटारे ,संदिप बाबळसुरे ,आदी शिवसेना युवासेना पदाधिकारी उपस्थित होते.

नाभिक दुकानदार संघटनेच्या अध्यक्षपदी नागनाथ वाळके , उपाध्यक्षपदी आतकरे , महाबोले यांची निवड

नाभिक दुकानदार संघटनेच्या अध्यक्षपदी नागनाथ  वाळके , उपाध्यक्षपदी आतकरे , महाबोले यांची निवड

नळदुर्ग,दि.२८ 

श्री संत सेना महाराज नाभिक समाज मंडळाची बैठक दिनांक २७ रोजी  संदीप सुरवसे यांच्या अध्यक्षतेखाली झाली. या बैठकीत संघटनेच्या अंतर्गत असणाऱ्या नाभिक दुकानदार संघटनेच्या अध्यक्षपदी नागनाथ शिवराम वाळके व उपाध्यक्षपदी गोवर्धन आतकरे व योगेश (मंदार) बाळासाहेब महाबोले यांची उपाध्यक्षपदी सर्वानुमते निवड करण्यात आली. 

या बैठकीत माजी अध्यक्ष सुभाष महाबोले गुरुजी अध्यक्ष संदीप सुरवसे उपाध्यक्ष नेताजी महाबोले, सचिव महादेव माने, जेष्ठ सदस्य माजी सचिव हरी महाबोले, भगवान माने,राजु विभुते, दत्तात्रय राऊत, संजय पवार, संभाजी महाबोले,संतोष महाबोले, स्वप्नील सुरवसे, सुमित महाबोले, मयुर महाबोले, लखन महाबोले,तात्या हिल्लाळ, रवी सोमवसे,रवी आतकरे, महादेव सोमवसे, सोमनाथ महाबोले, स्वराज महाबोले आदी समाज  उपस्थित होते.

प्रादेशिक असमतोल दूर करण्यासाठी विदर्भ व मराठवाडा वैधानिक विकास मंडळांना मुदतवाढ द्या! -ॲड रेवण भोसले

प्रादेशिक असमतोल दूर करण्यासाठी विदर्भ व मराठवाडा वैधानिक विकास मंडळांना मुदतवाढ द्या!
                 -ॲड रेवण भोसले

धाराशिव दि: २७ 

येत्या हिवाळी अधिवेशनात प्रादेशिक असमतोल दूर करण्यासाठी विदर्भ व मराठवाडा वैधानिक विकास मंडळांना मुदतवाढ देण्याची मागणी समाजवादी पार्टीचे प्रदेश महासचिव तथा प्रवक्ते ॲड रेवण भोसले यांनी एका निवेदनाद्वारे मुख्यमंत्री एकनाथ शिंदे यांच्याकडे केली आहे.
       

30 एप्रिल 2020 रोजी वैधानिक विकास मंडळाची मुदत संपली आहे. या मंडळांना मुदतवाढ न दिल्यास निधी वाटपात विदर्भ व मराठवाडा यावर अन्याय होण्याची भीती निर्माण झाली आहे .विकास खर्चाचे समान वाटप, साधन संपत्तीचे न्याय वाटप आणि सर्व विभागांचा  समतोल विकास साधण्याच्या उद्देशाने प्रादेशिक वैधानिक विकास मंडळाची स्थापना करण्यात आली होती .या मंडळाच्या स्थापने मागचा मूळ उद्देश सफल व्हावा आणि विदर्भ, मराठवाड्याच्या जनतेला योग्य न्याय मिळण्यासाठी वैधानिक विकास मंडळांना मुदतवाढ देणे आवश्यक आहे. याआधी 1 मे 1994 रोजी दांडेकर समितीच्या अहवालानुसार विदर्भ, मराठवाड्याच्या विकासाचा  असमतोल दूर करण्यासाठी घटनेच्या 371(2)या कलमानुसार विदर्भ, मराठवाडा व उर्वरित महाराष्ट्र वैधानिक विकास  महामंडळाची पहिल्यांदा स्थापना करण्यात आली होती. 17 सप्टेंबर 1948 रोजी म्हणजे भारत स्वतंत्र झाल्यानंतर तब्बल दीड वर्षांनी हैदराबाद संस्थान हे निजामी राजवटीतून भारतात एक राज्य म्हणून सामील झाले .निजामाच्या काळात राहिलेलं मागासलेपण कमी करण्यासाठी पावले उचलली जावीत अशी येथील लोकांची अपेक्षा होती. विदर्भ व मराठवाडा या दोन्ही प्रदेशातील लोकांच्या अपेक्षानुसार सामान्य नागरिकांना रोजगाराच्या नव्या संधी मिळणे, त्यासाठी उद्योग क्षेत्र वाढवणे, जिल्हा निहाय लोकांचे सरासरी दरडोई उत्पन्न वाढवणं, गोदावरी नदीच्या पाण्याचा न्याय वाटा मराठवाड्याला मिळवून देणं, शासकीय अनुदानाचा न्याय वाटा देऊन विकासाचा विभागीय असमतोल दूर करणे अपेक्षित  होतं .या प्रादेशिक विकास मंडळांना मुदतवाढ दिली तर राज्यपाल अधिक शक्तीशाली होतील याकडे दुर्लक्ष करून केवळ या विभागाचा प्रादेशिक  असमतोल दूर करण्यासाठी वैधानिक विकास मंडळांना तात्काळ मुदतवाढ देण्याची मागणीही ॲड भोसले यांनी केली आहे.

तुळजापूर तालुक्यातील वागदरी येथे विविध विकास कामाचे भूमिपूजन

तुळजापूर तालुक्यातील वागदरीत विविध विकास कामाचे  भूमिपूजन 

वागदरी,दि.२७ :एस.के.गायकवाड

 तुळजापूर तालुक्यातील वागदरी येथे बंदिस्त नाली कामाचे लोकार्पण व  विविध  विकासात्मक कामाचे मान्यवरांच्या शुभ हस्ते भूमिपूजन करण्यात आले.

  

प्रारंभी राज्य पोलीस तक्रार प्राधिकरणाचे उमाकांत मिटकर व उपस्थित प्रशासकीय अधिकाऱ्यांचा ग्रामस्थांनी फुलाची उधळण करीत जंगी स्वागत केले .

 याप्रसंगी आयोजित करण्यात आलेल्या कार्यक्रमात दीपावली सणाचे औचित्य साधून गावातील 100 गरजू महिलांना मिटकर परिवाराकडून भाऊबीज भेट म्हणून साडी चोळी देऊन महिलांचा सन्मान करण्यात आला . 

यावेळी महाराष्ट्र राज्य पोलीस तक्रार प्राधिकरण  सदस्य उमाकांत मिटकर , मंत्रालयलीन मुख्य प्रशासकीय अधिकारी उपमुख्यमंत्री कार्यालय मुंबईचे संतोष राऊत , नळदुर्ग पोलीस ठाण्याचे सहाय्यक पोलीस निरीक्षक सप्निल लोखंडे,अँड.शरद जाधवर मुख्य जिल्हा सरकारी वकील धाराशिव याची प्रमुख उपस्थिती होती . उपस्थित मान्यवरांचा ग्रामस्थांच्या वतीने नागरी सत्कार करून सन्मान करण्यात आला. 

  

याप्रसंगी सरपंच तेजाबाई मिटकर , उपसरपंच मीनाक्षी बिराजदार , ग्रामपंचायत सदस्य ज्ञानेश्वर पाटील , अमोल पवार , गुणाबाई बनसोडे , सुरेखा यादव  , मुक्ताबाई बिराजदार , माजी उपसरपंच दत्ता सुरवसे , मदन पाटील , ज्ञानराज मित्र मंडळाचे  ज्ञानेश्वर पाटील , किशोर सुरवसे , प्रमोद सोमवंशी , दत्ता सुरवसे , ज्ञानेश्वर परीहार सह ग्रामस्थ महिला युवक  उपस्थित होते कार्यक्रमाचे सूत्रसंचालन प्रा. संतोष पवार यांनी केले.

तुगाव येथे संविधानाच्या उद्देशिकेचे वाचन करून विवाह सोहळा संपन्न :

तुगाव येथे संविधानाच्या उद्देशिकेचे वाचन करून विवाह सोहळा संपन्न : अनोख्या उपक्रमाचे सर्वञ कौतुक

नळदुर्ग, दि.२६ एस.के.गायकवाड

दि.२६ नोव्हेंबर रोजी संविधान दिनाच्या ७४ व्या वर्धापन दिनी उमरगा तालुक्यातील तुगाव येथे आयोजित मंगल परिणय (विवाह सोहळा) संविधानाच्या उद्देशिकेचे वाचन करून मोठ्या उत्साहात संपन्न झाला.

  की तुगाव ता.उमरगा येथील कै.दयानंद ग्यानबा कांबळे यांचे चिरंजीव फुलचंद दयानंद कांबळे यांचा  विवाह अणदूर ता.तुळजापूर येथील कै.विठोबा गोविंद बनसोडे यांची कन्या धनश्री विठोबा बनसोडे यांच्याशी भिमनगर तुगाव ता.उमरगा येथे दि.२६ नोव्हेंबर २०२३ रोजी संविधान दिनाचे औचित्य साधून बौद्ध धम्म पध्दतीने  मोठ्या उत्साहात संपन्न झाला.

  

प्रारंभी नव वधुवरांच्या  शुभहस्ते  तथागत भगवान गौतम बुद्ध व भारतीय संविधानाचे शिल्पकार महामानव डॉ.बाबासाहेब आंबेडकर यांच्या प्रतिमांचे पूजन करून सामुदायिकरित्या ७४ व्या संविधान दिनाच्या निमित्ताने संविधानाच्या उद्देशिकेचे वाचन करण्यात आले.बुद्ध वंदना,विधायक पंचशील, बुद्ध पुजा, भिमस्मरण ,भिमस्तुती, त्रिरत्न वंदना, गाथा घेऊन शेवटी जयमंगल अठ्ठगाथे नंतर उपस्थित जन समुदायानी नव वधूवरावर फुलांचा वर्षाव करून त्यांना त्यांच्या भावी वैवाहिक जीवनाकरिता शुभेच्छा दिल्या. 

या कार्यक्रमाचे प्रास्ताविक व सुत्रसंचलन धम्म संस्कार विधिकर्ते तथा सामाजिक कार्यकर्ते एस.के.गायकवाड यांनी केले.या मंगल प्रसंगी गावातील प्रतिष्ठित व्यक्ती,धम्म मित्र हरिदास कांबळे,रिपाइं(आठवले)

तुळजापूर तालुका संघटक सुरेश लोंढे, जेष्ठ कार्यकर्ते मधुकर कांबळे,ग्रा प.सदस्या अनुशया प्रबोध कांबळे ,शामराव कांबळे,  मनोहर बनसोडे, भानुदास लोंढे, भास्कर लोखंडे,सह आप्तेष्ट नातेवाईक ग्रामस्थ,महिला युवक  उपस्थित होते.

 

सामुदायिकरित्या संविधानाच्या उद्देशिकेचे वाचन करून आनंदी आणि उत्साही वातावरणात संपन्न झालेल्या अनोख्या विवाह सोहळ्याचे उपस्थितानी कौतुक केले.

माधवराव पाटील महाविद्यालयात संविधान दिन व शहीद जवानांना श्रध्दांजली अर्पण

माधवराव पाटील महाविद्यालयात संविधान दिन व शहीद जवानांना श्रध्दांजली अर्पण                

मुरूम, ता. उमरगा, दि. २६ : 

येथील श्री माधवराव पाटील महाविद्यालयात महाराष्ट्र अंधश्रध्दा निर्मूलन समिती, धाराशिव व राज्यशास्त्र पदवी-पदव्युत्तर व संशोधन केंद्रच्या संयुक्त विद्यमाने रविवार (ता. २६) रोजी ७४ वा संविधान दिन साजरा करण्यात आला. 

प्रारंभी महाविद्यालयाचे प्राचार्य डॉ. अशोक सपाटे यांच्या हस्ते डॉ. बाबासाहेब आंबेडकर यांच्या प्रतिमेस पुष्पहार अर्पण करून अभिवादन करण्यात आले. याप्रसंगी २६ /११ हल्ल्यातील शहीद जवानांना भावपूर्ण श्रद्धांजली अर्पण करून महाविद्यालयातील विद्यार्थीनी कु. सोनाली पवार, प्राजक्ता गोरे, निकिता पाताळे, प्रगती कुलकर्णी, अमोल कटके, सुभाष गायकवाड, प्रिती मुंडासे, प्रियंका मुंडासे, सुशिल मुके, अमित बनसोडे, मनोज हावळे, हर्षल गायकवाड, अनिकेत गायकवाड आदींनी सामुहिक संविधानाच्या उद्येशपत्रिकेचे वाचन केले. 

यावेळी महाअंनिसचे जिल्हा कार्यध्यक्ष प्रा. डॉ. महेश मोटे यांनी संविधानाचे महत्त्व या विषयावर मार्गदर्शन केले.  यावेळी महाराष्ट्र पत्रकार संघाचे मराठवाडा कार्यकारिणी सदस्य प्रा. डॉ. सुधीर पंचगल्ले, क्रीडा विभाग प्रमुख प्रा. डॉ. भिलसिंग जाधव, प्रा. अजिंक्य राठोड, इसाली चाऊस आदींची प्रमुख उपस्थिती होती. या कार्यक्रमाचे प्रास्ताविक प्रा. डॉ. महेश मोटे यांनी केले. सूत्रसंचलन प्रा. डॉ. नागनाथ बनसोडे तर आभार प्रा. डॉ. शिला स्वामी यांनी मानले.       

परंपरा जपणाऱ्या महिलांचा कवयित्री बहिणाबाई चौधरी राज्यस्तरीय पुरस्काराने सन्मान

परंपरा जपणाऱ्या महिलांचा कवयित्री बहिणाबाई चौधरी राज्यस्तरीय पुरस्काराने सन्मान

नळदुर्ग,दि.२६ : नेताजी महाबोले

 तुळजापूर तालुक्यातील बाभळगाव येथील संत तुकाराम सामाजिक संस्था व ग्लोबल व्हिलेज कला विज्ञान व वाणिज्य महाविद्यालय बोरामणी यांच्या संयुक्त विद्यमाने इटकळ येथे जात्यावरील ओव्यांची परंपरा जपणाऱ्या आधुनिक बहिणाबाईंचा सन्मान कवयित्री बहिणाबाई चौधरी राज्यस्तरीय पुरस्कार देऊन गौरविण्यात आले. 

या कार्यक्रमाच्या अध्यक्षस्थानी महाराष्ट्र राज्याचे माजी कॅबिनेट मंत्री मा. मधुकररावजी चव्हाण साहेब तर प्रमुख पाहुणे म्हणून महाराष्ट्र राज्य पोलीस तक्रार प्राधिकरण सदस्य उमाकांत मिटकर यांच्यासह जेष्ठ साहित्यिक कवी विचारवंत योगीराज माने शिक्षण प्रसारक मंडळाचे सचिव सरपंच रामचंद्र आलुरे जवाहर महाविद्यालयाचे प्राचार्य डॉ उमाकांत चनशेट्टी ग्लोबल व्हिलेज कला विज्ञान व वाणिज्य महाविद्यालयचे प्राचार्य डॉ आस्मा नदाफ सेवानिवृत्त प्राचार्य संगमेश्वर जळकोटे नळदुर्ग येथील कवयित्री कविता पुदाले यांच्या प्रमुख उपस्थितीत हा पुरस्कार सोहळा संपन्न झाला. 

यावेळी व्यासपीठावर माजी मंत्री मधुकरराव चव्हाण व महाराष्ट्र राज्य पोलीस तक्रार प्राधिकरण सदस्य उमाकांत मिटकर यांच्या सह मान्यवरांच्या हस्ते जात्यावरील ओव्यांची परंपरा जपणाऱ्या महिलांचा कवयित्री बहिणाबाई चौधरी राज्यस्तरीय पुरस्काराने  सन्मानित करण्यात आले. 

बहिणाबाई चौधरी राज्यस्तरीय पुरस्कार माजी मंत्री मधुकरराव चव्हण यांच्या प्रमुख उपस्थितीत प्रदान

 

बहिणाबाई चौधरी राज्यस्तरीय पुरस्कार  माजी मंत्री मधुकरराव चव्हण यांच्या प्रमुख उपस्थितीत प्रदान 

नळदुर्ग,दि.२६: एस.के.गायकवाड

महाराष्ट्र ही पुरोगामी विचार मांडणारी थोर संताची व महापुरुषांची भुमी आहे. या भुमीत अनेक संत होऊन गेले. थोर कवियत्री बहिणाबाई चौधरी यांनी "आधी हाताला चटके मग मिळते भाकर" कष्ट घेतल्याशिवाय फळ मिळत नाही, अशा अशयाच्या अनेक ओव्या लिहून समाज प्रबोधन केले. त्यांच्या नावाने जात्यावर ओव्या गाणाऱ्या  महिलांना राज्य स्तरीय पुरस्काराने सन्मानित केल्याने त्यांना प्रेरणा मिळते, नविन पढी घडविण्यासाठी आशा कार्यक्रमाची गरज  असल्याचे  मत  माजी  मंत्री मधुकरराव चव्हाण यांनी इटकळ ता.तुळजापूर येथे  व्यक्त केले.

 

शहरापासून ते गाव खेड्या पर्यंतच्या महिलाना संत तुकाराम सामाजिक संस्था बाभळगाव ता.तुळजापूर व ग्लोबल व्हिलेज कला विज्ञान व वाणिज्य महाविद्यालय बोरामणी जि. सोलापूर यांच्या वतीने जात्यावर ओव्या गाणाऱ्या १५ महिलांना कवियत्री बहिणाबाई चौधरी राज्यस्तरीय पुरस्काराने सन्मानित करण्यात आले. यावेळी मधुकरराव चव्हाण हे अध्यक्षस्थानावरून बोलत होते.

   

यावेळी उपस्थित मान्यवरांच्या हस्ते कवियत्री कांताबाई शिंदे संभाजीनगर , सुलाबाई सरवदे येवती , पद्मावती रेवगे अणदूर , उषा देशमुख धाराशिव , कमलाबाई घुगे अणदूर , सुशिलाबाई हुकीरे केशेगाव ,अंबुबाई कसबे येवती , अनुराधा उपासे मंगरूळ , गवळण बांगर बांगरवाडी , सिमा वाघमारे येवती ,मुक्ताबाई सारणे चिवरी , सुमित्रा घुगे अणदूर , कस्तुराबाई देडे सांगवी (बु,)अनधा ओवरीकर तुळजापूर , भिवराबाई थोरात नळदुर्ग ,आदीं  महिलाचा आधुनिक बहिणाबाई चौधरी म्हणून त्यांना कवियत्री बहिणाबाई चौधरी राज्यस्तरीय पुरस्काराने सन्मानित करण्यात आले . हा कार्यक्रम कै.तुकाराम एकनाथ काळुंके यांच्या स्मरणार्थ घेण्यात आला .

यावेळी प्रमुख पाहुणे उमाकांत मिटकर सदस्य महाराष्ट्र राज्य पोलीस  प्राधिकरण न्यायक समिती मुंबई ,योगीराज माने जेष्ठ कवि विचारवंत लातूर , रामचंद्र  आलुरे सरपंच तथा शिक्षण प्रसारक मंडळ अणदूर ,

उमाकांत चनशेट्टी प्राचार्य जवाहर महाविद्यालाय अणदूर , संगमेश्वर जळकोटे सेवानिवृत्त प्राचार्य जवाहर विद्यालय अणदूर , कवियत्री कविता पुदाले - उकंडे नळदुर्ग , आस्मा नदाफ प्राचार्या ग्लोबल व्हिलेज कला विज्ञान व वाणिज्य महाविद्यालय बोरामणी, लता कांळुके , मान्यवर उपस्थित होते  

कार्यक्रमाचे प्रास्ताविक संस्थेचे संस्थापक अध्यक्ष दयानंद काळुंके यांनी केले  कार्यक्रमाचे सूत्रसंचालन प्रा डॉ संतोष पवार यांनी केले.  कार्यक्रम यशस्वी करण्यासाठी संस्थेचे सचिव विलास कांळुके ,दिनेश सलगरे , पंडीत भोसले , एस के . गायकवाड ,संजय आलुरे , सचिन तोग्गी , प्रबोध कांबळे , पोलीस पाटील जावेद शेख , केशव गायकवाड आदींनी परिश्रम घेतले.  मल्लीनाथ जळकोटे यांच्या आभार  नंतर जात्यावर ओवी गावुनच कार्यक्रमाची सांगता करण्यात आली.

भाजपा धाराशिव जिल्ह्यात नंबरवन राहणार - चालुक्य पाटील

भाजपा जिल्ह्यात नंबरवन राहणार - चालुक्य पाटील
जिल्हा कार्यकारिणी बैठकीस प्रतिसाद
नूतन पदाधिकाऱ्यांचा पत्र देवून सन्मान;
मराठवाडा संघटनमंत्री कौडगे यांची उपस्थिती

धाराशिव,दि.२५

आगामी सर्व निवडणुकीत ताकदीने काम करून पक्षाला नंबरवन ठेवण्यासाठी कटीबध्द असल्याचेही सांंगुन

प्रधानमंत्री नरेंद्र मोदी, प्रदेशाध्यक्ष चंद्रशेखर बावनकुळे, उपमुख्यमंत्री देवेंद्र फडणवीस यांचे मार्गदर्शन आणि नेतृत्वाखाली भारतीय जनता पार्टी धाराशिव जिल्ह्यात नंबरवन पक्ष राहणार असल्याचे प्रतिपादन भाजपाचे जिल्हाध्यक्ष संताजीराजे चालुक्य -पाटील यांनी केले. 

धाराशिव येथे शुक्रवारी (दि.२४) भाजपाच्या नूतन जिल्हा कार्यकारिणीची बैठक संपन्न झाली. बैठकीच्या अध्यक्षस्थानी भाजपाचे मराठवाडा संघटनमंत्री संजय कौडगे तर प्रमुख उपस्थिती माजी आ. सुजितसिंह ठाकूर यांची उपस्थिती होती.

बैठकीस हिंदवी स्वराज्य संस्थापक छत्रपती शिवाजी महाराज यांच्या प्रतिमेच्या पूजनाने प्रारंभ करण्यात आला. बैठकीत नूतन पदाधिकाऱ्यांचा नियुक्तीपत्र देवून मान्यवरांच्या हस्ते सन्मान करण्यात आला. जिल्हाध्यक्ष चालुक्य यांनी मार्गदर्शन केले. ते पुढे म्हणाले, पक्षाने जिल्हाध्यक्ष पदाची अत्यंत म्हत्वपूर्ण जबाबदारी दिली आहे. नूतन जिल्हा कार्यकारिणी घोषीत केली आहे. विविध विभागांच्या आघाड्या लवकरच जाहीर करणार आहोत. जुन्या, नव्या अशा सर्वांना जबाबदारी देवून सामावून घेण्याचा प्रामाणिक प्रयत्न केला आहे. प्रत्येकाला जबाबदारी देण्याचा प्रयत्न करणार आहे. 

प्रधानमंत्री नरेंद्र मोदी, राष्ट्रीय अध्यक्ष जे.पी. नड्डा, गृहमंत्री अमित शहा यांच्या नेतृृत्वाखाली भाजपा देशात तर प्रदेशाध्यक्ष श्री बावनकुळे, उपमुख्यमंत्री श्री फडणवीस  यांच्या मार्गदर्शनाखाली महाराष्ट्रात भाजपा यशस्वी घौडदौड करीत आहे. देशात व राज्यात भाजपा नंबरवन पक्ष आहे. धाराशिव जिल्ह्यात देखील आगामी लोकसभा, विधानसभा, जिल्हा परिषद, पंचायत समित्या, नगर परिषदांसह सर्व निवडणुकीत पक्षाला घवघवीत यश मिळवून देवून पक्ष नंबरवन राहण्यासाठी जिवाचे रान करून मेहनत घेणार आहोत. पक्षाच्या सर्व पदाधिकाऱ्यांनी बुथ मजबूत करण्यासाठी मेहनत घ्यावयाची आहे. 

केंद्र व राज्या सरकारच्या लोककल्याणकारी योजना तळागाळापर्यंत, गोरगरिब, वंचितापर्यंत पोहंचवण्यासाठी पदाधिकारी व कार्यकर्त्यांनी मेहतन घ्यावयाची आहे. लोककल्याणकारी योजनांमुळे पक्षाच्या आगामी सर्व निवडणुकीत घवघवीत यश मिळणार आहे. तत्पूर्वी श्री चालुक्य यांनी नूतन पदाधिकाऱ्यांचे अभिनंदन करून शुभेच्छा दिल्या.

यावेळी मंचावर प्रदेश सदस्य नेताजी पाटील, विनोद गपाट, नितीन काळे, ॲड. खंडेराव चौरे, सतीश देशमुख, प्रविण पाठक, अस्मिता कांबळे, गुलचंद व्यवहारे, रामदास कोळगे, बाळासाहेब क्षीरसागर, इंद्रजीत देवकते, प्रदीप शिंदे,  विलास राठोड, महिला आघाडी जिल्हाध्यक्ष नंदाताई पुनगुडे, उपाध्यक्षा डॉ. सरोजनी राऊत, चिटणीस वनीता कटाळे, राणी राठोड आदींची उपस्थिती होती.

विश्वकर्मा योजना प्रभावी राबवा - आमदार राणाजगजितसिंह पाटील

नव्या पदाधिकाऱ्यांनी पक्षासाठी अधिक बळ देणे गरजेचे आहे. केंद्र व राज्याच्या शेकडो योजनांचा लाभ जनतेला मिळवून देणे गरजेचे आहे. विश्वकर्मा योजना जिल्ह्यात अधिक प्रभावीपणे राबवून लाभार्थ्यांना लाभ मिळवून देण्यासाठी सर्वांनी प्रयत्न करण्याचे आवाहन आ. राणाजगजितसिंह पाटील यांनी केले आहे.

पक्षात प्रचंड काम -ठाकूर

भाजपामध्ये पद घेणे इतके सोपे नाही. पक्षाचे प्रचंड कार्यक्रम, उपक्रम अखंड सुरू असतात. त्यामुळे पद घेतलेल्यांची जबाबदारी प्रचंड वाढली आहे. पक्षात प्रचंड काम करावे लागेल असे आवाहन भाजपाचे माजी आमदार सुजितसिंह ठाकूर यांनी केले.

पक्ष बळकट करा - कौडगे

नवीन पदाधिकाऱ्यांनी अधिक जोमाने काम करणे गरजेचे आहे. पक्ष अधिक बळकट करण्यासाठी सर्वांनी अधिक परिश्रम घ्यावेत. पक्षाचे सर्व कार्यक्रम अधिक प्रभावीपणे राबविणे गरजेचे आहे. भारत विकास यात्रा, नव मतदार नोंदणी, विश्वकर्मा योजना, संविधान गौरव यात्रा, विविध आघाड्यांच्या पदाधिकाऱ्यांची नियुक्ती, मन की बात कार्यक्रम, मंडल प्रभारी नियुक्ती, कोअर ग्रुप नियुक्ती असे सर्व कार्यक्रम नूतन पदाधिकाऱ्यांनी तातडीने राबवावेत असे आवाहन मराठवाडा संघटनमंत्री संजय कौडगे यांनी केले. बैठकीचे सूत्रसंचालन पक्षाचे जिल्हा सरचिटणीस विकास कुलकर्णी यांनी केले.

ब्राह्मण समाजाच्यावतीने विविध मागण्यासाठी नळदुर्ग नगरपरिषदे समोर करणार उपोषण

ब्राह्मण समाजाच्या प्रमुख मागण्यासाठी नळदुर्ग मध्ये एक दिवशीय लाक्षणीक उपोषण

नळदुर्ग ,दि.२४

ब्राह्मण समाजाच्या विविध मागण्यासाठी येत्या 30 नोव्हेंबर रोजी  नळदुर्ग शहर सर्व शाखीय ब्राह्मण समाजाच्या वतीने नगरपरिषद कार्यालया समोर एक दिवशीय  लाक्षणीक उपोषण करण्यात येणार आहे.

दि.28 नोव्हेंबर पासून जालना येथील ब्राह्मण समाजाचे नेते दिपक भाऊ रणनवरे हे आमरण उपोषणास बसत आहेत. त्यास पाठींबा म्हणून नळदुर्ग शहरात सर्व शाखीय ब्राह्मण समाज संघटनेच्या वतीने येत्या दि.30 नोव्हेंबर  गुरुवार रोजी नळदुर्ग नगरपरिषदेच्या समोर सकाळी 10 ते 5 या कालावधीत साखळी उपोषण करण्यात  येणार असल्याची माहिती नळदुर्ग शहर ब्राह्मण समाजाचे अध्यक्ष  विनायक अहंकारी यांनी दिली आहे.

परशुराम आर्थिक विकास महामंडळाची लवकरात लवकर निर्मिती करण्यात यावे या मुख्य मागणीसह ब्राह्मण समाजाचे अनेक प्रश्न मार्गी लावावेत अशी मागणी केली  आहे.

या निवेदनावर ब्राह्मण समाजाचे अध्यक्ष विनायक अहंकारी,सचिव मुकुंद नाईक,विकास कुलकर्णी, भाजपाचे युवा नेते सुशांत भूमकर,युवा नेते उमेश नाईक,मनसेचे शहर सचिव प्रमोद कुलकर्णी, सुहास पुराणिक,अजित भूमकर,अजय देशपांडे,संदीप वैद्य,शिरीष कुलकर्णी, चेतन दुबे, सुदर्शन पुराणिक , विशाल कुलकर्णी यांच्या सह्या आहेत. या उपोषणाचे निवेदन  नळदुर्ग नगरपरिषदेचे मुख्याधिकारी  लक्ष्मण कुंभार , सहाय्यक  पोलीस निरीक्षक  स्वप्नील लोखंडे यांना  देण्यात आले.

पिक स्पर्धा रब्बी हंगाम 2023,ज्वारी,गहू,हरभरा,करडई व जवस या पिकांचा स्पर्धेत समावेश,

पिकस्पर्धा रब्बी हंगाम 2023

ज्वारी,गहू,हरभरा,करडई व जवस या पिकांचा स्पर्धेत समावेश, डिसेंबर 2023 पर्यंत अर्ज मागविले

 

धाराशिव,दि.23 

राज्यामध्ये पिकांची उत्पादकता वाढविण्यासाठी विविध भागांमध्ये शेतकऱ्यांकडून विविध प्रयोग करण्यात येतात. उत्पादकतेत वाढ करण्यात येते.अशा प्रयोगशील शेतकऱ्यांना मिळालेल्या उत्पादकतेबाबत प्रोत्साहन देऊन गौरव केल्यास,त्यांची इच्छाशक्ती व मनोबल यामध्ये वाढ होऊन आणखी उमेदीने नवनवीन अद्ययावत तंत्रज्ञानाचा वापर केला जाईल.यामुळे कृषी उत्पादनामध्ये भर घालण्यासाठी शेतकऱ्यांचे योगदान मिळेल.तसेच त्यांचे मार्गदर्शन परिसरातील इतर शेतकऱ्यांना होऊन राज्याच्या एकूण उत्पादनात मोलाची भर पडेल,हा उद्देश ठेवून राज्यांतर्गत पीकस्पर्धा योजना राबविण्यात येत आहे.

                   

वंचीत,दुर्लक्षीत तसेच पौष्टिक तृणधान्य पिकांच्या क्षेत्रात आणि उत्पादन तंत्रज्ञानात वाढ होण्याची आवश्यकता विचारात घेऊन तसेच जास्तीत जास्त  शेतकरी पीक स्पर्धांमध्ये सहभागी होतील या दृष्टिकोनातून रब्बी हंगाम 2023 पासून पिकस्पर्धा तालुका,जिल्हा व राज्य पातळीवर राबविण्यात येणार आहे.त्यानुसार कृषी विभागामार्फत रब्बी हंगाम सन 2023 मध्ये सर्वसाधारण व आदिवासी गटासाठी ज्वारी,गहू,हरभरा,करडई व जवस या पिकांसाठी पिकस्पर्धेचे आयोजन करण्यात येत आहे.

                  रब्बी हंगाम 2023 करीता ज्वारी,गहू,हरभरा,करडई व जवस या पाच पिकांचा पिकस्पर्धेत समावेश करण्यात आला आहे.

                   स्पर्धेसाठी पात्रता निकष पुढीलप्रमाणे आहेत.स्पर्धेत भाग घेण्यासाठी शेतक-यांकडे स्वत:च्या नावे जमीन असणे व ती जमीन तो स्वत: कसत असणे आवश्यक आहे. एकाचवेळी एकापेक्षा जास्त पिकासाठी स्पर्धेत भाग घेता येईल. पिकस्पर्धेमध्ये सहभागी लाभार्थ्याच्या शेतावर त्या पिकाखाली किमान 40 आर क्षेत्रावर सलग लागवड असणे आवश्यक आहे.

                   या स्पर्धेत भाग घेण्यासाठी विहित नमुण्यातील अर्ज (प्रपत्र - अ), ठरवून दिलेले प्रवेश शुल्क भरल्याचे चलन,7/12, 8-अ चा उतारा,जात प्रमाणपत्र (केवळ आदिवासी असल्यास),पिकस्पर्धेसाठी शेतक-याने संबंधित 7/12 वरील घोषीत केलेल्या क्षेत्राचा चिन्हांकीत केलेला नकाशा आणि बँक खाते चेक/पासबुकच्या पहिल्या पानाची छायांकीत प्रत आदी कागदपत्रे आवश्यक आहेत.

                          रब्बी हंगाम पीक स्पर्धेसाठी अर्ज दाखल करण्याची अंतीम तारीख 31 डिसेंबर 2023 आहे.अर्ज दाखल करण्याच्या तारखेच्या दिवशी शासकीय सुट्ट‍ी असल्यास त्यापुढील शासकीय सुट्ट‍ी नसलेली तारीख गृहीत धरण्यात यावी. तालुकास्तर,जिल्हास्तर व राज्यस्तरावरील पीकस्पर्धा निकाल-प्रथम, व्दितीय व तृतीय क्रमांकाचे पिकस्पर्धा विजेते निवडण्यात येतील.पीकनिहाय सर्वसाधारण गटासाठी रक्कम 300 रुपये वव आदिवासी गटासाठी रक्कम 150 रुपये याप्रमाणे स्पर्धेसाठी प्रवेश शुल्क राहील.

                    रब्बी हंगाम 2023 साठी  सर्वसाधारण व आदिवासी गट बक्षिसाचे स्वरुप पुढीलप्रमाणे आहे. तालुका पातळीवर पहिले बक्षिस 5 हजार रुपये, द्वितीय क्रमांक 3 हजार रुपये तर तृतीय क्रमांक 2 हजार रुपये आहे. जिल्हा पातळीवर पहिले बक्षिस 10 हजार रुपये, द्वितीय बक्षिस 7 हजार रुपये व तृतीय बक्षिस 5 हजार रुपये आहे.राज्य पातळीवर पहिले बक्षिस 50 हजार रुपये, द्वितीय बक्षिस 40 हजार रुपये व तृतीय बक्षिस 30 हजार रुपये आहे.

                 दुय्यम तसेच पौष्टिक तृणधान्य पिकाच्या क्षेत्रात आणि उत्पादनात वाढ व्हावी याकरीता जास्तीत जास्त शेतकऱ्यांनी पीक स्पर्धत सहभागी व्हावे,असे आव्हान कृषी विभागामार्फत करण्यात येत आहे.

               पीक स्पर्धेबाबत अधिक माहीतीसाठी शेतकऱ्यांनी संबधित तालुका कृषी अधिकारी कार्यालयास संपर्क साधावा किंवा महाराष्ट्र शासन कृषी विभागाच्या www.krishi.maharashtra.gov.in  या संकेतस्थळाला भेट द्यावी.                     

ग्रामपंचायतमध्ये ग्रामसेवकाचे मनमानी कारभार

नळदुर्ग ,दि.२३

दि.३१ डिसेंबर २०१५ रोजीच्या  शासन निर्णयाप्रामणे राज्यातील  ग्रामपंचायतनी नमुना नंबर ८ हे भांडवली मुल्यावर तयार करुन एप्रिल  २०१७ पासुन आमंलातआणावयाचे आदेशित केले आहे. तथापी आज आखेर तुळजापूर तालुक्यातील बहुतांश ग्रामपंचायतने  नमुना नंबर ८ भांडवली  मुल्यावर ( रेडिरेकनरी दराप्रमाणे ) केल्याचे दिसुन येत नाही.याचा आर्थ वरिष्ठ प्रशासकीय  आधिकारी जाणुन बुजून दुर्लक्ष करीत आहेत.

ज्या आर्थी  रेडिरेकनरी दराप्रामाणे नमुना नंबर ८ ज्या ग्रामपंचायतचे तयार नसुन, आमंलात नाही. त्या ग्रामपंचायतीने केलेली कर वसुली  ही नियमबाह्य आहे. नमुना नं ८ रेडिरेकनर दराप्रमाणे तयार केलेली नसल्याने ग्रामस्थाकडुन करापोटीची रक्कम मनमानीपणे अवाजवी रक्कम वसुल केली जाते. याचा आर्थिक व मानसिक ञास ग्रामस्थाना नाहकच सहन करावा लागत आहे. तसेच ब-याच ग्रामपंचायत मध्ये कर वसुली वर्षानुवर्षे वसुल केल्याचे दिसुन येत नाही. आशा थकबाकीदारावर काय कारवाई केली, जप्ती , किवा चल आचल मालमत्तेवर बोजा चढविण्यात आला. याबाबत संबंधित ग्रामपंचायत माहिती देण्यास टाळाटाळ करीत आहे.

याप्रकरणी जिल्हा परिषदेचे मुख्य कार्यकारी आधिकारी काय निर्णय घेतात याकडे ग्रामस्थांचे लक्ष  लागले आहे.

सदर नियमबाह्य  झालेल्या कर, वसुलीवर मुख्य कार्यकारी आधिकारी दोषीवर कारवाई करतील का? की पाठिशी घालतील याबाबत चर्चेला उधाण आले आहे.

चिवरी येथील मुक्ताबाई सारणे यांना बहिणाबाई चौधरी राज्यस्तरीय पुरस्कार जाहीर

चिवरी येथील मुक्ताबाई सारणे यांना बहिणाबाई चौधरी राज्यस्तरीय पुरस्कार जाहीर 

नळदुर्ग,दि.२२

 कै. तुकाराम एकनाथ काळुंके बाभळगावकर यांच्या सहाव्या पुण्यस्मरणानिम्मित संत तुकाराम सामाजिक संस्था बाभळगाव व ग्लोबल व्हिलेज कला विज्ञान व वाणिज्य महाविद्यालय बोरामणी यांच्या संयुक्त विद्यमाने चिवरी येथील कवयित्री मुक्ताबाई राम सारणे यांना कवयित्री बहिणाबाई चौधरी राज्यस्तरीय पुरस्कार जाहीर झाला आहे.

                

  शनिवार दि. २५ नोव्हेंबर रोजी इटकळ ता. तुळजापूर येथील साई मंगलकार्यालयात दुपारी २ वाजता महाराष्ट्र राज्याचे माजी मंत्री मधुकरराव चव्हाण, जेष्ठ साहित्यिक, कवी, कलावंत व विचारवंत योगीराज माने, महाराष्ट्र राज्य पोलीस तक्रार प्राधिकरण सदस्य उमाकांत मिटकर, शिक्षण प्रसारक मंडळाचे सचिव सरपंच रामचंद्र आलु,रे जवाहर महाविद्यालयाचे प्राचार्य डॉ उमाकांत चनशेट्टी, नळदुर्ग पोलीस ठाण्याचे सहाय्यक पोलिस निरीक्षक  स्वप्निल लोखंडे, सेवानिवृत्त प्राचार्य संगमेश्वर जळकोट, कवयित्री कविता पुदाले, यांच्या प्रमुख उपस्थितीत हा पुरस्कार सोहळा संपन्न होणार आहे.

 असे आयोजक संत तुकाराम सामाजिक संस्थेचे अध्यक्ष दयानंद काळुंके ग्लोबल व्हिलेज कला विज्ञान व वाणिज्य महाविद्यालयाच्या सचिवा संगित शहा- चनशेट्टी, उपाध्यक्ष प्रा. अनिकेत चनशेट्टी, संत तुकाराम महाराज सामाजिक संस्थेचे सचिव विलास काळुंके यांनी कळविले आहे.

तुळजापूर येथे एकल महिला संघटनेच्या कबड्डी स्पर्धेला प्रारंभ

तुळजापूर,दि.२२

एक महिला संघटनेच्या वतीने घेण्यात आलेल्या कबड्डी स्पर्धेला तुळजापुरात उत्स्फूर्त प्रतिसाद मिळाला.64 संघ स्पर्धेसाठी तुळजापुरात दाखल झाले आहेत. तहसिलदार अरविंद बोळंगे यांच्या  हस्ते स्पर्धेचे उद्घाटन संपन्न झाले.

एकल महिला संघटनेच्या वतीने आयोजित केलेल्या कबड्डी स्पर्धेला तुळजापुरात मोठा प्रतिसाद मिळाला 64 संघांनी या स्पर्धेमध्ये आपला सहभाग नोंदवला. कार्यक्रमाच्या अध्यक्षस्थानी ज्येष्ठ समाजसेविका पार्वती भगत या होत्या प्रमुख अतिथी म्हणून तहसीलदार अरविंद बोळंगे, माजी जिल्हा परिषद सदस्य सक्षणा सलगर, अल्पसंख्यांक काँग्रेसचे अध्यक्ष असिगोड्डीन  खतीबना, तानाजी  जाधव, गोविंद मस्के, रुक्मिणी नागापुरे महानंदा चव्हाण अनिता नवले यांची उपस्थिती होती.

सदर उद्घाटन कार्यक्रमांमध्ये तहसीलदार अरविंद बोळंगे यांनी स्पर्धेला मिळालेला प्रतिसाद लक्षात घेऊन महिलावर्गाची खेळाप्रती असणारी कटिबद्धता याचे कौतुक केले. जि प माजी सदस्य सक्षणा सलगर यांनी एकल महिला संघटनेच्या वतीने आयोजित केलेली ही स्पर्धा प्रेरणा देणारी आहे. महिलावर्ग खेळामध्ये कमी नाही हे दाखवण्यासाठी हे आयोजन अत्यंत यशस्वी झाले आहे असे त्या म्हणाल्या. प्रारंभी रुक्मिणी नागापूरे यांनी प्रास्ताविक करताना ६४ संघांनी खूप चांगला प्रतिसाद दिल्याचे सांगितले. 

याप्रसंगी अनिता नवले पार्वती भगत यांनी आपले मनोगत व्यक्त केले. सूत्रसंचालन महानंदा चव्हाण यांनी केले. या कार्यक्रमांमध्ये सुरेखा भोसले, उर्मिला महंकराज, आशालता पांडे ,अनिता नवले, सुवर्णा नन्नवरे, कांता शिंदे यांचे योगदान आहे.

सकाळपासून बाद फेरीच्या सामन्यांना सुरुवात झाली वेगवेगळ्या जिल्ह्यातून आलेल्या संघांचे नियोजनाप्रमाणे सामने खेळविण्यात आले. एकल महिला संघटनेच्या वतीने आयोजित केलेल्या  महिला कबड्डी स्पर्धेला चांगला प्रतिसाद मिळाला. खेळीमेळीच्या वातावरणामध्ये महिलांनी आपल्या कब्बडी खेळाचे प्रदर्शन केले.

मतदार यादीतून वगळण्यात आलेल्या मतदारांची सुनावणी पुढे ढकलून,स्थानिक ठिकाणी सुनावणी घ्या - मनसे

मतदार यादीतून वगळण्यात आलेल्या मतदारांची सुनावणी पुढे ढकलून,स्थानिक ठिकाणी सुनावणी घ्या - मनसे

नळदुर्ग ,दि.२२

नळदुर्ग शहरातील शेकडो मतदारांची नावे मतदार यादीतून सामान्य राहिवाशी नाहीत, म्हणून नावे वगळण्यासाठी दिलेल्या अहवालानुसार प्रस्तावीत आहेत,त्यासंदर्भात अनेकांना लोकप्रतिनिधी अधिनियम 1950 च्या कलम 22 अंतर्गत/मतदार नोंदणीअधिनियम 1960 नियम 21अ तरतूदीनुसार सहाय्यक मतदार नोंदणी अधिकारी 241 तुळजापूर विधानसभा मतदारसंघ तथा तहसीलदार यांनी दि- 23/11/2023 रोजी प्रत्यक्ष हजर राहून राहिवाशी असल्याबाबत पुरावा सादर करून आपले म्हणणे मांडण्या बाबत नोटीसा बजावल्या आहेत.

त्यासंदर्भात महाराष्ट्र नवनिर्माण सेनेचे शहर सरचिटणीस प्रमोद कुलकर्णी यांनी याबाबत सहा.मतदार नोंदणी अधिकारी व जिल्हाधिकारी यांना निवेदन दिले  असुन त्यात म्हटले आहे की, एखादा व्यक्ती कुटुंबाच्या उदरनिर्वाहासाठी बाहेरगावी राहून नोकरीं करत असेल तर तो सामान्य राहिवाशी नाही का ? बाहेरगावी शिक्षण घेणारे मुलं,मुली हे राहिवाशी नाहीत का?ज्यांचे नावे वगळण्यात आलेल्या यादीत आहेत, यात प्रामुख्याने नव्याने लग्न करून आलेल्या सुना,बाहेरगावी नोकरींसाठी गेलेले मुलं,शिक्षणासाठी बाहेर असलेले मुलं,मुली यांचे मोठ्या प्रमाणात नावे असल्याचे मनसेने म्हटले आहेत, प्रस्तावित दिलेल्या अहवालानुसार हि नावे राहिवाशी नाहीत असे म्हणणे असेल तर मग बाहेरगावी नोकरीं व शिक्षणासाठी असलेले मतदार प्रत्यक्ष शहरात फिरत राहणे म्हणजेच सामान्य: राहिवाशी म्हणायचं का? असा प्रश्न मतदारांना पडत आहे, शिवाय हा अहवाल प्रत्यक्ष स्थळी भेट देऊन त्यांच्या कुटुंबियांना न विचारता व पाहणी न करता केला आहे असा ठाम विश्वास  कुलकर्णी  यानी व्यक्त केला आहे.

याप्रकरणी बहुतांश मतदारांना नोटीस प्राप्त झालेल्या नाहीत,शिवाय सुनावणीसाठी तुळजापूर येथे प्रत्यक्ष हजर राहाताही येणार नाही. कारण नोकरीं,शिक्षण,व व्यवसाया करिता बाहेरगावी असलेल्याना अचानक नोटीस येणे व प्रत्यक्ष हजर रहा म्हणणे उचित होणार नाही. त्यामुळे सुनावणी संदर्भातली तारीख पुढे ढकलण्यात यावी व सुनावणी हि शक्यतो स्थानिक ठिकाणी म्हणजेच नगर परिषद सभागृहात ठेवण्यात यावी अशी मागणी मनसेचे शहर सरचिटणीस प्रमोद कुलकर्णी यांनी निवेदनात केली आहे.

तुळजापूर येथे आजपासुन होणार राज्यस्तरीय महिला कबड्डी स्पर्धा

 

संग्रहीत छायाचिञ

तुळजापूर येथे आजपासुन  होणार राज्यस्तरीय महिला कबड्डी स्पर्धा 

 तुळजापूर ,दि.२१

 एकल महिला संघटनेच्या  वतीने दि 21, व 22 नोव्हेंबर 2023 रोजी तालुका क्रीडा संकुल तुळजापूर या ठिकाणी राज्यस्तरीय महिलांच्या खुल्या कबड्डी स्पर्धेचे आयोजन करण्यात आलेले आहे. या राज्यस्तरीय महिला कबड्डी स्पर्धेचे उद्घाटन   पोलिस अधीक्षक , तहसीलदार  यांच्या हस्ते 21/11/2023 मंगळवार रोजी उद्घाटन करण्यात येणार आहे.

एकल महिला संघटना ही महिलांच्या प्रश्नावर काम करत असून 11 तालुक्यातील 19000 महिला सभासद आहेत. तसेच महिलां सोबत आर्थिक, सामाजिक, सांस्कृतिक, राजकिय महिला संपत्ती अधिकार या विषयावर काम करत असताना महिलांना अनेक समस्यांना सामोरे जावे लागते. 

 महिलांनी महिला मंडळात चर्चा करून 8 मार्च जागतिक महिला दिनानिमित्ताने गावात तालुक्यात कबड्डी खेळायच्या आणि तेव्हा पासून महिला कबड्डी स्पर्धेत भाग घेतात. तसेच मे महिन्यात तालुका स्तरिय कबड्डी घेण्यात आल्या.  यात वय 18 ते 75 वयाच्या देखील महिला कबड्डी खेळल्या व प्रथम महिलांच्या कबड्डी स्पर्धा एकल महिला संघटनाच्या माध्यमातून घेण्यात आल्या. महिलांना देखील मैदानी खेळ खेळायला संधी मिळाली पाहिजे. मनासारखे खेळता यावे आणि त्यातून मनसोक्त आनंद मिळेल. तसेच शारीरिक व मानसिक आरोग्य सुदृढ होईल तसेच महिलांना वेगवेगळ्या प्रकारच्या मैदानी खेळ खेळायची संधी उपलब्ध होईल. महिलांच्या मागणीनुसार आता राज्यस्तरीय महिलांच्या खुल्या कबड्डी स्पर्धेचे आयोजन करण्यात आले असून यामध्ये एकूण 65 संघ उतरणार आहेत. तसेच 9 जिल्ह्यातील 15 तालुक्यातून  संघ व इतर महिला ही स्पर्धा पाहण्यासाठी येणार आहेत एकूण 1000 महिलांचे नियोजन करण्यात आलेले आहे. अशी माहिती एकल महिला संघटनेच्या  तुळजापूर तालुका अध्यक्ष पार्वती भगत, उस्मानाबाद च्या अध्यक्ष जमीला तांबोळी, मुखेड तालुका अध्यक्ष माधवी बनसोडे, परांडा तालुका अध्यक्ष मंदा पाटील, चाकूर तालुका अध्यक्ष ठकूबाई अंधारे, अंबाजोगाई तालुका अध्यक्ष सीताताई सरवदे, बीड तालुका अध्यक्ष शिल्पा पंडित लोहारा तालुका अध्यक्ष रेश्मा कादरी यांनी माहिती दिली आहे.

आगामी लोकसभा, विधानसभा निवडणुकांच्या पार्श्वभूमीवर भाजपची जिल्हा कार्यकारणी जाहीर

आगामी लोकसभा, विधानसभा यासह जिल्हा परिषद, नगर परिषद, पंचायत समिती निवडणुकांच्या पार्श्वभूमीवर भाजपची  जिल्हा  कार्यकारणी जाहीर

धाराशिव , दि.१९

गेल्या अनेक दिवसांपासून राजकीय क्षेत्रात चर्चेचा विषय ठरलेल्या व सर्वच राजकारण्यांचे लक्ष लागून राहिलेल्या भारतीय जनता पक्षाची न्यू यंग ब्रिगेड अखेर भाजप जिल्हाध्यक्ष संताजीराजे चालुक्य-पाटील यांनी जाहीर केली आहे. आगामी लोकसभा, विधानसभा यासह जिल्हा परिषद, नगर परिषद, पंचायत समिती निवडणुकांच्या पार्श्वभूमीवर जुन्या आणि नव्या दमाच्या शिलेदारांची सांगड घालत नूतन जिल्हाध्यक्ष संताजीराजे चालुक्य यांची ही नवी टीम मैदानात उतरविण्यात आली आहे.

धाराशिव भाजप जिल्हाध्यक्ष पदाच्या निवडी दरम्यान एका पदासाठी अनेक दावेदार असल्याने मोठी चुरस निर्माण झाली होती. त्यातच नव्या आणि जुन्या नेत्यांमध्ये कोणाला स्थान मिळणार याबाबतही चर्चा होती. यामुळे कांही काळ जिल्हाध्यक्ष पदाची निवडही रेंगाळली होती. अखेर भाजपचे जुने नेते संताजीराजे चालुक्य-पाटील यांच्या नावावर एकमत होऊन त्यांच्या गळ्यात जिल्हाध्यक्षपदाची माळ पडली. जिल्हाध्यक्ष निवडीनंतर चर्चा सुरू झाली ती जिल्हा कार्यकारणीत कोणाची वर्णी लागणार. सध्याची राज्य व केंद्रात असलेली सत्ता यामुळे इच्छुकांचीही संख्या मोठी होती. त्यातच जुने जानकार व नंतरच्या काळात भाजपमध्ये आलेले अनेक मातब्बर नेते, पदाधिकारी या सर्वांचा मेळ घालणेही थोडे कसरतीचे तसेच आव्हानात्मक काम नूतन जिल्हाध्यक्ष संताजीराजे चालुक्य यांच्यासमोर होते. त्यामुळेच जिल्हाध्यक्षांची निवड होऊन तीन महिने झाले तरी उर्वरीत कार्यकारणी जाहीर होत नव्हती. अखेर नूतन जिल्हाध्यक्षांनी नव्या आणि जुन्या दमाच्या शिलेदारांची सांगड घालत तब्बल ४७ जणांची जंम्बो कार्यकारणी जाहीर केली आहे. यामध्ये जिल्हा उपाध्यक्ष, जिल्हा सरचिटणीस, जिल्हा चिटणीस, तालुकाध्यक्ष, जिल्हा कोषाध्यक्ष, समन्वयक, महिला मोर्चा, युवा मोर्चा व प्रसिद्धीप्रमुख पदाचा समावेश आहे. या निवडीचे स्वागत करत राज्याचे उपमुख्यमंत्री देवेंद्र फडणवीस, प्रदेशाध्यक्ष चंद्रशेखर बावनकुळे, भाजप आमदार राणाजगजितसिंह पाटील, माजी आमदार सुजितसिंह ठाकूर, प्रदेश  उपाध्यक्ष तथा जिल्हा प्रभारी अजित गोपछडे, जिल्हाध्यक्ष संताजीराजे चालुक्य पाटील यांनी नूतन पदाधिकाऱ्यांचे अभिनंदन केले असून, नूतन पदाधिकाऱ्यांचे सर्वत्र आभिनंदन होत आहे.

जिल्हा कोषाध्यक्ष-नेताजी शिंदे-लोहारा.
जिल्हा समन्वयक-शिवाजीराव गिड्डे पाटील-कळंब.
नूतन तालुकाध्यक्ष  शहाजी पाटील-उमरगा, संतोष बोबडे-तुळजापूर, अजित पिंगळे-कळंब, शिवशंकर हत्तरगे-लोहारा, महादेव वडेकर-भूम, राजाभाऊ पाटील-धाराशिव ग्रामीण, ॲड गणेश खरसडे-परंडा, राजगुरू कुकडे-वाशी व अभय इंगळे-धाराशिव शहर. महिला मोर्चा जिल्हाध्यक्ष - नंदाताई पनगुडे-धाराशिव.
युवा मोर्चा जिल्हाध्यक्ष - राजसिंहा राजेनिंबाळकर-धाराशिव. जिल्हा प्रसिद्धी तथा मिडिया विभागप्रमुख-
धनंजय रणदिवे-धाराशिव.जिल्हा सरचिटणीस-विकास कुलकर्णी-परंडा, प्रदीप शिंदे-धाराशिव, दीपक आलुरे-तुळजापूर, इंद्रजित देवकते-धाराशिव, माधुरी गरड-धाराशिव.जिल्हा चिटणीस- साहेबराव घुगे-तुळजापूर, राजकुमार पाटील-परंडा, सिद्धेश्वर कोरे-तुळजापूर, अंगद मुरूमकर-भूम, सचिन इंगोले-वाशी, युवराज जाधव-उमरगा, वनिता कटाळे-कळंब, पल्लवी रोचकरी-तुळजापूर, राणी राठोड-उमरगा, वैभव मुंडे-कळंब, सुजित परदेशी-परंडा.अशी आहे भाजपचे नूतन जंम्बो कार्यकारणी संताजीराजे चालुक्य-पाटील- जिल्हाध्यक्ष, जिल्हा उपाध्यक्ष- विक्रम देशमुख-तुळजापूर, रामहरि शिंदे-कळंब, अभय चालुक्य-उमरगा, विकास बारकूल-येरमाळा, डॉ सरोजनी राऊत-कळंब,सुनील काकडे-धाराशिव, दत्ता देवळकर-धाराशिव, बालाजी गावडे-धाराशिव, सुरेश कवडे-वाशी, आदेश कोळी-तुळजापूर, सुदाम पाटील-भूम, सुखदेव टोम्पे-परंडा, माधव पवार-उमरगा, मिनाज शेख-कळंब, कैलास शिंदे-उमरगा, डॉ गोविंद कोकाटे-धाराशिव, महादेव आखाडे-वाशी.
चार तालुकाध्यक्ष, युवा मोर्चा जिल्हाध्यक्ष कायम नूतन कार्यकारणीत आठ तालुक्यांसाठी ९ तालुकाध्यक्षांच्या निवडी जाहीर केल्या आहेत. 

यामध्ये संतोष बोबडे-तुळजापूर, अजित पिंगळे-कळंब, महादेव वडेकर-भूम व राजाभाऊ पाटील-धाराशिव यांंच्याकडील तालुकाध्यक्षपदाची धुरा कायम ठेवण्यात आली आहे. तर भाजप युवा मोर्चा जिल्हाध्यक्षपदी राजसिंहा राजेनिंबाळकर यांचीही निवड कायम ठेवण्यात आली आहे.  

भाजपा जिल्हा चिटणीस विलास राठोड यांच्याकडून दिवाळी भाऊबीज भेट म्हणून गरजू महिलांना २०० साड्या , फराळाचे वाटप

भाजपा जिल्हा चिटणीस विलास राठोड यांच्याकडून दिवाळी भाऊबीज भेट म्हणून गरीब,गरजू महिलांना  200 साड्यां आणि फराळाचे वाटप

   

नळदुर्ग ,दि.१६ : 

  तुळजापूर तालुक्यातील अलियाबाद येथे  लोकप्रिय आमदार राणाजगजितसिंह पाटील यांच्या मार्गदर्शनाखाली भाजपाचे जिल्हा चिटणीस विलास राठोड यांच्या परिवारातर्फे अलियाबाद येथील 200 गरीब,गरजू महिलांना दिवाळी भाऊबीज भेट म्हणून  साड्यां व फराळाचे वाटप करण्यात आले.  तसेच नुकतीच पार पडलेल्या येडोळा,रामतीर्थ ग्रामपंचायत निवडणूक मध्ये निवडून आलेल्या नूतन सरपंच, सदस्याचा ही सत्कार करून सन्मान करण्यात आले. आमदार राणाजगजितसिंह पाटील यांनी दूरध्नीद्वारे  उपस्थितांना  दीपावलीच्या शुभेच्छा दिल्या.

    

 यावेळी कार्यक्रमाच्या अध्यक्षस्थानी निवृत्त  अन्न निरीक्षक शंकर राठोड तर प्रमुख पाहुणे म्हणून कृषी उत्पन्न बाजार समितीचे संचालक आशिष सोनटक्के, पत्रकार आरुण लोखंडे, अप्पू किलजे,दामाजी राठोड, पांडुरंग चव्हाण, सुभाष नाईक, व्यंकट पवार, सुरेश चव्हाण, संजय चव्हाण, गायक गणेश राठोड, ग्रा. प.सदस्य मनोज चव्हाण, श्रीमंत राठोड, हरिदास राठोड, प्रकाश राठोड, लक्ष्मण राठोड, रामू चव्हाण, बाबू राठोड, गुरुदेव राठोड, भूषण पवार, गोविंद राठोड, पवन चव्हाण, सचिन राठोड, इंजी.सुयोग राठोड, आशाताई राठोड, शांता राठोड, आशाताई पवार, फुलाबाई राठोड, रंजना राठोड, सपना राठोड, इंदुमती राठोड, सुजाता राठोड, सायली राठोड आदी पुरुष, महिला मोठ्या संख्येने उपस्थित होते. कार्यक्रमाचे सूत्रसंचालन शिवाजी नाईक यांनी केले तर आभार विलास राठोड यांनी मानले.

प्रधानमंञी आवास योजना,रमाई आवास योजनेचा लाभाकरिता न.प. समोर नागरिकांचे अमरण उपोषण

प्रधानमंञी आवास योजना,रमाई आवास योजनेचा लाभाकरिता गुरुवार दि.१६ नोव्हेंबर रोजीपासुन नगरपरिषद कार्यालयसमोर  वसंतनगर, दुर्गानगर ,इंदिरानगर , बौध्दनगर,भिमनगर ,डॉ आंबेडकर नगर येथील नागरिकांचे अमरण उपोषण 

नळदुर्ग ,दि.१५  

नळदुर्ग  शहरातील शासकीय जागेवर राहणा-या  कुटूंबियाच्या घर जागेची नगरपरिषद दप्तरी नोंद करुन प्रधानमंञी आवास योजना,रमाई आवास योजनेचा लाभ मिळावे या करिता गुरुवार दि.१६ नोव्हेंबर रोजीपासुन नगरपरिषद कार्यालयसमोर  वसंतनगर, दुर्गानगर ,इंदिरानगर , बौध्दनगर,भिमनगर ,डॉ आंबेडकर नगर येथील नागरिकांचे अमरण उपोषण करण्यात येणार असल्याचे वरिल भागातील नागरिकानी जिल्हाधिकारी  याना दि.३० आँक्टोबर रोजी निवेदनाव्दारे  सांगितले आहे.

 नळदुर्ग शहरातील वसंतनगर, दुर्गानगर ,इंदिरानगर , बौध्दनगर,भिमनगर डॉ आंबेडकर नगर  आदी ठिकाणी गेल्या पाच दशकापुर्वीपासुन शासकिय जागेवर कब्जे वहिवटीनुसार राहणाऱ्या कुटूंबाच्या घरजागेची नगरपरिषद कार्यालयात भोगवटदार म्हणुन नोंद करून प्रधानमंत्री आवास योजनेचा लाभ  मिळावे नागरिक अनेक वर्षापासुन प्रशासनाचे उबंरठे झिजवित आहे.

 

न.प.कार्यालयाने जा.क्र.431/न.प.न/2023 दि.18/07/2023 रोजी लाभार्थ्याना नोटीस देऊन जिल्हाधिकारी  यांचे दि.17/07/2023 च्या निर्देशान्वये रमाई आवास योजना, प्रधानमंत्री आवास योजनांचा लाभ देण्याकरीता शासकीय जागेवरील पात्र लाभार्थ्याकडुन आवश्यक ते कागदपत्राची मागणी केली. त्यानुसार लाभार्थ्यानी  वेळोवेळी नगरपरिषद कार्यालयास भरलेली घरपट्टी, नळपट्टी व इतर पुराव्यासह घरजागेचे भोगवाटदार म्हणुन नोंद करण्यासाठी विहीत नमुन्यात प्रस्ताव दाखल केले. या घटनेला तीन महिने उलटून गेले आद्याप  पर्यंत नगरपरिषदेने भोगवाटदार म्हणुन नोंद करूण ८ अ ची नक्क्ल दिली नाही. त्यामुळे लाभार्थी  शासकीय योजनेपासुन वंचीत राहिलो आहे. 

यापुर्वी प्रशासनाला वेळोवेळी विनंती अर्ज देऊनही याविषयी जाणिवपुर्वक दुर्लक्ष केले जात आहे. येत्या 10 दिवसात आम्ही राहत असलेल्या घरजागेचे न.प. कार्यालयात भोगवाटदार म्हणुन नोंद करून ८ अ ची नक्कल देऊन प्रधानमंत्री आवास योजनेचे लाभ मिळवून दयावे. अन्यथा दि.16/11/2023 रोजी न.प.कार्यालय नळदुर्ग याठिकाणी अमरण उपोषणास बसणार आसल्याचे म्हटले आहे.

 

याची एक प्रत महितीस्त्व खासदार ओमराजे निबांळकर , आमदार राणाजगजतिससिंह पाटील ,उपविभागीय अधिकारी ,पोलिस अधिक्षक ,उपविभागीय पोलिस अधिकारी ,तहसिलदार , मुख्याधिकारी ,पोलिस निरिक्षक आदीना देण्यात आले आहे.

नळदुर्ग येथे दि.१५ नोव्हेंबर पासुन श्री ज्ञानेश्वरी पारायण सोहळ्यास प्रारंभ

नळदुर्ग  येथे दि.१५ नोव्हेंबर पासुन  श्री ज्ञानेश्वरी पारायण सोहळा 

नळदुर्ग,दि.१५ : सुहास येडगे

नळदुर्ग येथील मराठा गल्ली येथे दि.१५ ते २१ नोव्हेंबर २०२३ या कालावधीत श्री ज्ञानेश्वरी पारायण सोहळा संपन्न होत आहे. याठिकाणी पारायण सोहळा साजरे होण्याचे हे ४५ वे वर्षे आहे. पारायण सोहळ्यानिमित्त आयोजित केलेल्या सर्व कार्यक्रमांचा लाभ भाविकांनी घ्यावा असे आवाहन पारायण समिती व शिवशाही तरुण मंडळाच्या वतीने करण्यात आले आहे.

       

 नळदुर्ग येथील मराठा गल्ली येथे सन १९७८ पासुन श्री ज्ञानेश्वरी पारायण सोहळा साजरा होत आहे. यावर्षी पारायण सोहळा साजरा होण्याचे ४५ वे वर्ष आहे. यावर्षी दि.१५ ते २१ नोव्हेंबर २०२३ या कालावधीत मराठा गल्ली येथे वै. श्री शिवराम बुवा दिंडेगावकर यांच्या आशिर्वादाने, वै. श्री तात्यासाहेब वासकर महाराज यांच्या कृपेने व वै. ह.भ. प.मारुती महाराज कानेगावकर यांच्या कृपेने श्री ज्ञानेश्वरी पारायण सोहळा साजरा होणार आहे. पारायण कालावधीत दररोज पहाटे ४ ते ६ काकडा आरती, सकाळी ६ ते ७ माऊलीची पुजा,७ ते ९ सामुदायिक ज्ञानेश्वरी वाचन,९ ते ९.३० विश्रांती,९.३० ते ११ वाचन,११ ते १२ भोजन,१२ ते २ महिलांचे भजन व भारुडाचा कार्यक्रम,२ ते ४.३० गाथा भजन,४.३० ते ५.३० प्रवचन,६ ते ७ हरीपाठ,७ ते ८ भोजन,८ ते १० कीर्तन व ११ ते पहाटे ४ हरीजागर असे कार्यक्रम होणार आहेत.

      

  पारायण कालावधीत ह.भ. प.श्री बलभीम बागल (चिकुंद्रा),ह.भ. प.श्री अशोक जाधव (बाभळगाव),ह.भ. प.श्री बाबुराव पुजारी (पाडोळी),ह.भ. प.श्री शिवाजी चव्हाण (चव्हाणवाडी),ह.भ. प.श्री मोहन पाटील (कीलज),ह.भ. प.श्री राजकुमार पाटील (वागदरी) यांचे प्रवचन होणार तर ह.भ. प.श्री दीपक निकम महाराज (धनगरवाडी),ह.भ. प.श्री राम महाराज गायकवाड (चिकुंद्रा),ह.भ. प.श्री विरपाक्ष महाराज (कानेगाव),ह.भ. प.श्री महेश महाराज (माकणी),ह.भ. प.श्री गुरुवर्य विठ्ठल महाराज (दिंडेगावकर),ह.भ. श्री गुरुवर्य चैतन्य महाराज वासकर (वाशी) यांचे कीर्तन होणार आहे.

          

दि.२१ नोव्हेंबर रोजी सकाळी ८ ते ९ पसायदान व काला ह.भ. प.श्री गुरुवर्य अप्पासाहेब दिंडेगावकर महाराज यांच्या हस्ते होणार आहे. काल्याचे कीर्तन ह.भ. प.श्री श्रीहरी ढेरे महाराज (काक्रंबा) यांचे होणार आहे.

 पारायण सोहळ्यात आयोजित केलेल्या सर्व कार्यक्रमांचा लाभ भाविकांनी घ्यावा असे आवाहन समस्त गावकरी, पारायण समिती व शिवशाही तरुण मंडळाने केले आहे.

एकल महिलासह समाजातील प्रत्येक घटकांचा विकास प्रयत्नशिल : उमाकांत मिटकर

एकलमहिलासह समाजातील प्रत्येक घटकांचा विकास करणण्याचा प्रयत्न करणार : उमाकांत मिटकर

वागदरी, दि.१४ :एस.के.गायकवाड

वात्सल्य सामाजिक संस्थेच्या वतीने एकलमहिलासह गोरगरीब समाजातल्या प्रत्येक घटकांच्या विकासाकरिता सर्वोतोपरी प्रयत्न करणार.असे प्रतिपादन महाराष्ट्र राज्य पोलीस तक्रार प्राधिकरणाचे प्रभारी अध्यक्ष तथा वात्सल्य सामाजिक संस्थेचे संस्थापक उमाकांत मीटकर यांनी वागदरी ता.तुळजापूर येथे बोलताना केले.

   वात्सल्य सामाजिक संस्था व मिटकर परिवाराच्या वतीने वागदरी येथील गरजू एकल महिलांना दिपावलीनिमीताने मोफत दिवाळी किटचे (साखर,तेल, चिरमुरे,मैदा,बेसन, मसाला, साबन) वाटप करण्यात आले.यावेळी ते बोलत होते.

 

  

 यावेळी ह.भ.प.सुरेशसिंग परिहार, जेष्ठ कार्यकर्ते राम सुरवसे, शिवाजी मीटकर, लक्ष्मण सुरवसे,निव्रती बिराजदार,नागनाथ जाधव,भालचंद्र यादव,शिक्षक सोसायटीचे चेअरमन प्रशांत मिटकर, ग्रा.सदस्य ज्ञानेश्वर पाटील,महादेव बिराजदार, शालेय व्यवस्थापण समितीचे अध्यक्ष रामसिंग परिहार,रिपाइं (आठवले) चे  जिल्हा सचिव एस.के.गायकवाड,भाजपा मेडियासेल चे तालुका अध्यक्ष किशोर धुमाळ, सुदर्शन सुरवसे,महादेव मंदिराचे पुजारी जितेंद्र पाटील,मुकेश जाधव,ग्रा.प.सदस्य अंकुल वाघमारे, शरद पवार, अनिल धुमाळ,चंद्रकांत वाघमारे,सदन शेतकरी नागनाथ चव्हाण,उद्योगजक तात्या चव्हाण,सह युवा कार्यकर्ते महिला मोठ्या संख्येने उपस्थित होते. या कार्यक्रमाचे प्रास्ताविक व सुत्रसंचलन सामाजिक कार्यकर्ते किशोर सुरवसे यांनी कले.

डॉ. राजाराम शेंडगे यांचा विविध संस्था व संघटनांच्या वतीने सत्कार

डॉ. राजाराम शेंडगे यांचा विविध संस्था व संघटनांच्या वतीने सत्कार

  संकटं हे उद्दिष्ट मार्गातील अनिवार्य बाबी असतात. प्रत्येकांनी उद्दिष्ट प्राप्तीसाठी प्रयत्न करताना चांगले मित्र शोधणे आणि बाळगणे काळाची गरज :  डॉ. आर. डी. शेंडगे 

मुरुम, ता. उमरगा, दि १३ :

 उमरगा शहरात डॉ. के. डी. शेंडगे आयुर्वेदिक मेडिकल कॉलेजला नुकतीच मान्यता मिळून प्रवेश प्रक्रिया सुरू झाली आहे. जय मल्हार बहुउद्देशीय विकास संस्था उमरगा संचलित, डॉ. के. डी. शेंडगे आयुर्वेदिक मेडिकल कॉलेजच्या रूपाने वैद्यकीय महाविद्यालयाची अनेक वर्षांपासूनची गरज होती. ती पुर्ण झाल्याबद्दल धनगर समाजाच्या वतीने संस्थेचे अध्यक्ष डॉ. आर. डी. शेंडगे यांचा सत्कार करण्यात आला. 

यावेळी डॉ. सचिन शेंडगे, डॉ. विजयकुमार बेडदूर्गे, विष्णू बिराजदार, प्रदीप मदने यांची प्रमुख उपस्थिती होती. कार्यक्रमाचे प्रास्ताविक गुंडू दुधभाते यांनी केले. यावेळी प्रा. डॉ. महेश मोटे यांनी आपल्या मनोगतात  वैद्यकीय महाविद्यालय हे परिसरातील आरोग्य सेवेची मदत वाहिनी असून रूग्णांना विविध आजारावेळी सहज प्रबोधन घडविणारे केंद्र असते. ते डॉ. शेंडगे यांनी उपलब्ध करून दिल्याचे सांगितले. येणेगूर फेस्टीव्हलच्या वतीने प्रा. शिवराज गळाकाटे व प्रदिप मदने यांनी सत्कार केला. सत्कारानंतर डॉ. राजाराम शेंडगे यांनी आपले विचार मांडले. 

यावेळी तात्याराव फडताळे, प्रा. संदीप दुधभाते यांनीही मनोगत व्यक्त केले. सेवानिवृत्त अभियंता मोहन दुधभाते, जि. प. अभियंता बाबूराव बारसे, प्रा. डॉ. सुधीर पंचगल्ले, माजी मुख्याध्यापक शाहूराज घोडके, तुकाराम पितळे, राघवेंद्र गावडे,  गोळप्पा कांबळे, शिवराज गावडे , प्रा. गणेश ब्याळे, परमेश्वर शेंडगे, मोहन घोडके यांच्यासह विविध संस्था व संघटनांचे पदाधिकारी व समाज बांधवांची उपस्थिती होती. सर्व उपस्थितांचे आभार प्रा. डॉ. विकास दुधभाते यांनी मानले.

मनसेच्या प्रयत्नाला अखेर यश,स्ट्रीट लाईट चालु झाल्याने महामार्ग प्रकाशम्य

मनसेच्या प्रयत्नाला अखेर  यश,स्ट्रीट लाईट चालु झाल्याने महामार्ग  प्रकाशम्य;  शहरवासियांना दिवाळी भेट , मनसे कार्यकर्त्यांवर आभिनंदनाचा वर्षाव 

नळदुर्ग, दि. १२

शहरातील गोलाई ते बसस्थानक पर्यंत करण्यात आलेल्या महामार्गावरील दुभाजका मध्ये स्ट्रीट लाईट होण्यासाठी महाराष्ट्र नवनिर्माण सेनेच्या वतीने तीन वर्ष सातत्याने पाठपुरावा सुरु होता.

ऑगस्ट महिन्यात 58 पोल उभे करून चाचणी  केली होती,परंतु कागदपत्राची पूर्तता,विद्युत रोहित्र,तांत्रिक बाबी,वीज पुरवठा,आणि हस्तांतरण अशा अनेक बाबीमुळे लाईट सुरु होण्यासाठी विलंब लागत होता. मनसेच्या पदाधिका-यांनी संबंधित असलेल्या सर्व कार्यालतील अधिका-यांशी वेळोवेळी संपर्क साधत दिवाळीत लाईट सुरु होण्यासाठी प्रयत्न केले.या कामासाठी महाराष्ट्र नवनिर्माण सेनेचे शहर सरचिटणीस प्रमोद कुलकर्णी यांनी ,राष्ट्रीय महामार्ग उपविभाग सोलापूर,नगर परिषद नळदुर्ग, महावितरण कार्यालय, नळदुर्ग,उपविभागीय महावितरण कार्यालय तुळजापूर, विभागीय कार्यालय धाराशिव,रचना कन्स्ट्रशन,व संबंधित सर्व अधिकारी यांच्याकडे सातत्याने संपर्क साधत दिवाळीत स्ट्रीट लाईट सुरु होण्यासाठी प्रयत्न केले.

 सर्व अधिकारी , कर्मचारी व रचना कन्स्ट्रशन यांचे मनसे शहराध्यक्ष अलीम शेख,शहर सरचिटणीस प्रमोद कुलकर्णी यांनी आभार मानले. स्ट्रीट लाईट सुरु करण्यासाठी जिल्हा सचिव ज्योतिबा येडगे,शहराध्यक्ष अलीम शेख,शहर सरचिटणीस प्रमोद कुलकर्णी,शहर उपाध्यक्ष रमेश घोडके,शहर संघटक रवि राठोड,जनहित कक्षाचे ॲड.मतीन बाडेवाले, मनविसे तालुकाध्यक्ष सूरज चव्हाण,मनविसे शहराध्यक्ष निखिल येडगे,शिरीष डुकरे, दिलीप शंकरशेट्टी,संदीप वैद्य,दिलीप राठोड आदींनी वेळोवेळी पाठपुरावा केला.

महामार्ग प्रकाशमय झाल्याने शहरवासिय,वाहनधारक यांनी समाधान व्यक्त करत मनसेच्या पदाधिका-यांचे आभिनंदन केले.

अनाधिकृतरित्या पाणी उपसा करणा-यांविरुद्ध कडक कारवाई करण्याचे जिल्हाधिका-याचे आदेश

अनाधिकृतरित्या पाणी उपसा करणा-यांविरुद्ध कडक कारवाई करा , संभाव्य पाणी टंचाईच्या अनुषंगाने आढावा बैठकीत जिल्हाधिका-यांचे निर्देश

धाराशिव दि.११ 

जिल्ह्यात संभाव्य पाणी टंचाईच्या अनुषंगाने, पाटबंधारे विभागाच्या अधिनस्त असलेल्या प्रकल्पातून अनाधिकृतरित्या पाणी उपसा होणार नाही याची दक्षता घेण्यात यावी. पाटबंधारे विभाग व तालुकास्तरीय मंडळाच्या भरारी पथकांकडून  अनाधिकृतरित्या पाणी उपसा करणा-यांविरुद्ध नियमानुसार कडक कारवाई करण्यात यावी.असे निर्देश जिल्हाधिकारी डॉ.सचिन ओम्बासे यांनी दिले. 

         

 जिल्ह्यात उद्भवणाऱ्या संभाव्य पाणीटंचाईच्या निमित्ताने जिल्हाधिकारी कार्यालयातील सभागृहात जिल्हाधिकारी डॉ.ओम्बासे यांच्या अध्यक्षतेखाली नुकतीच  जिल्ह्यातील संबंधित सर्व यंत्रणेचा आढावा घेण्यात आला.यावेळी ते बोलत होते.

            जिल्हयात कमी पावसामुळे पाणीटंचाई उदभवण्याची शक्यता विचारा घेता शहरी व ग्रामीण भागात पाणीटंचाईच्या अनुषंगाने आतापासूनच सूक्ष्म नियोजन करण्याच्या सुचना डॉ.ओम्बासे यांनी सर्व उपस्थित अधिकाऱ्यांना यावेळी दिल्या.    

         

 या आढावा बैठकीत जिल्हयात शहर व ग्रामीण भागात संभाव्य पाणी टंचाईच्या संदर्भात आवश्यक ते नियोजन करून पाणी टंचाईच्या अनुषंगाने संबंधित पाटबंधारे विभागाच्या अधिनस्त असलेल्या प्रकल्पातील उपलब्ध पाणी साठा, पाण्याचे वार्षीक नियोजन,पाणी आरक्षण तसेच प्रकल्पातील पाण्याच्या संदर्भात नागरीक,शेतकरी व लोकप्रतिनिधी यांचेकडून प्राप्त होणारे अर्ज व  निवेदन या अनुषंगीक बाबींच्या संदर्भात सविस्तर चर्चा करून त्याबाबत आढावा घेण्यात आला.तसेच यावेळी संभाव्य पाणी टंचाईबाबत संबंधित कार्यालय प्रमुख यांना आवश्यक सुचना देवून टंचाईच्या अनुषंगाने सुक्ष्म नियोजन करण्याबाबत डॉ.ओम्बासे यांनी निर्देशीत केले.

           

 संभाव्य पाणी टंचाईच्या अनुषंगाने ३१ जूलै २०२४ रोजी असणाऱ्या  पाणी टंचाई परिस्थितीच्या पार्श्वभूमीवर त्या जलस्त्रोताचे उध्दभवावर अवलंबून असणा-या गावांची पिण्याच्या पाण्याची आवश्यकता तसेच त्या जलस्त्रोताचे उदभवाच्या परीघातील इतर जलस्रोताचे उदभवातील पाण्याचा साठा इत्यादी बाबी गृहीत धरून त्याच्या दुप्पट पाणी पिण्यासाठी आरक्षीत ठेवणे आवश्यक आहे. हा आरक्षीत पाणीसाठा तसेच त्या जलस्त्रोताचे उदभवावर अवलंबून असणा-या पाणी पुरवठयाच्या योजनांसाठी लागणारा पाणी पुरवठा तसेच बाष्पीभवनातून होणारी हानी इत्यादी अत्यावश्यक बाबी वगळता जर त्या प्रकल्पातील पाण्याचा साठा या प्रकल्पाच्या एकूण साठवण क्षमतेच्या ३३ टक्क्यांपेक्षा कमी  असेल तर अशा प्रकल्पातून सिंचनासाठी पाणी देता येणार नाही याबाबत सुचना देण्यात आल्या. पिण्याच्या पाण्यासाठी केलेले आरक्षण ज्या उदभवावर अवलंबून असणा-या पाणी पुरवठा योजनांसाठी आवश्यक असणारा पाणीसाठा तसेच बाष्पीभवनातून होणारा अपव्ययाचा पाणीसाठा एकूण साठवण क्षमतेच्या ३३ टक्क्यांपेक्षा अधिकचा असेल तर ३३ टक्के पाणीसाठयाच्या मर्यादेच्या अधिन राहून उर्वरित पाणीसाठा सिंचनासाठी उपलब्ध करून दयावा किंवा कसे याबाबत कालवा सल्लागार समितीकडे अभिप्राय आणि आदेशास्तव अशी प्रकरणे सादर करण्यात यावीत.असेही डॉ ओम्बासे यावेळी म्हणाले.

       

या प्रक्रीयेच्या सुलभीकरणासाठी धाराशिव पाटबंधारे विभाग क्र.१, चे नोडल अधिकारी तथा कार्यकारी अभियंता श्री.मदने यांची नियुक्ती करण्यात आली आहे.प्राप्त होणारे अर्ज व निवेदने उचित कार्यवाहीसाठी नोडल अधिकारी यांचेकडे पाठविण्यात यावे.अर्ज व निवेदने कालवा सल्लागार समितीच्या बैठकीच्या समोर सादर करावीत. कालवा सल्लागार समिती बैठकीला सर्व सन्माननीय लोकप्रतिनिधी उपस्थित राहतील याची दक्षता घ्यावी.    

               

या बैठकीला कार्यकारी अभियंता,पाटबंधारे विभाग क्र.२, उमरगा,कार्यकारी अभियंता,ग्रामीण पाणी पुरवठा विभाग,जिल्हा परिषद, सर्व तहसीलदार,गटविकास अधिकारी,मुख्याधिकारी यांचेसह संबंधित पाटबंधारे विभागाचे अधिकारी हे उपस्थित राहतील याची दक्षता घ्यावी.असे निर्देशही जिल्हाधिकारी डॉ.ओम्बासे यांनी यवेळी दिले.

नळदुर्ग : बोरी धरणातील पिण्याच्या पाण्याचा निर्माण झाला वाद

नळदुर्ग :  बोरी  धरणातील पिण्याच्या पाण्याचा निर्माण झाला वाद 

नळदुर्ग,दि.१० :

नळदुर्ग येथिल बोरी (कुरनूर मध्यम प्रकल्प) धरणातील पिण्याच्या पाण्याबाबत माजी मंञी मधुकरराव चव्हाण व राष्ट्रवादीचे नेते आशोक जगदाळे यांच्यात वाद निर्माण झाले आहे.

  या बोरी धरणातून तीर्थक्षेत्र तुळजापुर शहरासह मुर्टा, चिकुंद्रा, अणदूर, नळदुर्ग शहराला पाणीपुरवठा होत असून यंदाच्या पावसाळयात बोरी धरण्याच्या पाणलोट क्षेत्रात कमी पर्जन्यमान झाल्याने हे धरण पाण्याने भरले नाही. भविष्यात पाणी टंचाईला तोंड दयावे लागणार म्हणून जिल्हा प्रशासनाने पाणी पिण्यासाठी आरक्षित केले आहे. शेतीसाठी अवैध पाणी उपसा सुरु असल्याने ते बंद करुन विदयुत पंप जप्तीच्या कारवाईसाठी माजी नगरसेविका  छमाबाई धनराज राठोड  यांनी दि. ६ नोव्हेंबर  रोजी  धाराशिव पाटबंधारे उपविभाग  नळदुर्ग कार्यालयासमोर एक दिवसांचे लाक्षणिक उपोषणही केले.

नळदुर्ग शहरासह मुर्टा, चिकुंद्रा, अणदुर, तीर्थक्षेत्र तुळजापूरला पिण्याचे पाणी पुरवठा करणाऱ्या नळदुर्ग येथील बोरी धरणात दिवसेंदिवस पाणी पातळी कमी होत आहे. उपयुक्त पाणी साठा अत्यंत कमी आहे. यावर्षी बोरीधरणाच्या पाणलोट क्षेत्रात पर्जन्यमान अत्यंत कमी झाले आहे. भविष्यात भिषण पाणी टंचाईला सामोरे जावे लागणार आहे. धाराशिव जिल्हयातील संभाव्य पाणीटंचाईच्या अनुषंगाने टँकर अधिग्रहणाबाबतची स्थिती सिंचन, प्रकल्पातील पाणीसाठा व उपयुक्त पाणीसाठयाची सदयस्थिती याबाबतीत संभाव्य पाणीटंचाईच्या अनुषंगाने जिल्हाधिकारी यांनी जिल्हयातील सर्व पाटबंधारे प्रकल्पातील सध्या उपलब्ध असलेले पाणी पिण्यासाठी आरक्षित करण्याचे आदेश ऑगस्ट महिन्यामध्ये दिले आहेत. त्यावरुन तुळजापूर तहसिलदार यांनी भरारी पथक नियुक्ती केले आहे. त्यामध्ये सहाय्यक पोलीस निरीक्षक, संबंधित प्रकल्पाचे शाखा अभियंता, महावितरण कंपनीचे शाखा अभियंता, संबंधित गावचे ग्रामसेवक, ग्रामपंचायत कर्मचारी, पोलीस पाटील व कोतवाल यांचा समावेश आहे. या भरारी पथकात बदली होवून इतरत्र गेलेल्याही कर्मचा-यांचे नावे दिसून येत आहे.

दरम्यान, उपोषणकर्ते माजी  छमाबाई राठोड यांना महाराष्ट्र  नवनिर्माण  सेना व भारत राष्ट्र समितीने पाठिंबा दिला आहे.  पाटबंधारे सिंचन विभागाचे शाखा आभियंता एस सी जगताप,  उपविभागीय आभियंता रमेश टोकलवड, मडंळ आधिकारी श्रीमती  एस. एन जगताप, महावितरणचे शाखा आभियंता प्रविण गायकवाड  आदीनी अवैध पाणी उपसा  करणा-या  शेतकऱ्यावर कारवाई करुन विद्युत पंप जप्तीची कारवाई करण्याचे लेखी  आश्वासन श्रीमती  राठोड याना दिल्याने त्यानी  उपोषण मागे घेतले. 

बोरी धरणातुन वर्षाकाठी  पुढीलप्रमाणे होतो पाणी पुरवठा 

नळदुर्ग कुरनूर मध्यम प्रकल्पातुन वर्षाकाठी पुढीलप्रमाणे पिण्याच्या पाण्याची गरज भागविली जाते.  तीर्थक्षेत्र तुळजापूर शहराला 1.6197 दशलक्ष घनमीटर, नळदुर्ग शहराला 1.941 दशलक्ष घनमीटर, अणदुर गावाला 1.1295 दशलक्ष घनमीटर, चिकुंद्राला 0.0375 दशलक्ष घनमीटर, मुर्टा गावासाठी 0.041 दशलक्ष घनमीटर असे मिळून महिन्याकाठी 0.34 दलघमी एवढा पाणीपुरवठा केला जातो. दि.6 नोव्हेंबर रोजीची बोरी धरणात पाणी (जिवंत) साठा 7.63 दलघमी म्हणजेच 23.64 टक्के पाणीसाठा शिल्लक आहे.

धाराशिव: ईटकुर शिवारात अवैध गांजा लागवड करुन संवर्धन करणाऱ्या इसमावर कळंब पोलीसांची कारवाई

ईटकुर शिवारात अवैध गांजा लागवड करुन संवर्धन करणाऱ्या इसमावर कळंब पोलीसांची कारवाई,500 किलो 500 ग्रॅम वजनाची ओलसर गांज्याची झाडे  किंमत 60,06,000/- (साठ लाख सहा हजार रुपये) चा मुदेमाल जप्त

 धाराशिव ,दि.०६

      दिनांक 04/11/2023 रोजी कळंब पोलीस स्टेशनचे प्रभारी पोलीस निरीक्षक, सुरेश साबळे यांना गोपनिय माहीती मिळाली की, इटकुर ता.कळंब जि.धाराशिव येथे एका इसमाने त्याचे शेतात स्वता:च्या आर्थीक फायद्यासाठी विनापरवाना बेकायदेशिर रित्या गांज्याच्या झाडांची लागवड करुन त्याचे संवर्धन व जोपासना करीत आहे, अशी खात्रीलायक माहीती मिळाल्याने याबाबत मा.पोलीस अधीक्षक श्री अतुल कुलकर्णी साहेब, अपर पोलीस अधीक्षक श्री नवनीत काँवत साहेब व उपविभागीय पोलीस अधिकारी श्री एम रमेश साहेब उप विभाग कळंब  यांना रेड बाबत माहीती देवुन त्यांचे मार्गदर्शनाखाली कारवाई करणे कामी कळंब तहसील कार्यालयाचे सक्षम अधिकारी, कृषी विभागाचे अधिकारी यांना माहीती देवुन शासकीय पंचासह माहीतीच्या ठिकाणी छापा मारला असता, इटकुर शिवारात शेत गट नं 1201 मध्ये शेतकरी इसम नामे- दशरथ संपती काळे रा.इटकूर याने मकाच्या शेतात अवैध गांज्याचे झाडे लावुन त्याचे संवर्धन करीत असताना मिळुन आला. त्याचे शेतातुन एकुण 500 किलो 500 ग्रॅम वजनाची ओलसर गांज्याची झाडे एकुण किंमत 60,06,000/- (साठ लाख सहा हजार रुपये) चा मुदेमाल जप्त करण्यात आला आहे. सदर शेतकरी यांचे विरुध्द कळंब पोलीस स्टेशन येथे गुरनं 476/2023   कलम 20 एन.डी.पी.एस. कायद्याप्रमाणे गुन्हा दाखल करण्यात आला आहे.

            

सदर कारवाई मा. पोलीस अधीक्षक श्री अतुल कुलकर्णी साहेब, अपर पोलीस अधीक्षक श्री नवनीत काँवत साहेब, उपविभागीय पोलीस अधीकारी श्री एम रमेश साहेब यांचे मार्गदर्शनाखाली पोलीस निरीक्षक श्री सुरेश साबळे, सहाय्यक पोलीस निरीक्षक गणेश पाटील, हनुमंत कांबळे, पोहेकॉ/ सुनिल कोळेकर,बाळासाहेब तांबडे, चालक पोहेकॉ/ पांडुरंग माने, पोना/ दत्तात्रय शिंदे, अजिज शेख, शिवाजी राऊत, मपोना/ सविता कांबळे, पोअं/ भरत गायकवाड, करीम शेख, वैजिनाथ मोहीते, फुलचंद मुंढे, रणजित लांडगे, मपोअं/रोहीणी चव्हाण, चालक / पोअं/परमेश्वर मगनाळे यांचे पथकाने केली आहे

बालविवाह मुक्त गाव आभियानास तुळजापूर तालुक्यातील बोरनदवाडी येथे सुरुवात

बालविवाह मुक्त गाव आभियानास तुळजापूर तालुक्यातील बोरनदवाडी येथे सुरुवात

वागदरी,दि.५ एस.के.गायकवाड

हँलो मेडिकल फाऊंडेशन अणदूर ता.तुळजापूरच्या वतीने आणि युरोपियन युनियन व स्विसेड संस्था पुणे यांच्या सहयोगाने तुळजापूर तालुक्यातील १५ गावामध्ये आणि लोहारा तालुक्यातील१५ गावामध्ये असे धारशिव जिल्ह्यातील एकुण ३० गावामध्ये बालविवाह मुक्त गाव आभियान राबविण्यात येणार असून तुळजापूर तालुक्यातील बोरनदवाडी या गावामधुन या आभियानास सुरुवात करण्यात आली आहे.

  

प्रारंभी येथील जि.प.प्राथमिक शाळेतील विद्यार्थी, गावातील युवक, युवती, व ग्रामस्थ यांच्या उपस्थितीत "आठरा वर्षाच्या आत करु नका लग्न, मुलीच्या जिवनात येईल विघ्न" अशा घोषणा देत गावातील मुख्य रस्त्यावरुन बालविवाह प्रतिबंध विषयी जनजागृतीपर रँली काढण्यात आली. शेवटी या रँलीचे जाहीर सभेत रुपांतर होऊन काही मान्यवरांची मार्गदर्शनपर भाषणे झाली.

 

या कार्यक्रमाचे प्रास्ताविक व सुत्रसंचलन निर्धार समानतेच्या प्रकल्पातील महिला विभागाच्य सहाय्यक समन्वयक (जी ई फँशिलीटेटर) तथा हँलो मेडिकल फाउंडेशनच्या कार्यकर्त्या नागीणी सुरवसे यांनी केले. कार्यक्रमाच्या यशस्वीतेसाठी  परिवेक्षिका इंदूबाई  कबाडे,श्रीराम जाधव,गजेंद्र पुरी,कविता भोसले आदीनी परिश्रम घेतले .

  

यावेळी ग्रामसेविका एम.पी.गलांडे ,अंगणवाडीच्या विजया शेख,शाळेच्या मुख्याध्यापिका ए.के.पवार, तंटामुक्त अध्यक्ष विजय गोंगाणे,उपसरपंच निलेश भोसले, शालेय व्यवस्थापण समितीचे अध्यक्ष अशोक धनवडे,ग्रा.प.सदस्य सुमन गायकवाड आदीसह ग्रामस्थ, महिला मोठ्या संख्येने उपस्थित होते. शेवटी ज्ञानेश्वर शिंदे यांच्या आभार प्रदर्शनाने कार्यक्रमाची सांगता करण्यात आली.

अंगद पवळे लिखित चला शिकूया या ग्रंथाचे प्रकाशन.....

अंगद पवळे लिखित चला शिकूया या ग्रंथाचे प्रकाशन.....                          

  लातूर, दि.४: 

लातूरचे रहिवाशी तथा चलबुर्गा येथील जिल्हा परिषद प्राथमिक शाळेतील तंत्रस्नेही सहशिक्षक अंगद पवळे लिखित ' चला शिकूया ' या ग्रंथाचे प्रकाशन नुकतेच बसवेश्वर महाविद्यालयाच्या  सभागृहात पार पडले. या महाविद्यालयाचे प्राचार्य डॉ. संजय गवई यांच्या हस्ते प्रकाशन करण्यात आले. या  प्रकाशन सोहळ्याच्या अध्यक्षस्थानी माजी प्राचार्य डॉ. श्रीकांत गायकवाड होते. यावेळी उपप्राचार्य डॉ. राजकुमार लखादिवे, प्रा. डॉ. सतिश शेळके, प्रा. डॉ. महेश मोटे, प्रा. सुप्रिया बिराजदार, प्रा. शिवशरण हावळे, प्रा. देवदत्त मुंढे आदींची प्रमुख उपस्थिती होती.     

                  

  प्राचार्य डॉ. संजय गवई यांनी या ग्रंथाबाबत बोलताना म्हणाले की, पवळे सरांनी प्राथमिक शाळेत शिकणाऱ्या मुलांच्या सर्वांगीण विकासाला चालना देण्यासाठीचा एक उत्तम प्रयोग साहित्यातून आपण उपलब्ध करून दिल्याबद्दल विशेष कौतुक करून अभिनंदन केले. अध्यक्षीय समारोप प्रसंगी डॉ. श्रीकांत गायकवाड यांनी पवळे सर हे एक उपक्रमशील शिक्षक असल्याचा सार्थ अभिमान आम्हाला वाटतो. त्यांचा हा प्रयत्न निश्चितच दिशादर्शक ठरेल. उपप्राचार्य डॉ. राजकुमार लखादिवे मनोगत व्यक्त करताना लातूरच्या संत शिरोमणी सावता महाराज प्रकाशनाकडून १ ते ६ भागात मूळ अक्षरांची ओळख,  दर्जेदार कौशल्य वापरून मांडणी करण्यात आली आहे. अंगद पवळे यांनी पुस्तकाच्या प्रकाशनाबाबतची भूमिका, स्वरूप व त्यातील महत्त्वपूर्ण तंत्र-कौशल्य विस्ताराने मांडली. कार्यक्रमाचे प्रस्ताविक प्रा. डॉ. महेश मोटे यांनी केले. सूत्रसंचालन प्रा. देवदत्त मुंढे तर आभार जयश्री पवळे यांनी मानले. 

यावेळी महाविद्यालयातील विविध शाखांचे विद्यार्थी-विद्यार्थिनी मोठ्या संख्येने उपस्थित होत्या. फोटो ओळ : लातूर येथील महात्मा बसवेश्वर महाविद्यालयाच्या सभागृहात पुस्तक प्रकाशन करताना प्राचार्य संजय गवई, डॉ. श्रीकांत गायकवाड, लेखक अंगद पवळे, उपप्राचार्य राजकुमार लखादिवे, डॉ. सतिश शेळके, डॉ. महेश मोटे व अन्य.

लोकसेवकाच्या कर्तव्यात अडथळा करणाऱ्यांवर नळदुर्ग पोलिसात गुन्हा नोंद

लोकसेवकाच्या कर्तव्यात अडथळा करणाऱ्यांवर नळदुर्ग पोलिसात गुन्हा नोंद.”

नळदुर्ग पोलीस ठाणे :आरोपी नामे-1) छोटु बाळु घुगे, रा. अणदुर ता. तुळजापूर जि. धाराशिव यांनी दि.30.10.2023 रोजी 15.45 वा. सु. फिर्यादी नामे- मुकूंद मनोहरराव वेद्य, वय 47 वर्षे, व्यवसाय- नोकरी वाहतुक नियंत्रक  रा. ब्राम्हण गल्ली नळदुर्ग, ता. तुळजापुर जि. धाराशिव हे ऑफीसमध्ये त्यांचे काम करत असताना नमुद आरोपी हा आला व बसस्थानकावर महिलांसाठी बाथरुमची का सोय केली नाही असे म्हणून  फिर्यादी यांच्याशी हुज्जत घालून, अरेरावीची, असभ्य भाषा करुन वाद घालून केबीन मधून धक्का मारुन बाहेर काढून शासकिय काम काज पार पाडण्यास अडथळा निर्माण केला. यावरुन मुकूंद वैद्य यांनी सरकारतर्फे दिलेल्या प्रथम खबरेवरुन भा.दं.वि.सं. कलम- 353, 323अन्वये गुन्हा नोंदवला आहे.

                 जाहिरात

*_☮️आयुर्वेदिक चिकित्सालय आणि पंचकर्म केंद्र☮️_*

*_🧘‍♀️आयुर्वेदाची घेऊन साथ जुन्या व्याधीवर करू मात🧘‍♀️_*

_◼️पेन किलर व कॅल्शियम च्या गोळ्या खाऊन कंटाळा आहात का ...?_

_◼️डॉक्टरांनी मणक्याचे ऑपरेशन सांगितले आहे का...?_

_◼️रोजची औषधे खाऊन त्याचा तुमच्या शरीरावर दुष्परिणाम होतोय का...?_

_◼️ऋतू बदलामुळे सांधेदुखीचा त्रास वाढतो आहे का...?_

_👉🏻तर आजच भेट द्या 🤝 नळदुर्ग येथील *☮️ श्री अरुणोदय आयुर्वेदीक क्लिनिक  व पंचकर्म केंद्र, नळदुर्ग☮️*_ 

*🛑आयुर्वेदिक चिकित्सा व पंचकर्म खालील आजारावर उपलब्ध👇🏻*

🔹आमवात/संधिवात

🔸हाडांची व मणक्यांची झीज

🔹मानेची किंवा कंबरेची नस दबणे

🔸गादी सरकणे

🔹हाता पायामध्ये मुंग्या येणे

🔸खांदे दुःखी / फ्रोजन शोल्डर

🔹 टेनिस एल्बो

🔸 सियाटिका

🔹 पॅरालिसिस

🔸 जॉईंट स्टिफ्फनेस

🔹पोटाचे आजार 

🔸त्वचा विकार 

🔹लहान मुलांचे आजार 

🔸वजन कमी करणे

*_🛑उपलब्ध पंचकर्म ट्रीटमेंट👇🏻_*

◻️मसाज/स्टीम

◻️बस्ती

◻️षष्ठी शाली पिंड स्वेद

◻️कटी बस्ती

◻️स्पाईन बस्ती

◻️विध्द कर्म / कपिंग थेरेपी

◻️जलौका / लीच थेरेपी

_🦵सांध्यांच्या व मणक्यांच्या🧘‍♀️ विकारावर परिपूर्ण आयुर्वेद व पंचकर्म उपचार...🏥_ 

*_📑नाव नोंदणी आवश्यक🔖_*

*⏰तपासणी वेळ* - सकाळी १० ते सायं ५

*🎴पत्ता* -  शिवतीर्थ कॉम्पलेक्स पाटील हॉस्पिटलच्या वरती पहिला मजला मेन रोड, नळदुर्ग 

*☎️संपर्क -*  

७०६६०५५८७२

८०७३६९४८६९

--------------

नळदुर्ग उपजिल्हा रुग्णालयात दोन लाख रुपये किमंतीच्या वायरिंगची चोरी , पोलिसांनी घेतले दोघाना ताब्यात

नळदुर्ग उपजिल्हा रुग्णालयात दोन लाख रुपये किमंतीच्या वायरिंगची चोरी , पोलिसांनी घेतले दोघाना ताब्यात

नळदुर्ग,दि.०२

शहरातील उपजिल्हा रुग्णालय कॉर्टर मधील  तब्बल  दोन लाख रुपये किमंतीच्या वायरिंगची अज्ञात चोरट्यानी चोरुन नेल्याची घटना घडली आहे.

दि. 25.10.2023 रोजी 12.30 ते दि. 31.10.2023 रोजी 10.00 वा. सु. उपजिल्हा रुग्णालय येथील नविन बांधकाम झालेले कॉर्टर मधील 38 कॉर्टरचे मेन वायरिंग 6 एमएम आरआर कंपनीचे वायर तसेच 07 कॉर्टर सर्व वायरिंग 06 एमसीबी बॉक्सची नविन वायरिंग असे एकुण 2,00,000₹ किंमतीचे वायर  अज्ञात व्यक्तीने चोरुन नेली. अशा मजकुराच्या फिर्यादी- प्रशांत गोविंद सुर्यवंशी, वय 25 वर्षे, रा. कोळसुर कल्याण, ता.उमरगा जि. धाराशिव यांनी दि.01.11.2023 रोजी दिलेल्या प्रथम खबरेवरुन नळदुर्ग पो. ठाणे येथे कलम 379 भा.दं.वि.सं. अन्वये गुन्हा नोंदवला आहे. 

सदर गुन्ह्याच्या तपासा दरम्यान उमरगा पोलीस ठाण्याचे पथकाने प्रशांत सुर्यवंशी यांनी पोलीस ठाणे नळदुर्ग येथे दिलेल्या माहिती वरुन पोलीस ठाणे नळदुर्ग यांनी लागलीच उपजिल्हा रुग्णालय कॉर्टर नळदुर्ग येथे जावून आरोपी नामे -1) गुरु राम पवार, 2) संजु सोमाजी पवार दोघे रा. विकाळी, ता. अक्कलकोट जि. सोलापुर यांना ताब्यात घेवून त्यांचे कडे सदर गुन्ह्या बाबत चौकशी केली असता नमुद आरोपीने सदर गुन्हा केल्याची कबुली दिली. यावर उमरगा पोलीसांनी नमुद आरोपी सह चोरीस गेलेला माल ताब्यात घेवून पुढील कार्यवाही करत आहे.