तुळजापूर : आदेशाचे उल्लंघन करणाऱ्या चार दुकानावर प्रशासनाच्यावतीने कारवाई

तुळजापूर, दि.३० : कुमार नाईकवाडी 

संसर्गजन्य कोरोनाचा वाढता प्रादुर्भाव रोखण्यासाठी  जिल्हाधिकारी यांनी  दिलेल्या आदेशाचे उल्लंघन करणाऱ्या तुळजापूर येथिल चार दुकानावर नगरपरिषद व पोलिस यांच्या वतीने दि.30 शुक्रवार रोजी केली धडक कारवाई करुन चार दुकाने  सिल केले आहे.

  दुकाने  सकाळी  ११ वाजता बंद करण्याचे  आदेश असतानाही कांही दुकाने चालु असल्याची माहिती मिळताच न.प.प्रशासन व पोलीस प्रशासन यांनी शहरातील दुकानावर धाड टाकुन केली धडक कारवाई .तसेच विदाऊट मास्क, शारिरीक अंतर  याचे  पालन न करणाऱ्या नागरिकांवर  केली दंडात्मक कारवाई.

 नगर परिषदेच्या वतीने  जिल्हाधिकारी यांच्या आदेशाचे उल्लंघन केल्यामुळे येथील नळदुर्ग रोडवरील चार दुकान सील करण्यात आले आहेत .त्यामध्ये स्वराली टायर्स, पूजा ऍग्रो, डॅनिश द केक शॉपी व एक पम्चंर दुकान असे चार दुकानांची नावे आहेत .प्रशासनाने दिलेल्या सूचनांचे पालन न केल्यामुळे सदर या दुकानांवर कारवाई करण्यात आली आहे.

 यावेळी तुळजापुर नगरपरिषदचे मुख्य अधिकारी आशिष लोकरे, तुळजापूर पोलीस स्टेशनचे सहाय्यक पोलीस निरीक्षक सुशील चव्हाण यांनी ही कारवाई  केल्यामुळे तुळजापुर शहरातील दुकानादाराचे धाबे दणाणले आहे. तसेच दुकानादार यानी यापुढे  नियमाचे उल्लंघन केल्यास  नगरपरिषदे च्यावतीने  कारवाई करण्यात येणार आहे.

 तर दुसरीकडे नागरिक रस्त्यावर विनाकारण फिरत आहेत. प्रशासनाकडुन दिलेल्या सुचनाचे नागरिक  पालन करीत नसल्यामुळे अशा नागरिकांवर चांगलीच दंडात्मक कारवाई करण्यात येईल . त्याचबरोबर

विदाऊट मास्क ,सोशल डिस्टंसिंग न पाळणा-या नागरिकांवर दंडात्मक कारवाई करण्यात येईल. 

या कारवाई दरम्यान नगरपरिषदेचे मुख्यअधिकारी आशिष लोकरे, सहाय्यक पोलीस निरीक्षक सुशील  चव्हाण, नगरपरिषद कर्मचारी वैभव अंधारे , सज्जन गायकवाड, विश्वास मोटे, राजाभाऊ सातपुते,संतोष इंगळे, खलिद सिद्दिकी,अण्णा पारधी, पोलीस हवलदार सावरे, पोलीस कॉन्स्टेबल गणेश पतंगे,  अजित सोनवणे,  गोवर्धन माने, आदीनी  कारवाईवेळी उपस्थित होते..

कोरोना : उस्मानाबाद जिल्ह्यात शुक्रवारी 900 पॉजिटीव्ह; तर 19 जणांचा मृत्यू

 

उस्मानाबाद, दि. 38 : उस्मानाबाद जिल्हयात आज शुक्रवार दि. 30 एप्रिल  रोजी  प्राप्त झालेल्या अहवालानुसार 900 जणांचे अहवाल पॉजिटीव्ह आले आहेत. तर 19 जनाचा मृत्यू झाला आहे. तसेच आज दिवसभरात 677 जण बरे होवून घरी परतले आहेत.

जिल्ह्यात कोरानाबाधित रुग्णांची एकूण संख्या 38 हजार 348 इतकी झाली आहे. यातील 30 हजार 341 रुग्ण बरे झाले असून आतापर्यंत 922 जणांचा मृत्यू झाला आहे. सध्या 7 हजार 85 जणांवर उपचार सुरु आहेत.

देवसिंगा (नळ) येथे अवैध दारू प्रकरणी एका विरूध्द गुन्हा

 नळदुर्ग, दि. 30 : 

तुळजापूर तालुक्यातील देवसिंगा (नळ) येथे राहत्या घरासमोर गावठी हातभट्टी दारू अवैध विक्रीच्या उद्देशाने बाळगलेले असतांना नळदुर्ग पोलिसांना मिळून आले. याप्रकरणी एका विरूध्द गुन्हा दाखल करण्यात आला.  

दत्ता हेमा चव्हाण, रा. देवसिंगा (नळ) तांडा, ता. तुळजापूर हे 29 एप्रील रोजी राहत्या घरासमोर अवैध विक्रीच्या उद्देशाने देशी दारुच्या 5 बाटल्या व एका कॅनमध्ये 11 लि. गावठी दारु (किं.अं. 810  अवैध विक्रीच्या उद्देशाने बाळगलेले असतांना नळदुर्ग पोलिस ठाण्याच्या पथकास आढळले.

यावरुन पोलीसांनी अवैध मद्य जप्त करुन नमूद आरोपींविरुध्द महाराष्ट्र मद्य निषेध कायद्यांतर्गत संबंधीत पोलिस ठाणे येथे गुन्हे नोंदवले आहेत.

शेतजमीन मोजनीच्या कारणावरून काठी, कुऱ्हाडीच्या दांड्याने मारहाण दोन जखमी;८ जणाविरुध्द गुन्हा

 ढोकी,दि. 30  : 

 उस्मानाबाद तालुक्यातील तडवळा (कसबे ) शिवारात शेतजमीन मोजनीच्या कारणावरून 8 जणांनी शिवीगाळ करून  पिता- पुत्रास जीवे मारण्याची धमकी देवून शिविगाळ करून लाथाबुक्क्यांनी, काठीने मारहाण करून गंभीर जखमी केले. याप्रकरणी 8 जणाविरूध्द पोलिसात गुन्हा दाखल करण्यात आला आहे.  

 तडवळा (कसबे ) ता. उस्मानाबाद येथील सावंत कुटूंबातील मिठ्ठु , बालाजी, अर्जुन, धनाजी, प्रमिला, किरण, भिमा, मारुती अशा 8 जणांनी दि. 28 एप्रील रोजी 3 वाजण्याच्या सुमारास तडवळा (कसबे) शेत शिवारात गावकरी बाबुराव व सागर बाबुराव लांडगे या दोघा पिता- पुत्रांना शेतजमीन मोजनीच्या व शेतात माल टाकण्याच्या कारणावरुन शिवीगाळ करुन ठार मारण्याची धमकी देवून लाथाबुक्क्यांनी, काठीने, कुऱ्हाडीच्या दांड्याने मारहाण करुन जखमी केले. अशा मजकुराच्या सागर लांडगे यांनी दि. 29 एप्रील रोजी दिलेल्या प्रथम खबरेवरुन भा.दं.सं. कलम- 143, 147, 149, 324, 504, 506, 269, 188 सह कोविड- 19 विनियमन कायद्यांतर्गत गुन्हा नोंदवला आहे.

घरात घुसून हंटरने मारहाण करून केले चौघाला गंभीर जखमी

मुरुम, दि. 30 

पूर्वीच्या भांडणाच्या कारणावरून दोघांनी घरात घुसून हंटरने चौघांना मारहाण करून जखमी केल्याची घटना मुरूम पालिस ठाण्याच्या हद्दीत गुरूवार दि. 29 एप्रिल रोजी घडली आहे.याप्रकरणी  दोघाविरुध्द पोलिसात गुन्हा नोंद करण्यात आला आहे.

रहिम सुलतान खैराटे, रा. मुरळी कार्तिक भोकले अभिषेक मंडले, दोघे रा. बेरडवाडी यांनी पुर्वीच्या भांडणाच्या कारणावरुन दि. 29 एप्रील रोजी 09.30 वा. सु. मुरळी येथील भरत नामदेव देडे यांच्या घरात घुसून अमोल यांसह त्यांची भाची सोनाली, भाचा यांना शिवीगाळ करुन हंटरने मारहाण करुन जखमी केले. सदर मारहाणीत देडे यांच्या बचावास आलेले गावकरी- अरुण नारायण सरवदे यांनाही हंटरने मारहाण करुन जखमी केले व ठार मारण्याची धमकी दिली. अशा मजकुराच्या भरत देडे यांनी दिलेल्या प्रथम खबरेवरुन भा.दं.सं. कलम- 452, 324, 323, 504, 506, 34 अंतर्गत गुन्हा नोंदवला आहे.

विद्यार्थ्यांसाठी हेल्पलाईन, कर्मचाऱ्यांसाठी कार्यगट स्थापन- कुलगुरु डॉ.प्रमोद येवले यांचा कर्मचारी, प्राध्यापकांशी संवाद

 उस्मानाबाद,दि.३० : 

कोरोनानंतरचे आयुष्य ‘न्यू नॉर्मल‘ म्हणून ओळखले जात असून विद्यार्थी, शिक्षक व कर्मचारी यांनी धैर्याने सामोरे जाणे आवश्यक आहे. 

यापार्श्वभूमीवर विद्यार्थ्यांसाठी हेल्पलाईन व कर्मचारी, प्राध्यापकांसाठी कार्य गट स्थापन करण्याची घोषणा कुलगुरु डॉ.प्रमोद येवले यांनी महाराष्ट्र दिनाच्या पूर्वसंध्येला केली.

  डॉ.बाबासाहेब आंबेडकर मराठवाडा विद्यापीठाच्यावतीने ‘कोविड-१९‘ नंतरचे जीवन‘ या विषयावर उस्मानाबाद उपपरीसार येथील प्राध्यापक, कर्मचारी यांच्यासाठी ऑनलाईन व्यााख्यान माला घेण्यात येणार आहे. 

मानसशास्त्र विभागाच्या पुढाकाराने शुक्रवारी (दि.३०) पहिले व्याख्यान झाले. या मा.कुलगुरु डॉ.प्रमोद येवले यांनी व्याख्यानमालेचे उदघाटन केले. या ऑनलाईन संवादात प्रकुलगुरु डॉ.शाम शिरसाठ, कुलसचिव डॉ.जयश्री सूर्यवंशी यांच्यासह अधिकारी, कर्मचारी, प्राध्यापक व विभागप्रमुख सहभागी झाले. 

यावेळी कुलगुरू डॉ प्रमोद येवले म्हणाले, कोविडननंतरच्या परिस्थिती संदर्भात विविध उपाय योजना करण्यात येत आहेत. या पार्श्वभुमीवर विद्यापीठातील प्राध्यापक, अधिकारी व कर्मचारी यांच्या नियमित समस्या, प्रश्न तसेच समुपदेशन करण्यासाठी ‘दोन कार्य गट‘ स्थापन करण्यात येणार आहेत. 

उस्मानाबाद उपपरिसर संचालक डॉ.डी.के.गायकवाड हे प्राध्यापकांच्या गटाचे प्रमुख राहणार आहेत. ते योग शिक्षक व आयुर्वेदाचे अभ्यासक देखील आहेत.  तर बहि:शाल शिक्षण मंडळाचे संचालक, कर्मचारी महासंघाचे उपाध्यक्ष डॉ.कैलास पाथ्रीकर हे कर्मचारी, अधिकारी कार्यगटाचे प्रमुख असणार आहेत. या गटात स्वेच्छेने काम करू इच्छिणाऱ्या कर्मचारी, प्राध्यापकांना सहभागी करून घेण्यात येईल. सर्वांचे आरोग्यविषयक तसेच अन्य प्रश्न समजून घेऊन ते सोडविण्याचा प्रयत्न हा गट करेल. तसेच मानसशास्त्र विभागप्रमुख डॉ.अर्पणा अष्टपुत्रे या विद्यार्थी ‘हेल्पलाईन‘च्या प्रमुख असणार आहेत. समवेत डॉ संदीप शिसोदे हेही विद्यार्थ्यांचे समुपदेशन करणार आहेत.  

विद्यापीठ प्रशासन ‘कोविड नंतरच्या सर्व उपाययोजनांशी सामुहिक प्रयत्न करेल, महिनाभर विविध व्याख्यानांचे आयोजन करण्यात येईल, असे यावेळी कुलगुरु डॉ.प्रमोद येवले यांनी घोषित केले. यावेळी कुलसचिव डॉ.जयश्री सूर्यवंशी यांनी ‘प्लाज्मा दान करणार असल्याचे सांगितले. सूत्रसंचालन संजय शिंदे यांनी तर डॉ सुयोग अमृतराव यांनी आभार मानले.

अति विचार टाळून 'नॉर्मल' रहा : डॉ शिसोदे

या    वेळी डॉ.संदीप शिसोदे यांचे ‘मी माझे विचार आणि कोविड-१९ या या विषयावर व्याख्यान झाले. ते म्हणाले, गेल्या वर्षभरापासून सारे जग ‘कोविड-१९‘ च्या आपातीच्या दहशतीखाली वावरत आहे. ‘कोरोना‘ची दुसरी लाट जास्त धोकादायक आहे. त्यामुळे आपण सर्वांनी काळजी घेणे गाजेचे आहे. सर्वांनी म्हणजे सकारात्मक विचार व दुर्दम्य इच्छाशकती या बळावर आपण या परिस्थितीला सामोरे जावे.

रूग्णांच्या सेवेत नळदुर्ग येथे कोविड केअर सेंटरचे शुक्रवार रोजी शुभारंभ

नळदुर्ग, दि. 30 

तुळजापूचे आमदार राणाजगजितसिंह पाटील यांच्या प्रयत्नातून नळदुर्ग येथे शुक्रवार रोजी डॉ. बाबासाहेब आंबेडकर मुलांचे शासकीय वस्तीगृहात याठिकाणी नवीन कोविड केअर सेंटरचे उदघाटन करण्यात आले. 

यावेळी नवीन कोविड सेंटरच्या उदघाटन प्रसंगी रूग्णांची कोरोना चाचणी करण्यात आली. त्यामध्ये दोन रूग्ण पॉझिटीव्ह निघाले असून त्यांना व इतर तिघांना या कोविड सेंटरमध्ये दाखल करण्यात आले. दरम्यान या कोविड सेंटरमध्ये नळदुर्ग शहरासह परिसरातील नागरिकांची सोय होणार आहे.  

याप्रसंगी तहसिलदार सौदागर तांदळे, सभापती रेणुका इंगोले, नगरपालिकेचे मुख्याधिकारी लक्ष्मण राठोड, पंचायत समितीचे गटविकास अधिकरी प्रशातसिंह मरोड, आरोग्य कल्यान समितीचे आनंद कंदले, नगरसेवक बसवराज धरणे, भाजपा शहराध्यक्ष पद्माकर घोडके, सामाजिक कार्यकर्ते संजय जाधव, राहुल हजारे, भिमाशंकर बताले, पत्रकार विलास येडगे, दादासाहेब बनसोडे, लतिफ शेख, भिवा इंगोले, सामाजिक कार्यकर्ते अमर भाळे, मंडळ अधिकारी अमर गांधले, एन.यू शिंदे, तालुका अरोग्य अधिकारी डॉ. सुहास पवार आदीजन उपस्थित होते.

दहावीची परीक्षा रद्द झाल्याने विद्यार्थ्यांना परीक्षा शुल्क परत देण्याची प्रहार जनशक्ती पक्षाची मुख्यमंत्री यांच्याकडे निवेदनाद्वारे मागणी

तुळजापूर, दि.३० 

दहावीची परीक्षा रद्द झाल्याने विद्यार्थ्यांची परीक्षा शुल्क परत करण्याची मागणी प्रहार जनशक्ती पक्षाचे तुळजापूर तालुकाध्यक्ष जुबेर  शेख यांनी मुख्यमंत्री याना निवेदनाद्वारे केली आहे.

 सध्या सर्वञ कोरोनाचा प्रादुर्भाव  वाढत असुन जास्त प्रादुर्भाव हा  राज्यात वाढत  आहे.यामुळे  शासनाने यंदाची  दहावीची परीक्षा रद्द करण्याचा निर्णय घेतलेला आहे . सध्या तर महाराष्ट्रातील कोरोनाची परिस्थिती बघता राज्य सरकारच्या या निर्णयासोबत सर्व विद्यार्थी व पालकवर्ग सकारात्मक आहेत . 

यामुळे विद्यार्थ्यांची जमा करून घेतलेली परीक्षा शुल्क विद्यार्थ्यांना  परत करण्यात यावी अशी मागणी  जुबेर  शेख यांनी केली  आहे. 

 विद्यार्थी व पालकांमध्ये संभ्रम निर्माण झालेला आहे. परंतु निर्णय योग्य जरी असला तरी कोरोनाच्या प्रादुर्भावामुळे सर्व सामान्या समोर  आर्थिक संकट निर्माण झाले आहे.विशेष बाब म्हणजे सामान्य नागरिक , शेतकरी , कामगार , शेतमजूर हे आपल्या पाल्यांना शासकीय शाळेत पाठवतात.परीक्षा रद्द झाल्यामुळे विद्यार्थ्यांना परीक्षा शुल्क परत केल्यास मदत होईल . 

त्यामुळे इयत्ता दहावीच्या विद्यार्थ्यांना परीक्षा शुल्क परत करण्याचा निर्णय त्वरित घ्यावा अशी मागणी प्रहार जनशक्ती पक्षाचे तुळजापूर तालुकाध्यक्ष जुबेर  शेख यांच्या वतीने करण्यात आली आहे .

 

जुबेर शेख , तुळजापूर तालुकाध्यक्ष,प्रहार जनशक्ती पक्ष 

 कोरोना या रोगाच्या वाढत्या प्रादुर्भावामुळे इयत्ता दहावीची परीक्षा रद्द करण्यात आली आहे. या निर्णयाला पालकांनी व विद्यार्थ्यांनी सकारात्मक प्रतिसाद दिला आहे. यामुळे विद्यार्थ्यांची जमा करून घेतलेली परीक्षा शुल्क त्वरित परत करावी.

लोहारा मेडिकल असोसिएशनच्यावतीने नागरिकांना नेबुलायजर मशीन व सॅनिटांयझरचे वाटप

लोहारा दि.३०: 

 उस्मानाबाद जिल्ह्याचे माजी खासदार रविंद्र गायकवाड यांच्या वाढदिवसानिमित्त लोहारा तालुका मेडिकल असोसिएशन अध्यक्ष भरत सुतार यांनी नागरिकांना अत्यावश्यक असलेले नेबुलायजर (वाफ घेण्याची) मशीन व सॅनिटांयझरचे मोफत वाटप केले.

लोहारा शहरातील प्रभाग १७ मध्ये जवळपास १०० कुटुंबाला नेबुलायजर (वाफ घेण्याची) मशीन व सॅनिटांयझरचे  वाटप केले .कोरोनाचा संसर्ग दिवसेंदिवस वाढतच आहे.सर्दी,ताप,खोकला,श्वास घ्यायला त्रास होणे, यासारखी लक्षणे नागरिकांमध्ये जाणवत आहेत.त्यामुळे समाजसेवा हे उद्दिष्ट डोळ्यासमोर ठेवून तसेच  गायकवाड यांच्या वाढदिवसाचे औचित्य साधून हा उपक्रम राबविला असल्याचे लोहारा तालुका मेडिकल असोसिएशन अध्यक्ष भरत सुतार यांनी सांगितले.

तसेच घरातील सर्व लहान मोठ्यांनी वाफ घ्यावी.यामुळे घसा खवखवणे, सर्दी इत्यादींची तीव्रता कमी होईल.कोरोना संसर्गजन्य विषाणू आहे. सांगितलेल्या नियमांचे पालन करावे असे आवाहन  लोहारा तालुका आरोग्य अधिकारी डॉ.अशोक कटारे यांनी यावेळी केली.

    

यावेळी युवासेना तालुका प्रमुख, अमोल बिराजदार,नगरसेवक शाम नारायणकर,शिवसेना शहरप्रमुख सलीम शेख, कोब्रा बहुद्देशीय सामाजिक प्रतिष्ठान अध्यक्ष दत्ता निर्मळे,मा.पं स सदस्य सुधीर घोडके,  मेहबूब गवंडी,शिवण काटगावे,संतोष क्षिरसागर,चिकटे व्यंकट, बाळासाहेब घोडके,ज्ञानेश्वर काडगावे अक्षय घोडके, समर्थ मुरमे,बसवेश्वर चिकटे, शंकर माळी,संदीप स्वामी,नितीन चिकटे,शिवा सुतार, अमोल माळी,दत्ता माळी, दिनेश माळी,नाना वाघ, सतीश माळी,गोविंद घोडके,धोंडीराम माळी, मैनू बागवान, विशवनाथ माळी,रहीम जेवळे इत्यादी नागरिक उपस्थित होते.कार्यक्रमाचे सूत्रसंचालन भिमाशंकर डोकडे यांनी केले.

दहावी,बारावी नंतरच्या संगणक क्षेत्रातील करिअरच्या विविध संधी”ऑनलाईन वेबिनार आयोजनाबाबत

                        

“

उस्मानाबाद, दि.३०: 

 जिल्हा कौशल्य्‍ विकास रोजगार व उद्योजकता मार्गदर्शन केंद्र उस्मानाबाद  यांच्यावतीने जिल्हयातील दहावी , बारावी उत्तीर्ण झालेल्या आणि होणा-या विद्यार्थ्यांसाठी संगणक क्षेत्रातील विविध संधीबाबत मोफत ऑनलाईन करिअर मार्गदर्शन व समुपदेशन सत्राचे वेबिनार आयोजित करण्यात आलेले आहे. 

या ऑनलाईन सत्रात प्रमुख मार्गदर्शक म्हणुन प्राचार्य तथा व्याख्याते, साई कॉलेज ऑफ कॉम्प्युटर एज्युकेशन, नॅचरल शुगर  कॅम्पस , रांजणी, ता. कळंब हे संबोधित करणार आहेत.

हे वेबिनार मंगळवार, दि. 04 मे 2021 रोजी दुपारी 12-00 ते 1-00 या वेळेत Google meet च्या माध्यमातून होणार असून या ऑनलाईन वेबिनार मध्ये सहभागी होण्यासाठी Meeting URL: https://meet.google.com/kdw-xbti-qpq या लिंकचा वापर करुन जास्तीत जास्त  विद्यार्थी ,पालकांनी आणि इच्छुकांनी ऑनलाईन सहभाग नोंदवावा .

 अधिक माहितीसाठी कार्यालयाचा दुरध्वनी क्रमांक 02472-222236 वर संपर्क साधावा असे आवाहन  सहायक आयुक्त कौशल्य  विकास रोजगार व उद्योजकता मार्गदर्शन केंद्र उस्मानाबाद यांनी केले आहे.

मानव जातीला भरभरून देणाऱ्या निसर्गावर प्रेम करा, मुख्य कार्यकारी अधिकारी डॉ.फड

उस्मानाबाद,दि. ३०: 

ईश्वर निर्मित, निसर्गाप्रती मानवी वर्तन किती भयावह आहे,याचा साक्षात्कार आपण सध्या कोरोनाच्या महामारीतून अनुभवत आसुन येणाऱ्या उज्ज्वल भविष्याचा विचार करता मानवाला भरभरून देणाऱ्या निसर्गावर मानवाने प्रेम करावे. असे मत उस्मानाबाद जिल्हा परिषदेचे मुख्य कार्यकारी अधिकारी डॉ.विजयकुमार फड यांनी व्यक्त केले. राष्ट्रसंत तुकडोजी महाराज यांची जयंती उस्मानाबाद जिल्हा परिषदेत साजरा  करण्यात आली. यावेळी डॉ.फड हे बोलत होते. 

     

 जिल्हा परिषदेच्या यशवंतराव चव्हाण सभागृहात डॉ. विजयकुमार फड, उपमुख्य कार्यकारी अधिकारी (सामान्य प्रशासन) डॉ. संजय तुबाकले ,जिल्हा आरोग्य अधिकारी डॉ. हनुमंत वडगावे, सामान्य प्रशासन विभागाचे सहाय्यक प्रशासन अधिकारी ए.वी.सावंत यांनी संत तुकडोजी महाराज यांच्या प्रतिमेचे पूजन करून पुष्पहार अर्पण केला.

 राष्ट्रसंत तुकडोजी महाराज यांनी जात,धर्म, पंथ पासून कोसो दूर घनदाट जंगलात आपले जीवन व्यतीत केले. त्यांची वैचारिकता अत्यंत प्रभावशाली होती. ग्राम गीतेच्या माध्यमातून त्यांनी गाव विकासात संदर्भात अत्यंत मार्मिक लिखाण केलेली आहे. तत्कालीन राष्ट्रपती डॉ.राजेंद्र प्रसाद यांनी तुकडोजी महाराजांना राष्ट्रसंत उपाधी देऊन त्यांचा यथोचित सन्मान केला. 

तुकडोजी महाराजांच्या जयंती निमित्त आयोजित कार्यक्रमाप्रसंगी बोलताना डॉ.फड म्हणाले, ईश्वर निर्मित निसर्गाने मानवाला भरभरून दिले,याउलट मानवाने स्वतःच्या फायद्यासाठी निसर्गाचा ऱ्हास केला. सध्या आपण कोरोनाची महामारी अनुभवतो आहोत.कठीण प्रसंगातून आपण वाटचाल करत आहोत, यातून मानवाला सुधारण्याची संधी निसर्गाने दिलेली आहे. 

प्रचंड झालेली वृक्षतोड भरून काढण्यासाठी प्रत्येकाने वृक्ष लागवड करावी, तेव्हा मानवाला जीवन जगण्यासाठी स्वच्छ प्रदूषण मुक्त निसर्ग आपणाला देईल. आणि हाच संदेश राष्ट्रसंत तुकडोजी महाराजांनी ग्रामगीतेच्या माध्यमातून दिला आहे असे डॉ.फड यांनी नमूद केले.

 यावेळी अर्थ विभागाचे सहाय्यक लेखा अधिकारी श्रीमती मैंदर्गिकर, ग्रामीण पाणीपुरवठा विभागाचे सहाय्यक प्रशासन अधिकारी पिंपळे,सामान्य प्रशासन विभागाचे कनिष्ठ प्रशासनाधिकारी देशपांडे, वरिष्ठ सहाय्यक एफ.एस. वरिष्ठ सहाय्यक (भांडार) मधुकर कांबळे यांच्यासह निवडक अधिकारी ,कर्मचारी कोरोना संसर्गजन्य रोगाच्या पार्श्वभूमीवर सुरक्षित अंतर ठेवून उपस्थित होते.

तुळजापूर : पिंपळा खुर्द गावात विठ्ठल नरवडे यांचे कोरोना लसीविषयी प्रबोधन

सर्वसामान्य व वयोवृद्ध महिला यांच्यात आणली लसीबाबतची मानसिकता

काटी,दि.३०: उमाजी गायकवाड 

ग्रामीण भागातील वयोवृद्धामध्ये कोरोनाच्या लसीबाबत गैरसमज व भिती दूर करून त्यांना लस घेण्यासाठी पिंपळा खुर्द ता. तुळजापूर येथिल  शाळेचे शिक्षक विठ्ठल नरवडे यांनी त्यांचे प्रबोधन व प्रोत्साहित करण्याचे कार्य सुरू केले आहे. 

गावात कोरोनाविषयीचे सर्वेक्षण व त्याची जागृकता निर्माण करण्याचे काम करत असताना  नागरिकांशी संवाद साधून त्यांना लसीकरण करून घेण्याचे आवाहन केले. 

त्यांनी मनमोकळेपणाने बोलून मनातील संशय व लसीबद्दलचे त्यांचे प्रश्न सांगितले .विविध कारणांमुळे त्यांच्यात उदासीनता व भीती दिसून आली. गावात कोरोना पर्यवेक्षक म्हणून काम करणारे श्री नरवडे यांनी त्यांच्या मनातील संशय ,भीती दूर करून  ते लसीकरणासाठीची मानसिकता तयार करत आहेत. यासाठी वैयक्तिक भेटी घेऊन मार्गदर्शन ही सुरु आहे.

शहरी भागांच्या तुलनेत ग्रामीण भागात लसीकरणाचे प्रमाण खूप कमी आहे. तेथे लोकांचे प्रबोधन करणे व लसीबाबत लोकांच्या मनात विश्वास निर्माण करणे गरजेचे आहे. अशिक्षित लोकांत चुकीची माहिती व गैरसमज अधिक दिसून येत आहेत. लसीकरणाच्या पहिल्या टप्प्यात लसीविषयी लोकांच्या मनात विश्वासाहर्ता आणि पारदर्शकता वाढीसाठी आरोग्य दूत व जनता यांच्यात सुसंवाद असणे गरजेचे आहे.  नरवडे हे स्थानिक पदाधिकारी, डॉक्टर, आरोग्य सेविका यांच्या मदतीने पात्र लोकांशी संवाद साधत आहेत .याबरोबरच मास्क वापरणे ,सामाजिक अंतर राखणे व वारंवार हात धुणे या त्रिसूत्रीचा अवलंब ही सर्वांनी करावा असेही आवाहन सर्वांना करत आहेत.

लस घेतल्यानंतरही कोरोना होतो ,लस घेतल्याने आजारी पडणे व इतर त्रास सुरु होतात. अशा विविध गैरसमजुती लोकांत पाहायला मिळतात. अशा विविध गैरसमजुती लोकांच्या मनातून काढून त्यांच्यात लस घेण्याविषयीचा विश्वास निर्माण करणे आवश्यक आहे. लस ही पूर्णपणे सुरक्षित असून लस ही तुमची रोगप्रतिकारक शक्ती वाढते, लस घेतलेली व्यक्ती संसर्गापासून वाचते, तसेच ती इतरांनाही बाधित करत नाही, लस घेतल्याने "ब्रेक द चैन" हे यशस्वी होऊन ,संसर्ग रोखला जाऊन कोरोनाला दूर ठेवता येणार आहे. सध्या आरोग्य यंत्रणेवर कोरोनाच्या महामारीने मोठा ताण आणला आहे. समाजात सर्वत्र भितीदायक वातावरण निर्माण झाले आहे. त्रिसूत्रीचा अवलंब करण्याबरोबरच पात्र व्यक्तीने लस घेणे हे ही महत्त्वाचे आहे. लसीकरण हाच कोरोना विरुद्धच्या लढाईतील सर्वात प्रभावी व परिणामकारक उपाय आहे. लस घेणाऱ्याने दोन दिवस विश्रांती घ्यावी व आपण लस घेतल्यानंतर इतरांनाही प्रोत्साहित करावे असे सांगितले जात आहे.

पिंपळा खुर्द गावात कोरोना सर्वेक्षणाचे काम पूर्ण झाले असून सरपंच, उपसरपंच व इतर सर्व पर्यवेक्षकांच्या मदतीने कोरोना विषयी जनजागृती केली जात आहे.

विठ्ठल नरवडे , शिक्षक पिंपळा खुर्द

लसीकरणाबाबतची उदासीनता आणि अज्ञान हे रोग प्रतिबंधात्मक उपाय यांच्या प्रयत्नांना निष्प्रभ करते. आपणास कोरोना विरुद्धची लढाई जिंकायची आहे. त्यासाठी जनजागृती करण्याचे काम करत आहोत. कोरोना संसर्ग रोखण्यासह लसीकरण वाढवण्यासाठी सर्वांच्या मदतीने प्रयत्न सुरू आहेत.विशेष करून वृद्धांना लसीबद्दलचा विश्वास निर्माण करत आहोत.

ज्येष्ठ पत्रकार विजयकुमार बेदमुथा यांचे उपचारा दरम्यान हैद्राबाद येथे कोरोनाने निधन

उस्मानाबाद,दि.३०: जिल्ह्यातील   ज्येष्ठ पत्रकार विजयकुमार बेदमुथा यांचे  वयाच्या ६७ वर्षी  हैद्राबाद  येथे कोरोनाने निधन झाले.

  आठवड्याभरापुर्वीच विजयकुमार यांचे  जेष्ठ बंधू  पत्रकार मोतीचंद बेदमुथा  यांचे कोरोनाने निधन झाले होते. 

दोन आठवड्यापुर्वी  पत्रकार विजयकुमार बेदमुथा आणि त्यांचे बंधू मोतीचंद बेदमुथा यांना  एकाच वेळी कोरोनाची लागण  झाल्याने दोघावर  हैद्राबाद  येथे उपचार सुरु होते. 

मोतीचंद बेदमुथा यांचे २२ एप्रिल रोजी निधन झाले तर विजयकुमार बेदमुथा यांचे शुक्रवार दि.  ३० एप्रिल रोजी सकाळी  निधन झाले. 

केवळ आठच दिवसात दोन पत्रकार बंधूंचे निधन झाल्याने उस्मानाबादेत हळहळ व्यक्त केली जात आहे. 

दिवंगत पत्रकार विजयकुमार बेदमुथा जवळपास तीन दशके लोकमत उस्मानाबाद जिल्हा प्रतिनिधी म्हणून कार्यरत होते. दहा वर्षांपूर्वी लोकमतमधून निवृत्ती घेतल्यानंतर ते विविध सामाजिक कार्यात अग्रेसर  होते. 

कोरोना : उस्मानाबाद जिल्ह्यात गुरुवारी 783 पॉजिटीव्ह; तर 18 जणांचा मृत्यू

उस्मानाबाद, दि. 01 : उस्मानाबाद जिल्हयात आज गुरुवार दि. 29 एप्रिल  रोजी  प्राप्त झालेल्या अहवालानुसार 783 जणांचे अहवाल पॉजिटीव्ह आले आहेत. तर 18 जनाचा मृत्यू झाला आहे. तसेच आज दिवसभरात 653 जण बरे होवून घरी परतले आहेत.

जिल्ह्यात कोरानाबाधित रुग्णांची एकूण संख्या 37 हजार 448 इतकी झाली आहे. यातील 29 हजार 667 रुग्ण बरे झाले असून आतापर्यंत 903 जणांचा मृत्यू झाला आहे. सध्या 6 हजार 878 जणांवर उपचार सुरु आहेत.

बेकायदेशिर दारु विक्री करणा-या दोघाविरुध्द नळदुर्ग पोलिसात गुन्हा दाखल

नळदुर्ग, दि.२९ :  

अवैध मद्य विक्रीच्या गोपनीय खबरेवरुन नळदुर्ग पोलिस ठाण्याच्या हाद्दीत पोलिस पथकाने दि. 28 एप्रील रोजी सराटी व मानेवाडी आशा दोन वेगवेगळ्या ठिकाणी छापे मारले असता देशी दारुच्या  बाटल्या जप्त करुन दोघाविरुध्द गुन्हा दाखल करण्यात आले आहे.

पहिल्या घटनेत आनंद भारत कोरे, रा. सराटी, ता. तुळजापूर हे फुलवाडी शिवारातील टोलनाक्याजवळील रशिका हॉटेलच्या मागे 180 मि.ली. देशी दारुच्या 16 बाटल्या (किं.अं. 832 ₹) अवैध विक्रीच्या उद्देशाने बाळगलेले असतांना आढळले.

दुसऱ्या घटनेत सुनिल राजेंद्र पाटोळे, रा. मानेवाडी, ता. तुळजापूर हे मानेवाडी शिवारातील स्वत:च्या पानटपरीत अवैध विक्रीच्या उद्देशाने 180 मि.ली. देशी दारुच्या 9 बाटल्या (किं.अं. 468 ₹) बाळगलेले असतांना पोलिस पथकास आढळले.

तुळजापूर : उमराव फत्तेपूरे यांचे दुखद निधन

तुळजापूर,दि२९ :  

प्रगतशील शेतकरी   उमराव नारायण फत्तेपूरे वय ८५ वर्ष  रा. भातागळी ता लोहारा यांचे वृध्दापकाळाने गुरुवार दि . २९ रोजी सकाळी ८ वाजण्या सुमारास  निधन झाले. 

त्यांच्या पश्चात पत्नी दोन मुले , एक मुलगी ,भाऊ, सुना, नातवंडे असा परिवार आहे . 

उमराव फत्तेपूरे हे पञकार सतिश फत्तेपूरे यांचे वडील होत. त्यांच्यावर तुळजापूर येथील स्मशान भूमित अंत्यसंस्कार करण्यात आले.

उस्मानाबाद येथे १२५ बेड्सचे सुसज्ज कोविड रूग्णालय आजपासून जनतेच्या सेवेत

उस्मानाबाद, दि. २९ : 

 गुरूवार रोजी पासून कोविड रूग्णासाठी सुसज्ज रूग्णालय कार्यान्वित करण्यात आले असून जनतेच्या सेवते आजपासून रूजू झाल्याचे सांगून  नागरिकांनी घाबरून न जात प्रशासनामार्फत देण्यात येणाऱ्या सूचनांचे पालन करून सहकार्य करण्याचे आवहन शिवसेनेचे खासदार ओमराजे निंबाळकर यांनी केले आहे. 

 उस्मानाबाद येथे कोरोना बाधित रुग्णांसाठी शिवसेना, पवनराजे फाउंडेशन, नगरपालिका उस्मानाबाद व  आयएमए च्या संयुक्त विद्यमानाने समर्थ मंगल कार्यालय, पवनराजे कॉम्प्लेक्स, उस्मानाबाद येथे १२५ बेड्चे कोविड हॉस्पिटल सुरू करण्यात आले आहे. 

त्यापैकी ५० बेड्सना ऑक्सिजनची सुविधा देण्यात आली आहे. उत्तम आरोग्य व्यवस्था, तज्ञ डॉक्टर्स आदी सुविधा येथे उपलब्ध होणार आहेत. रुग्णांना योग्य उपचार देणे व कोरोनाचा संसर्ग व प्रादुर्भाव आटोक्यात आणण्यासाठी प्रयत्नशील आहे.  नागरिकांनी घाबरून न जात प्रशासनामार्फत देण्यात येणाऱ्या सूचनांचे पालन करून सहकार्य करण्याचे फेसबुकद्वारे आवाहन  शिवसेनेचे खासदार ओमराजे निंबाळकर यांनी केले आहे.

खुनाच्या गुन्ह्यातील फरार आरोपीस पोलिसांनी घेतले ताब्यात स्थानिक गुन्हा शाखेच्या पथकाची कारवाई

 शिराढोण, दि. २९ : 

  खुनाच्या गुन्हयातील फरार असलेल्या एका आरोपीस स्थानिक गुन्हा शाखेच्या पथकाने गुरूवार दि. २९ एप्रिल रोजी सापळा रचून खडकवाडी परिसरातून ताब्यात घेतले. 

  गु.र.क्र. 143/2020 भा.दं.सं. कलम- 302, 307, 325, 324 या खुनाच्या गुन्ह्यातील आरोपी गुल्या विठ्ठल काळे उर्फ सोन्या, रा. खडकवाडी, ता. जामखेड, जि. अहमदनगर याचा पोलीस एक वर्षांपासून शोध घेत होते. त्यास स्थानिक गुप्त शाखेचे पोलिस निरीक्षक गजानन घाडगे यांच्या मार्गदर्शनाखालील पोलिस उपनिरीक्षक पांडुरंग माने, पोलिस नाईक दिपक लाव्हरेपाटील, अमोल चव्हाण, पोलिस कॉन्स्टेबल अशोक ढगारे, पांडुरंग सावंत, आरसेवाड यांच्या पथकाने आज दि. 29 एप्रील रोजी शिताफीने व सापळारचून खडकवाडी परिसरातून ताब्यात घेउन पुढील कारवाईस्तव शिराढोण पोलिस ठाणेच्या ताब्यात दिले आहे.

शासकीय कामात अडथळा निर्माण करून पुरावा नष्ट करणा-याविरूध्द पोलिसात गुन्हा दाखल

 भूम, दि. २९ :  

 दुधात भेसळ असल्याची माहिती मिळाल्यावरून अन्न सुरक्षा अधिकरी यांच्या पथकाने कारवाईसाठी गेले असता डेअरी मालकाने दुध ओतून दिले, पथकाने प्रयोग शाळेत तपासणीसाठी  घेतलेल्या दुधाचा नमु‍ना हिसकावून फेकून दिल्याने शासकीय कामात अडथळा निर्माण करून पुरावा नष्ट केल्याप्रकरणी दुध डेअरी मालकावर गुन्हा दाखल करण्यात आला आहे.   

 

 हिवर्डा ता. भूम येथील ‘जय भगवान दुध डेअरी’ या दुध संकलन केंद्रातील दुधात भेसळ असल्याच्या गोपनीय खबरेच्या आधारे अन्न सुरक्षा अधिकारी रेणुका पाटील या पथकासह दि. 28 एप्रील रोजी 08.30 वाजण्याच्या सुमारास नमूद दुध संकलन केंद्रात कारवाईकामी गेल्या असता दुध डेअरीचे मालक अर्जुन आजिनाथ मुंडे यांनी डेअरीमधील दुधाने भरलेले कॅन जमीनीवर ओतुन दिले. तसेच पथकाने प्रयोगशाळेत तपासणी साठी घेतलेल्या दुधाचा नमुनाही अर्जुन मुंडे यांनी हातातुन हिसकावुन घेवुन जमीनीवर ओतला. 

अशा प्रकारे अर्जुन मुंडे यांनी अन्न व औषध प्रशासन पथकाच्या शासकीय कर्तव्यात जाणीवपुर्वक अडथळा निर्माण करुन पुरावा नष्ट केला. यावरुन  रेणुका पाटील यांनी सरकारतर्फे दिलेल्या प्रथम खबरेवरुन भा.दं.सं. कलम- 353, 201 अंतर्गत गुन्हा नोंदवला आहे.

रुई (ढोकी) गावाला तहसीलदार यांनी भेट देवुन ग्रामपंचायतने केलेल्या उपाय योजनांची घेतली माहिती

उस्मानाबाद,दि.२९ : 
रूई (ढोकी) ता. उस्मानाबाद येथे  गुरुवार दि, २९  एप्रिल रोजी तहसीलदार गणेश माळी, गट विकास अधिकारी श्रीमती समृद्धी दिवाणे, सहाय्यक गटविकास अधिकारी सुरेश तायडे, विस्तार अधिकारी (आरोग्य)  मुळे यांनी भेट देऊन कोरोना संबंधी केलेल्या उपाययोजनाची माहिती घेवुन  कोरोना संबंधी प्रतिबंधात्मक   मार्गदर्शन केले.

 या अंतर्गत पुर्ण गावात सोडियम हायपोक्लोराईडची फवारणी करण्यात आली आहे. तसेच शिक्षक, अंगणवाडी कार्यकर्ती, आशा कार्यकर्ती, यांना प्रत्येकी 50 कुटुंब वाटप करून देऊन या कुटुंबाला रोज भेट देऊन त्यांची पल्स ऑक्सीमीटर व थर्मल स्कॅनरने तपासणी करून त्यांच्या नोंदी ठेवल्या जात आहेत. 

तसेच कोरोना पेशंट निघालेला भाग प्रतिबंधित करून तो परिसर सील केला आहे. या प्रमाणे कोरोना विषयी ग्रामपंचायतकडुन विविध  उपाय योजना केल्या आहेत. 

यावेळी सरपंच सौ. शीतल कांबळे, उपसरपंच दिपक घुटे, ग्रामसेवक श्रीमती दिपाली मोहिते, सदस्य अण्णासाहेब देटे, समुदाय आरोग्य अधिकारी श्रीमती भावना महाजन आदि  हजर होते.

राज्याचा औद्योगिक उत्पादन निर्देशांक तयार करण्यासाठी वेब पोर्टलचे अनावरण उपमुख्यमंत्री अजित पवार यांच्या हस्ते संपन्न

             

                          

उस्मानाबाद,दि.२९ :

 राज्यासाठी औद्योगिक उत्पादन निर्देशांक  तयार करण्यासाठी वेब पोर्टलचे उदघाटन महाराष्ट्र राज्याचे.उपमुख्यमंत्री तथा मंत्री, वित्त व नियोजन  अजित पवार यांच्या हस्ते  ऑनलाईन पध्दतीने संपन्न झाले. 

याप्रसंगी उदयोग मंत्री  सुभाष देसाई, नियोजन व वित्त राज्य मंत्री  शंभुराज देसाई, उदयोग राज्य मंत्री श्रीमती आदिती तटकरे, नियोजन विभाग व उदयोग विभागाचे अपर मुख्य सचिव, केंद्रिय सांख्यिकी कार्यालयाचे अधिकारी, उदयोग आयुक्त, अर्थ व सांख्यिकी संचालक, Industry Associates चे प्रतिनिधी, अर्थ व सांख्यिकी संचालनालय व उद्योग संचालनालयाचे सर्व अधिकारी ऑनलाईन उपस्थित होते. 

राज्याच्या औद्योगिक विकासाचे उद्दिष्ट साध्य करणे, राज्याचे औद्योगिक धोरण निश्चीत करणे, औद्योगिक विकासाच्या योजना ठरविणे यासाठी औद्योगिक क्षेत्रातील चढउताराचे मोजमाप आवश्यक असते. महाराष्ट्र हे देशातील औद्योगिकदृष्टया अग्रेसर राज्य असून देशाच्या औद्योगिक उत्पादनामध्ये तसेच एकूण उत्पन्नामध्ये राज्याचा हिस्सा मोठा आहे. 

सदर निर्देशांक राष्ट्रीय तसेच राज्यस्तरीय उत्पन्न काढणे, देशातील/राज्यातील औद्योगिक प्रगती मोजणे यासाठी तसेच नियोजन करण्याच्या उद्देशाने शासनास अत्यंत उपयुक्त आहे. उद्योग जगतास, याक्षेत्रातील संशोधन तसेच उत्पादन करण-या संस्था यांना नेहमी याची आवश्यकता भासते. केंद्रिय सांख्यिकी कार्यालयाने दिलेल्या मार्गदर्शक सूचनाप्रमाणे महाराष्ट्र शासनाने नियोजन विभागाच्या अधिपत्याखालील अर्थ व सांख्यिकी संचालनालय, व उद्योग विभागाच्या अधिपत्याखालील उद्योग संचालनालय, यांच्या संयुक्त विद्यमाने राज्यासाठी औद्योगिक उत्पादन निर्देशांक तयार करण्यासाठी वेब पोर्टल तयार करण्यात आले आहे. राज्यामधील निवडलेल्या 568 कारखान्यांकडून दरमहा विहित कालावधीत माहिती या वेब पोर्टलवर नोंद करण्याची जबाबदारी उद्योग संचालनालयाच्या महाव्यवस्थापक, जिल्हा उदयोग केंद्र यांचेवर सोपविण्यात आली आहे. माहितीवर संस्करण करून राज्याच्या औद्योगिक उत्पादन निर्देशांक अर्थ व सांख्यिकी संचालनालय प्रकाशित करणार आहे. 

तुळजापूर : रखडलेल्या आॕक्सिजन लाईनचे काम तात्काळ पुर्ण करण्याच्या मागणीसाठी राष्ट्रवादीची जिल्हाधिकारी यांच्याकडे धाव

 

तुळजापूर,दि.२९ :  

गुरुवार  दि.२९ रोजी

शहर व ग्रामीण भागात सर्वञ  कोरोनाचा प्रादुर्भाव मोठया प्रमाणावर वाढताना दिसत आहे. त्यामुळे  कोरोना रूग्णांची संख्याही वाढत असल्याने तुळजापूर येथे  उपजिल्हा रुग्णालयात आँक्सिजन बेड कमी पडत आहेत, त्या दृष्टीने 124 कोविड सेंटर येथे आँक्सिजन सेंटर लाईन टाकून झाली आहे, परंतु पुढील काम  रखडलेले असुन ते काम तातडीने पूर्ण करण्याबाबत सबंधिताना तात्काळ सूचना द्याव्यात, अशी मागणी राष्ट्रवादीच्यावतीने जिल्हाधिकारी  यांच्याकडे निवेदनाव्दारे करण्यात आली आहे.

ऑक्सिजन प्लांट टेंडर प्रक्रिया लवकर पूर्ण करावी व श्री तुळजाभवानी मंदिर संस्थानच्या वतीने  रेमडिसीविर इंजेक्शन खरेदी करण्यात यावीत या मागणीचे निवेदन जिल्हाधिकारी  कौस्तुभ दिवेगावकर यांना  दिले.

यावेळी राष्ट्रवादी तालुका अध्यक्ष धैर्यशील  पाटील, शहराध्यक्ष अमर  चोपदार , युवक तालुकाध्यक्ष संदीप गंगणे,माजी पंचायत समिती सदस्य अच्युत वाघमारे,गणेश नन्नवरे यांच्या सह्या आहेत.

माकणी ग्रामपंचायत कार्यालय अंतर्गत कोविड आयसोलेशन केंद्राचे शुभारंभ

लोहारा , दि.२९

माकणी ता. लोहारा  येथील बी.एस.एस. महाविद्यालयात "संस्थात्मक विलगिकरन" सेंटरचे मान्यवरांच्या हस्ते  उद्घाटन करण्यात आले. 

दिवसेंदिवस कोरोना विषाणूचा प्रादुर्भाव वाढत असल्याने लोहारा तालुक्यातील माकणी ग्रामपंचायत तसेच प्राथमिक आरोग्य ‌ केंद्र  यांनी हा उपक्रम हाती घेतला. संपूर्ण तयारीसह  उद्घाटन करण्यात आले. 

यावेळी  तहसीलदार संतोष रुईकर, गटविकास अधिकारी एस.ए.अकेले, तालुका आरोग्य अधिकारी डॉ.अशोक कटारे, स्पर्श ग्रामीण रुग्णालयाचे व्यवस्थापक डॉ.रमाकांत जोशी,  आरोग्य अधिकारी डॉ संतोष मनाळे,   सरपंच विठ्ठल साठे, उपसरपंच वामन भोरे, किशोर साठे, ज्ञानदेव सुरवसे,  सरदार मुजावर, विश्वनाथ पत्रिके, अदिजण उपस्थित होते. 

ग्रामीण भागात स्वतंत्र खोली, स्वच्छतागृह, प्रसाधनगृह अशी सुविधा बऱ्याचदा उपलब्ध नसते. त्यामुळे गृहविलगीकरन केले असता कुटुंबातील सदस्यांना कोरोनाची बाधा होऊ शकते. तसेच काही रुग्ण गृहवीलगिकरन घेऊन बाहेर पडले तर इतर नागरिकांना बाधा होऊ शकते. त्याअनुषंगाने संस्थात्मक विलगिकरन हा उत्तम पर्याय होऊ शकतो. माकणी येथील कॉलेजमध्ये सध्या एकूण २५ रुग्णांना ठेवण्याची सुविधा उपलब्ध करण्यात आली आहे. बांधित झालेला प्रत्येक रुग्ण हा आधी  लोहारा येथे दाखल करण्यात येणार आहे. त्यानंतर रुग्णाचे रक्ताचे रिपोर्ट नॉर्मल असतील आँक्सिजन चे प्रमाण नॉर्मल असेल तसेच कोविडची लक्षणे नसतील व प्रकृती स्थिर असेल अश्याच रुग्णांना संस्थात्मक विलगिकरनामधे ठेवण्यात येणार आहे.

 

अणदुर गावातून कोरोनाला हद्दपार करू व "माझे गाव-कोरोना मुक्त गाव" करण्याकरिता सहकार्य करण्याचे सरपंच आलुरे यांचे आवाहन

नळदुर्ग, दि.२९ :

शासकीय नियमाचे पालन करुन

सर्वांनी मिळून गावातून कोरोनाला हद्दपार करू व "माझे गाव-कोरोना मुक्त गाव" करण्याकरिता सहकार्य करण्याचे आवाहन अणदुर   ता.तुळजापूर येथिल ग्रामपंचायत   सरपंच रामचंद्र  आलुरे यांनी केले आहे.

 अणदूर ग्रामपंचायतच्या वतीने नागरिक,व्यापारी ,युवकाना आवाहन करण्यात आले आहे की, सर्वञ  दिवसेंदिवस कोरोनाचा प्रादुर्भाव  वाढत आहे. उस्मानाबाद जिल्ह्यात दररोज ५०० पेक्षा अधिक  रुग्ण संख्या होत आहे.

आपल्या गावातही दररोज रुग्ण सापडत  असुन रुग्ण वाढीला आपणच जबाबदार आहोत.वेळोवेळी प्रशासनाने घालून दिलेले नियम  मोडत चाललो आहोत, याचाच परिणाम आहे. त्यामुळे पुढील काळात नियमांचे पालन करून सहकार्य करण्याचे आवाहन केले आहे.

सर्वांनी शासनाने घालुन दिलेल्या नियमावलीचे काटेकोरपणे पालन करणे गरजेचे आहे, ग्रामपंचायत कार्यालयाने वेळोवेळी जाहीर केलेल्या आवाहनास प्रतिसाद द्यावा,कोणताही आजार लपवू नये तात्काळ डॉक्टरांशी संपर्क करून योग्य उपचार घ्यावेत, सर्वांनी आपले व आपल्या कुटूंबातील जेष्ठ व्यक्तींना कोविड १९ प्रतिबंधक लसीकरण करून घ्यावे,सर्वांनी  कुटुंबाच्या आरोग्याची काळजी घ्यावी,कामाशिवाय घराबाहेर पडू नये,सार्वजनिक ठिकाणी वावरताना व घरातुन बाहेर पडताना मास्क लावावे व शारीरिक अंतर बाळगावे ,बाहेरुन आल्यावर हात-पाय साबणाने स्वच्छ धुवावेत, गावात अंत्यविधी असल्यास जास्तीची गर्दी करू नये ,आपण आहोत तेथूनच श्रद्धांजली अर्पण करावी असेही आवाहन आलुरे यानी केले आहे.  

नळदुर्ग : येथे सुरु होणा-या कोविड सेंटरप्रकरणी प्रशासकीय अधिका-यांनी भेट देवून घेतला आढावा

नळदुर्ग, दि.२८ :  

 नळदुर्ग येथे सुरू करण्यात येणा-या कोविड केअर सेंटरचे काम प्रगती पथावर असून बुधवार दि. 28 एप्रिल रोजी  प्रशासकीय अधिका-यांनी नळदुर्गला भेट देवून  पाहणी केली. 

 कोविड केअर सेंटर सुरु होणार असल्याने नळदुर्ग शहरासह परिसरातील रुग्णांची मोठी सोय होणार आहे. कोरोना संसर्गाची सौम्य लक्षणे असलेल्या बाधित रुग्णांवर या ठिकाणी उपचार करण्यात येणार  असल्याची माहिती सुञानी दिली..

नळदुर्ग तुळजापूर रस्त्यालगत असलेल्या सामाजिक न्याय विभागाच्या डॉ.बाबासाहेब आंबेडकर वसतिगृहामध्ये  ८० खाटांचे कोविड केअर सेंटर सुरू करण्याचा निर्णय घेतला आहे. बुधवार पर्यंत ५० बेड उपलब्ध करण्याची जबाबदारी तहसीलदार व मुख्याधिकारी यांना देण्यात आली होती. उर्वरित ३० बेडची सोय आवश्यकतेनूसार करण्यात येणार आहे. तसेच आमदार राणाजगजितसिंह पाटील यांच्या  निधीमधून   नळदुर्ग नगरपालिकेला यापूर्वी देण्यात आलेली रूग्णवाहिका याठिकाणी ठेवण्यात येणार आहे. 

या अनुषंगाने बुधवार रोजी पूर्व तयारीची पाहणी करण्यासाठी  तुळजापूरचे  तहसीलदार सौदागर तांदळे,  सहाय्यक पोलिस निरीक्षक जगदीश राऊत, कार्यालयीन अधिक्षक लक्ष्मण कुंभार, मुख्याधिकारी लक्ष्मण राठोड, पंचायत समिती सभापती भिवाजी इंगोले, रुग्ण कल्याण समिती सदस्य आनंद कंदले आदींनी भेट देऊन आढावा घेतला व कामास गती देण्याची सूचना केली. 

नळदुर्ग : पोलिस व पत्रकारांची आरोग्य तपासणी करुन दिले मोफत सँनिटायझर व मास्क

नळदुर्ग ,दि.२८ : एस.के.गायकवाड

कोरोनाच्या पार्श्वभूमीवर नळदुर्ग  येथे डॉ. भरत मंगरुळे यांनी  मुलाच्या वाढदिवसानिमित्त   पत्रकार व  नळदुर्ग पोलीस ठाण्यातील पोलीस कर्मचारी यांची मोफत आरोग्य तपासणी करून त्यांना सँनिटायझर व मास्कचे  वाटप केले.

 वाढदिवस म्हटलं की केक ,फटाक्यांची आतिषबाजी ,पार्टी , वगेरे कार्यक्रम केले जातात. माञ डॉ. मंगरूळे यांनी सध्याच्या परिस्थितीचे गांभीर्य ओळखून या सर्व प्रकाराला फाटा देऊन कोरोना विषाणूचा प्रादुर्भाव रोखण्यासाठी केल्या जाणाऱ्या उपाय योजनाची अमलबजावणी करण्याच्या द्दष्टीने   पत्रकार व पोलीस कर्मचा-यांची  मुलगा भाग्यराज  यांच्या वाढदिवसानिमित्त मोफत आरोग्य तपासणी करून त्यांना मोफत सँनिटायझर व मास्कचे वाटप केले. 

 याप्रसंगी  साहय्यक पोलिस निरीक्षक  जगदीश राऊत ,पत्रकार विलास येडगे, सचिन गायकवाड, लतिफा शेख, किशोर धुमाळ, दादासाहेब बनसोडे, भैरवनाथ कानडे, भगवंत सुरवसे, एस.के.गायकवाड,  मारूती बनसोडे,  धर्मराज देडे,आनंद पुदाले ,सचिन टेकाळे,आदी उपस्थित होते.

अर्थिक व्यवहारावरून दोघांनी दगड ,काठीने मारून केले तिघांना गंभीर जखमी

 ढोकी, दि.२८ :  

अर्थिक व्यवहाराच्या कारणावरून बाप लेकांनी तिघांना दगड, काठीने मारून गंभीर जखमी करून जीवेमारण्याची धमकी दिल्याप्ररिणी ढोकी पोलिसात गुन्हा नोंद करण्यात आला आहे. 

जागजी तांडा, ता. उस्मानाबाद येथील उत्तम व पवन उत्तम राठोड या दोघा पिता- पुत्रांनी आर्थिक व्यवहाराच्या कारणावरुन दि. 27 एप्रील रोजी 11 वा. सु. तांड्यातील- मनिषा सुर्यकांत राठोड यांसह केशव राठोड, रेश्मा राठोड या तीघांना शिवीगाळ करुन लाथाबुक्क्यांनी, दगड, काठीने मारहाण करुन जखमी केले व ठार मारण्याची धमकी दिली. अशा मजकुराच्या मनिषा राठोड यांनी दिलेल्या प्रथम खबरेवरुन भा.दं.सं. कलम- 324, 323, 504, 506, 34 अंतर्गत गुन्हा नोंदवला आहे.

मध्यरात्री तरूणाने घरात घुसून मोबाईलसह रोख 60 हजार रूपयेवर मारला डल्ला

 कळंब, दि.२८ :   

एका तरूणाने रात्रीच्या वेळी भिंतीवरून उडी मारून घरात घुसून मोबाईल व रोख रक्कम 60 हजार रूपये चोरून नेल्याची तक्रार पोलिसात दिल्यावरून  एका विरूध्द गुन्हा दाखल करण्यात आला आहे. हि घटना दि. 27 एप्रिल रोजी पहाटेपूर्वी कोठाळवाडी ता. कळंब येथे घडली आहे. 

 परमेश्वर वसंत कोठावळे, रा. कोठाळवाडी, ता. कळंब हे दि. 26- 27 एप्रील रोजी रात्री 22.00 ते 00.30 वा. चे दरम्यान घरात झोपलेले असतांना गावातीलच राहुल नावाच्या तरुणाने त्यांच्या घराच्या भिंतीवरुन आत उडी मारुन घरातील भ्रमणध्वनी व खुंटीला अडकवलेल्या पिशवीतील रोख रक्कम 60,000  चोरुन नेली. अशा मजकुराच्या परमेश्वर कोठावळे यांनी दिलेल्या प्रथम खबरेवरुन भा.दं.सं. कलम- 380 अंतर्गत गुन्हा नोंदवला आहे.

सव्वा लाख रुपये किंमतीचा हरभरा बीज प्रक्रीयेच्या 32 पोती अज्ञात चोरट्याने केल्या लंपास

उस्मानाबाद, दि.२८ :  

गोडावुनच्या पाठीमागुन पञा उचकटुन अज्ञात चोरट्याने हरभरा बीज प्रक्रीयेच्या ‘जॅकी’ या वाणाची 32 पोती किंमत.अंदाजे  सव्वा लाख रुपयेचा चोरुन नेल्याने खळबळ उडाली आहे. 

ढोकी, ता. उस्मानाबाद येथील आर.के. गुदामाच्या पाठीमागील बाजूचा पत्रा अज्ञात व्यक्तीने दि. 26 एप्रील रोजीच्या रात्री 01.00 ते 03.00 वा. चे दरम्यान उचकटून हरभरा बीज प्रक्रीयेच्या ‘जॅकी’ या वाणाची 32 पोती (किं.अं. 1,25,000 ₹) चोरुन नेली. यावरुन बीज प्रक्रीया केंद्र अभियंता- पंडीत विश्वनाथ जाधवा यांनी दि. 27 एप्रील रोजी सरकारतर्फे दिलेल्या प्रथम खबरेवरुन भा.दं.सं. कलम- 461, 380 अंतर्गत गुन्हा नोंदवला आहे.

आमदार सावंत यांच्या ऑक्सिजन मदतीमुळे आरोग्य वाहिनीला मिळाली नवसंजिवनी

उस्मानाबाद दि.२८ :

 जिल्ह्यात कोरोना विषाणूंच्या संक्रमणामुळे जिल्हावासिय त्रस्त झाले असून या रुग्णांना ऑक्सिजनसह इतर सोयीसुविधे अभावी विविध अडचणींचा सामना करावा लागत आहे. तर काही रुग्ण दगावले देखील आहेत. ही बाब ओळखून   शिवसेनेचे उस्मानाबाद जिल्हा संपर्कप्रमुख तथा माजी मंत्री, आ. प्रा‌. तानाजीराव सावंत यांनी उस्मानाबाद येथील जिल्हा शासकीय रुग्णालयास तात्काळ ५ जम्बो ड्युरा ऑक्सीजन सिलेंडर उपलब्ध करून दिले.

 लोकसेवकाची जबाबदारी खऱ्या अर्थाने  निभावण्याचे काम केले आहे. त्यांच्या ऑक्सिजन उपलब्ध करून देण्याच्या योगदानामुळे जिल्ह्यातील आरोग्य यंत्रणेला एक प्रकारे नवसंजीवनी मिळाली आहे.

आ. तानाजीराव सावंत यांनी जिल्हा शासकीय रुग्णालयास भेट देऊन रुग्णांची विचारपूस करीत अत्यावश्यक असलेले ५ जंबो ड्युरा ऑक्सीजन सिलेंडर दि.२७ एप्रिल रोजी उपलब्ध करून देत ते तात्काळ कार्यान्वित करण्यासाठी स्वतः  पुढाकार घेऊन व जिल्हाधिकारी कौस्तुभ दिवेगावकर यांना सोबत घेऊन जोडणी करुन त्याचा उपयोग
कोरोनाग्रस्त रुग्णांसाठी सुरु केला आहे. त्यामुळे रुग्णावर आलेले भयानक मोठे संकट निवारण्यासाठी महत्त्वपूर्ण भूमिका निभावली आहे.  जिल्हावासियांच्या मदतीसाठी आ. तानाजीराव सावंत हे सक्रिय झाले असून त्यांनी जिल्ह्याच्या विविध भागात दौरा करून आढावा बैठका घेत शासकीय यंत्रणेला सतर्क करीत अत्यावश्यक लागणाऱ्या सर्व मदतीसाठी मी कुठेही कमी पडणार नाही, असे सांगत त्यांनी कार्यकर्त्यांना देखील संकटग्रस्तांच्या मदतीला धावून जाण्यासाठी आवश्यक ते बळ देण्याचे आश्वासन दिले आहे. 

विशेष म्हणजे कोरोना विषाणूच्या संक्रमणामुळे अनेक रुग्णांना ऑक्सिजन अभावी विविध संकटाचा सामना करावा लागत आहे. त्यामुळे ऑक्सिजनचा प्रश्न मार्गी लावण्यासाठी स्वनिधीतून ५ जम्बो ऑक्सीजन सिलेंडर उपलब्ध करून दिले आहेत.  सावंत यांचे हे काम अतिशय नियोजनबद्ध असून ते आपत्तीच्या काळात जिल्हावासियांच्या मदतीला धावून आले असल्यामुळे त्यांचे काम फार दिलासादायक ठरु लागले आहे. यावेळी माजी आमदार ज्ञानेश्वर पाटील, शिवसेना जिल्हा संघटक तथा जिल्हा परिषदेचे कृषी व पशुसंवर्धन सभापती दत्ता साळुंके, नगरसेवक सुरज साळुंके, जिल्हा परिषदेचे माजी उपाध्यक्ष संजय पाटील दुधगावकर, काँग्रेसचे जिल्हा संघटक राजाभाऊ शेरखाने, जिल्हा शल्यचिकित्सक डॉ डी.के. पाटील, जिल्हा आरोग्य अधिकारी डॉ. एच. व्ही. वडगावे आदीसह पदाधिकारी उपस्थित होते.

तुळजापुर शहरातील विद्यार्थी एमबीबीएस परीक्षेत यश मिळविल्याबद्दल गौरव

 

तुळजापूर , दि.२८ : 

तुळजाई नागरी सहकारी पतसंस्था व तुळजाई  परिवार तुळजापुर (खुर्द ) यांच्यावतीने एमबीबीएस परीक्षेत  यश मिळविल्याबद्दल  डाॅ.अनिकेत अदिनाध  ठेले,  डाॅ.सौरभ सुनिल  मस्के , डाॅ संग्राम प्रशांत  अपराध आदीचा पतसंस्थेच्या वतीने देवीची प्रतिमा व सन्मान  चिन्ह  देऊन गौरवण्यात आले. 

याप्रसंगी  पतसंस्थे अधक्ष  पंडीत जगदाळे , उपअधक्ष   राजाभाऊ देशमाने , प्रा. निलेश एकदंते  व एमबीबीएस परीक्षेत यश प्राप्त केलेल्या  विद्यार्थीचे पालक  अदिनाध ठेले,  प्रशांत अपराध , सुनिल मस्के व पतसंस्थे सर्व कर्मचारी उपस्थित  होते.

डाॅ अनिकेत अदिनाध ठेले हा तुळजापुर खुर्द येथील नगरपरिषद क्रमांक 3 चा विद्यार्थी असुन अत्यंत प्रतिकूल परिस्थितीत  यश संपादन केले. 

गोंधळी समाजाच्या वतीने कोव्हीड सेन्टर मधील रुग्ण व कर्मचाऱ्यांना फळे वाटप

तुळजापूर,  दि. २७ :

अखिल भारतीय गोंधळी समाज संघटनेच्या वतीने तुळजापूर शहरातील १२४ कोविड सेंटर येथे मंगळवारी  २०० कोविड  रुग्णांना व २५ कर्मचाऱ्यांना फळ आहार (चिंकू-केळी) वाटप करण्यात आले.

यावेळी अखिल भारतीय गोंधळी समाज संघटनेचे  जिल्हा अध्यक्ष राजेंद्र गायकवाड (गोंधळी), जिल्हा उपाध्यक्ष संतोष भोरे,युवा आघाडी जिल्हा अध्यक्ष श्रीकांत रसाळ, तुळजापूर तालुका अध्यक्ष अनंत रसाळ, युवा आघाडीजिल्हा कार्याध्यक्ष  विजय मोरे, युवा आघाडी तालुका उपाध्यक्ष रविकिरण साळुंके, प्रकाश दबडे तसेच कोविड सेंटरचे इनचार्ज डॉ. अभिजीत झाडे, घुगे ,अंबुरे, हिरवे, महेश अडसूळ, अक्षय जगताप व कोविड सेंटरचे स्टाफ नर्सिंग कर्मचारी उपस्थित होते.

या आपत्तीच्या काळात गोंधळी समाजाच्या  वतीने छोटीशी मदत करण्याचा प्रयत्न केला आहे, अशी माहिती जिल्हा अध्यक्ष राजाभाऊ गायकवाड यांनी दिली.

वडाचा तांडा येथे संसर्गजन्य कोरोना विषाणूबाबत मास्क सॅनिटायझरचे वाटप, उपाय योजना संदर्भात गावकऱ्यांमध्ये जनजागृती

नळदुर्ग , दि. २८ : 

तुळजापूर तालुक्यातील वडाचा तांडा याठिकाणी  संसर्गजन्य  कोरोना  विषाणूबाबत  गावात मास्क आणि सॅनिटायझरचे वाटप करून पुढील उपाययोजना संदर्भात गावकऱ्यांमध्ये जनजागृती करण्यात येत आहे.

 माझे गाव कोरोनामुक्त गाव अंतर्गत गावतील प्रत्येक कुटुंबातील सदस्यांचे ऑक्सिजन प्रमाण आणि शरीरातील तापमानाच्या नोंदी घेतल्या जात आहेत.

तसेच गावाबाहेर जाणा-या व येणा-या नागरिकावर लक्ष  ठेवून त्यांना समुपदेशन करण्यात येत आहे.

 गेल्या 13 महिन्यात गावात 1 ही रुग्ण नव्हता पण काल दि .२७ एप्रिल  रोजी एक रुग्ण सापडल्याने गावातील नागरिकांना तात्काळ मास्क आणि सॅनिटायझरचे वाटप करून पुढील उपाययोजना आणि लसीकरण बाबत जनजागृती करण्यात आली.

 यावेळी सरपंच सौ विजया चव्हाण, उपसरपंच निमबाई राठोड, ग्रामसेवक अवय्या सी आर, सदस्य लखन चव्हाण, ललिता चव्हाण,चांगुणा चव्हाण,  मुख्याध्यापक बी के भोसले, कदम सर,आशा कार्यकर्ती बबिता राठोड, अंगणवाडी सेविका सूर्यवंशी ,विकास चव्हाण, जाधव  आदीनी पुढाकार  घेतले.

नळदुर्ग : नगरपालिकेसमोरचे उपोषण कोरोनामुळे स्थगित; बिल न मिळल्यास पुन्हा न.प समोर उपोषणचा ठेकेदारचा इशारा

नळदुर्ग,दि.२८ :  सुहास येडगे

 केलेल्या कामाच्या बिलाची आदाई करण्यात यावी या मागणीसाठी नगरपालिकेसमोर करण्यात येणारे उपोषण कोवीड १९ च्या पार्श्वभूमीवर तात्पुरते स्थगित करण्यात आले असून या नंतर कामाच्या बिलाची आदाई नाही केल्यास  नगरपालिकेसमोर उपोषण करण्यात येणार आसल्याचे ठेकेदार दत्ताञ्य  मुळे  यानी नगपालिकेला दिलेल्या निवेदनात म्हटले आहे.

शहरातील राष्ट्रीय महामार्ग ते कुरेशी गल्ली मार्गे मराठा गल्ली पर्यंत रस्त्याचे डांबरीकरण व नाली बांधकाम करण्यात आले आहे, या रस्त्याचे काम होवून दोन तीन वर्षे झाली आहे. पंरतु या कामाच्या ठेकेदाराला आदयाप पर्यंत कामाचे बिल मिळाले नाही. त्यामुळे संबंधीत ठेकेदाराने  निवेदनाव्दारे दि. २६ एप्रील २०२१ रोजी बिलाची आदाई करण्यात यावी, या मागणीसाठी संबंधीत ठेकेदारांडून पालिके समोर उपोषण करण्यात येणार आसल्याचे सांगितले होते. 

मात्र सध्या शहर व परिसरात कोरोना विषाणूचा वाढता प्रभाव पाहता हे उपोषण करणे योग्य नसल्याने दि. २६ एप्रील रोजी करण्यात येणारे उपोषण तुर्त स्थगीत करण्यात आले आहे.

 मात्र यानंतर पालिकेने सदरील कामाचे बिल देवून माझी उपासमार टाळावी अशी मागणी ही संबंधीत ठेकेदाराने केली आहे. अन्यथा  केलेल्या कामाच्या बिलाची आदाई करण्यात यावी म्हणून पुन्हा उपोषण करावे लागणार आहे. असे ठेकेदार दत्ताञ्य  मुळे यांनी पालिकेला दिलेल्या निवेदनात म्हटले आहे.

अणदूर येथे भगवान महावीर यांची जयंती साजरी

नळदुर्ग ,दि. २७ : 

तुळजापूर तालुक्यातील अणदूर येथे  भगवान महावीर दिगंबर जैन मंदिरात जैन धर्माचे २४ वे तीर्थंकर भगवान महावीर यांचा २६२० वे जन्मकल्यानक महोत्सव कोरोना नियमांचे काटेकोर पालन करून उत्साहात साजरा करण्यात आला.

अणदुर ता.तुळजापूर  रविवारी  दि.२५ सकाळी भगवंताच्या मूर्तीस प्रक्षाळ अभिषेक करण्यात आला. त्यानंतर सकाळी नऊ वाजता भगवंताना महाअभिषेक व महाशांतिधरा करण्यात आली. गावातील मिरवणूक रद्द करून या वेळी भगवंताच्या प्रतिमेची मंदिरामध्येच चार श्रावकांनी प्रतीकात्मक मिरवणूक काढली. अहिंसा, सत्य, अस्तेय, अपरिग्रह, ब्रह्मचर्य हे पंचतत्व जगाला देणारे भगवान महावीर यांच्या गुणांना स्मरून ते आत्मसात करणे, ही काळाची गरज बनली आहे. कोरोनासारख्या महामारीमध्येही भगवान महावीरांची शिकवण जगाला या संकटातून बाहेर काढण्यास सक्षम आहे. गरज आहे ती त्यांच्या गुणांना व शिकवणीला समजून घेऊन आत्मसात करण्याची, असा संदेश या वेळी देण्यात आला.

 सरपंच रामचंद्र आलुरे यांच्या हस्ते भगवंताच्या प्रतिमेचे पूजन व आरती करण्यात आली. या कार्यक्रमास जैन समाज बांधव आपल्या घरातूनच ऑनलाइनद्वारे जयंती कार्यक्रमाचा लाभ घेतला.

सांगवी मार्डी येथे आयोजित शिबीरात २० दात्यानी केले रक्तदान

तुळजापूर, दि.27 

तुळजापूर तालुक्यातील सांगवी मार्डी येथे हिंदुराष्ट्र सेना श्री शिव प्रतिष्ठानच्यावतीने छत्रपती शिवाजीमहाराज यांच्या पुण्यतिथी निमित्त आयोजित रक्तदान शिबीरात 20 दात्यांनी रक्तदान केले.  

 यावेळी महेश बागल, अनिल पवार, आदिनाथ पवार, रोहित बागल , मेघराज बागल, अशोक बागल, अतुल बागल, अविनंद गायकवाड, विलास गायकवाड, महेश गायकवाड, बालाजी कोकाटे, ज्ञानेश्वर कोकाटे, गणेश भोसले, योगेश काळे, सागर बागल, रोहन कांबळे, लक्षम्ण क्षीरसागर आदी उपस्थित होते.

जळकोटवाडीत कोरोनाबाबत ग्रामस्थामध्ये जनजागृती

नळदुर्ग,दि.२७ :   

जळकोटवाडी (नळ ) ता. तुळजापूर  या गावामध्ये  कोरोनाच्या प्रादुर्भावबाबत   जनजागृती करण्यात येत  असुन प्रतिबंधात्मक उपाय सांगण्यात येत असल्याची माहिती संरपंच शिवाजीराव कदम यानी दिली. 

 तुळजापूर तालुक्यातील  जळकोटवाडी (नळ)  या गावची लोकसंख्या  दोन हजारापेक्षा अधिक असून  याठाकाणी चारशे कुटुंब आहेत.

शहरी भागाबरोबरच ग्रामिण भागात कोरोनाचा संसर्ग वाढत असल्यने खबरदारी म्हणुन गावात सर्वेक्षण करुण ग्रामस्थात जागृती करण्यात येत आहे.

 जळकोटवाडीत कोरोना संसर्ग होऊ नये म्हणून सरपंच , शालेय व्यवस्थापन समिती, शिक्षक, अंगणवाडी कार्यकर्ती, आशा कार्यकर्ती प्रत्येकांच्या घरी जाऊन जनजागृती करत आहेत. आजाराविषयी लक्षणे जाणवताच वेळीच तपासणी करून घ्यावी, असे आवाहन करीत आहेत. मास्कचा नियमित वापर करणे, सोशल डिस्टन्स पालन करणे, सॅनिटायझरचा वापर करणे, वेळोवेळी हात धुणे, ४५ वर्षांवरील वयोगटातील नागरिकांनी लस घ्यावे, असे सांगून रोगप्रतिकारशक्ती गोळ्याचे वाटपही करण्यात आले. यावेळी सरपंच शिवाजी कदम, मुख्याध्यापक उमेश भोसले, पोलिस पाटील देविदास चव्हाण, शासकीय व्यवस्थापन समितीचे अध्यक्ष नागनाथ पवार, अशोक राठोड उपस्थित होते.